تندرستی کا غذا
انسان کے لیے غذا بہت ضروری ہے۔ انسانی غذا کی خاص چیزیں گیہوں ، چاول ، چنا، سبزیاں، پھل ، انڈا ، دودھ ، گھی وغیرہ ہیں۔ تندرست رہنے کے لیے ضروری ہے کہ انسان اچھی غذا کھائے۔ غذائیں طرح طرح کی ہوتی ہیں۔ کچھ غذائیں جانوروں سے حاصل ہوتی ہیں ، جیسے دودھ ، انڈا ، پنیر، وغیرہ۔ کچھ غذائیں پیڑ پودوں سے حاصل ہوتی ہیں جیسے گیہوں ،دال، چنا ، مونگ ، میوے جیسے بادام، اخروٹ، مختلف پھل اور سبزیاں وغیرہ۔پھلوں میں آم ، انار،سیب ، کیلا ، امرود ، خربوزہ ، تربوز وغیرہ عام طور پر ملتے ہیں۔ سبزیوں میں مٹر ، ترئی ، بینگن ، گاجر ، آلو ، شلجم ، چقندر، پالک و غیره زیادہ تر پکائی جاتی ہیں۔ آدمی کی اصل خوراک اناج ہے۔ اس سے جسم اور ہڈیوں کو طاقت ملتی ہے۔ ساگ اور ترکاریاں بدن میں حرارت بڑھاتی ہیں۔حرارت سے کھانا ہضم ہوتا ہے۔ ہری سبزیاں صحت کے لیے بہت مفید ہیں۔
دودھ نہایت عمدہ غذا ہے۔ اس میں وہ تمام چیزیں موجود ہیں، جو صحت کے لیے ضروری ہیں۔ بچے ، جوان ، بوڑھے ،تندرست اور بیمار سب کے لیے دودھ فائدے مند ہے۔
جو غذا ہم کھاتے ہیں وہ معدے میں پہنچتی ہے۔ معدے میں پہنچ کر غذا ہضم ہوتی ہے۔ غذا کا ضروری حصّہ خون بن جاتا ہے اور
بے کار حصہ خارج ہو جاتا ہے۔ انسان کے جسم میں ایک بار جتنا خون بنتا ہے ، وہ ہمیشہ کے لیے کافی نہیں ہوتا۔ ہر وقت نیا خون بنتا اور جسم میں دوڑتا رہتا ہے۔
جسم کو صحت مند رکھنے کے لیے اچھی اور صاف غذاؤں کی ضرورت ہے۔ جب غذا ہضم ہو جاتی ہے، تو ہم کو بھوک لگتی ہے۔ بھوک اس بات کی پہچان ہے کہ اب معدے کو غذا چاہیے۔ کھانا ضرورت سے زیادہ نہیں کھانا چاہیے۔ زیادہ کھانے سے معدہ بگڑ جاتا ہے اور ہاضمہ خراب ہو جاتا ہے۔ ہاضمہ بگڑنے سے انسان سست رہتا ہے اور بیمار بھی ہو جاتا ہے۔ پانی بھی انسان کے لیے ضروری ہے۔ اس کے بغیر غذا ہضم نہیں ہوتی۔
جب جسم کو پانی کی ضرورت ہوتی ہے، تو ہم کو پیاس لگتی ہے۔پینے کا پانی ہمیشہ صاف ہونا چاہیے۔ گندا پانی صحت کو نقصان پہنچاتا ہے۔ کھانے پینے کے ساتھ ساتھ تندرستی کے لیے آرام بھی ضروری ہے۔ اس سے جسم راحت پاتا ہے اور انسان تروتازہ رہتا ہے۔
مشق
پڑھیے اور سمجھیے
پڑھیے اور سمجھیے
سوچیے اور بتائیے
حصہ ’الف‘ کو حصہ‘ ب’ سے ملائیے
الف ب
خالی جگہوں میں مناسب لفظ لکھیے
نیچے دیے گئے لفظوں کے آخری حرف کو ہٹاکرنیا لفظ بنائیے
مثال : پالکی = پالک
نیچے دی گئی تصویروں کو دیکھیے اور ان پر دو دو جملے لکھیے
دی ہوئی غذائیں جہاں سے حاصل ہوتی ہیں، ان کو مناسب خانوں میں لکھیے
پیڑ پودوں سے جانوروں سے
..................... ..................... نیچے دیے ہوئے لفظوں کی جمع بنایئے
کیجیے
