باب 5
پودوں اور جانوروں کا ساتھ ساتھ رہنا
باب 4 میں ہم نے بہت سے پودے دیکھے۔ کیا آپ نے دیکھا کہ جہاں پودے ہوتے ہیں وہیں جانور بھی ہوتے ہیں۔غور سے دیکھیں توآپ پائیں گے کہ پودوں کے آس پاس اور اس کے نیچے بھی جانور رہتے ہیں۔
یہاں پودوں کے ساتھ رہنے والے کچھ جانوروں کی تصویریں دی گئی ہیں۔ تصویر سے آپ ان جانوروں میں سے کس کو پہچانتے ہیں؟ آپ نے ان میں سے کس کو پہلے دیکھا ہے؟ ان میں سے کون سا جانور زمین کے نیچے رہتا ہے؟ بیان کیجیے کہ آپ نے انھیں کہاں اور کیسے دیکھا ہے۔
 گھاس کھاتے ہوئے ہاتھی |
 پتے پر آرام کرتا ہوا پتنگا |
 پتے کو کھاتا ہوا ریشم کا کیڑا |
 پتوں اور مٹی پر رینگتا ہوا کیچوا |
 چہچہاتا ہوا بیا |
 درخت کے تنے پر ہدہد |
 پیڑ پرچڑھتی ہوئیں چیونٹیاں |
 رنگین بدبودار کیڑا |
 پتے پر آرام کرتا ہوامینڈک |
 پتے پر بیٹھی ہوئی تتلی |
 درخت کے کھوکھلے ے حِصّے کے اندر چھپتی اور آرام کرتی ہوئی گلہریاں |
 گھونسلے بنانے کے لیے درخت کے کھوکھلے تنے کا استعمال کرتی ہوئی بسنت گوری چڑیا |
بات چیت کیجیے
صفحہ 63 پر دکھائے گئے جانوروں میں سے کون سا جانور آپ نے پہلے دیکھا ہے؟ بتائیے کہ آپ نے انھیں کہاں اور کیسے دیکھا ہے۔ یہ بتانے کے لیے کہ یہ جانور کتنے چھوٹے اوربڑے ہیں۔ اپنی انگلیوں، ہاتھوں اور بازوؤں کا استعمال کیجیے۔
یہ جانور پودوں کے قریب رہنا کیوں پسندکرتے ہیں؟ مٹی میں زندگی
پودے کے قریب مٹی کے پاس کھڑے ہو جائیے۔ اگرآپ کو پریشانی نہ ہو تو جوتے اتار دیجیے۔
آپ کے پیروں کے نیچے کی مٹی کا رنگ کیساہے؟
سرگرمی 1
اپنے پودے دوست کے قریب اپنے ہاتھوں سے تھوڑی سی مٹی اٹھائیے۔
یہ کیسی دکھائی دیتی اور محسوس ہوتی ہے؟
کیا یہ خشک، نم، کھردری، ہم وار ،سخت اور دانےدار ہے؟
کیا آپ کو مٹی میں پتے یا کیڑے ملے ہیں؟
اب اس مٹی کو سونگھیے اور یاد رکھیے۔
| مجھے مٹی محسوس ہوئی | کھردری | ہموار | سخت | دانےدار |
| میری مٹی میں تھے | کچھ نہیں | پتے | چھوٹے پتھر | کیڑے |
بارش ہونے کے بعد اوپر دی گئی سرگرمی کو دہرائیے۔ یاد رکھیے مٹی اسی جگہ سے اٹھانی ہے۔ مٹی کی صورت، احساس اور مہک میں کیا آپ نے کوئی فرق محسوس کیا؟
کسی بھی پودے سے دور کسی دوسری جگہ سے تھوڑی سی مٹی اٹھا ے یئے۔ کیا یہ اس مٹی سے مختلف ہے جو آپ نے پہلے جمع کی تھی؟ کس طرح سے مختلف ہے؟ بتائیے۔
مٹی کو بہت احتیاط سےجا نچیے۔ آپ کو اس میں کون سی چھوٹی چھوٹی چیزیں نظر آتی ہیں؟
مٹی زمینی سطح کی سب سے اوپری پرت ہے۔ مٹی چٹانوں کے چھوٹے چھوٹے ریزوں کے ٹوٹنے سے بنتی ہے۔ اس کے علاوہ اس میں پرانے پتے، جڑیں، ڈنٹھل اور کیڑے مکوڑے جیسے مردہ جانورکے اجزا بھی شامل ہوتے ہیں۔
