8 چیزیں کیسے بنتی ہیں

تیسرے درجے میں ہم نے پڑھا تھا کہ ہمارے آس پاس کی چیزیں مختلف ماڈوں سے بنی ہوتی ن ہیں۔ کیا آپ جاننا چاہتے ہیں کہ یہ چیزیں کیسے بنائی جاتی ہیں ؟ مثال کے طور پر ، آ۔ آئیے ! ہم پیبو کے ساتھ سیکھیں کہ کاغذ کس طرح بنایا جاتا ہے۔

اتوار کا دن تھا اور پیو اپنی ڈرائینگ کی کاپی پر کچھ بنا رہی تھی۔ اس کی ماں اخبار پڑھ رہی تھیں۔ پیہو نے نظر اٹھا کر دیکھا تو اس کی نظر اخبار کے پہلے صفحے پر بنی درختوں کی تصویر پر پڑی۔

سرگرمی 1

●استعمال شدہ کاغذ سے نیا کاغذ بنائیے

1. یہ سامان اکٹھا کیجیے : پرانے اخبار ، کچھ میتھی کے بیج اور پانی۔
2. کاغذ کی لگدی تیار کیجیے : اخبار کے چھوٹے چھوٹے ٹکڑے کیجیے اور انھیں پانی میں بھگوئیے۔ اس میں میتھی کے کچھ دانے بھی ڈال دیجیے اور اسے رات بھر کے لیے بھیگا رہنے دیجیے۔ میتھی کے بیجوں کو چپکانے والے سامان کے طور پر استعمال کیا جاتا ہے۔
3. گرائینڈر کو استعمال کر کے بھیگے ہوئے کاغذ اور میتھی کے بیجوں کو اچھی طرح پیس لیجیے اور گیلا مرکب تیار کر لیجیے۔ گیلے کاغذ کو ہاتھوں سے یا کسی اور چیز سے بھی پیسا جا سکتا ہے۔
4. رول کیجیے: اس گیلے مرکب کو کسی سپاٹ سطح پر پھیلا کر رول کیجیے اور بار یک کاغذ کی شکل دے دیجیے۔
5. اب اس کو سوکھنے دیجیے۔ استعمال شدہ کاغذ سے بنا آپ کا نیا کاغذ !تیار ہے (Recycled paper)

سرگرمی 2

آپ نے جو کاغذ تیار کیا ہے ، اس پر رنگ بھر لئے اور ڈیزائن تیار کیجیے۔

قدرتی رنگ کا تجربہ

استعمال شدہ کاغذ سے تیار کردہ نئے کاغذ کو مختلف سائز کے ٹکڑوں میں کاٹیے۔ اب نیچے جدول میں دیے گئے قدرتی اجزا کا استعمال کرتے ہوئے ان کاغذوں پر رنگ کیجیے۔ آپ کچھ اور قدرتی اجزا بھی استعمال کر سکتے ہیں۔ اس بات کو یقینی بنائیے کہ کاغذ کے ہر ٹکڑے پر رنگ کرنے کے لیے استعمال کیے جانے والے اجزا کی مقدار برابر ہو۔ اپنے مشاہدے کے بارے میں نیچے دیے گئے جدول میں لکھیے۔

کاغذ کو قدرتی اور مصنوعی رنگوں سے رنگا جا سکتا ہے۔ قدرتی رنگ کسی پودے کے مختلف حصوں سے تیار کیے جاتے ہیں جیسے کہ پتی، پھول، جڑ ، بیج، تنا وغیرہ۔ معلوم ہوا کہ تیار کردہ قدرتی رنگ استعمال کرنا محفوظ ہوتا ہے۔ انھیں مختلف اشیا کو رنگنے کے لیے بھی استعمال کیا جاتا ہے جیسے کہ کپڑے اور برتن۔

ایک خصوصی تحفہ

پہونے اپنی ماں کو ایک خوب صورت تہنیتی کارڈ ( گر ٹینگ کارڈ) کا تحفہ دیا۔

پیہو: ماں ! آپ کا بہت شکریہ کہ آپ نے مجھے یہ سکھایا کہ تہنیتی کارڈ بنانے کے لیے کاغذ کو کس طرح دوبارہ قابل استعمال بنایا جاتا ہے۔

ماں: واہ پیہو، یہ تو بہت پیارا ہے ! یہ میرے لیے ایک بہترین تحفہ ہے۔

سرگرمی 3

دوبارہ قابل استعمال بنائے گئے کاغذ سے ایک تہنیتی کارڈ ، کاغذی ماسک یا اسی طرح کی کوئی چیز تیار کیجیے۔

اب، آپ یہ سمجھ گئے ہا یہ سمجھ گئے ہیں کہ دوبارہ قابل استعمال کا غذ کس طرح بنایا جاتا ہے۔ ہم جو کاغذ کاغذ بنانے میں اتنی ساری کوششیں کرنی پڑتی ہیں ! کتابوں میں دیکھتے ہیں وہ دوبارہ استعمال کے قابل بنائے گئے کاغذ سے مختلف دکھائی دیتا ہے کیوں کہ اسے لکڑی کی لگدی سے بنایا جاتا ہے۔ اسے تیار کرنے کے لیے بڑی تعداد میں درختوں کو کاٹا جاتا ہے۔

اس کا غذ کو تیار کرنے کے اقدام اسی طرح کے ہیں جو کاغذ کو دوبارہ استعمال کے قابل بنانے کے لیے کیے جاتے ہیں۔ کاغذ تیار کرنے کے لیے بہت سارے درخت نیز وافر مقدار میں پانی اور توانائی کی ضرورت پڑتی ہے۔ اس لیے یہ ضروری ہو جاتا ہے کہ کاغذ اور دیگر اشیا کو ذمہ داری کے ساتھ استعمال کیا جائے۔ (صرف اسی وقت استعمال کیا جائے جب ضرورت ہو۔)

