باب 9
خاندان اور برادری (Family and Community)

-ترو ولور

خاندان (Family)

تقریباً ہم سب ایک خاندان میں رہتے ہیں۔ خاندان کسی بھی معاشرے کی بنیادی اور قدیم ترین اکائی ہے۔ آج کے ہندوستانی معاشرے میں مشترکہ خاندانوں سے لے کر وحدانی خاندانوں Nuclear) (families تک کئی اقسام کے خاندان ہیں۔ ایک مشتر کہ خاندان میں کئی نسلیں ایک ساتھ رہتی ہیں: دادا دادی، والدین، چاچا چاچی، بھائی، بہن اور چچیرے بھائی بہن۔

دوسری طرف وحدانی خاندان ماں باپ اور ان کے بچوں اور کبھی کبھی ماں یا باپ اور بچوں تک محدود ہوتا ہے۔

آئیے معلوم کریں

انگریزی میں خاندانی رشتوں کو بیان کرنے کے لیے زیادہ اصطلاحات نہیں ہیں۔ ہم نے ان میں سے بعض اصطلاحات پہلے پیراگراف میں دیکھی ہیں۔ ہندوستانی زبانوں میں خاندانی رشتوں کی بہت سی اصطلاحات ہیں۔ مثال کے طور پر ہندی میں ہوا، تاؤ، تائی، چاچا، موسی، نانا، نانی اور بہت کچھ ہیں۔ کچھ زبانوں جیسے عمل میں بھی بڑے بھائی بہن یا چھوٹے بھائی بہن کے لیے مختلف اصطلاحات ہیں۔ لیکن ہندوستانی زبان میں کزن کے لیے کیا لفظ ہے ؟ آپ کو زیادہ تر ہندوستانی زبانوں میں ایسا کوئی لفظ نہیں ملے گا کیوں کہ کزن کا استعمال صرف بھائیوں اور بہنوں کے لیے ہی استعمال ہوتا ہے۔ اس سے خاندان کے تمام بچوں کے درمیان گہرے رشتوں کا پتا چلتا ہے۔

آئیے معلوم کریں

حیثیتیں اور ذمے داریاں
(Roles and Responsibilities)

خاندان کے افراد کے درمیان تعلقات، آپسی محبت، شفقت، تعاون اور باہمی انحصار پر مبنی ہوتے ہیں۔ تعاون کا مطلب ہے مل کر کام کرنا۔ خاندان کے ہر فرد کا دوسرے افراد کے تئیں کچھ فرض اور ذمے داریاں ہیں۔ مثال کے طور پر والدین کی ذمے داری ہے کہ وہ بچوں کو خوش حال اور معاشرے کا ذمے دار فرد بنائیں۔ لیکن اس کے ساتھ ہی جوں جوں بچے بڑے ہوتے ہیں وہ گھر کے دیگر افراد چاہے وہ والدین ہوں، بہن یا بھائی وغیرہ کی مدد کے لیے گھر میں مزید ذمے داریاں سنبھالتے ہیں۔ بچے روزانہ کے معمولات کے ذریعے گھریلو کاموں میں حصہ لینا سیکھتے ہیں۔ بہت سے گھروں میں بچے کچھ ایسی روایات اور طریقوں کو بھی سیکھتے ہیں جن پر ان کا خاندان کئی نسلوں سے عمل کرتا رہا ہے۔

آئیے معلوم کریں

اپنے دھرم پر عمل کرنا یا اپنا فرض ادا کر نا ہندوستانی تہذیب کا اہم اصول رہا ہے۔ خاندان بھی ایک اسکول ہے جہاں بچے اہنسا (عدم تشدد ) دان (خیرات) ، سیوا (خدمت) اور تیاگ (قربانی) جیسی ضروری قدریں سیکھتے ہیں۔ خاندان کے افراد اکثر خاندان کی ضرورتوں کا خیال رکھنے کے لیے اپنی ضرورتوں کو ترک کر دیتے ہیں۔

آئیے ایک ایسی ہی کہانی پڑھتے ہیں:

