آم کی گٹھلی
ایک دن ا مّاں بازار سے بچوں کے لیےآم لائیں۔ ایک کلو میں سات آم آئے۔ آم چھوٹےچھوٹے اور خوب رسیلے تھے۔ا مّاں نے ان آموں کو دھوکر فِرج میں رکھ دیااور بچوں سےکہا۔
”شام کو ابّا دفتر سے آئیں گے۔ تب تک فِرج میں آم بھی ٹھنڈے ہوجائیں گے۔ رات کے کھانے کے بعد ہم آم کھائیں گے۔“
منّے کو آم بہت پسند تھے۔ تھوڑی دیر میں امّاں، سیما اور سمیر دوسرے کمرے میں چلے گئے۔ اب چار سال کا شرارتی منّا کمرے میں اکیلا رہ گیا۔ اس نے اِدھر ادھر دیکھا تو آس پاس کوئی نہ تھا۔ منّے نے موقع پاکرچپکے سے فرج کھول کر ایک آم اٹھالیا اور خوب مزے لے کر چوس چوس کر کھایا۔ پھر منّے نے ہاتھ منہ دھو کر کلّی کرلی اور دوسرے کمرے میں جا کر دادا دادی کے ساتھ باتیں کرنے لگا۔
شام کو ابّا آئے۔دادا دادی کے ساتھ بیٹھ کرسب نے رات کا کھانا کھایا ۔ کھانا کھا کر امّاں نے جب فرج سےآم نکالے تو سات کی جگہ صرف چھےآم تھے۔ امّاں نے بچوں سے پوچھا ”کیا آپ میں سے کسی نے ایک آم کھایا ہے؟“
سیما اور سمیر نے انکار میں اپنی گردنیں ہلائیں۔
”نہیں ا مّاں! ہم نے تو فرج کھولا تک نہیں ۔“
منّے کو شَرم آ رہی تھی۔ پھر بھی جی کڑا کر کے اس نے کہا۔
”نہیں، میں نے تو آم نہیں کھایا ہے۔“
ابّا بچوں کا انکار سن کر مسکرائے اور کہا۔
”آم تو آپ لوگوں کےلیے ہی آئے تھے۔ اگر آپ میں سے کسی نے ایک آم کھا بھی لیا تو کوئی بات نہیں۔ لیکن ہاں ، ان آ موں کی گُٹھلیاں بہت چھوٹی تھیں۔ مجھے تو یہ فکر ہو رہی ہے کہ اگر کسی بچے نے آم کی گُٹھلی بھی نگل لی ہوگی تو آج رات اس کے پیٹ میں بڑے زور سے درد ہوگا۔“ اتنا سننا تھا کہ منّا جھٹ سے بول پڑا۔
”نہیں نہیں ابّا! گٹھلی تو بڑی تھی۔ میں نےاسے کوڑے دان میں پھینک دیا تھا۔“یہ سن کر سارے لوگ ہنس پڑے مگر منّا شرم سے لال ہوگیا۔
پاس ہی بیٹھی دادی جان نے کہا کہ منّے نے سچ کو قبول کر کے میرا دل جیت لیا۔
مشق
پڑھیے اور سمجھیے
سوچیے اور بتائیے
صحیح بیان پر (✓)اور غلط بیان پر( ✕) کا نشان لگایئے
سامنےدیے ہوئے الفاظ کی مدد سے خالی جگہوں کو بھریے
2. آم چھوٹے ..........اور خوب رسیلے تھے۔ (چھوٹے/بڑے)
دی گئی تصویروں کے نام باکس میں تلاش کیجیے اور اس پر مثال کے مطابق دائرہ بنایئے۔
پڑھیے، سمجھیے اور لکھیےایک دن امّاں جان بازار سے بچّوں کے لیے آم لائیں۔
کسی شخص، کسی جگہ یا کسی چیز کے نام کو ’اسم‘ کہتے ہیں۔
نیچے دیے گئے جملوں میں اسم تلاش کرکے لکھیے کیجیے
دادادی یا نانا نانی کی وہ باتیں سنائیے اور لکھیے جو آپ کو بے حدپسند ہیں
رنگ بھریے
