2 اپنے پڑوس کی معلومات

گھر واپسی کے راستے پر

کلاسیں ختم ہوئیں اور اسکول کی گھنٹی بج گئی۔ طلبا نے پر جوش انداز میں ان دل چسپ کتابوں کے بارے میں باتیں کیں جنھیں ان کے اساتذہ نے لائبریری میں انھیں دکھایا تھا۔ اسکول بسیں اور ای۔ رکشے اسکول گیٹ پر ان کا انتظار کر رہے تھے۔

نو یا نے اپنے دادا کو اسکول گیٹ کے باہر کھڑا پایا۔ وہ ان کی جانب یہ کہتے ہوئے دوڑی، داداجی، آئیے ! آج بازار کے راستے سے چلتے ہیں۔“

وہ بس اسٹاپ تک پیدل گئے جہاں کچھ لوگ پہلے سے ہی بس کا انتظار کر رہے تھے۔

ایک بس رکی، دروا ایک بس رکی، دروازے کھلے اور سبھی ایک ایک کر کے بس میں سوار ہو گئے ۔ نو یا کو کھڑ کی کی طرف سیٹ ملی اور اس نے باہر کے لوگوں کو دیکھا۔

جیسے ہی بس کونے میں لگے ایک لال پوسٹ باکس کے پاس سے گذری تو نو یا نے اس کی طرف اشارہ کرتے ہوئے کہا، ” داداجی، پوسٹ باکس دیکھیے !“

دادا جی نے کہا، ” ہاں، نویا۔ آپ خط لکھ سکتی ہیں اور اسے یہاں پوسٹ کر سکتی ہیں۔ انھوں نے مزید کہا، جب میں جوان تھا تو میں اپنے بھائی کو خط لکھا کرتا تھا جو ایک دوسرے شہر میں تعلیم حاصل کر رہا تھا۔ میں پوسٹ باکس میں خطوط ڈال دیا کر تا تھا۔ اس کے بعد ڈاکیہ ان تھا۔ اس کے بعد ڈاکیان خطوط کو ڈاک خانے لے جاتا، جہاں علاقے کے اعتبار سے خطوط کو الگ الگ کرتا اور انھیں ان کی منزل کی طرف روانہ کر دیتا تھا۔ ڈاک خانے میں اس کے علاوہ بہت سی دیگر خدمات بھی دستیاب ہوتی ہیں۔“

سرگرمی 1

1. اپنے دوست کو ایک خط لکھیے اور اسے ڈاک سے بھیجے۔
2. استاد طالب علموں کو میدانی دورے پر ڈاک خانے لے جاسکتے ہیں تاکہ وہاں ہونے والی مختلف سرگرمیوں کو دیکھ سکیں۔

تحریر کیجیے

1. کیا آپ یا آپ کے خاندان کے افراد میں سے کسی نے کوئی خط یا پارسل بھیجا یا وصول کیا ہے ؟
2. ڈاک خانہ کس طرح لوگوں کو ایک دوسرے کے ساتھ منسلک رکھتا ہے ؟

کیا آپ جانتے ہیں ؟

نو یا نے پوچھا، کیا آپ کے پاس موبائل فون نہیں تھے؟“ دادا جی نے قہقہہ لگایا۔ نہیں نو یا ، اس سے قبل ہم خطوط لکھا کرتے تھے ۔ بعض مرتبہ ایسا ہو تا تھا کہ جواب آنے میں ہفتوں لگ جاتے تھے۔ “ نویانے حیرت سے کہا، ” واقعی یہ ایک لمبا وقت ہوتا ہے !“ دادا جی نے جواب دیا، ” ہاں، موبائل فون اور ای میل کے ساتھ مواصلات کہیں زیادہ تیز ہے۔ البتہ کبھی کبھی مجھے خط لکھنے اور ہاتھ سے لکھا ہو اخط وصول کرنے کی خوشی را سے محرومیت دو کا احساس ہوتا ہے۔“

سرگرمی 2

بزرگوں کے ساتھ انٹرویو

1. اپنے پڑوس کے بزرگوں کے ساتھ بات چیت کیجیے اور ان سے یہ معلوم کیجیے کہ جب وہ آپ کی عمر کے تھے تو ایک دوسرے کے ساتھ کیسے مواصلات اور رابطہ بنائے رکھتے تھے۔ ان کے جوابات کا موازنہ اس بات سے کیجیے کہ کس طرح آپ اور آپ کے دوست ایک دوسرے سے رابطے میں رہتے ہیں اور نیچے دیے گئے جدول کو پر کیجیے :