شانی اپنے خاندان کے ساتھ کیرالہ کے ایک قصبے میں رہتی ہے۔ اس کے والد کا ایک چھوٹا سا کاروبار ہے اور اس کی والدہ قریبی اسکول میں ایک ٹیچر ہے۔ شالنی کا ایک چھوٹا بھائی ہے۔ اس کی دادی اچما (والد کی والدہ)، چتپا (والد کے بھائی چا) اور اس کی چتی ( چی یا چا کی بیوی) ساتھ میں رہتے ہیں۔ چنی ان کی ایک بیٹی ہے جو شالنی کی چچیری بہن ہے۔ شانی کے چچا کی کچھ دنوں پہلے نوکری چلی گئی ہے اور اس کی بچی ایک گھریلو خاتون ہیں۔ پورا خاندان اونم کے تیوہار کی تیاریاں کر رہا تھا۔ اچھا نے شالنی کے والد کو بتایا کہ اس کے بھائی کو مالی دشواریوں کا سامنا ہے، اس لیے وہ تیوہار کے موقع پر نئے کپڑے خریدنے کے قابل نہیں ہیں۔ جب شالنی کے والدین اسے اور اس کے بھائی کو خریداری کے لیے لے گئے تو انھوں نے صرف اپنے لیے نہیں بلکہ چنتا ، چتی اور چنی کے لیے بھی نئے کپڑے خریدے۔ نتیجے کے طور پر شالنی کو وہ ریشمی لباس نہیں مل سکا جس کی اسے توقع تھی۔ اسے ایک سادہ سوتی لباس سے ہی سمجھوتا کرنا پڑا۔ اچھا نے شالنی کو سمجھایا کہ اسی طرح خاندان ایک دوسرے کا ساتھ دیتے ہیں اور جو کچھ ان کے پاس ہے ساجھا کرتے ہیں۔ شالنی کو اپنے سادہ لباس پر کوئی افسوس نہیں تھا۔ اسے اس بات کی خوشی تھی کہ سب کو نئے کپڑے مل گئے۔

آئیے معلوم کریں

میرا نام تیزنگ ہے۔ میں جن پہاڑوں میں رہتا ہوں مجھے ان سے پیار ہے۔ حالاں کہ زندگی بعض اوقات مشکل ہوتی ہے۔ میرے والد کی کرانے کی ایک چھوٹی سی دکان ہے۔ میری والدہ ایک مقامی دست کاری سرکاری تنظیم ( جہاں سیاحوں کو فروخت کرنے کے لیے خوب صورت اور روایتی کپڑے، لکڑی پر نقاشی اور دیگر سامان تیار کیے جاتے ہیں) میں کام کرتی ہیں۔ جس کی وجہ سے میرے والد گھر کی صفائی ستھرائی ، سبزیوں کے باغیچے کی دیکھ بھال اور دوسرے گھریلو کاموں میں حصہ لیتے ہیں۔ اکثر وہ ہم سب کے لیے کھانا بنانے میں میری دادی کی مدد کرتے ہیں۔
دادی کے پاس مجھے سنانے کے لیے ہمیشہ ہر طرحکی مزاح اور حکمت سے بھری دل چسپ کہانیاں ہوتی ہیں۔ لوگوں کو ان سے بہتر طریقے سے سمجھنے والا شاید کوئی اور نہیں ہو سکتا۔ میرے دادا پڑھائی میں میری مدد کرتے ہیں اور مجھے اسکول کے بس اسٹاپ تک لے جاتے ہیں۔ وہ ہماری کالونی میں سماجی کاموں میں بھی بڑھ چڑھ کر حصہ لیتے ہیں اور ہمیشہ دوسروں کی مدد کے لیے تیار رہتے ہیں۔ مثال کے طور پر جب ہمارے علاقے میں بجلی چلی جاتی ہے تو وہ قریبی بجلی دفتر جاتے اور شکایت درج کراتے ہیں۔ جب طوفان میں ہمارے پڑوس کے گھروں کو نقصان پہنچتا ہے تو ان کی مرمت کے لیے سبھی پڑوسیوں سے کچھ رقم جمع کرتے ہیں۔
ہم خوش قسمت ہیں کہ ہمارے والدین کھانے اور کپڑے جیسی ہماری بنیادی ضرورتوں کا خیال رکھتے ہیں۔ جب کسی خاص اخراجات کی بات ہوتی ہے تو میں نے اکثر دیکھا ہے کہ وہ سبھی سے اس پر بات کرتے ہیں۔ میری والدہ کہتی ہیں کہ ہمیں مستقبل کی غیر متوقع ضرورتوں کو پورا کرنے کے لیے ہمیشہ کچھ رقم بچا کر رکھنی چاہیے۔

