7

توانائی - چیزیں کیسے کام کرتی ہیں

اکائی4

ہمارے آس پاس کی چیزیں

اس اکائی کے بارے میں

ابتدائی سطح پراس اکائی کا مقصد طلبا کو ان کے آس پاس کی مختلف چیزوں سے روشناس کرانا ہے — وہ کیسے کام کرتی ہیں اورکیسے تیار کی جاتی ہیں۔ گریڈ 3 اور 4 میں طلبا دیسی کھلونے جیسے(چرخا اور کاغذی کشتیاں)کے ساتھ مصروف رہ چکے ہیں تاکہ وہ یہ سمجھ سکیں کہ وہ کیسے کام کرتے ہیں۔ وہ اینٹ،کاغذ وغیرہ تیار کرنے کے عمل کوسمجھ کر یہ بھی سیکھ چکے ہیں کہ چیزیں کیسے تیار کی جاتی ہیں۔

آسانی سے دستیاب موادکی مددسے اشیا تیارکرنےسے، طلبا(5R)یعنی انکا رکرنے(Refuse)، کم کرنے (Reduce)، دوبارہ استعمال کرنے (Reuse)دوسری طرح سے استعمال کرنے (Repurpose)اوردوبارہ قابل استعمال بنانے (Recycle) کے کار آمد طریقۂ کار بھی سیکھتے ہیں تاکہ وہ ذمہ دارانہ فیصلے بھی لے سکیں۔ اپنے ہاتھوں سے چیزیں تیار کر کے وہ روز مر ہ کی زندگی میں استعمال ہونے والی اشیا کے ساتھ گہرا تعلق پیدا کرتے ہیں اور اپنے ماحول کے ساتھ مربوط ہونا اور اس کا خیال رکھنا بھی سیکھتے ہیں۔

گریڈ 5کی یہ اکائی طلبا کو یہ دریافت کر نے کی دعوت دیتی ہے کہ توانائی اور کپڑے جیسی روز مرہ کے استعمال کی اشیا کیسے تیار اور استعمال کی جاتی ہیں۔آسان سرگرمیوں اور عام مثالوں کے ذریعہ وہ اس بات کا علم حاصل کرتے ہیں کہ توانائی کیسے حرکت اور روشنی پیدا کر تی ہے،دھاگے سے کپڑا کیسے تیار کیا جاتا ہے اورچیزوں کو دوبارہ استعمال کرنا اور صاف ستھری توانائی کیوں اہمیت کی حامل ہیں۔یہ انھیں اپنے گھر وں اور آس پاس کی عام چیزوں کے پیچھے کارفرما عمل کو سمجھنے میں مدد کرتی ہیں۔

7

توانائی - چیزیں کیسے کام کرتی ہیں

توانائی کیا ہے؟

رسوئی میں ،ہم مختلف طرح کی سرگرمیاں دیکھ سکتے ہیں۔

آئیے کچھ دیر کے لیے ایک رسوئی کا مشاہدہ کریں۔درج ذیل جدول میں اپنے مشاہدات اور ذہن میں ابھرنے والے سوالات تحریر کیجیے۔

میں نے مشاہدہ کیا	مجھے حیرت ہوئی
کھانا پکایا جا رہا ہے	یہ کس طرح پکایا جا رہا ہے؟

اسی طرح ، ہم فطرت اور سماج میں مختلف قسم کی سرگرمیو ں کا مشاہدہ کر تے ہیں۔

آپ اپنے مشاہدات پر مبنی کم از کم تین ایسی چیزیں لکھیے جنھیں آپ نے محسوس کیا ہو:

• حرکت کرنا

---

• روشنی فراہم کرنا

---

• آواز نکالنا

---

• چیزوں کو ٹھنڈا کرنا

---

• چیزوں کو گرم کرنا

---

وہ کیا ہے جو ان چیزوں کو حرکت دیتی ہے،چمکاتی ہے،آواز پیدا کرتی ہے یاگرم اور ٹھنڈا کرتی ہے؟

جیسا کہ آپ جانتے ہیں کہ سورج ہمیں روشنی اور گرمی دیتاہے۔ہمارے آس پاس کی چیزیں حرکت کرتی ہیں، روشن ہوتی ہیں، آواز کرتی ہیں یا وہ ٹھنڈی یا گرم ہوجاتی ہیں۔کوئی چیز ان تمام کاموں کا باعث بنتی ہے — اسے ہم توانائی کہتے ہیں۔

