صرف پڑھنے کے لیے

ننھی پجارن

اک ننھی منی سی پجارن
پتلی با نھیں، پتلی گردن
بھور بھئے مندر آئی ہے
آئی نہیں ہے ماں لائی ہے
وقت سے پہلے جاگ اُٹھی ہے
نیند ابھی آنکھوں میں بھری ہے
آنکھوں میں تاروں کی چمک ہے
مکھڑے پر چاندی کی جھلک ہے
کیسی سُندر ہے کیا کہیے
ننھی سی اک سیتا کہیے
دھوپ چڑھے تارا چمکا ہے
پتھر پر اک پھول کھلا ہے
چاند کا ٹکڑا، پھول کی ڈالی
کم سین، سیدھی، بھولی بھالی ہاتھ میں پیتل کی تھالی ہے
کان میں چاندی کی بالی ہے
دل میں لیکن دھیان نہیں ہے
پوجا کا کچھ گیان نہیں ہے
کیسی بھولی اور سیدھی ہے
مندر کی چھت دیکھ رہی ہے
ماں بڑھ کر چٹکی لیتی ہے
چپکے چپکے ہنس دیتی ہے
ہنسنا رونا اس کا مذہب
اس کو پوجا سے کیا مطلب
خود تو آئی ہے مندر میں
مَن اُس کا ہے گڑیا گھر میں