اکائی 1

ہمارے آس پاس کی زندگی

اکائی کے بارے میں

ابتدائی سطح پر یہ اکائی جانوروں، پرندوں اور کیڑے مکوڑوں کے گھر کے طور پر فطرت کے اہم کردار کو اجاگر کرتی ہے۔ گریڈ 3 اور 4 کے طلبا مٹی، ہوا اور پانی کے بارے میں تفصیلی معلومات حاصل کر چکے ہیں۔ انھوں نے یہ بھی سیکھا ہے کہ مٹی، ہوا، پانی اور سورج کی روشنی کی دستیابی پر مبنی مختلف قسم کی زمین پر زندگی کس طرح ارتقائی مراحل طے کرتی ہے۔

گریڈ 5 میں یہ اکائی زندگی اور ماحولیاتی نظام میں پانی کی اہمیت کے بارے میں بتاتی ہے۔ یہ زمین کی تشکیل اور آبادیوں کو بسانے میں اس کی مختلف قسموں، حرکات اور کردار کا احاطہ بھی کرتی ہے۔ یہ اکائی پانی کو زندگی کا ایک منفرد اور محدود وسیلہ قرار دیتی ہے— یہ واضح کرتی ہے کہ کرۂ ارض پر زندگی کو برقرار رکھنے میں یہ کس طرح مدد کرتا ہے۔

یہ ان افراد کی زندگیوں کی مثالیں بھی پیش کرتی ہے، جو فطرت کے قریب ہوتے ہیں۔ وہ فطرت کے صاف ستھرے خزانوں سے لطف اندوز ہوتے ہیں اور قریبی جنگلات اور آس پاس دستیاب مواد سے مختلف اشیا تیار کرتے ہیں۔ ان کا طرز زندگی اور مقامی طور پر دستیاب مواد سے اشیاتیار کرنا اس بات کی عکاسی کرتا ہے کہ فطرت کی آغوش میں زندگی کس طرح خوش و خرم اور اختراعی ہوسکتی ہے۔

1

پانی — زندگی کا جوہر

بارش ہورہی ہے۔ آفرین کھڑکی کی طرف لپکی جہاں جیوتی پہلے سے ہی کھڑکی کے شیشے پر بارش کی چھوٹی چھوٹی بوندوں کو گرتے ہوئے دیکھ رہی تھی۔ آفرین نے پوچھا ، ‘‘تمھارے خیال میں یہ تمام پانی کہاں سے آتا ہے؟ اور یہ کہاں جاتا ہے؟’’

آ ئیے ،ہم پانی کے سفر کے بارے میں جانیں۔

لیکن سب سے پہلے، ہمیں یہ معلوم کرنا ہے کہ کرۂ ارض پر کتنا پانی ہے؟

حالانکہ کرۂ ارض کا زیادہ تر حصہ پانی سے ڈھکا ہوا ہے لیکن اس پانی کا بیشتر حصہ کھارا ہے ، جس کی وجہ سے تازہ پانی کی مقدار کم رہ گئی ہے۔ تمام زندہ مخلوق— انسان، جانور، پرندے اور پیڑ پودے— زندہ رہنے کے لیے سب تازے پانی پر منحصر ہیں۔ یہ پینے ، فصلیں اگانے اور روزمرہ کی سرگرمیوں کو انجام دینے کے لیے لازمی ہے۔ بہت سے پیڑ پودے اور جانور بھی تازہ پانی میں ہی زندہ رہتے ہیں۔ پانی کے بغیر ، زندگی کا تصور ممکن ہی نہیں ہے۔

اب ، یہ تصور کیجیے کہ اگر کرۂ ارض پر موجود سارا پانی اس گلاس میں ہے ، تو اس میں سے تازہ پانی اتنا ہی ہوگا جتنا کہ ایک چائے کے چمچ میں آسکتا ہو۔

1. کیا آپ سمجھتے ہیں کہ ہم سمندر میں موجود پانی پی سکتے ہیں؟
2. سمندر کے پانی کا استعمال کس طرح کیا جا سکتا ہے؟

جیوتی نے حیرانی سے سوال کیا، ‘‘کیا ہوا میں بھی پانی موجود ہے؟ اور کیا برف بھی پانی کی ایک شکل ہے؟ ’’

پانی کی مختلف قسمیں ہوتی ہیں

ہم پانی کی مختلف قسموں کے بارے میں پہلے سے ہی جانتے ہیں — رقیق (جیسا کہ بارش)، ٹھوس (جیسا کہ برف) اور بخارات (جیسا کہ بھاپ میں)۔آئیے ہم ایک آسان سرگرمی کے ذریعے اس کے بارے میں معلومات حاصل کرتے ہیں!

