تہواروں کا جشن

میرا نام رِشی ہے ۔میں جموں سے ہوں۔ میں اپنے والدین کے ساتھ ہمالیہ جا رہا ہوں۔ ہم اب اپنے مامو جان (امی کے بھائی) اور ممانی (یعنی ماموں کی بیوی) کے گھر جا رہے ہیں۔ وہاں اپنے بھائی بہن، چیا اور نونیکا سے ملیں گے۔ وہ سب پہاڑوں کے قریب ایک چھوٹے سے گاؤں میں رہتے ہیں۔ ہم بس سے سفر کر رہے ہیں۔ مجھے بس کی سواری میں بہت مزہ آرہاہے۔ کھڑکی کے باہر کا منظر بہت خوش گوارہے۔ سڑکیں گھماؤ دار ہیں اور پہاڑیاں رنگ برنگے پھولوں سے ڈھکی ہوئی ہیں۔ یہ پھولوں کی وادی جیسا ہے۔ میں دور تک مختلف قسم کے اونچے درخت بھی دیکھ سکتا ہوں۔

کیا آپ نے کبھی بس میں سفر کیا ہے؟ کلاس میں اپنا تجربہ بیان کیجیے۔ 

سفر کے دوران آپ نے کس قسم کے درخت اور پھول دیکھے ہیں؟

سفر کے دوران آپ کو کیا کیا حفاظتی اقدامات کرنے چاہیے؟

سائیکل چلاتے وقت یا سڑک پر چلتے وقت آپ کو کون سے حفاظتی اقدامات کرنے چاہیے؟

پارکنگ کی اجازت نہیں

برائے مہربانی ہارن نہ بجائیں

ا سپیڈ بریکر

یو ٹرن نہ لیں

مزدور کام پر ہیں

آگے اسکول ہے

کچھ دیر بعد، ہم اپنے ماموں جان اور ممانی جان کے گاؤں کے قریبی بس اسٹاپ پر پہنچے۔ ہم نیچے اترے ۔ ماموں جان ہمارا استقبال کرنے کے لیے وہاں موجود تھے۔ ہم کنکریٹ کی ایک چوڑی سڑک سے ہوتے ہوئے چلے جو ان کے گھر کے قریب ایک تنگ کچی سڑک کی جانب ہمیں لےگئی۔ 

صدر دروازہ میں داخل ہوتے ہی، ہمیں ان کے باغ میں رنگ برنگے پھولوں کی کیاری نظر آئی۔ میں ان میں سے کچھ کو پہچانتا اور جانتا تھا۔ جیسے گلاب، گیندا، گُڑہل اور سورج مکھی۔ لیکن میں ان پھولوں کی خوب صورتی سے حیران تھا جو اس سے مختلف تھی جو میں نے پہلے دیکھے تھے۔ 

میں نے نونیکا سے پوچھا، ’’برائے مہربانی ،کیا تم مجھے ان پھولوں کے نام بتا سکتی ہو؟‘‘ 

پھول کی طرف اشارہ کرتے ہوئے نونیکا نے جواب دیا، ’’یہ پھول ٹیولپ ہے۔‘‘

ممانی جان نے بچوں کو دوپہر کے کھانے کے لیے آواز دی۔

سبھی لوگوں نے ابلے ہوئے  چاول اور دہی کے ساتھ ایک کشمیری پکوان ’’ہاکھ‘‘ (ایک قسم کی پتوں والی سبزی)  کھایا۔یہ واقعی لذیذ تھا!

’’کیا آپ جانتے ہیں کہ اس وقت ہمارے یہاں کشمیری  ٹیولپ فیسٹیول چل رہا  ہے؟‘‘ نونیکا نے دوپہر کے کھانے پر کہا۔

’’ہمارے یہاں بھی خوب صورت سرخ پھول ہوتے ہیں جو موسم بہار میں کھلتے ہیں۔ انھیں بُورانش (رھو ڈو ڈینڈران)کہا جاتا ہے۔‘‘ میں نے کہا۔

میں نے چیا اور نونیکا کو بتایا کہ ان کے گھر پر موسم بہار کی آمد کو بڑے جوش و خروش کے ساتھ منایا جاتا ہے۔ اس تہوار کے دوران، میں اور میرے دوست محلے کے گھروں کی دہلیز  پر سرسوں اور بورانش کے پھول رکھتے ہیں جس کے بدلے میں ہمیں اپنے بزرگوں کی دعائیں، ٹافیاں اور مٹھائیاں بھی ملتی ہیں۔

چیا نے پرجوش انداز میں کہا، ’’میرا  دوست اُنّی اس وقت ویشو نامی تہوار مناتا ہے۔ وہ لوگ بہت سارے پیلے امل تاس کے پھولوں، پھلوں، اور سبزیوں سے ویشو کانی* بناتے ہیں۔‘‘

ممانی جان نے گفتگو میں شامل ہوتے ہوئے کہا ، ’’موسم بہار قدرت کا ایک جشن ہےکیونکہ سخت سردیوں کے بعد، سورج نکلتا ہے، چاروں طرف پھول کھلتے ہیں، سبزہ بڑھتا ہے اور درختوں پر نئے پتے آتے ہیں۔‘‘

میں نے ، ممانی جان چیا اور نونیکا سے کہا ’’آپ بالکل ٹھیک کہہ رہی ہیں۔چاروں طرف بہت سارے رنگ برنگے پھول دیکھ کر ہمیں خوشی ہوتی ہے۔‘‘

کچھ دن گزار کر ہم گھر روانہ ہوئے ۔یہ بہت شاندار چھٹیاں تھیں کہ ہم سب ایک دوسرے سے مل پائے۔

آیا موسم بہار سہانا، 

بچے سب جھوم رہے ہیں

درختوں پر نئے پتے آتے ہیں

پھول ہوا میں جھول رہے ہیں

آسمان میں سورج  روشن ہے

گلہریاں  اور پرندے سب اس جشن میں شریک ہیں

موسم بہار ہے، چلو       نا چیں گائیں

ہم سب کو خوشی اور امید دلائیں۔

3. آپ مختلف تہواروں کے دوران کس طرح کے کپڑے پہنتے ہیں؟

 _______________________________________________________

 _______________________________________________________

	تہواروں کے دوران تیار کیا جانے والا پکوان	تہواروں کے نام
	ٹھیکوا	چھٹ پوجا
	پیٹھا
	پلم کیک
	گجیا
	ساڈیہ
	ہولیگے
	سویّاں