زمرہ	پرانے وقتوں میں مواصلات	موجودہ دور میں مواصلات
مواصلات کی قسم	خط، ٹیلی گرام	انٹرنیٹ، سوشل میڈیا، ٹیکسٹ میج
مواصلات کی رفتار
مواصلات کا تواتر
مواصلات کی زبان
در پیش چیلنج

وقت کے ساتھ ساتھ وہ طور طریقے جن سے لوگ مواصلات کرتے تھے ، بدل گئے ہیں۔ ماضی میں خط لکھنا عام بات تھی، جب کہ آج میسج اور ویڈیو کال مواصلات کو تیز رفتار بناتے ہیں۔ ٹیکنالوجی نے ہمارے لیے اس امر کو آسان بنا دیا ہے کہ ہم ہر ایک کے ساتھ رابطے میں رہیں۔

بات چیت کیجیے

1. خطوط دیگر افراد تک پہنچنے میں طویل وقت لیا کرتے تھے۔ آپ کیا سمجھتے ہیں کہ یہ ماضی میں لوگوں ۔ لوگوں کے درمیان مواصلات مواصلات کو کس طرح ، کرتا تھا ؟ طرح متاثر
2. آج لوگ جس طرح مواصلات کرتے ہیں، وہ اس سے کس طرح مختلف ہے ؟
3. آج فوری میسج خبروں کو دوسروں تک پہنچانا آسان بناتے ہیں لیکن بعض مرتبہ غلط معلومات بھی بہت تیزی کے ساتھ پھیل جاتی ہیں ۔ ہم اس بات کو کس طرح یقینی بنا سکتے ہیں کہ ہم جو خبریں اشتراک کر رہے ہیں وہ سچی ہیں ؟

بس نے ایک موڑ کاٹا اور نویانے قریب سے گزرتی ہوئی ایک میٹروٹرین دیکھی۔ اس نے فرط حیرت سے کہا، ” اسے دیکھیے ، یہ ریل بہت تیز چل رہی ہے۔“

نویا، میٹروٹرین بہت تیز چلتی ہے ، یہ زمین کی سطح سے اوپر اٹھی ہوئی سڑکوں پر بھی چلتی ہیں جنھیں فلائی اوور کہا جاتا ہے، جو گاڑیوں کو مصروف سڑکوں اور چوراہوں کے اوپر سے گزرنے میں مدد دیتی ہیں، لہذا یہ مسافروں کے وقت کی بچت کرتی ہیں۔“

دادا جی نے بتایا، ” کچھ فلائی اوور میٹروٹرین کے لیے ہیں اور دیگر بسوں اور کاروں کے لیے ہیں۔“

دادا جی نے مزید کہا، ” فلائی اوور جیسی جدید سہولیات اور خدمات نے ہمارے لیے زندگی کو آسان بنا دیا ہے البتہ وہ بہت سے جانور، پرندے اور پیڑ پودے جو یہاں ہوا کرتے تھے ان تمام تبدیلیوں کی وجہ سے اب نہیں ہیں۔“

نویانے جواب دیا، ” مجھے حیرت ہے کہ کیا اپنے ماحول کو محفوظ رکھتے ہوئے ہم اس طرح کی ترقی کر سکتے ہیں۔“

دادا جی نے کہا، ” ہاں، توازن پیدا کر کے ایسا کیا جا سکتا ہے۔ اگر ہم شجر کاری کریں تو ہم اپنے ماحول کو محفوظ رکھ سکتے ہیں۔“

تحریر کیجیے

1. آپ نقل و حمل کے لیے کون سا ذریعہ استعمال کرتے ہیں؟
2. کیا آپ تصویروں میں موجود ڈھانچوں کی شناخت کر سکتے ہیں اور یہ وضاحت کر سکتے ہیں کہ کس طرح انھوں نے سفر کو تیز اور رابطہ کو بہتر بنایا ہے ؟

معلومات حاصل کیجیے

آپ کے والدین اور دادا دادی جب آپ کی عمر کے تھے تو اس وقت وہ اسکول یا دیگر مقامات تک کیسے جایا کرتے تھے ؟ کیا یہ اس طریقے سے مختلف ہے جس طریقے سے آپ آج سفر کرتے ہیں ؟ ذیل میں اسے بیان کیجیے:

آپ	والدین	دادار دادی

کچھ دیر بعد چند لوگ ایک بس اسٹاپ پر اتر گئے جو ایک اسپتال کے قریب تھا۔ نویا نے اسپتال کے باہر ایک بینر دیکھا جس پر لکھا ہوا تھا، آنکھوں کی جانچ کا کیمپ ۔ بہت سے لوگ اس اسپتال میں جارہے تھے۔