توانائی وہ ہے جو چیزوں کو حرکت دینے کے قابل بناتی ہے، انھیں روشن کرتی ہے، ان میں آواز پیدا کرتی ہے اورکام کرتی ہے نیز درجہ ٔ حرارت میں تبدیلی لاتی ہے۔

ہم ہر روز توانا ئی کا استعمال کئی طریقوں سے کرتے ہیں جیسے چیزوں کو حرکت دینے کے لیے، آواز پیدا کرنے یا کام کرنے کے لیے اور کبھی کبھار غیر محسوس طور پر بھی ہم توانائی کااستعمال کرتے ہیں۔

آئیے ان سادہ اور دل چسپ سر گرمیوں کے توسط سے یہ دریافت کریں کہ توانائی کیسے کام کرتی ہے۔

سرگرمی 1

کھلونے کو تیز رفتار یا سست رفتار بنانے کے لیے آپ سر گرمی میں کیا تبدیلی کریں گے؟

سرگرمی 2

اگر آپ اس سرگرمی میں پتلے یا موٹے ربر بینڈ استعمال کرتے ہیں تو کیا ہوتا ہے؟ کیاوہ مختلف طرح کی آواز پیدا کرتے ہیں؟

سرگرمی 3

توانائی کے وسائل

ٹیچر نے جماعت سے پوچھا، ‘‘کیا آج صبح آپ سب نے ناشتہ کیا ہے؟’’ہر ایک نے جواب دیا،’’جی ہاں!‘‘

پھر ٹیچر نے کہا، ’’آئیے ہم ایک سرگرمی کرتے ہیں —کھڑے ہوجائیے اور اپنے اپنے بازوؤں کو پھیلائیے۔ اب، کودیے! اپنی جگہ پر پہنچیے۔‘‘

ٹیچر نے سوال کیا ، ‘‘آپ کس طرح حرکت کرنے کے قابل ہوئے؟’’

‘‘ہم توانائی کی وجہ سے حرکت کرپائے ہیں۔’’سارے طلبا نے جواب دیا۔

ٹیچر نے پھر سوال کیا، ’’جب آپ بھوکے ہوتے ہیں تو کیسا محسوس کرتے ہیں؟ جب ہم کچھ نہیں کھاتے تو ہمیں تھکاوٹ کا احساس ہوتا ہے، اور جب ہم کچھ کھالیتے ہیں تو چستی محسوس کرتے ہیں اور کھیلنے کے لیے تیار ہو جاتے ہیں۔ آپ کے خیال میں اس کی کیا وجہ ہو سکتی ہے؟ یہ اس کھانے کی وجہ سے ہے جو ہم کھاتے ہیں اور یہ ہمیں ایسی توانائی فراہم کرتا ہے جس کی ہمیں ضرورت ہوتی ہے۔‘‘

آئیے، اب ہم جانوروں کے بارے میں سوچتے ہیں۔کوئی کتا دوڑ رہاہے اور کوئی چڑیا اڑرہی ہے... ہماری طرح ہی جانوروں کو بھی حرکت کرنے، اڑنے، تیرنے، دوڑنے، کھانا ڈھونڈنے اور خود کو محفوظ رکھنے کے لیے توانائی کی ضرورت پڑتی ہے۔

لیکن انھیں یہ توانائی کہاں سے حاصل ہوتی ہے؟

وہ بھی اسے کھانے سے ہی حاصل کرتے ہیں۔کھانا تمام جان داروں کے لیے توانائی کا ذریعہ ہے۔

ایندھن سے توانائی

ہم گاڑیوں کو مصروف شاہراہوں پر دوڑتے ہوئے دیکھتے ہیں۔

کار اور اسکوٹر کو چلنے کے لیے کس چیز کی ضرورت پڑتی ہے؟

جس طرح ہمارے لیے کھانا ہے، اسی طرح پیٹرول اور ڈیزل جیسے ایندھن گاڑیوں کے لیے توانائی کے ذرائع ہیں۔

آپ کے گھر میں کھانا کیسے تیارکیاجاتا ہے؟

ہم اپنے گھروں میں بھی ایندھن کا استعمال کرتے ہیں۔کھانا پکانے والی گیس ایک ایندھن ہے۔ کچھ مقامات پر لوگ کھانا بنانے کے لیے لکڑی اور کوئلے کا استعمال کرتے ہیں۔ لیکن جلنے والی لکڑی یا کوئلہ دھواں اور آلودگی پیدا کرتے ہیں، اس لیے ہمیں ان کا استعمال ا حتیاط سے کرناچاہیے۔