اوپر کی سرگرمی میں آپ پانی کی کون سی قسمیں دیکھتے ہیں؟

---

تبدیلیوں کا مشاہدہ کیجیے

سرگرمی	میرا مشاہدہ
برف کا پگھلنا
پانی کا ابلنا
دھوپ میں تین دن پانی رکھنا

ان تجربات کے ذریعے، ہمیں یہ معلوم ہوا کہ پانی، برف اور بھاپ میں تبدیل ہو سکتا ہے، اور وہ پھر سے رقیق کی شکل اختیار کر سکتا ہے۔

گردش آب

آئیے ! ہمیں یہ سمجھنا چاہیے کہ فطرت میں اس طرح کی تبدیلیاں کس طرح رونما ہوتی ہیں۔

جیسا کہ آپ نے مندرجہ بالا سرگرمی میں دیکھا، سورج کی گرمی سےپانی بخارات کی شکل اختیار کر لیتا ہے۔ جب پانی کے بخارات سرد ہوتے ہیں، تو یہ بیگ کے اندر چھوٹی چھوٹی بوندیں بناتے ہیں۔ آخر کار ، یہ بوندیں گر کرپانی میں مل جاتی ہیں۔

اسی طرح سے فطرت میں، گرمی سے پانی مختلف ذرائع سے تشکیل پاتا ہے، جیسے کہ سمندر اور دریاؤں سے، جو پانی کے بخارات میں تبدیل ہو جاتا ہے۔ پانی کے بخارات بادلوں کی تشکیل کرتے ہیں، جو بارش برف اور ژالے کی شکل میں زمین پر گرتے ہیں۔ یہ پانی دریاؤں میں، جھیلوں اور سمندر میں واپس چلا جاتا ہے۔

فطرت میں پانی کی یہ مستقل مدوّر حرکت گردشِ آب کہلاتی ہے۔

زمینی پانی

آئیے ! یہ معلوم کریں کہ جب بارش ہوتی ہے تو اس کا پانی کہاں جاتا ہے۔

جب بارش ہوتی ہے، تو کچھ پانی مٹی جذب کر لیتی ہے۔ یہ پانی مٹی اور چٹانوں کی پرتوں کے ذریعے نیچے اتر جاتا ہے۔ جو پانی زیر زمین بہت گہرائی میں ذخیرہ ہوتا ہے، اسے زمینی پانی کہتے ہیں۔ ہم کنوئیں، بورویل، ٹیوب ویل اور ہینڈ پمپ لگاتے ہیں اور ان سے اپنے استعمال کے لیے زمین سے پانی حاصل کرتے ہیں۔

شہروں میں جہاں بہت طرح کی سیمنٹ سے بنی سطحیں ہوتی ہیں، بارش کا پانی آسانی سے زمین کے اندر نہیں پہنچ پاتا ہے،جس کی وجہ سے زمینی پانی کے ذخیرے میں اضافہ نہیں ہو پاتا۔

سطحی پانی

دریا، تالاب، جھیلیں وغیرہ، زمینی پانی کے علاوہ، تازہ پانی کے قدرتی ذرائع ہیں۔

کیا آپ نے کبھی سوچا ہے کہ دریا کس طرح بہتا ہے؟

کوئی بھی دریا اپنے سفر کا آغاز بلندی پر پہاڑوں سے کرتا ہے اور نیچے کی طرف زمین پر بہتا ہے۔

آئیے ! اس بات کو ایک سرگرمی کے ذریعہ سمجھتے ہیں۔

1. آپ نے سرسوں کے بیج کے بارے میں کیا مشاہدہ کیا؟
2. کیا وہ ایک سیدھی لائن میں حرکت کر رہے ہیں یا پھر مختلف سمتوں میں پھیل گئے ہیں؟

3. کیا وہ کسی حصّے میں جمع ہورہے ہیں ؟ کیا وہ اُسی طرح جمع ہورہے ہیں جس طرح سے جھیلوں، دریاؤں اور دیگر ذخیروں میں پانی جمع ہوتا ہے؟

پانی، اپنے سفر میں، زمین کی بناوٹ کے مطابق بہتا، رکتا اور رخ تبدیل کرتا ہے۔ پانی کا بہاؤ زمین کی شکل بھی تبدیل کر سکتا ہے۔

سرسوں کے بیجوں کے ساتھ سرگرمی 6کی بنیاد پر، بات چیت کیجیے کہ کچھ دریا کس طرح بحیر ۂ عرب کی جانب بہتے ہیں جبکہ کچھ دریا خلیج بنگال کی جانب بہتے ہیں۔

