11 ہندوستانی پرندے

رفیق نے تجسس بھری نگاہوں سے دیکھا اور کہا: ہاں ! ہاں ! کچھ ہمیں بھی بتاؤ ان پرندوں کے بارے میں۔

( کلاس میں استاد داخل ہوتے ہیں اور تمام طلبا و طالبات کھڑے ہو کر استاد کو سلام کرتے ہیں)

استاد : پیارے بچو! کیسے ہیں آپ لوگ؟

بچے : ہم سب خیریت سے ہیں۔

استاد : بہت اچھا! آپ لوگ بیٹھ جائیے ۔ کیسی ہو صائمہ ؟ اپنے ماموں کی شادی میں خوب مزے کر کے واپس آئی ہوگی ۔

صائمہ : جی سر ! بہت مزہ آیا۔

منیشا : سر ! صائمہ کہہ رہی تھی کہ اس نے وہاں کئی طرح کے پرندے دیکھے

استاد : اچھا! ذرا ہم لوگوں کو بھی بتاؤ۔

صائمہ : سر! میرے ماموں کے ایک دوست ہیں۔ ان کے بغیچے میں روزانہ بہت سارے کبوتر اور طوطے آتے ہیں۔

ساحل : اچھا کب ! کبوتر کیسے تھے؟ کیا وہ اسی طرح سے تھے جو ہمارے اسکول میں نظر آتے ہیں؟

صائمہ : یہاں تو ایک ہی طرح کے کبوتر نظر آتے ہیں۔ وہاں تو کبوتر کئی رنگ کے تھے اور جب وہ غٹرغوں غٹرغوں کرتے تھے تو سننے میں بڑا اچھا لگتا تھا۔

استاد : بچو! کیا تمھیں معلوم ہے کہ سفید کبوتر کو امن کی نشانی سمجھا جاتا ہے، کبوتر کئی رنگ اور نسل کے ہوتے ہیں۔ پرانے زمانے میں کبوتر سے ایک جگہ سے دوسری جگہ پیغام پہنچانے کا کام بھی لیا جاتا تھا۔ سلمی نے بتایا کہ وہ چھٹیوں میں کہیں گھومنے گئی تھی تو راستے میں اس نے مور دیکھا تھا۔

استاد : ہاں بچو! مور بہت خوب صورت پرندہ ہے۔ مور عام طور پر چار فٹ لمبا ہوتا ہے۔ مور کے پنکھ بہت خوب صورت ہوتے ہیں۔ جب مور اپنے پنکھ پھیلا کر خوشی سے ناچنے لگتا ہے تو یہ منظر دیکھنے سے تعلق رکھتا ہے۔ کیا آپ کو معلوم ہے کہ مور سفید بھی ہوتے ہیں۔

منیشا : سر ! میں اپنے گاؤں کے تالاب پر اپنے ابو کے ساتھ گئی تھی تو وہاں میں نے بگلا دیکھا تھا۔ اس کی ٹانگیں، چونچ اور گردن لمبی تھی لیکن دُم چھوٹی تھی۔ میرے ابو نے بتایا کہ بگلا کی طرح اور دو پرندے ہوتے ہیں ۔

سلمی نے فوراً کہا : ہاں سر ! وہ ہنس اور سارس ہیں۔

استاد : ہاں ! بالکل درست لیکن سارس کے اوپری حصے میں لالی چمکتی رہتی ہے۔

شاہد : سر ! اور دوسرے پرندوں کے بارے میں بھی کچھ بتائیے۔

استاد : ہاں بچو ! رفیق نے کہا تھا کہ اس کے نانا نے مرغ پال رکھتے ہیں۔ مرغ کی طرح چھوٹے چھوٹے دو اور پرندے ہوتے ہیں تیتر اور بٹیر ۔ ایسا ہی ایک پرندہ چکور بھی ہے۔ یہ ایک قسم کا بڑا تیتر ہوتا ہے۔

ساحل : سر ! میں اسکول آتے ہوئے روز ایک چھوٹا سا کالا پرندہ دیکھتا ہوں ہر ! اس کا نام کیا ہے؟

صائمہ بول پڑی : وہ کوئل ہے۔ میں نے گاؤں کے باغ میں بہت ساری کوئلیں دیکھی تھیں۔ آم کے درخت پر جب چھوٹے چھوٹے آم پھلنے لگتے ہیں تو کوئل کی میٹھی میٹھی آواز کو ہو کو ہو سنائی دیتی ہے۔

منیشا : سر ! ان پرندوں کا کیا کام ہے؟ ان سے ہمیں کیا فائدہ ہوتا ہے؟

استاد : بچو! پرندے ہمارے لیے بہت فائدے مند ہیں۔ یہ آسانی سے اُڑ سکتے ہیں، یہ چھوٹے موٹے کیڑے مکوڑے کھا کر فصلوں کی حفاظت بھی کرتے ہیں، کچھ پرندے مرے ہوئے جانوروں کا گوشت کھا کر ہوا اور فضا کو گندا ہونے سے بچاتے بھی ہیں۔

رفیق : سارے پرندوں کے گھونسلے کون بناتا ہے؟

استاد بچو! یہ پرندے اپنا گھونسلا بڑی محنت سے خود ہی بناتے ہیں۔ پرندے درخت کی شاخوں کے علاوہ گھر کے مختلف کونوں میں بھی گھونسلے بنا لیتے ہیں۔ یہ پرندے تنکا تنکا جمع کر کے اپنا گھونسلا بناتے ہیں۔ ایک ہی درخت پر الگ الگ پرندوں کے گھونسلے ہو سکتے ہیں۔ ہاں! لیکن کچھ پرندے اپنا گھونسلا نہیں بناتے ہیں جیسے کوئل ۔ وہ اپنے انڈوں کو کوے کے گھونسلے میں چپکے سے رکھ دیتی ہے اور کوا اپنا انڈا سمجھ کر سیتا ہے اور کوئل کے بچوں کو اپنا بچہ سمجھ کر کھلا پلا کر بڑا کرتا ہے۔

۔

پیارے بچو! ذرا سوچو! ان خوب صورت پرندوں کے بغیر دنیا کیسی لگتی۔ ناچتا ہوا مور ، گاتی ہوئی کوئل، بولتے ہوئے طوطے، ہوا میں اُڑتے ہوئے کبوتر دیکھ کر کتنا لطف آتا ہے۔ پرندے ہمارے ماحول کو بھی خوش گوار بناتے ہیں۔ اگر یہ نہ ہوں تو دنیا ایسی حسین اور خوب صورت نہ ہوتی۔ تو بچو ! ان پرندوں کے تئیں ہمارا کیا فرض ہے؟

تمام بچے ایک ساتھ بولتے ہیں: "ہمیں پرندوں کی حفاظت کرنی چاہیے۔ گرمیوں میں ہمیں ان کے لیے پانی اور دانے کا اہتمام بھی کرنا چاہیے۔“

مشق

پڑھیے اور سمجھیے

پیغام ↔ سندیس، پیام

لطف ↔ مزه

خوش گوار ↔ خوب صورت ، دل کش

تئیں ↔ کے لیے، واسطے

فرض ↔ ذمہ داری، ڈیوٹی

بے جوڑ لفظ پر دائرہ O بنائیے

حوصلہ ہمت تجویز قوت

تجویز منزل مشوره رائے

زمین پڑاؤ گھر منزل

مٹی خاک پانی زمین

پانی لکڑی آب جل