مَیری کوم

 کھیلوں کی دنیاسےتعلق رکھنے والی میری کوم(Mary           Kom) سے بھلا کون واقف نہیں ہے۔ مُکّے بازی (Boxing) میں ان کے عظیم کارنامے صرف ہندوستان ہی میں نہیں بلکہ عالمی سطح پر جانے جاتے ہیں۔میری کوم کی پیدائش ہمارے ملک کی شمال مشرقی ریاست مَنی پور میں ہوئی۔اُن کاپورانام  مانگٹے چنگنی جانگ میری کوم (Mangte       Chungneijang     Mary          Kom)   ہے۔میری کوم اپنے پانچ بھائی بہنوں میں سب سے بڑی تھیں۔اُن کے والدغریب کسان تھے۔ اس لیے وہ ان کا ہاتھ بٹانے کے لیے ان کے ساتھ کھیتوں میں بھی کام کرتی تھیں۔

میری کوم کوبچپن سے ہی کھیل کودمیں دل چسپی تھی ۔اس لیے وہ اسکول کے زمانے سے کھیلوں میں حصہ لینے لگیں۔1998میں جب منی پورکے مُکّے باز ڈینگوسنگھ نے ایشیائی کھیلوں (Asian Games)میں طلائی تمغہ جیتا،تووہ اُن کی کامیابی سے کافی متاثرہوئیں اور مُکّے بازی میں اپناکیریئربنانے کی ٹھان لی۔انھوں نے اپنے گھروالوں کوبتائےبغیر’ اسپورٹس اکیڈمی آف انڈیا ‘میں مُکّے بازی کی تربیت لینی بھی شروع کردی ۔چند برسوں بعدمیری کوم نے ’خمان پنک اسپورٹس کامپلیکس‘ میں لڑکیوں کولڑکوں کے ساتھ مُکّے بازی کرتے ہوئے دیکھا تو اُن کے ارادے میں اور پختگی آئی اورہرحال میں وہ اپنے ہدف کوحاصل کرنے کی تگ ودومیں لگ گئیں۔

میر ی کوم کے گھروالے اِس کھیل سے زیادہ خوش نہیں تھے،ان کے والدچاہتے تھے کہ وہ مُکّے بازی کے بجائے کسی دوسرے کھیل کاانتخاب کریں۔ لیکن میری کوم مُکّے باز ہی بننا چاہتی تھیں۔ اس لیےاُنھیں اپنے والد کی مخالفتوں کا سامنا کرنا پڑا۔ایک بارتواُن کے والدنے غصے میں ان کےمُکّے بازی کے دستانوں کو بھی جلادیاتھالیکن اس کے باوجود میری کوم کے اِرادے میں کوئی تبدیلی نہیں آئی ۔

میری کوم کی زندگی میں ایک زبردست انقلاب اُس وقت  آیاجب انھوں نے باکسنگ رِنگ میں قدم رکھا ۔     2002 میں AIBA یعنی       (Association     Internationale                   de    Boxe-Amateur) چمپئن شِپ میں کامیاب ہوکر گولڈمیڈل حاصل کیا۔پھرکیاتھا! شہرت اورکامیابی اُن کے قدم چومنے لگی۔ 2012 میں انھوں نے ہندوستان کی پہلی خاتون مُکّے بازکے طورپرلندن میں موسمِ گرماکے اولمپکس میں شرکت کی اورکانسے کاتمغہ حاصل کیا۔اب ان کی شہرت دوردورتک پہنچنے لگی۔ 2014میں جنوبی کوریا کے ایشیائی کھیلوں اور آسٹریلیا میں 2018 کے دولتِ مشترکہ کھیلوںمیں انھوں نے طلائی تمغے حاصل کیے۔انڈونیشیاکے پریسیڈنٹ کپ میں  طلائی تمغہ حاصل کرکے انھوں نے ہندوستان کانام روشن کردیا۔میری کوم نے  پانچویں مرتبہ مکے بازی کی عالمی چمپئن بن کر ہندوستانی کھیلوں کی تاریخ میں ایک سنہرےباب کا اضافہ کیا۔

میری کوم کی محنت اورکامیابی کے اعتراف میں بھارت سرکارنےانھیں پدم شری،پدم بھوشن اور پدم وِبھوشن جیسے قابل فخر اعزازات سے نوازا اور 2016 میں صدرجمہوریہ ہندنے اُنھیں راجیہ سبھا      کا        رکن  نام زدکیا۔ اس طرح میری کوم کی لگاتار کامیابیوں نے عالمی سطح پرانھیں ایک مثالی شخصیت بنادیا۔

میری کوم کی جدوجہدصرف خطابات جیتنے تک محدودنہیں ہے۔ان کی کوشش اورمحنت سے یہ بھی ثابت ہوتا ہے کہ محدود وسائل اور انتہائی دشوارحالات کے باوجودبھی کوئی عام انسان اپنی صلاحیتوں کامظاہرہ کرتے ہوئے بلند مقام تک پہنچ سکتاہے۔

   لفظ ومعنی

 غورکرنے کی بات

سوچیے اور بتائیے

 درج ذیل الفاظ کےمترادف لکھیے

 کالم‘الف ’ اور‘ ب ’کےصحیح جوڑملایئے

  درست بیان پرصحیح()اورغلط بیان پرغلط ()کانشان لگائیے

 پڑھیے ،سمجھیے اور لکھیے

نیچے دی گئی عبارت کو غور سے پڑھیے:

نیچے دی گئی پہیلیوں کا حل معلوم کیجیے۔ ان پہیلیوںکا جواب کوئی نہ کوئی کھیل ہے:

 عملی کام