آئیے غور و فکر کریں

آئیے معلوم کریں

برادری (Community)

خاندان نہ صرف اپنے اندر بلکہ دوسرے خاندانوں اور ان کے آس پاس کے لوگوں سے بھی مربوط ہوتے ہیں۔ لوگوں کے باہم منسلک ایسے گروپ کو برادری کہا جا سکتا ہے۔ (سیاق و سباق کے اعتبار سے برادری کے اور بھی معنی ہیں) مختلف وجوہات کی بنا پر کسی برادری کے افراد اکٹھے ہوتے ہیں جیسے تیوہاروں کو منانا، دعوتوں، شادیوں اور دوسری تقریبات کا اہتمام کرنا۔ کچھ دیہاتوں میں لوگ زرعی اعمال جیسے گٹائی اور بوائی کے لیے زمین کی تیاری کے وقت ایک دوسرے کا ساتھ دینے کے لیے جمع ہوتے ہیں۔ وقت گزرنے کے ساتھ ساتھ برادریاں اکثر مشتر کہ قدرتی دولت اور وسائل مثلاً پانی، چرا گاہ اور جنگلاتی پیداوار کے استعمال کے کچھ طریقوں پر متفق ہو جاتی ہیں۔ کئی قبائلی برادریوں اور بعض دیہی کے ساتھ ساتھ کچھ گاؤں کی برادریوں کا بھی یہی حال ہے۔ ہندوستان کے گاؤں کی برادریوں میں آج بھی کسی حد تک یہی صورت حال ہے۔ ان عوامل نے جنھیں ہم ضابطے کہہ سکتے ہیں اور شاید ہی تحریری شکل میں لائے گئے ہوں، برادریوں کو وسائل تک محفوظ رسائی فراہم کی ہے۔ لیکن اس کا مطلب یہ بھی ہے کہ کسی برادری کے تمام خاندانوں اور افراد کے کچھ مخصوص فرائض ہوتے ہیں۔ دوسری صورت میں برادری آسانی سے کام نہیں کر پائے گی۔

اسے یاد رکھیں

درج بالا حقیقی زندگی کی کہانیاں دیہی تناظر میں برادری کی عکاسی کرتی ہیں۔ شہری تناظر میں بھی برادری کا وجود ہے۔ حالاں کہ یہ شاید کچھ مختلف انداز میں کام کرتی ہیں۔ آئیے ایک اور حقیقی زندگی کی کہانی سے ایک مثال دیکھتے ہیں۔

ہیں سال سے زیادہ عرصہ قبل احمد آباد (گجرات) کے ایک علاقے میں ایک چھوٹی آٹو فیبر یکیشن ورک شاپ کے مالک کمل پر مار نے سڑک پر پس ماندہ بچوں کے ایک گروپ کو دیکھا۔ کچھ بچوں نے اسکول چھوڑ دیا تھا جب کہ دوسرے کبھی اسکول نہیں گئے تھے۔ کمل نے انھیں اپنے روزانہ معمولات کے بعد شام ساڑھے پانچ بجے سے ساڑھے نو بجے تک ٹیوشن پڑھانا شروع کیا۔ انھوں نے بچوں کو شام کا کھانا مفت دیا۔ جلد ہی 150 بچے ان کلاسوں میں با قاعدہ شرکت کرنے لگے اور اسباق میں گہری دل چسپی لینے لگے۔

ایک مقامی اسکول کے چند اساتذہ کو ان کلاس کے بارے میں پتا چلا اور وہ کچھ دیر کے لیے تدریس میں بھی شامل ہو گئے۔ ان میں سے ایک نے مشاہدہ کیا کہ ”بیٹھنے کے لیے ان بچوں کے لیے مناسب بینچ نہیں ہے، کلاس روم میں کوئی سازگار ماحول نہیں ہے کیوں کہ وہاں سے گزرنے والی گاڑیاں بہت شور مچاتی ہیں پھر بھی وہ اساتذہ کی باتوں پر پوری توجہ دیتے ہیں۔ اس نے میرے دل کو چھو لیا۔ ان سے مجھے جو محبت اور اپنائیت ملی وہ نا قابل یقین تھی۔ کچھ بڑے بچے، جو باضابطہ اسکولوں میں جاتے تھے ، رضا کار کے طور پر پڑھانے کے لیے کمل کی کلاس میں شامل ہو گئے۔ ان میں سے ایک نے تبصرہ کیا ”ہم وہاں پڑھانے گئے تھے، لیکن ہم نے ان سے بہت کچھ سیکھا۔“