بات چیت کیجیے

1. کیا آپ یہ سمجھتے ہیں کہ ہم کاغذ کو ضائع کرتے ہیں؟
2. کاغذ کے زیاں میں ہم کس طرح کمی کر سکتے ہیں ؟

سرگرمی 4

مختلف قسم کے کاغذ اور ان کا استعمال

مختلف طرح کے ایسے کاغذ کا مشاہدہ کیجیے جنھیں ہم اپنی روز مرہ کی زندگی میں استعمال کرتے ہیں، جیسے کہ لکھنے کا کاغذ ، اخبار کا کاغذ، آرٹ پیپر ، کارڈ بورڈ اور ٹشو پیپر ۔ مختلف قسم کے کاغذ کے ٹکڑوں کو نیچے دی گئی جگہ پر چسپاں کیجیے اور ان کے استعمال کے بارے میں تحریر کیجیے۔

ہم مختلف قسم کے کاغذ کا استعمال مختلف مقاصد کے لیے کرتے ہیں۔ مثال کے طور پر ، ٹشو پیپر کا استعمال صفائی کے لیے کیا جاتا ہے کیوں کہ یہ بہت باریک اور ملائم ہوتا ہے اور پانی کو جذب اور کر لیتا ہے۔ کارڈ بورڈ موٹا اور سخت ہوتا ہے، اس لیے اس کا استعمال مختلف اشیا کو رکھنے اور ڈبے بنانے کے لیے کیا جاتا ہے۔

کیا آپ جانتے ہیں ؟

بینائی سے محروم افراد کو بریل کاغذ پر ابھری چھوٹی چھوٹی علامات والے مختلف ابھاروں کو محسوس کر کے پڑھنے اور تحریر کرنے میں مدد فراہم کرنے کے لیے بریل نظام کو وضع کیا گیا ہے۔ یہ علامات مختلف اعداد، حروف تہجی، اوقاف اور رموز کی نمائندگی کرتے ہیں۔

ذمہ داری سے انتخابات کرنا

ہم اپنی روز مرہ کی زندگی میں کچرے کو کم کرنے کے لیے پانچ نکاتی اقدامات پر عمل کر سکتے ہیں۔

انھیں کچرے کے بند و بست کا نظام (R-5) کہا جاتا ہے۔

کچرے کو کم کرنے کے پانچ نکاتی اقدامات (R-5) : پانچ :

انکار کرنا (Refuse): ان اشیا کو استعمال کرنے سے انکار کرنا جن سے کوڑا پیدا ہوتا ہے۔ مثال کے طور پر، ایک مرتبہ استعمال کیے جانے والے کاغذ کے بنے ہوئے کپ کو استعمال کرنے سے انکار کرنا۔

کم کرنا (Reduce): چیزوں کو احتیاط کے ساتھ استعمال کرنا تا کہ اس کوڑے کو کم کیا جاسکے جو ہم پیدا کرتے ہیں۔ مثال کے طور پر لکھنے کے لیے کاغذ کے دونوں اطراف کا استعمال کرنا۔ دوبارہ استعمال کرنا (Reuse): کسی چیز کو کوڑے میں پھینکنے سے پہلے اسے کئی مرتبہ استعمال کرنا۔ مثال کے طور پر، تحفے والے تھیلے کو پھینکنے سے قبل کسی دوسرے موقع پر اس کا دوبارہ استعمال کرنا۔

دوسری طرح سے استعمال کرنا (Repurpose) کسی چیز کو نئے طریقے یا اختراعی طور پر استعمال کرنا۔ مثال کے طور پر، پرانے اخبار کے کاغذ کو کھلونے یا سجاوٹی اشیا بنانے کے لیے استعمال کرنا۔

دوباره قابل استعمال بنانا (Recycle) دوبارہ قابل استعمال بنانا ایک ایسا عمل ہے جس میں ایسے اقدامات کیے جاتے ہیں جن سے کوئی چیز نئی شکل اختیار کر لیتی ہے۔ مثلاً پرانے اخبار کے کاغذ کو دستی طور پر تیار کر کے دوبارہ قابل استعمال بنایا جا سکتا ہے۔

آئیے ! ہم ان پانچ نکاتی اقدمات (R-5) پر وضاحت کے ساتھ روشنی ڈالیں۔

سرگرمی 5

اپنے ہم جماعت ساتھیوں کے ساتھ مندرجہ ذیل صورت حال پر بات چیت کیجیے اور یہ تحریر کیجیے کہ یہ صورت حال پانچ نکاتی اقدامات میں سے کس سے تعلق رکھتی ہے:

اپنی زندگی میں ایسی چھوٹی چھوٹی تبدیلیاں کر کے ہم اپنے ماحول کو بہتر بناسکتے ہیں، اپنے وسائل کی بچت کر سکتے ہیں اور کوڑے کرکٹ سے پیدا ہونے والی آلودگی کو کم کر سکتے ہیں۔

آئیے ہم کاغذ سے کوئی نئی چیز بنائیں

کوئی بھی فرد استعمال شدہ کاغذ سے کئی چیزیں تیار کر سکتا ہے۔ تیار کر سکتا ہے۔ یہاں کچھ ایسی تخلیقی تجاویز پیش ہیں جن کو بروئے کار لا کر پرانے اخبار کے کاغذ سے بہت سے کھلونے اور سجاوٹی اشیا تیار کی جاسکتی ہیں۔