برسات

برکھا آئی بادل آئے		اوڑھے کالے کمبل آئے
ٹھنڈی ٹھنڈی آئیں ہوائیں		کالی کالی چھائیں گھٹائیں
بدلی آئی شور مچاتی		بھیگے بھیگے نغمے گاتی
باغوں میں سبزہ لہرایا		پھولوں کلیوں میں رس آیا
موتی بادل نے برسائے		پتوں نے دامن پھیلائے
پھول کھلے کلیاں لہرائیں		کونپلیں پھر شاخوں میں آئیں
بادل گرجا بجلی چمکی		آئی صدا رِم جِھم رِم جِھم کی
یہ ٹھنڈا دن رات کا عالم		یہ پیارا برسات کا عالم
̶ سیماب اکبرآبادی اساتذہ کے لیے ہدایات: بچوّں سےموسموں پر گفتگو کروائی جائے۔ انھیں کون سا موسم پسند ہے، اس پر لکھنے کی ترغیب دی جائے۔

مشق

پڑھیے اور سمجھیے

.1 بادل اکثرکِس موسم میں آتے ہیں ؟

.2 رِم جِھم کی صدا کب آتی ہے ؟

.3 کونپلیں کِس پر آتی ہیں؟

.4 آپ کو کون سا موسم پسند ہے اور کیوں ؟

.5 برسات کے موسم میں بارش سے بچنے کے لیے باہر کیا کیالے کر جاتے ہیں؟

.6 نظم میں آئے درخت کے الگ الگ حصوں کے نام لکھیے۔

.1 آئی بادل آئے

.2 کالی کالی چھائیں

.3 بادل نے برسائے

.4 کونپلیں پھر میں آئیں

.5 یہ پیارا برسات کا

مثال کے مطابق لفظوںکو بدل کر لکھیے

مثال : گھٹا گھٹائیں گھٹاؤں

.1 ہوا ........ ........

.2 فضا ........ ........

.3 صدا ........ ........

.4 ادا ........ ........

.5 خطا ........ ........

نیچے کچھ ہم آواز الفاظ دیے گئے ہیں۔ آپ بھی نظم سے ایسے دو-دو لفظ تلاش کرکے لکھیے

ہوائیں گھٹائیں

گاتی مچاتی

............. .............

............. .............

دی ہوئی تصویر میں جو چیزیں نظر آ رہی ہیں، ان کےنام لکھیے

1. ..........

2. ..........

3. ..........

4. ..........