ہماری زندگی کی شہہ رگ — ہندوستان میں دریا

ہندوستان کے اس نقشے میں ہمارے ملک کے کچھ بڑے دریاؤں کو دکھایا گیا ہے۔

پانی کے اندر زندگی

آفرین نے یہ محسوس کیا کہ اسکول کے نزدیک موجود تالاب بارش کے پانی سے بھر گیا ہے۔ اس نے جیوتی کو پکارا ‘‘آؤ اور دیکھو!’’ وہ دونوں چھوٹی چھوٹی مچھلیوں کو تیرتے ہوئے اور کنول کے ایک پتے پر ایک چھوٹے سے مینڈک کو دیکھ سکتی تھیں۔

پانی میں رہنے والے مختلف طرح کے جانوروں اور پیڑ پودوں کو دیکھنا ایک خوشگوار تجربہ ہوتا ہے! وہ ان سے کس طرح مختلف ہوتے ہیں، جو زمین پر رہتے ہیں؟

خشکی پر رہنے والے جانوروں اور پانی میں رہنے والے جانوروں کی خصوصیات سے متعلق اپنے ساتھیوں سے تبادلہ ٔخیال کرنے کے بعد نیچے دیے گئے جدول کو مکمل کیجیے۔

زمین پر رہنے والے جانور	پانی میں رہنے والے جانور
پانی کے اندر سانس نہیں لے سکتے۔	تیرنے کے لیے پَر ہوتے ہیں۔

2. ان پیڑ پودوں کی تصاویر بنایئے جو آپ نے دورے کے دوران دیکھے ہیں اور ان کے مقامی نام کے ساتھ ان کے لیبل لگائیے۔

قسمیں	نام	مقامی نام
تیرنے والے پیڑ پودے (پانی کے اوپر)	لِلّی
پانی کے اندر کے پیڑ پودے
ایسے پودے جن کی جڑ یں پانی میں ہوتی ہیں لیکن وہ پانی کے اوپر نظر آتے ہیں

پتیوں پر موم کی پرت انھیں پانی سے محفوظ رکھتی ہے اور پانی کو پودے کے اندر جانے سے روکتی ہے۔ یہ پودے کو صحت مند رکھتی ہے اور خراب نہیں ہونے دیتی۔

پانی میں پودوں کی اقسام

اس سرگرمی کے ذریعے، ہمیں ان پودوں اور جانوروں کی بہت سے اقسام کا پتہ چلا جو تازہ پانی والی آبادیوں میں رہتے ہیں۔ ان جانداروں کی مخصوص خصوصیات ہیں — جیسے کہ تیرتی ہوئی پتیاں، پَر، یا لمبی جڑیں — جو پانی میں زندہ رہنے اور پھلنے پھولنے میں ان کی مدد کرتی ہیں۔ یہ ہمیں اس بات کی یا د دہانی کراتی ہیں کہ کرۂ ارض پر زندگی کو جاری رکھنے کے لیے تازہ پانی کتنا ضروری ہے۔

اس باب میں ،ہم نے سیکھا کہ پانی کی مختلف شکلیں ہوتی ہیں — برف، پانی اور بخارات۔ہم نے دیکھا کہ آبی گردش کے ذریعے پانی کس طرح متحرک رہتا ہے؛ ہوا، زمین اور آسمان میں اپنے سفر کے ذریعے اپنی شکل بدلتا ہے۔ ہمیں اس بات کی بھی معلومات ہوئی کہ پانی کے پیڑ پودے اور جانورکس طرح پانی کے اندر اور اطراف میں زندگی گزارتے ہیں اور اپنی بقا کے لیے پانی پر انحصار کرتے ہیں۔

1. مندرجہ ذیل کو ملائیے:

(i) سمندری پانی (a) پانی کی ٹھوس قسم

(ii) برف (b) بخارات کی شکل میں پانی

(iii) بھاپ (c) پینے کے قابل نہیں

(iv) بارش کا پانی (d) تازہ پانی

2. آپ ایسا کیوں سمجھتے ہیں کہ کرۂ ارض پر موجود پانی میں زیادہ تر پانی کو پینے اور کاشت کاری کے لیے استعمال نہیں کیا جا سکتا؟
3. جانداروں کی بڑی تعداد، آبی ذخیروں کے آس پاس رہتی ہے۔ کیوں؟
4. اگر آپ کے علاقے میں دو برس تک بارش نہ ہو تو کیا ہو گا؟
5. آپ کے خیال میں، شہر کے مقابلہ کسی جنگل میں بارش کا پانی کہاں جاتا ہے؟
6. کیا آپ ایسا گھر یا اسکول ڈیزائن کر سکتے ہیں، جس میں اچھی طرح سے پانی کا ذخیرہ کیا جا سکے؟اس میں کیا کیا شامل ہوگا؟
7. آئیے ! کاغذ کے ٹکڑے سے ایک مچھلی بنائیں۔