کھانا جو ہم کھاتے ہیں

شیرین تیسری کلاس میں پڑھتی ہے۔ وہ بہت تیز دوڑتی ہے۔ وہ کلاس کے ہر بچے سے بہت تیز بھاگتی ہے۔ ایک دن اسکول میں کھیلوں کے ایک مقابلےکے دوران شیرین دوڑ کے ماہر ایک کھلاڑی سے ملی جو ایک چمپئن تھی اور اس نے کئی تمغے جیتے تھے۔ شیرین نے چمپئن سے پوچھا: ”میں آپ کی طرح کیسے دوڑ سکتی ہوں اور تمغے کیسے جیت سکتی ہوں؟“

شیرین نے چمپئن کے مشورے پر عمل کیا۔ اس نے سخت محنت کی اور گھرمیں پکے ہوئے دیگر کئی کھانے کھانا شروع کردیے۔ وہ اب متوازن غذا کی اہمیت کو سمجھ گئی۔ کچھ مہینے بعد وہ پہلے سے زیادہ تیز دوڑ سکتی تھی۔ وہ اب خود کو توانائی سے بھرپور اور صحت مند محسوس کرتی ہے۔ حال ہی میں دوڑ کے ایک مقابلے میں اس نے اپنے اسکول کے لیے ایک تمغہ جیتا ہے۔

نیچے دی ہوئی تصویروں میں کھانوں کی ان اشیا پر صحیح کا نشان () لگائیے جو آپ اکثر کھاتے ہیں۔

آپ کے خیال میں اوپر دیے گئے کھانوں میں سے کن کھانوں کو متوازن غذا کا حصہ ہونا چاہیے۔

ہمارے خاندان کے بڑے لوگ سردی اور گرمی کے موسم میں الگ الگ قسم کے کھانے پکاتے ہیں۔ جب گرمی پڑتی ہے تو ہمیں قلفی یا آئس کریم کھانے میں اور ٹھنڈا ٹھنڈا ناریل پانی پینے میں مزہ آتا ہے۔ سردیوں میں ہم گرم کھانے، سوپ اور اسٹو کھاتے ہیں اور گرم گرم مشروبات کا لطف لیتے ہیں۔ الگ الگ موسموں میں ہمیں الگ الگ پھل اور سبزیاں ملتی ہیں۔ ہمیں گرمی میں آم اور تربوز اور سردیوں میں سیب ملتے ہیں۔

ہمارے ملک کے مختلف حصوں میں لوگ الگ الگ طرح کے ذائقہ دار کھانے کھاتے ہیں۔ کیا آپ نے ایسے کچھ کھانوں کے بارے میں سنا ہے ؟ ایسے کھانے جن کو آپ نے ابھی تک نہیں چکھا ہے۔ آپ اورآپ کے دوستوں یا گھر والوں نے الگ الگ جگہوں کا سفر کیا ہوگا؟ اور وہاں مختلف قسم کے کھانے کھائے ہوں گے؟ ہوسکتا ہے آپ کچھ ایسے لوگوں کو جانتے ہوں جو ملک کے کسی اور حصے میں رہتے  ہوں اور وہ اُن کھانوں سے الگ کچھ ایسے کھانے کھاتے ہوں جو آپ کھاتے ہیں۔ ان کھانوں کے نام معلوم کیجیے اور اپنے دوستوں کے ساتھ ان کے بارے میں بات چیت کیجیے۔

گرمیوں کے دوران، موسم بہت گرم ہوتا ہے۔ ہمیں بہت پسینہ آتا ہے۔ جب ہمیں پسینہ آتا ہے تو ہمارے جسم کا بہت سا پانی نکل جاتا ہے۔ اسی لیے ہم گرمیوں میں زیادہ پانی، چھاچھ، نیبو پانی، آم پنّا، گنّے کا جوس یا ناریل پانی پیتے ہیں۔

جب ہم کھیلتے یا کوئی جسمانی سرگرمی انجام دیتے ہیں تو بھی ہمیں بہت پسینہ آتا ہے۔ ہمیں دن میں کئی بار پانی پینا چاہیے۔

ہمارے جسم کو بہت زیادہ پانی کی ضرورت ہے۔ ہم پانی کے بغیر زندہ نہیں رہ سکتے۔ اسی لیے ہم اکثر کہتے ہیں ’پانی زندگی ہے۔‘

ہم الگ الگ قسم کے پودوں سے ملنے والی غذا کھاتے ہیں۔ ان میں سے کچھ کی مثالیں نیچے دی گئی ہیں۔ ان چیزوں کے آگے صحیح کا نشان () لگائیے جو آپ کھاتے ہیں۔

کچھ لوگ وہ چیزیں بھی کھاتے ہیں جو جانوروں سے لی جاتی ہیں جیسے دودھ، دہی ، گھی، چیز، پنیر، شہد، انڈے اور گوشت۔

ہمارے کھانے میں عام طور پر استعمال ہونے والی دو چیزیں نہ پودوں سے لی جاتی ہیں اور نہ جانوروں سے۔ ان میں سے کم از کم ایک چیز کا نام بتائیے۔