ہم اپنے آس پاس مختلف قسم کی اشیا دیکھتے ہیں۔ ہم انھیں سجاوٹ میں، کام میں، تعلیم میں، اسکول میں، گھر میں روزانہ استعمال کرتے ہیں۔ ان اشیا کے منفرد ڈیزائن ہیں اور بہت سے مختلف سامانوں سے بنائی جاتی ہیں۔
اس باب کے آخر تک، آپ ڈرائنگ کرنے، رنگ بھرنےاور مٹّی کا کام کرنے کے لائق ہوجائیں گے۔ اس سے آپ مختلف شکلوں،صورتوں، رنگوں اور اشیا کے مواد کو بھی سراہیں گے اور سمجھیں گے۔
اپنے آس پاس کی کچھ چیزوں کو چھو کر دیکھیں ان کی لکیروں، شکلوں اور رنگ کا مشاہدہ کریں۔
اپنے گھر کے ارد گرد دیکھیں اور مختلف صورت اور شکل کی اشیا تلاش کریں۔ ان میں سے کچھ کی تصویر بنائیں اور رنگ بھریں۔
ان اشیا کا استعمال (درجِ ذیل کاموں میں) کیا جا سکتا ہے:
• کھانا بنانے کے لیے
• کام کرنے کے لیے
• مطالعہ کرنے کے لیے
• سونے کے لیے
• کھیلنے کے لیے
کچھ لائنیں بنائیں اور کچھ میں رنگ بھریں۔
اپنےہم جماعت طلبا کے ساتھ (اپنی ڈرائنگ پر) تبادلہ خیال کریں ۔
سرگرمی3 ٹریس، کٹ اور اوورلیپ
یہ سرگرمی کسی بھی تین مختلف طرح کی اشیا جیسے پتّیاں، چھوٹے سامان اور ناہموار شکلوں کے ساتھ کی جاسکتی ہے۔
مرحلہ 1
کوئی بھی تین اشیا منتخب کریں اور ان کی تصویر بنایئے۔
مرحلہ 2
اپنی تصویروں کے اوپر ٹریسنگ پیپر رکھ کر ان تینوں شکلوں کا الگ سے خاکہ تیار کریں۔
مرحلہ3
تینوں اشیا پر کی گئی ٹریسنگ کو کاٹ لیں۔
مرحلہ4
کسی ڈرائنگ پیپر پر پہلے کٹ آوٹ کا خاکہ ٹریس کریں۔
استاد کے لیے یاد ہانی ٹریسنگ میں بازو کی حرکت درکار ہے۔ اس سے پنسل پر گرفت بہتر ہوتی ہے۔ لیپنگ نئی تصویر بنانے میں مد د گار ہوتی ہے اورنئے رنگوں کی تخلیق میں مدد ملتی ہے۔
مرحلہ 5
دوسرے کٹ آئوٹ کو تھوڑا اورلیپ کرتے ہوئے پہلے والے کٹ آئوٹ پر رکھیں ۔
اب اس کی آئوٹ لائن بنائیں
مرحلہ 6
دونوں چیزوں کا اور لیپ کرتے ہوئے تیسرا کٹ آوٹ اوپررکھیں اور خاکہ بنائیں۔
واہ! آپ نے ایک نئی شکل بنا دی۔
مرحلہ 7
اپنی ٹریس کی ہوئی ہر شکل میں الگ سے رنگ بھریں — لال،پیلااورنیلا
آپ واٹر کلر بھی استعمال کرسکتے ہیں۔
واہ! اور لیپنگ رنگ میں آپ کو تین نئے رنگ نظر آئیں گے۔
مرحلہ 8
اپنا کام مکمل کر کے اس جگہ کو صاف کیجیئے۔
سرگرمی4 میں ایک بوتل کا ڈھکن ہوں۔
میرے خیال سے آپ کو میری شکل پتا ہے۔
میری بوتل کھو گئی ہے۔
کیا آپ میرے لیے ایک بوتل بنا سکتے ہیں؟
اسے ان بوتلوں سے مختلف بنائیں جو آپ دیکھتے ہیں۔
یا میں یہ نہ جانوں کہ میری کون سی ہے!
اگر آپ بنائیں گے بوتل دو
اُس سے خوش ہوگا میرا دوست ہے جو۔
سرگرمی 5 مٹی سے کھیلیں
کیا مٹی سے کھیلنے میں مزہ نہیں آتا؟
مٹی سے مختلف شکل اور صورت کی اشیا بنائی جا سکتی ہیں۔
اپنے ارد گرد موجود اشیا کی بنیادی شکلیں بنائیں۔آپ ان میں جادوئی خصوصیات شامل کر سکتے اور اپنے آئیڈیاز میں دوسروں کو شریک کر سکتے ہیں۔
انہیں مٹی سے بنانا شروع کریں۔ چھڑی کی مدد سے ڈیزائن، پیٹرن، نقطے اور لائنیں شامل کریں۔
اسے مکمل کریں اور اپنی اشیا کو مختلف نام دیں۔
مشق : کسی مقامی میوزیم، دستکاری میلے میں جائیں یا کمہار سے ملیں۔ آپ کو مختلف قسم کی مٹی کی بنی ہوئی چیزیں ملیں گی۔ وہ بنائیں جو آپ کو واقعی پسند آئے۔ اِس میں مزہ آئے گا!
کیا آپ جانتے ہیں
ہندوستانی موسیقی میں موسیقی کے آلات کے طور پر مٹی کے برتن بھی استعمال ہوتے ہیں۔ اسے گھا ٹم کہا جاتا ہے۔
سرگرمی6 برتن بنانا
1. آپ ان تصویروں میں کون سی اشیا دیکھتے ہیں؟
.............................................................
2. آپ نے کن مختلف سائزس اور شکلوں کے برتن دیکھے ہیں؟
..............................................................
3. ان تینوں تصویروں میں لوگ کیا کر رہے ہیں؟
.....................................................
.....................................................
..................................................
کسی مٹکے کو سجانے کی کوشش کریں!