نویا نے لوگوں کی کثرت کو دیکھ کر حیرت سے پوچھا ، ” یہ کیا ہے؟ اتنے زیادہ لوگ یہاں کیوں آرہے ہیں ؟“

دادا جی نے جواب دیا، ”نو یا، یہ ایک اسپتال ہے۔ لوگ یہاں تب آتے ہیں جب وہ بیمار ہوتے ہیں۔ میں تمہاری دادی کو چند برس قبل ان کی آنکھ کے آپریشن کے لیے یہاں لایا تھا۔ ڈاکٹروں نے انھیں بہتر طور پر دیکھنے میں مدد دی اور اس بات نے ان کی زندگی میں بہت بڑا فرق پیدا کیا۔ یہ اسپتال ہمارے سماج کا واقعی ایک اہم حصہ ہے۔ آج یہ آنکھوں کی جانچ کا کیمپ منعقد کر رہا ہے۔“

تحریر کیجیے

مندرجہ ذیل جدول میں ان افراد کی فہرست بنائے جو کسی اس جو کسی اسپتال یا صحت کے کسی مرکز میں کام کرتے ہیں اور ان کے رول کو تحریر کیجیے۔ اس کی ایک مثال جدول میں دی گئی ہے:

لوگ	اسپتال / صحت مرکز میں رول
ڈاکٹر	مریضوں کا علاج کرتا ہے اور دوائیں تجویز کرتا ہے
نرس

مستقبل کے لیے بچت

بس ان کے مکان کے نزدیک بس اسٹاپ پر رک گئی ۔ دادا جی اور نو یا بس سے اتر گئے۔ گھر جاتے ہوئے راستے میں و میں وہ ایک بینک گئے جس میں اے ٹی ایم مشین لگی ہوئی تھی۔

نویا نے تجسس سے پوچھا، ” دادا جی، یہ کیسی مشین ہے ؟ دادا جی نے اسے بتایا ” یہ اے ٹی ایم ہے جو کہ خود کار پیسے دینے والی مشین کا مخفف ہے۔ یہ مشین ہمیں جب بھی ضرورت ہو ، کسی بھی وقت پیسہ نکالنے میں مدد دیتی ہے۔“

نو یا نے پوچھا، ”لیکن دادا جی ، ہم اپنا پیسہ بینک میں کیوں رکھتے ہیں؟“ دو دادا جی نے جواب دیا، بینک ایک ایسی مخصوص جگہ ہے، جہاں پیسہ محفوظ رکھا جاتا ہے۔ یہ بینک ہمیں ہمارے مستقبل کی ضروریات کے لیے پیسے کی بچت کرنے میں بھی ہماری مدد کرتے ہیں۔“

” جب میں تمہاری عمر کا تھا تو اس وقت اے ٹی ایم نہیں ہوا کرتے تھے۔ ہمیں بینک جانا پڑتا تھا اور ہمیں قطاروں میں انتظار کرنا پڑتا تھا۔ ہم پیسہ بھیجنے کے لیے ڈاک خانے کے ذریعے منی آڈر کیا کرتے تھے۔“

نویا نے تجسس سے کہا، ”مگر ، اب ہم موبائل فون کے ذریعے سیکنڈوں میں ہی آن لائن پیسے بھیج سکتے ہیں۔ ماما ( ماں کا بھائی ) نے اس رکشا بندھن پر ہمارے لیے تحائف خریدنے کی غرض سے میری ماں کو پیسے بھیجے تھے۔“

دادا جی نے تائید کرتے ہوئے کہا، ”ہاں، واقعی ٹیکنالوجی نے چیزوں کو بہت زیادہ آسان بنا دیا ہے۔“

بات چیت کیجیے

اگر آپ کو کسی کو پیسے بھیجنے ہوں تو آپ کون سا طریقہ اختیار کریں گے۔ فون کا استعمال ، منی آرڈر یا کوئی اور طریقہ استعمال کریں گے ؟ کیوں ؟

تحریر کیجیے

1. اگر آپ کو جیب خرچ ملتا ہے تو کیا۔ آپ اس کی بچت کرتے ہیں ؟ اگر ہاں، تو آپ اپنی بچت کی رقم کہاں رکھتے ہیں ؟
2. آپ ایسا کیوں سمجھتے ہیں کہ پیسے بچانا اہم ہے ؟
3. ایسے کون سے کام ہیں جو زیادہ پیسے بچانے کے لیے آپ کر سکتے ہیں ؟
4. اپنے خاندان کے اراکین میں سے کسی ایک سے درخواست کیجیے کہ وہ آپ کو اپنی بینک پاس تک دکھائے۔ پاس ٹک کے پہلے صفحے پر دی گئی اہم معلومات کو نوٹ کیجیے۔