1. کھانا پکانے کے لیے آپ گھر میں کون ساایندھن استعمال کرتے ہیں؟
2. بہت زیادہ لکڑی اور کوئلہ استعمال کرنے سے کیا پریشانیاں ہوتی ہیں؟

سرگرمی 4

تیل ایندھن ہے۔ ہم اپنی روزمرہ کی زندگی میں کھانا پکانے، دیے جلانے اور گاڑیاں چلانے جیسی بہت سی سرگرمیوں کے لیے مختلف طرح کے ایندھن کا استعمال کرتے ہیں۔

بجلی

آپ کے گھر میں ایسی کون کون سی چیزیں ہیں جنھیں چلانے کے لیے بجلی کی ضرورت پڑتی ہے؟

سرگرمی 5

اوپر کی مثالوں سے کیا آپ نے اس بات کا اندازہ لگایا کہ بجلی کو حرکت دینے نیز آواز پیدا کرنے، روشنی فراہم کرنے اور گرمی پیدا کرنے کے لیے استعمال کیا جا سکتا ہے؟

اگر بجلی نہ ہوتی ہو تو آ پ کا دن کیسا ہوتا؟

بجلی کی وجہ سے ہماری زندگی بہت آسان ہو گئی ہے۔ ہمارے گھر اور اسکول ہی نہیں بلکہ بہت سی صنعتیں بھی مشینوں کو چلانے کے لیے بجلی کا استعمال کرتی ہیں۔و ہ ایسی بہت سے چیزیں تیار کرنے میں مدد کر تی ہے ،جن کی ہمیں ضرورت پڑتی ہے،جیسے کہ ملبوسات، کھلونے، کتابیں اور کھانانیز وہ اسکوٹر اور کاریں جنھیں ہم استعمال کرتے ہیں۔

بجلی بہت فائدے مند ہے البتہ اگر اس کے استعمال میں احتیاط نہ برتی جائے تو یہ خطرنا ک بھی ہو سکتی ہے۔

ہم جوبجلی استعمال کرتے ہیں اس میں سے زیادہ تر بجلی کوئلے جیسے جلنے والے ایندھن سے حاصل ہوتی ہے۔البتہ جلنے والے کوئلے سے بڑی مقدار میں دھواں اور ضرر رساں گیس بنتی ہیں جو ہوا کو آلودہ کرتی ہیں۔ یہ آلودہ ہو ا ہماری صحت اور ماحول کے لیے اچھی نہیں ہے۔

اس کے علاوہ ایسے کچھ دیگر ذرائع بھی ہیں جنھیں ہم بجلی پیدا کرنے کے لیے استعمال کر سکتے ہیں اوریہ آلودگی بھی نہیں پھیلاتے۔کیا آپ ان ذرائع کو تلاش کر سکتے ہیں؟

سورج ،ہوا اور پانی سے توانائی پیدا کرنا

ایک چھوٹا سا گیلا کپڑا دھو پ میں رکھیے۔دوسرا گیلا کپڑاسایہ میں رکھیے۔آپ کے خیال میں کون سا کپڑا پہلے خشک ہوگا؟ کیوں؟

آئیے ہم کچھ اور مثالیں دیکھتے ہیں۔ آ پ اپنے بڑوں یا ٹیچر سے درج ذیل سرگرمیاں انجام دینے میں مدد لے سکتے ہیں۔

سرگرمی 6

سرگرمی 7

سرگرمی 8

پن والی پھرکی گھو می، کاغذ جل گیا اور پانی کا پہیہ گھوم گیا­ — یہ تمام سر گرمیاں ہمیں یہ بتاتی ہیں کہ ہوا، دھوپ اور پانی توانائی کے ایسے وسائل ہیں جو چیزوں کو کام کے قابل بناتے ہیں۔

کیا آپ نے کبھی پاپڑ کو سورج کی روشنی میں سکھاتے ہوئے اور کپڑے سوکھنے کے لیے لٹکے ہوئے دیکھا ہے؟

کیا آپ ایسی دیگر مثالوں کے بارے میں سوچ سکتے ہیں جن میں ہم سورج، ہوا یا بہتے ہوئے پانی کو استعمال کرسکتے ہیں؟

