باب 12
آواز اور ساز

گزشتہ چند برسوں کے دوران ہم نے موسیقی کےمختلف سازوں کے بارے میں سیکھا ہے۔ اب آئیے اس تعلیمی سفر کو آگے بڑھاتے ہیں۔

ستار، طبلہ، مِردنگم، تانپورہ … آپ نے ان میں سے کچھ سازوں کو دیکھا یا ان کے بارے میں ضرور سنا ہوگا، ہے نا؟ موسیقی کے مختلف ساز ہمیں یہ موقع دیتے ہیں کہ ہم گیت یا دُھن میں مختلف آوازوں کوشامل کر کے اُسے مزید خوب صورت اور د ل کش بنا سکیں۔ ایساکرنے سے موسیقی گہری اوررنگارنگ ہوتی ہے۔دنیا میں سینکڑوں قسم کے موسیقی کے ساز ہیں، کچھ نہایت سادہ اور کچھ بہت ہی پیچیدہ ہوتے ہیں۔

جیسا کہ ہم نے پہلے پڑھا موسیقی کے ساز وں کو چار بڑی اقسام میں تقسیم کیا جاتاہے :
تار والے ساز(تَتَ وادیہ)، ہوا والے ساز (سُشِر وادیہ)، ضربی یا جھانج والے ساز
(اَوَنَدّھ وادیہ) اور ٹھوس ساز(گھَن وادیہ)۔

سرگرمی 12.1a

آپ کے استاد مختلف موسیقی کے سازوں کی آوازیں سنائیں گے تاکہ آپ ان سے مانوس ہو سکیں۔ غور سے سنیے:

• آپ کے خیال میں یہ ساز کس قسم سے تعلق رکھتا ہے؟
• کیا آپ اس ساز کا نام بتا سکتے ہیں؟
• کیا آپ اس ساز کے بارے میں کوئی تفصیل بتا سکتے ہیں؟ اس کی ابتدا کہاں ہوئی ہے ؟اورکس قسم کی موسیقی میں استعمال ہوتا ہے ؟

سرگرمی 12.1b

موسیقی کے سازوں کی درج ذیل تصویروں کو غور سے دیکھیے۔

• اندازہ لگایئے کہ یہ ساز کس قسم کا ہے؟
• اس ساز کا نام کیا ہے؟
• تصویر دیکھ کر کیا آپ سمجھ سکتے ہیں کہ یہ ساز کیسے بجایا جاتا ہے؟
• ان سازوں کی آوازیں آن لائن تلاش کیجیے اور سن کر ان سے واقفیت
  حاصل کیجیے۔

سرگرمی 12.2

یہ ایک خوب صورت ساز ہے جسے رودروِیناکہا جاتا ہے۔ یہ ایک بڑا تار والا ساز ہے جسے انگلیوں سے چٹکی لیتے ہوئے بجایا جاتا ہے اور اس کے ساتھ دو گونج پیدا کرنے والے حصے تھمبا ہوتے ہیں۔ یہ ساز خاص طور پرہندوستانی کلاسیکی موسیقی بالخصوص ایک قدیم طرز جسے دھرُوپَد کہا جاتا ہے بجانے کے لیے استعمال کیا جاتا ہے۔ اس کی آواز بہت گہری اور گونج دار ہوتی ہے۔ یہ ساز اکثر باریک نقش و نگار سے سجایا جاتا ہے جن میں روایتی یا پھولوں کے پیٹرن اور ڈیزائن شامل ہوتے ہیں۔

اوپر دکھائی گئی رودر وِیناکی تصویر کو سجایئے، خاص طور پر اس کے دونوں تھمبوں کو۔ آپ اپنے بصری آرٹ سے حاصل کیے گئے ڈیزائن ،نقش و نگار اور تخیلاتی خاکے استعمال کر سکتے ہیں۔

اب آن لائن رودر وِیناپر بجائی گئی موسیقی سنیے۔ کیا آپ کو اس کی آواز دیگر موسیقی کے سازوں سے مشابہ لگتی ہے یا مختلف ؟

سنتور کی کہانی

سنتوربھارت کا ایک مشہور تار والا ساز ہے، جسے مِضراب کہا جاتا ہے۔یہ دو چھوٹی ڈنڈیوں سے تاروں پر ہلکی ضرب لگا کر بجایا جاتا ہے۔یہ ساز عموماً میپل یا اخروٹ کی لکڑی سے تیار کیا جاتا ہے۔سنتور میں عام طور پر تقریباً 100 تاریں ہوتی ہیں۔قدیم سنسکرت متون میں اس ساز کو “شت تنتری وِینا” کے نام سے یاد کیا گیا ہے۔یہ ساز کشمیر سے تعلق رکھتا ہے اور ماضی میں اسے ایک روحانی طرز کی موسیقی یعنی صوفیانہ موسیقی میں استعمال کیا جاتا تھا، جو صوفی روایت سے جڑی ہوئی ہے۔پنڈت شیوکمار شرما اور پنڈت بھجن سوپوری جیسے عظیم فن کاروں کی کاوشوں کے باعث سنتور نے ہندوستانی کلاسیکی موسیقی میں بھی نمایاں مقام حاصل کیا۔ سنتور کی آواز میں ایک خاص نرمی اور روحانیت ہوتی ہے۔جو ہمیں وادیٔ کشمیر کی یاد دلاتی ہیں۔

کوئز کا وقفہ: سنتور کی تصویر دیکھیے۔اس کی جیومیٹری والی شکل کیاہے؟

گیت: بادول باؤل باجے رے اکتارہ

زبان: بنگالی

گانے کا خلاصہ: یہ ایک گانا ہے جو اکتارہ بجانے کے بارے میں بات کرتا ہے اور فطرت کی بھی عکاسی کرتا ہے۔

جائزہ

باب 21 – آواز اور ساز
سی جی	آموزشی ماحصل	استاد	خود
1.3	ایک ساز کا ماڈل بنانے کی صلاحیت رکھنا ۔
1.4	فطرت کی آوازوں کی نقل کرنے والے موسیقی کے آلات کے بارے میں جاننا ۔
2.4	عام بھارتی موسیقی کے آلات سے واقف ہونا۔

استادکےمشاہدات:

____________________________________________________________________________________________________

____________________________________________________________________________________________________

____________________________________________________________________________________________________

دیگر تاثرات:

____________________________________________________________________________________________________

____________________________________________________________________________________________________

____________________________________________________________________________________________________