باب 8 اپنے آس پاس دیکھیے

آپ ہمیشہ اپنے آس پاس موجود چیزوں سے بہت سارے خیالات اور ترغیب حاصل کر سکتے ہیں۔ آغاز سب سے پہلے اپنے آس پاس کے لوگوں سے کریں مختلف قسم کے حالات اور کرداروں سے آپ کو کئی دل چسپ کہانیاں تخلیق کرنے میں مدد مل سکتی ہے۔

آگے چل کر آپ جانوروں پر غور کر سکتے ہیں۔ ان کا رویہ اور حرکات کہانیوں اور اداکاری میں استعمال کرنے کے لیے بہت دل چسپ ہوتی ہیں۔ جیسا کہ آپ نے پہلے باب 5 میں کوشش کی تھی۔ کیا ایسا کوئی جانور ہے جس سے آپ کو بہت لگاؤ محسوس ہوتا ہو؟ آپ اس جانور کی کون کارگران سی خصوصیات پسند کرتے ہیں؟ اگر آپ کو اس پر کہانی تخلیق کرنی ہو تو آپ اسے کس طرح بنائیں گے؟

اب، آئیے انسانوں اور جانوروں سے آگے دیکھیں۔ ہمارے پاس کیا ہے؟ خوب صورت قدرتی مناظر ! درخت، دریا، پہاڑ، ہوائیں ... کیا آپ کو ان سے خوشی اور سکون کا احساس نہیں ہوتا؟

کیا آپ جانتے ہیں؟

پرانے زمانوں میں 2600 سال سے بھی زیادہ عرصہ پہلے جب آڈیٹوریم نہیں بنے تھے۔ ڈرامے کھلے آسمان کے نیچے درختوں اور پہاڑوں کے بیچ پیش کیے جاتے تھے۔ کیا آپ درختوں کے بیچ بیٹھ کر ڈراما دیکھنا پسند کریں گے؟ یا آپ کو آج کے اے سی والے آڈیٹوریم بہتر لگتے ہیں؟

ہم سب دریا میں کھیلنے یا سبز گھاس پر چلنے کا لطف اٹھاتے ہیں۔ آئیے اب ایک دل چسپ سرگرمی کرتے ہیں جہاں ہم ان خوب صورت چیزوں کو یہاں کلاس میں ہی تیار کریں گے۔ یہ ہے تھئیٹر کا جادو۔

ہدایات

آپ کو 4 یا 5 طلبا کے گروپوں میں تقسیم کیا جائے گا۔ ہر گروپ کو استاد کی طرف سے دیے گئے موضوع کے مطابق ایک کہانی تخلیق کرنی ہوگی۔ یہ موضوعات قدرتی ماحول سے تعلق ہوں گے۔

یہ قدرتی ماحول سے جڑی ہوئی صورت حال ہو سکتی ہیں۔ جیسے طوفان، سرسبز وادی، خشکی، دریا وغیرہ۔ کہانی میں آپ پرندے، مچھلیاں، کیڑے یا جانوروں کو کردار کے طور پر استعمال کر سکتے ہیں۔

دیے گئے موضوع پر ٹیم ایک سادہ سی کہانی تیار کرے اور اس منظر کو ادا کرے۔

مثال کے طور پر اگر دیا گیا موضوع طوفان ہے تو کہانی کچھ یوں ہو سکتی ہے کہ کئی دنوں سے زوردار بارش ہو رہی ہے اور ایک چھوٹا سا کتا بارش میں پھنس گیا ہے۔ تین بچے بارش کی پرواہ کیے بغیر ہمت کرتے ہیں اس کتے کو بچاتے ہیں اور اپنے گھر لے آتے ہیں۔

• کیا ہم اپنی کہانیوں اور کرداروں کے ذریعے قدرت کے حسن کو دوبارہ زندہ کر سکتے ہیں؟
• کیا ان کہانیوں کے ذریعے قدرت کے بارے میں بیداری بھی پیدا کی جاسکتی ہے؟
• کیا آپ کو لگتا ہے کہ اگر قدرت بول سکتی تو یہ ایک خوبصورت بات ہوتی؟ اگر ایسا ہوتا، تو آپ اس سے کیا پوچھتے؟

ملک بھر میں دیکھیے

ہم نے اس باب کا آغاز اس بات سے کیا تھا کہ لوگ، جانور اور قدرت سب آرٹ تخلیق کرنے کے لیے بڑی محرک ہیں۔ اگر یہ بات درست ہے تو اس کا مطلب یہ ہے کہ قدرت یا جانوروں پر مبنی بہت سی آرٹ کی صورتیں ہوں گی۔ آئیے معلوم کرتے ہیں۔