دی گئی تصویر ہمیں وہ آسان راستے بتاتی ہے جن سے ہم بنا بجلی کا استعمال کیے،روزمرہ کی زندگی میں سورج، ہوا اور بہتے پانی سے توانائی حاصل کر سکتے ہیں۔

شمسی پینل سورج کی روشنی کو جذب کرتے ہیں اور اسے بجلی میں تبدیل کر دیتے ہیں۔پون چکی بجلی بنانے کے لیے ہوا سے چلتی ہے۔تیز ی سے بہنے والی ندیاں اورآبی جھرنوں کو بھی بجلی پیدا کرنے کے لیے استعمال کیا جاسکتا ہے۔

ہوا، پانی یا شمسی توانائی جیسے توانائی کے قدرتی وسائل کو استعمال کرتے ہوئے بجلی پیدا کرنے سے دھوئیں یا کچرے جیسی آلودگی زمین پر نہیں پھیلتی اور اسے صاف ستھری توانائی کہتے ہیں۔

کیا آپ کو معلوم ہے کہ ہماری گاڑیاں بھی بجلی سے چل سکتی ہیں؟

ہمارے اطراف میں توانائی

اوپر دی گئی تصویر میں آپ کو جو کارروائیاں نظر آتی ہیں ان کی فہرست تیار کیجیے اور درج ذیل جدول کو پُر کیجیے :

سرگرمی	توانائی کا ذریعہ
اسکول کا بستہ لے کر جاتا ہوا ایک بچہ۔	کھانا

سرگرمی 9

توانائی وہ ہے جو ہماری زندگی کو فعال اور متحرک رکھتی ہے۔حرکت کے لیے خوراک کا استعمال کرتے ہوئے انسانوں اور جانوروں سے لے کر ایندھن استعمال کرنے والی گاڑیوں اور ہمارے گھروں کو روشن کرنے والی بجلی — توانائی ہر جگہ کام کر تی ہے! ہم سورج، ہوا، پانی سے صاف ستھری توانائی حاصل کر تے ہیں جو کہ زمین کو نہ تو نقصان پہنچا تی ہے اور نہ ہی آلودہ کرتی ہے۔

اب، ہم اس بات کو سمجھ گئے ہیں کہ توانائی کہاں سے آتی ہے اور و ہ کیسے ہماری مدد کرتی ہے۔آئیے ہم سمجھ داری کے ساتھ اس کا استعمال اور اس کی بچت کریں۔جب کبھی بھی ممکن ہو تو توانائی کے صاف ستھرے ذرائع کا انتخاب کیجیے۔

1. اگر آپ کے گھر میں کسی ایک دن بجلی نہ ہو تو کیا ہوگا؟
2. کوئلہ کے بجائے شمسی یا ہوا کی توانائی کا استعمال کرنا کیوں بہتر ہے؟
3. دو ایسی مثالیں دیجیے جس میں آپ نے توانائی کو ذخیرہ کرتے ہوئے دیکھا ہو۔
4. توانائی کی بچت کرنے کے لیے آپ اپنے گھر میں کون سا ایک کام کر سکتے ہیں؟
5. معلوم کیجیے کہ ایک لیٹر پیٹرول یا ڈیزل میں کوئی گاڑی کتنے کیلو میٹر کا سفر طے کرتی ہے۔ مختلف قسم کی گاڑیوں کے بارے میں معلوم کیجیے۔ آپ ان کا موازنہ کس طرح کریں گے؟
6. اپنے گھر یا کمرہ ٔ جماعت کے ارد گرد دیکھیے۔ تین ایسی اشیا کی فہرست تیار کیجیے جو توانائی استعمال کرتی ہوں اور توانائی کے لیے ان کا ذریعہ بیان کیجیے۔

مثال کے طور پر: چیز؛ پنکھا ←توانائی کا ذریعہ: بجلی

7. تخلیق کیجیے اور اشتراک کیجیے:
   1. ‘صاف ستھری توانائی کا گھر’ ایک سادہ خاکہ تیار کیجیے جس میں شمسی، ہوائی یا اسی طرح کی توانائی کا کوئی ذریعہ استعمال کیا جاتا ہے۔
   2. ایک دن کے لیے ‘میری توانائی کی ڈائری’تیار کیجیے ،اس میں ان اوقات کا ریکارڈ تحریر کیجیے جن میں آپ نے بجلی کا ایندھن کچھ اور استعما ل کیا ہو۔