مٹی میں مختلف قسم کے جانور اور کیڑے مکوڑے رہتے ہیں۔ بعض اتنے چھوٹے رہتے ہیں کہ دکھائی نہیں دیتے۔ اوپری سطح یا مٹی پر اور گھاس اور پتوں کے درمیان گھومتے ہوئے آپ کو چیونٹیاں ،دیمک، چھوٹے کاکروچ اور ٹڈوں جیسے کیڑے مکوڑے نظر آ سکتے ہیں۔ جب بارش ہوتی ہے اور مٹی نم ہوتی ہے تو آپ کو دوسرے جانور جیسے کیچوے اورکن کھجورے بھی نظر آتے ہیں۔ آپ کو مٹی میں مزید گھاس اور دیگر پودے بھی اگتے ہوئے مل سکتے ہیں۔
بات چیت کیجیے
مانسون میں آپ کو آس پاس اور بھی بہت سے پودے اور جانور ملے ہوں گے۔ یہ نئے پودے اور جانور کہاں سے آئے؟آپ انھیں پہلے کیوں نہیں دیکھ سکتے؟
سرگرمی 2
اپنے دوست پودے کے قریب کھڑے ہو جائیے اور آس پاس دیکھیے۔ آپ کتنے مختلف جانوروں کو دیکھ سکتے ہیں۔ انھیں الفاظ میں بیان کیجیے اور جدول مکمل کیجیے۔ اگرضرورت ہو تو آپ دی گئی تصویروں کا استعمال کر سکتے ہیں۔
| میں میں نےنے دیکھایکھا) بیابیان کیجیےکیجیے( |
یہ کہاں پر تھا | یہ کیا کررہا تھا |
| ایک چھوٹا سا کودنے والا کیڑا | گھاس | ادھر ادھر کو د رہا تھا |
| ایک پتلا مڑا ہوا پودا |
ایک اور پودا قریب میں | کچھ نہیں |
| ایک کالی چڑیا | ||
 سڑتے ہوئے پھل پر سرخ کیڑے |
 نیلا اڑنے والا کیڑا |
 پتوں پر چیونٹیاں |
 لال ٹینا کے پھولوں پرتتلی |
 چٹان پر چھپکلی |
استاد کے لیے ہدایت
کچھ کیڑے مٹی سے نکلنے کے لیے بارش کا انتظار کرتے ہیں۔ پودوں کے بیج مٹی میں طویل عرصے تک رہ سکتے ہیں۔ اور جب بارش ہوتی ہے یا انھیں پانی دیا جاتا ہے توان سے کونپل نکلنے لگتی ہیں۔
کیاآپ جانتے ہیں ؟
جانور، پرندے اور کیڑے مکوڑے بھی خوراک، رہائش اور آرام کے لیے پودوں کے مختلف حصوں کا استعمال کرتے ہیں۔
اونٹ پودوں کے پتے کھاتے ہیں۔
الو جیسے پرندے اپنے بچوں کی پرورش کے لیے درختوں میں کھوکھلے تنے کا استعمال کرتے ہیں۔
گلہریاں اور کوے اپنے گھونسلے بنانے اور اپنے بچوں کی پرورش کے لیے پودوں کی ٹہنیوں کا استعمال کرتے ہیں۔
بندر پودوں کے پھل کھانا پسند کرتے ہیں۔
ثمیرہ پرندے اورتتلیاں مختلف پھولوں سے ان کے رس چوستے ہیں۔
بیا پرندے اپنے گھونسلے بنانےکے لیے پودوں کے پتوں کی سلائی کرتے ہیں۔
چمگادڑ اور چیتے درختوں کواپنے آرام کرنے اور پناہ لینے کے لیے استعمال کرتے ہیں۔
ریشم کے کیڑے غذا کے لیے مختلف پتوں کو کھاتے ہیں۔
سرگرمی 3
پرندوں کی آواز
•اپنی آنکھیں بند کیجیے اور پرندوں کی آوازیں سننے کی کوشش کیجیے۔
کیا آپ نے کسی پرندے کی آواز سنی ہے؟
کیا آپ دیکھ سکتے ہیں کہ کون سے پرندے آواز نکال رہے ہیں؟