• اپنی جماعت میں اس کہانی پر بحث کیجیے۔ اس سے برادری کے بارے میں کس رویے کا پتا چلتا ہے ؟
• کمل پر مار کی پیش قدمی میں کون سی اقدار جھلکتی ہیں ؟
• ان پس ماندہ بچوں کے بارے میں سوچیے۔ کیا آپ کے خیال میں معاشرہ ان کے ساتھ نا انصافی کر رہا ہے ؟
• تمام بچوں کی تعلیم تک کی رسائی کو یقینی بنانے کے لیے معاشرے کو کیا کرنا چاہیے ؟

گزشتہ تیس یا چالیس برسوں میں نئی قسم کی برادریاں بھی ابھری ہیں۔ بہت سے شہری علاقوں میں فلاح باشندگان کی انجمن ( ریزیڈنٹ ویلفیئر ایسوسی ایشنز ( آر ڈبلیو اے ) اُن برادریوں کی مثالیں ہیں جو اپنے اصول و ضوابط خود بناتی ہیں۔ یہ تنظیمیں کوڑے کرکٹ کے با ، بند و بست ، عام علاقوں کی صفائی، پالتو جانوروں کی دیکھ بھال وغیرہ کے بارے میں اصول وضوابط مرتب کرتی ہیں۔ کمیونٹی میں رہنے والے لوگ ایسے اصول و ضوابط بنانے میں حصہ لیتے ہیں۔

بہر حال برادریاں ایک دوسرے پر منحصر ہیں۔ مثال کے طور پر فلاح باشندگان کی یہی انجمن اشیا کی فراہمی اور فضلے کی نکاسی کے لیے تجارتی برادری اور میونسپل کارکنوں پر انحصار کرتی ہیں۔ ہمارے پیچیدہ معاشروں میں ہر کوئی دوسرے لوگوں اور برادریوں پر منحصر ہوتا ہے۔

آئیے معلوم کریں

اب ہم سمجھ سکتے ہیں کہ برادری ایک لچک دار تصور ہے۔ اس کی کچھ دیگر مثالیں ہیں:

• کوئی جاتی یا اس کی ذیلی تقسیم کو برادری بھی کہا جاتا ہے۔
• کسی خاص مذہب، علاقے، مشتر کہ کام یا دل چسپی کے لوگوں کے ایک گروپ، خاص طور پر ایک چھوٹے گروپ کو بھی برادری کہا جاسکتا ہے۔ مثال کے طور پر ممبئی کی پارسی برادری، چنٹی کی سکھ برادری، امریکہ کی ہندوستانی برادری، کیرالہ کی سائنس برادری، ہمارے اسکول کی آرٹ برادری، گاؤں کی کسان برادری وغیرہ۔ یہ فہرست لا محدود ہے۔

• آپ اپنے اسکول میں یقیناً مختلف برادریوں کا حصہ ہو سکتے ہیں، کلاس کے ساتھ ساتھ اسپورٹس برادری، نیشنل سروس اسکیم، نیشنل کیڈٹ کارپس (NCC)، سائنس یا ڈراما کلب گروپ و غیره کا بھی حصہ ہو سکتے ہیں۔

آئیے معلوم کریں

اس سے پہلے کہ ہم آگے بڑھیں ...

• خاندان انسانی معاشرے کی بنیاد ہے۔ مثال کے طور پر ایک خاندان کے افراد بہت سے فرائض اور کاموں میں ایک دوسرے کی مدد کرتے ہیں۔
• برادری، ایک بڑی اکائی ہے ، کا مطلب یہ بھی ہے کہ لوگ بہترین طریقے سے ایک دوسرے کی مدد کرتے ہیں۔ برادری کی تعریف مختلف طریقوں سے کی جاسکتی ہے اور برادری کی کئی قسمیں ہیں۔
• بہر حال برادریاں ایک دوسرے پر منحصر ہوتی ہیں۔