ویرعبد الحمید

ایک فوجی کے لیے اپنے ملک کی حفاظت کرنا سب سے بڑی ذمہ داری ہوتی ہے، وہ اپنی جان سے زیادہ اپنے ملک سے محبت کرتا ہے۔ ملک کی عظمت اور شان کے لیے مرمٹنے کو تیار رہتا  ہے۔ کئی ایسے مواقع آئے کہ ہمارے ملک کے عظیم جاں باز فوجیوں نے ملک کی حفاظت کی خاطر اپنی جانیں تک قربان کردیں ۔ وطن پر اپنی جان نچھاور کرنے والوں میں ایک نام ویرعبدالحمیدکا بھی ہے۔ ان کی پیدائش1 جولائی  1933 کو اتر پردیش میں ضلع غازی پورکے گاؤں دھامو پور  میں ہوئی۔ ان کے والد کا نام محمدعثمان اور والدہ کا نام سکینہ بیگم تھا ۔ 

ان کا تعلق غریب گھرانے سے تھا۔ ان کے والد گزر بسر کے لیے کپڑوں کی سلائی کا کام کیا کرتے تھے۔ عبدالحمید بھی اپنے والد کے کام میں ان کی مدد کیا کرتے تھے۔ انھیں بچپن سے ہی کُشتی لڑنے، ندی میں تیرنے اور غلیل سے نشانہ لگانے کا شوق تھا۔ 

ایک بار ان کے گھر کے قریب کی ندی میں سیلاب آگیا۔ اس سیلاب سے غازی پور ضلع کے پدم پور اور آس پاس کے علاقے پانی میں ڈوب گئے۔ اس وقت عبدالحمید نے اپنی جان کی بازی لگا کر کئی لوگوں کو ڈوبنےسے بچا لیا ۔وہ بچپن سے ہی جیالے تھے کسی کے ساتھ نا انصافی ہوتے دیکھنا ان کو سخت ناگوار تھا۔ایک بار ان کے گاؤں کے زمین دار نے ایک غریب کسان کی فصل کو زبردستی ہتھیانے کی کوشش کی۔ زمین دار نے اپنے آدمیوں کو کٹی ہوئی فصل لوٹ کر لانے کو بھیجا۔ عبدالحمید اس زیادتی کو برداشت نہ کرسکے ۔ انھوں نے تنِ تنہا ان سب کا مقابلہ کیا اور کسان کی فصل کو بچالیا۔

ادا کیا۔ان کی بہادری اور حوصلے کو دیکھتے ہوئے حکومت نےانھیں کئی فوجی اعزازات سے نوازا۔

1965 میں ہندوستان اور پاکستان کے درمیان جنگ میں ہندوستانی فوجیوں نے دشمن کے چھکےّ چھڑا دیے۔ اس جنگ میں ویرعبدالحمید اپنے انفرادی کارنامے کے لیے جانے جاتے ہیں۔جنگ کے دوران وہ کمپنی کواٹر ماسٹر حوالدار کی حیثیت سےکھیم کرن سیکٹر میں تعینات تھے۔ اس جنگ میں پاکستانی فوج نے پیٹن ٹینکوں کے ساتھ حملہ کیا۔ پاکستانی فوج    گولہ باری کرتے ہوئے پَنّو پُل کے راستے ہمارے ملک کی طرف بڑھ رہی تھی۔ عبدالحمید زبردست نشانے باز تھے ۔انھوں نے اُس زمانے کی مشہور آر سی ایل گن سے لگاتار گولہ باری کرکے اس پُل کو ہی اڑا دیا۔ اب باری اُن ٹینکوں کی تھی جو ہندوستان کی طرف بڑھ رہے تھے۔ عبدالحمید نے ایک جیپ پر لگی آر سی ایل گن کے ساتھ فوج کی ایک ٹکڑی کی کمان سنبھال رکھی تھی۔ انھوں نے دشمن فوج کی نظر سے بچ  کر اپنی جیپ کو ایک ٹیلے کی آڑ میں محفوظ کرلیا اور یہاں سے پاکستانی ٹینکوں کو نشانہ بنانا شروع کیا۔ یکے بعد دیگرے دشمن کے کئی پیٹن ٹینک تباہ کردیے۔

سوئے اتفاق، اسی درمیان  وہ دشمن کی نظر میں آگئے۔ حملہ آوروں نے اُن کی جیپ پر زبردست حملہ کیا۔ ویر عبدالحمید ہمت ہارے بغیر بِلا خوف اپنے مقام پر ڈٹے رہے اور مسلسل گولہ باری کرتے رہے۔انھوں نے  9 ستمبر 1965 کو دشمنوں کے تین ٹینک تباہ کردیے جس کے لیے اُسی شام حکومتِ ہند نے انھیں’پرم ویر چکر‘   دینے    کا اعلان کردیا۔ دوسرے روز 10 ستمبر کو انھوں نے دشمنوں کے مزید کئی ٹینک تباہ کردیے۔ گرچہ وہ  اس مہم میں بری طرح زخمی ہو چکے تھے اس کے باوجود انھوں نے ہمت نہیں ہاری اور آخر دم تک دشمنوں کا مقابلہ کرتے اوراپنے ساتھیوں کا حوصلہ بڑھاتے رہے۔ 

ان کی سانس رکتے وقت ان کا آخری جملہ  تھا ’’ساتھیو آگے بڑھو۔‘‘ دورانِ جنگ 10ستمبر 1965 کو گولی لگنے سے جب اُن کی شہادت ہوئی اُس وقت ان کی عمر  32برس تھی ۔

ان کی ناقابل فراموش بہادری، ترغیب آفریں  قیادت اور عظیم قربانی کا اعتراف کرتے ہوئے حکومت ہند نے عبدالحمید کو پس از مرگ سب سے بڑے فوجی اعزاز ’پرم ویر چکر‘ سے نوازا۔ محکمہ ڈاک نے ان کے نام کا ڈاک ٹکٹ بھی جاری کیا اور  اُن کی یاد میں ان کے گاؤں کا نام ’عبدالحمید دھام‘ رکھا گیا۔ 

آج بھی پورے ہندوستان میں ویر عبدالحمید کا نام بڑے عزت واحترام سے لیا جاتا ہے۔ وہ ہمارے ملک کے ان عظیم فوجیوں میں تھے جن میں جذبۂ 

حب الوطنی، شجاعت اور دلیری کوٹ کوٹ کر بھری ہوئی تھی۔ وہ ملک کی سالمیت اور قومی یک جہتی کے علم بردار تھے۔ انھوں نے نہ صرف فوج کے وقار کو بڑھایا بلکہ دوسرے فوجیوں کے لیے حوصلہ مندی کی مثال بھی قائم کی۔

لفظ و معنی

غورکرنے کی بات

سوچیے  اور بتائیے

دیے گئے مرکب لفظوں کو جملوں میں استعمال کیجیے

  دیے گئے محاوروں کے معنی معلوم کیجیے اور انھیں جملوں میں استعمال کیجیے

 پڑھیے، سمجھیے اور لکھیے

عملی کام