نیچے دی گئی تصویر کو دیکھتے ہوئے اپنے ہاتھوں کو کان کے پاس اور اپنے چہرے کو پرندوں کی آواز کی طرف لے جایئے۔ کیا آپ آواز کو اور واضح طریقے سے سن سکتے ہیں؟
مختلف پرندوں کی مختلف آوازیں
پرندوں کی وہ آوازیں یاد کیجیے جو آپ نے سنی ہیں۔ مختلف پرندوں کی آواز نکالنے کی کوشش کیجیے۔
اب مندرجہ ذیل جدول میں کسی پرندے کی آواز لکھنے کی کوشش کیجیے جو آپ نے سنی ہو۔
| پرندوں کے نام | بنائی گئی آوازیں |
| کبوتر | غٹر غوں |
اگر آپ کو پرندوں کی آوازیں نہیں آئیں تو آپ کے خیال میں اس کی کیا وجہ ہے؟
کیا آپ کو پرندوں کی زیادہ آوازیں سنائی دیتی ہیں؟
صبح سویرے؟
دوپہر میں؟
شام میں؟
اپنی رائے کا اظہار کیجیے
A. بات چیت کیجیے
1. پچھلی سرگرمی کے دوران آپ نے مٹی کے جو دو نمونے جمع کیے تھے۔ ان کا رنگ اور ساخت کیا تھا؟ کس مہینہ میں آپ نے اسے جمع کیا تھا؟ کیا ان کی مہک مختلف تھی اور کیا آپ اس مہک کی وضاحت کر سکتے ہیں؟
2. کس مہینے کے دوران پودوں پر تازہ پتے نمودار ہوئے تھے۔ آپ جس کا مشاہدہ کر رہے تھے؟
3. آپ نے پودوں کے ارد گرد کون سے جانور،پرندے اور کیڑے دیکھے ہیں؟
4. یاد کیجیے اور لکھیے کہ کیسے جانور، پرندے اور کیڑے، پودوں کے بھروسے زندہ رہتے ہیں۔آپ کی پسندیدہ مثال کون سی تھی؟
5. مٹی کن چیزوں سے مل کر بنی ہوتی ہے؟
B. لکھیے
| دو جانوروں کے نام لکھیےجنہیں آپ نے پودوں کے قریب یا ان کے اوپر دیکھا ہے۔ | ||
| ان جانوروں کی شکل، جسامت اور رنگ کی وضاحت کیجیے۔ | ||
| اندازہ لگائیے کہ کیوں یہ جانور پودوں کے قریب رہتے ہیں۔ | ||
| آپ نے ان جانوروں کے بارے میں اور کون سی دلچسپ چیزوں کی معلومات حاصل کیں؟ |
C. بنائیے
یاد ہے، آپ نے اپنے پودے دوست کے بارے میں لکھا تھا۔اب اپنے پودے دوست کی تصویر بنانے کی کوشش کیجیے۔ اپنی ڈرائنگ میں الگ الگ رنگوں کے نقطوں کا استعمال کر کے ان جگہوں کو دکھائیے جہاں آپ نے جانوروں، پرندوں اور کیڑوں کو دیکھا تھا۔
D. ترتیب وار رکھیے
ایک دن سوما نے تاگر کے پودے پر اِلّی کو دیکھا۔ اسے یہ بہت د ل چسپ لگا۔ اس نے تقریباً 10منٹ تک اس کا مشاہدہ کیا۔ وہ مسلسل نرم پتے کھا رہی تھی۔ اس کی والدہ اس کے قریب آئی۔ انھوں نے سوُما سے ہر دن اِلّی کا مشاہدہ کرنے کو کہا۔ سوما کے اندر اور شوق پیدا ہوا۔ اپنے بڑوں کے ساتھ مشورہ کیجیے اور درج ذیل تبدیلیوں کو صحیح ترتیب دیجیے۔
.........اب یہ ایک تتلی ہے۔
.........اِلّی نے کوکون بنالیا ہے۔
..........یہ دھیرے دھیرے اُڑ گئی۔
...........ایک دن اس نے کھانا بند کر دیا۔
............یہ کوکون سے باہر آگئی۔