برسات

وہ دیکھو اُٹھی کالی کالی گھٹا 

ہے چاروں طرف چھانے والی گھٹا 

گھٹا کے جو آنے کی آہٹ ہوئی 

ہوا میں بھی اک سنسناہٹ ہوئی 

گھٹا آن کر مینہ جو برسا گئی 

تو بے جان مٹی میں جان آ گئی 

زمیں سبزے سے لہلہانے لگی 

کسانوں کی محنت ٹھکانے لگی  

جڑی بوٹیاں پیڑ آئے نکل 

عجب بیل پتّے ، عجب پھول پھل 

ہر اِک پیڑ کا اک نیا ڈھنگ ہے 

ہر اِک پھول کا اک نیا رنگ ہے 

یہ دو دن میں کیا ماجرا ہو گیا 

کہ جنگل کا جنگل ہرا ہو گیا 

جہاں کل تھا میدان چٹیل پڑا 

وہاں آج ہے گھاس کا بن پڑا 

ہزاروں پھدکنے لگے جانور 

نکل آئے گویا کہ مٹی کے پر 

                        —     اسمٰعیل میرٹھی  

مشق

 پڑھیے اور سمجھیے

 پڑھیے اور سمجھیے

مینہ بارش

لہلہانا ڈالیوں کا ہوا سے ہلنا

ماجرا واقعہ، قصہ

سنسناہٹ ہوا کے چلنے کی آواز

چٹیل بنجر

بَن جنگل

پَر پنکھ

گویا جیساکہ

ٹھکانے لگنا نتیجے تک پہنچنا، کامیاب ہونا

سوچیے اور بتائیے   

1. گھٹا کے آنے کا پتا کیسے  چلتا ہے؟ 

.....................................................

2. برسات سے کسان کی محنت کیسے ٹھکانے لگتی ہے؟ 

.....................................................

3. بے جان مٹی میں جان کب آتی ہے؟ 

.....................................................

4. ”ہر اک پیڑ کا ایک نیا ڈھنگ ہے“سے آپ کیا سمجھتے ہیں؟ 

.....................................................

5. برسات کےبعد جنگل کا حال کیسا ہوجاتا ہے؟ 

.....................................................

6. مٹّی کے پر نکلنے کا کیا مطلب ہے؟ 

.....................................................

نیچے دیے ہوئے لفظوں کے متضاد لکھیے مثال

لفظ کالا پھول نیا آج دن

متضاد

  نیچے دیے گئے مصرعوں کو ترتیب سے لکھیے

............................... ہر اِک پھول کا اک نیا رنگ ہے  

............................... کسانوں کی محنت ٹھکانے لگی 

............................... زمیں سبزے سے لہلہانے لگی

............................... ہے چاروں طرف چھانے والی گھٹا

............................... یہ دو دن میں کیا ماجرا ہو گیا

............................... ہر اِک پیڑ کا اِک نیا ڈھنگ ہے

............................... وہ دیکھو اٹھی کالی کالی گھٹا 

............................... کہ جنگل کا جنگل ہرا ہو گیا

بےجوڑ الفاظ پردائرہ  بنایئے

شبنم دھوپ برسات مینہ

پتھر ناک کان آنکھ

سورج آسمان چاند مکان

اسکول آنکھ کاغذ قلم

شیر کتاب درخت جنگل

  نیچے دیے گئے لفظوں کو جملوں میں استعمال کیجیے  

لفظ جملہ

رنگ .......................................

جنگل .......................................

گھاس .......................................

سبز .......................................

پھول .......................................

 خالی جگہوں میں مناسب لفظ لکھیے  

1. کسانوں کی ................ٹھکانے لگی (برکت /  محنت)

2. نکل آئے گویا کہ مٹی کے ............ (پر /  در)

3. یہ دو دن میں کیا.................ہو گیا (ماجرا /  قصہ)

4. کہ جنگل کا جنگل ................. ہوگیا (بھرا /  ہرا)

5. وہاں آج ہے گھاس کا ..............پڑا (بن /  دھن)

6. ہر ایک پھول کا اک نیا .............ہے (رنگ /   ڈھنگ)

نیچے دیے گئے واحدکی جمع لکھیے  

واحد جمع

پھول .............

ہزار .............

جنگل .............

جانور .............

کسان .............

پہیلی

استاد(شاگرد سے) : دستک کو جملے میں استعمال کیجیے۔

شاگرد : جناب مجھے دس تک گنتی آتی ہے۔

اساتذہ کے لیے ہدایات

طلبا سے نظم کی تصویروں پر گفتگو کروائی جاسکتی ہے۔

موسموں پر بات چیت کرکے پسندیدہ موسم پر لکھوایا جاسکتا ہے۔

بارش کے موسم میں باہرنکلتے وقت کیا کیا احتیاط برتنی چاہیے، اس پر بات چیت کرکے چند جملے لکھوائے جاسکتے ہیں۔