سرگرمی 3

1. اپنے علاقے میں موجود کسی بینک میں جائیے یا اپنے بزرگوں سے یہ معلومات حاصل کیجیے کہ یہ کس طرح کام کرتا ہے۔ اس کے بعد ذیل میں دیے گئے سوالات کا جواب دیجیے :

1. پیسوں کی بچت کرنے کے علاوہ لوگ بینک کو اور کس کام کے لیے استعمال کرتے ہیں؟
2. اے ٹی ایم کیا ہے اور یہ کس طرح لوگوں کی مدد کرتا ہے ؟

2. بھارتی کرنسی کا ایک نوٹ لیجیے، اسے غور سے دیکھیے اور ذیل میں دیے گئے سوالات کا جواب دیجیے:

1. نوٹ کی قدر کیا ہے ؟

---

2. نوٹ پر تحریر کتنی زبانیں آپ کو نظر آئیں ؟

---

3. نوٹ پر کون سی تصویریں یا علامات ہیں؟

---

قرب و جوار پر ایک نظر

جیسے ہی وہ لوگ گھر پہنچے نو یا بھاگ کر اپنے بھائی کے پاس گئی اور اسے اپنے تجربات کے بارے میں بتایا۔

سرکاری مقامات لوگوں کو وہ خدمات فراہم کرنے میں مدد کرتے ہیں جن کا تعلق صحت، سلامتی، صفائی ستھرائی یا ماحول سے ہے۔ ان مقامات میں اسپتال ، بینک، ڈاک خانے ، پولیس اسٹیشن، عوامی لائبریریاں ، بس اسٹیشن وغیرہ جیسے مقامات شامل ہوتے ہیں۔

نویا ایک پینسل اور ایک کاغذ لے کر آئی اور اپنے قرب وجوار کا خاکہ تیار کرنے کے لیے بیٹھ گئی۔

طلوع ہوتے ہوئے سورج کی بنیاد پر مشرقی سمت کی شناخت کی۔ اس بنیاد پر اس نے اپنے گھر کے اطراف کی دیگر سمتوں میں مقامات کی خاکہ کشی کی۔ مشرقی جانب کے مقامات کاغذ کے دائیں جانب بنائے گئے ۔ اس کے علاوہ شمال میں واقع مقامات کو کاغذ کی اوپری کاغذ کی اوپری سطح پر دکھایا گیا جبکہ جنوب میں موجود مقامات کی خاکہ بندی کاغذ پر نیچے کی جانب کی گئی۔ پر مغرب میں جو مقامات تھے انھیں بائیں جانب بنایا گیا۔

نقشے پر ، سمتوں کی نمائندگی اس طرح سے ہے۔ شمال کو اوپر کی جانب ، جنوب کو نیچے کی جانب، مشرق کو داہنی اور مغرب کو بائیں جانب دکھایا گیا۔

تحریر کیجیے

1. اوپر دی گئی تصویر کو دیکھیے اور نویا کے گھر کے شمال، مغرب، مشرق اور جنوب میں واقع مقامات کی نشان دہی کیجیے۔

سمت	مقام
شمال
مشرق
مغرب
جنوب

2. اگلے صفحے پر تصویر کو دیکھیے اور وسط میں اپنے اسکول کا تصور کیجیے۔ اپنے اسکول کے نزدیک کی عمارتوں یا علاقوں کے نام لکھیے اور دی گئی جگہوں میں ان کے جائے وقوع کی سمت تحریر کیجیے۔

3. اس بات کا تصور کیجیے کہ آپ اپنے ایک دوست کو اپنے اسکول کے نزدیک اپنے پسندیدہ مقام پر جانے کے لیے سمتیں بتا رہے ہیں۔ آپ سمتوں (بائیں ، دائیں، آگے ، پیچھے اور مشہور علامات) کا استعمال کرتے ہوئے کس طرح اس کی وضاحت کریں گے ؟

مقام: _________________________

ہدایات: ________________________

---

---

---

سرگرمی 4

نقشہ بنائے جس میں آپ کے اسکول سے عوامی لائبریری یا آپ کے اسکول کے نزدیک ایسے ہی کسی مقام تک کے راستے کا تعین کیا گیا ہو ، نقشے پر پارکوں، دکانوں، اسپتالوں ، بس اسٹاپ وغیرہ جیسے مشہور مقامات کی نشان دہی کیجیے۔