ہولی ویشا/ پیلی ویشا

یہ ایک ڈرامائی پیش کش ہے جو چیتا اور اس کی حرکتوں پر مبنی ہے۔ اداکار کے جسم کو پیلا اور سیاہ رنگ دیا جاتا ہے تا کہ چیتا دھاریوں جیسا دکھائی دے اور چہرے پر چیتے کا ماسک لگایا جاتا ہے۔ پوری پیش کش کو تیز ڈھول کی آواز اور ہم آہنگ قدموں کے ساتھ پیش کیا جاتا ہے۔ اس میں انفرادی اور گروپ پر پیش کش دونوں شامل ہوتی ہیں۔

یہ پیش کش در گاما تا کو خراج تحسین پیش کرنے کے طور پر بھی کی جاتی ہے، کیوں کہ انھیں ہمیشہ چیتا پر سوار دکھایا جاتا ہے۔ اداکار چیتا کی توانائی ، جارحانہ فطرت اور طاقت کو پیش کرتا ہے۔ یہ واقعی دیکھنے کے لیے ایک شاندار منظر ہوتا ہے۔ یہ زیادہ تر کرناٹکا اور آندھرا پردیش جیسی ریاستوں میں مقبول ہے۔

پسونرتیہ ایشو نکھ

اسے ” جانور کے مکھوٹے کا رقص “ بھی کہا جاتا ہے۔ یہ عموماً کسی خاص موقعے پر پیش کیا جاتا ہے۔ اس میں دو ادا کار ہوتے ہیں جو ڈرامائی لباس میں رقص کرتے ہیں۔ یہ جانور کی ایک بڑی سجاوٹی شکل ہوتی ہے جو عموماً بہت رنگین ہوتی ہے اور توانائی سے بھر پور موسیقی کے ساتھ پیش کی جاتی ہے۔ جانور کا سائز عموماً اصل جانور سے بہت بڑا ہوتا ہے۔ اس شکل میں مختلف جانوروں کی نمائندگی کی جاتی ہے۔ اسے جنگل کی مقامی دیوی کے لیے بھی خراج تحسین کے طور پر پیش کیا جاتا ہے۔

یہ اوڈیشہ کی ایک مقبول لوک آرٹ کی شکل ہے۔

تھئیٹر کی دل چسپ معلومات - اولمپکس میں آرٹ

1912 سے 1948 تک فن کاروں نے اولمپکس میں حصہ لیا۔ اس میں فن تعمیر، ادب، موسیقی مصوری اور مجسمه سازی کے مقابلے شامل تھے۔ جدید اولمپکس کے بانی بیرن پیئر دی کو برٹن کا ماننا تھا کہ کھیلوں سے متاثر ہر فن کو اولمپکس میں شامل ہونے کا حق حاصل ہے۔ یہ مکمل طور پر میڈل جیتنے والے مقابلے تھے، اور 150 سے زائد تمغے نوازے گئے۔ آپ کا کیا خیال ہے؟ کیا یہ روایت دوبارہ شروع ہونی چاہیے؟

طالب علم کے اوصاف کے بارے میں استاد کے تاثرات

طالب علم کی کمیوں کے بارے میں استاد کے تاثرات

کوئی اور مشاہدہ

تھیٹر کا مجموعی جائزہ

... اس طرح ہم نئے گیم کھیلنے، نئے ہنر سیکھنے اور نئے تصورات سمجھنے کا ایک اور سال مکمل کرتے ہیں۔ واہ! یہ سال اس سے کہیں زیادہ خوش گوار اور پر لطف رہا جتنا میں نے سوچا بھی نہیں تھا۔ اس کی وجہ ہیں۔ آپ ! میرے خیال میں آپ نے ہر سرگرمی کو پُر لطف بنایا ہے۔ مجھے چند الفاظ میں بتائیں کہ آپ اس سال کی تھئیٹر سرگرمیوں کے بارے میں کیا سو چتے ہیں؟

............................................

............................................

اپنی تعطیلات کے دوران بھی یہ سرگرمیاں جاری رکھنا اور یہ گیم کھیلنا یا د رکھیں۔ اس سے آپ کو گریڈ 5 میں اگلی سطح تک جانے میں مدد ملے گی۔ بنیادی بات یہ ہے کہ آپ کا آموزشی سفر پر لطف ہو۔

اگلے سال دوبارہ ملیں گے، ننھے ستارے، جب تک کے لیے الوداع !