پہیا انسان کی سب سےاہم ایجادات میں سے ایک ہے۔تقریباً 5000 سال پہلے کمھار کے چاک کے طور پر اس کی ایجاد ہوئی۔بعد میں اسے گاڑیوں اور رتھوں میں استعمال کیا جانے لگا تاکہ لوگ اور سامان ایک جگہ سے دوسری جگہ لے جا ئے جاسکیں۔

سوچیں آپ نے کن کن چیزوں اور جگہوں پر پہیے دیکھے ہیں؟ کیا آپ ایسی زندگی کا تصور کر سکتے ہیں جس میں پہیے نہ ہوں؟

اس باب میں آپ نقل و حمل کی دنیا کا مشاہدہ کریں گے جہاں چیزیں مسلسل حرکت میں ہیں۔ چاہے راستے میں کچھ رکا وٹیں اور جھٹکے کیوں نہ آئیں۔ دل چسپ سرگرمیوں کے ذریعے آپ مختلف گاڑیوں کو دیکھیں گے اور ایسے فن پارے تخلیق کریں گے جو انھیں نئی شکل، صورت، رنگ اور استعمال کرنے کا تصورپیش کریں گے۔

سرگرمی 1.1

ایک گاڑی بنائیے

یقیناً آپ نے اپنے گھر والوں کے ساتھ کہیں گھومنے یا کسی سے ملنے کی خاطر سفر کیا ہوگا۔

• آپ نے کن ذرائع آمد و رفت (ٹرانسپورٹ) کا استعمال کیا؟
• کیا آپ نے مختلف گاڑیوں میں سفر کا لطف اٹھایا؟
• آپ کو کون سی گاڑی سب سے زیادہ پسند آئی؟ کیوں؟

ہر گاڑی کا اپنا ایک مقصد، ڈیزائن اور انداز ہوتا ہے۔

• کوئی ایک گاڑی پسند کریں۔
• گاڑی کو غور سے دیکھیں۔آپ کو اس میں کون سی جیومیٹری کی شکلیں نظر آتی ہیں؟ان کی تصویربنائیں۔
• اپنی ڈرائنگ میں مزید تفصیل شامل کریں۔
• گاڑی کا سایہ بنائیں۔
• اپنی گاڑی کو اپنے انداز میں رنگیں اور سجائیں۔
• سڑک کی حفاظت سے متعلق ایک پیغام لکھیں اور اسے اپنی تصویرمیں شامل کریں۔

سرگرمی 1.2

پُرزوں سے پیٹرن بنانا

کیا آپ کبھی کسی آٹو موبائل ورکشاپ گئے ہیں؟ وہاں مکینک موٹر سائیکلوں، کاروں اور دیگر گاڑیوں کے مختلف پرزے نکال کر ان کی مرمت کرتے ہیں۔جس طرح گاڑیوں کے مختلف حصے ہوتے ہیں، اسی طرح تصویریں اور فن پارے بھی مختلف حِصّوں پر مشتمل ہوتے ہیں۔ان حِصّوں کو بصری عناصر (Visual Elements)کہا جاتا ہے۔

سائیکل کے پرزوں اور دی گئی تصویر میں موجود بصری عناصر کی پہچان کیجیے۔

ایک علاحدہ کاغذ پر، کسی بھی دو یا تین گاڑیوں کے پرزوں کی مدد سے اپنا ایک نمونہ (پیٹرن) بنائیں۔ یہ پرزے سیٹ، گھنٹی، پیڈل، آئینہ، ہینڈل بار، اسٹیئرنگ وہیل یا کسی اور گاڑی کا کوئی بھی حصہ ہو سکتے ہیں۔اپنے پیٹرن کو رنگوں سے بھر کر اسے دل کش بنائیے۔

سرگرمی 1.3

معما حل کیجیے

آپ کو یہاں ایک گاڑی کے مختلف پرزے دکھائی دے رہے ہیں۔ کیا آپ اندازہ لگا سکتے ہیں کہ یہ پرزے کس گاڑی کے ہیں؟
تمام پرزوں کو آپس میں جوڑ کر ایک مکمل گاڑی کی تصویر بنائیں۔

سرگرمی 1.4

میرے خوابوں کی گاڑی

اگر آپ اپنے خوابوں کی گاڑی بنا سکتے، تو وہ کیسی ہوتی؟کیا وہ اُڑتی، تیرتی یا زمین پر چلتی؟کیا وہ صرف آپ کے لیے ہوتی یا بہت سے لوگوں کو لے جا سکتی؟کیا وہ بچوں، بزرگوں یا جانوروں کے لیے بھی موزوں ہوتی؟

