اکائی 1

جسمانی تعلیم
اورتندرستی کی اہمیت
(Importance of Physical Education and Well-being)

اس اکائی میں ہم دریافت کریں گے کہ پابندی کے ساتھ جسمانی سرگرمی ہمیں اچھا محسوس کرانے اور دوسروں کے ساتھ بہترتعلقات قائم کرنے میں کس طرح مدد کرسکتی ہے۔

ذیل میں کچھ سرگرمیاں ہیں ،جو یہاں ہم کریں گے:

1. کھیل اور تفریحی سرگرمیاں: ہم بہت سے تفریحی کھیل کھیلیں گے اور دل چسپ گفتگو کریں گے۔

2. ایک دوسرے کا خیال: ہم ایک ساتھ رہنے، مل جل کربڑھنے اور ایک دوسرے کی خوشیوں میں شریک ہونے کے بارے میں سیکھیں گے۔ ساتھ ہی ہم یہ بھی دریافت کریں گے کہ ان سب چیزوں پر عمل کرنے سے ہم کیسے خوش رہ سکتے ہیں اور جسمانی و ذہنی طور پر کیسے مضبوط اور زیادہ کامیاب بن سکتے ہیں۔

3. سب سے پہلے حفاظت: ہم یہ جانیں گے کہ کھیلتے وقت خود کو محفوظ کیسے رکھیں ، چوٹوں سے کیسے بچیں اورسبھی کے لیے ایک صحت مند ماحول کیسے بنائیں۔

کچھ روایتی کھیل ایسے ہیں جومختلف اقدارکی تربیت اور تہذیبی سمجھ کے لیے بہت اچھے ہوتے ہیں ۔یہ سارےکھیل ایک کھلاڑی کو چست درست رکھنے میں معاون ہوتے ہیں۔ توآیئے! اُن کے بارے میں جانتے ہیں۔

برف پانی (Ice Water)

برف پانی ایک روایتی کھیل ہے جو باہمی اتّحاد کو فروغ دیتا ہے۔ اس کھیل میں آپ لطف اندوز ہونے کے ساتھ ساتھ اپنے ساتھی کھلاڑیوں کو بچائیں گے اور ایک دوسرے کا ساتھ دیں گے،چاہے آپ اپنی ٹیم کے اضافی کھلاڑی (Standby)ہی کیوں نہ ہوں۔ کھیلیں اور لطف اٹھائیں!

کیسےکھیلیں؟

ستولیا (Seven Stones)

ستولیا (Seven Stones) ایک مقامی کھیل ہے جو بھارت میں مختلف ناموں سے کھیلا جاتا ہے جیسے ستپول، لاگوری، پٹھو، نارگولوئی وغیرہ۔ یہ کھیل پھرتی ،حکمتِ عملی اور ٹیم ورک کا مجموعہ ہے جس کی وجہ سے یہ بچوں اور بڑوں میں یکساں مقبول ہے۔آئیے !کھیلیں اور خوشی کے ساتھ آگے بڑھیں۔

کیسے کھیلیں؟

ایروبک ورزشیں

(Aerobic Exercises)

ایروبک ورزشیں وہ سرگرمیاں ہیں جو دل کی دھڑکن اور سانس لینے کی رفتار کو لمبے وقت تک بڑھاتی ہیں۔ان سرگرمیوں میں ہم ورزش کرتے ہوئے لطف اندوز ہونا سیکھیں گے۔ آیئے! مختلف مزے دار ورزشوں کو دریافت کریں۔

کیسے کھیلیں؟

میری نقل کرو

(Follow Me)

آپ کو یادہے کہ ہم کسی کردار یا شخص کی نقل اتارنے (Mimicking) میں کتنا لطف محسوس کرتے ہیں؟ اسے حرکات و سکنات کے ساتھ کرنا اور بھی مزے دار ہوتا ہے۔‘میری نقل کرو’ ایک ایسا کھیل ہے جس میں کسی کی نقل اتاری جاتی ہے۔ آیئے! ایک دوسرے کی حرکات کا عکس نما نقل کریں اور لطف اندوز ہوں۔

کیسے کھیلیں؟

اعداد کا کھیل (Number Game)

اعداد کا کھیل مقامی کھیل رُمال جھپٹّاسے لیا گیا ہے۔ یاد کریں کہ آخر ی بار کب آپ نے یہ کھیل اپنے دوستوں کے ساتھ کھیلا تھا۔

کیسے کھیلیں؟

ہولاہوپ کود (Hula Hoop Jump)

ہولاہوپ کود ایک ایسا کھیل ہے جو ایک دائرے (چھلّے)کا استعمال کرتے ہوئے کھیلا جاتا ہے۔ چھلانگ لگانے اور اپنے جسم کو چھلّے کے ساتھ ہم آہنگ کرنے ، توازن برقرار رکھنے کا طریقہ سیکھتے ہوئے ایک دوسرے کی خوشی میں شامل رہیں۔

کیسے کھیلیں؟