• اپنی ڈرائنگ کی مدد سے اپنی خوابوں کی گاڑی کا ایک ماڈل تیار کیجیے۔
• ماڈل بناتے ہوئے اگر ضروری ہو تو اس میں مناسب تبدیلیاں کیجیے۔
• ماڈل مکمل ہونے کے بعد، رنگوں اور مختلف چیزوں کا استعمال کر کے اسے سجائیے۔آپ نے اکثر سائیکلیں، آٹو رکشے اور ٹرک دیکھے ہوں گے جو
  خوب صورتی سے سجائے جاتے ہیں اور اپنے مالک یا ڈرائیور کی پہچان
  بن جاتے ہیں۔کوشش کریں کہ آپ کی گاڑی بھی اسی طرح آپ کی
  پہچان دکھائے۔

جب آپ کی گاڑی تیار ہو جائے، تو اسے اپنے ذاتی انداز اور پسند کے مطابق سجائیں۔

سرگرمی 1.5

رکنے کی جگہیں

بس اسٹاپ ایک ایسی جگہ ہے جہاں لوگ اکثر بس کے انتظار میں کھڑے ہوتے ہیں۔

چھوٹے گروپ بنائیں اور کسی حقیقی بس اسٹاپ پر انتظار کرنے کے اپنے تجربے پر بات کریں۔

• بس اسٹاپ کہاں پر تھا؟
• کیا آپ کے ساتھ وہاں مختلف عمر کے افراد بھی انتظار کر رہے تھے؟
• کیا کسی کو بس میں سوار ہونے میں مشکل پیش آئی؟
• کیا وہاں سب کے لیے جگہ کافی تھی؟
• کیا بس اسٹاپ آرام دہ تھا؟ (کیا وہاں چھت، ریمپ، بیٹھنے کی جگہ یا سایہ موجود تھا؟)

آپ ایک بہتر بس اسٹاپ کس طرح ڈیزائن کریں گے؟

• ایسی کون سی سہولیات ہیں جو بس کا انتظار کرتے وقت آپ کے آرام میں اضافہ کریں گی؟
• بزرگ افراد، بچوں یا معذور افراد کو بس اسٹاپ پر کن سہولیات کی ضرورت ہوتی ہے؟

• اپنے خیال کے مطابق ایک بس اسٹاپ کا خاکہ بنائیے۔
• اسے اپنے گروپ کے ساتھ ساجھا کیجیے۔

اب گروپ میں مل کر کام کریں اور تمام ساتھیوں کے خیالات کو شامل کرتے ہوئے ایک بس اسٹاپ کا اسکیچ تیار کیجیے۔

پھر اس اسکیچ کو بطور حوالہ استعمال کرتے ہوئے اپنے بس اسٹاپ کا ایک سہ جہتی(3D)ماڈل تیار کیجیے۔

جب آپ کا بس اسٹاپ ماڈل تیار ہو جائے، تو چند کھلونے والی گاڑیاں جمع کیجیے یا اپنی خود کی چھوٹی گاڑیاں تیار کیجیے۔بس اسٹاپ پر ایک مصروف دن کا تصور کیجیے اور اس منظر کو مختصر انداز میں بیان کیجیے۔

جائزہ

باب 1 – حرکت کرتی اشیا
سی جی	سی	آموزشی ماحصل	استاد	خود
1	سی -1.1	دو جہتی(2D) اور سہ جہتی(3D) فن پاروں کے ذریعے مختلف سیاق و سباق میں اشیااور ان کی ترتیب کی عکاسی کرنا۔
2	سی -1.2	اشیا کے مختلف حصوں کو تخلیقی انداز میں جوڑ کر پیٹرن، نئی شکلیں اور دیگر اشیا بنانا۔
3	سی -2.3	ساتھیوں کی رائے کی بنیاد پر بصری فن پارے کو ایک سے زیادہ بار بنانے کی کوشش کرنا۔
		کلاس میں مجموعی طور پر شرکت۔

استادکےمشاہدات:

________________________________________________________________________

____________________________________________________________________________________________________

____________________________________________________________________________________________________

دیگر تاثرات:

_________________________________________________________________________________________

____________________________________________________________________________________________________

____________________________________________________________________________________________________