اکائی 3
کھیلوں کی اساسی مہارتیں
بیڈ منٹن
‘سَرو’ ایک
اہم مہارت ہے
بیڈمنٹن ایک تفر یحی اور تیز رفتار کھیل ہے جو شٹل کاک اور ریکٹ سے کھیلا جاتا ہے۔ اسے سنگلز(ہر جانب ایک کھلاڑی)یا ڈبلز (ہر جانب دو کھلاڑی) کے طور پر کھیلا جا سکتا ہے۔ مقصد نیٹ کے اوپر شٹل کاک کو ضرب لگاکر پوائنٹ حاصل کرنے کے لیے مخالف فریق کے کورٹ میں گرانا ہوتا ہے۔بیڈ منٹن جسمانی مستعدی ہاتھ اور آنکھ کی ہم آہنگی اور حاضر دماغی میں بہتری لاتا ہے۔ یہ ایک اولمپک کھیل اور پوری دنیا میں مقبول ہے۔
فور ہینڈ گرِپ اور ہوا میں اُچھالنا
(Forehand Grip and Air Toss)
|
وارم اَپ |
مہارت |
کول ڈاؤن |
حلقے کا وقت |
|
کلائی کو گھمانا، کھینچنا اور چھوڑنا |
فور ہینڈ گرپ |
کلائی کو کھینچنا |
فور ہینڈ گرپ کی اہمیت کو سمجھنا |
گرفت (Grip)آپ کے ریکٹ پکڑنے کا طریقہ ہے۔ اور وضع /موقف (Stance) مطلوبہ مہارت کو بروئے کار لانے کےلیے آپ کے جسم کی ابتدائی ساکت حالت ہے۔ دونوں بہتر انداز میں بیڈ منٹن کھیلنے کے لیے اہم ہیں۔
فور ہینڈ گرپ
سیکھنے کے مراحل
- ریکٹ کو سنبھالنے کے لیے مصافحے جیسی پکڑ کو کام میں لائیں۔
- بہتر کنٹرول کےلیے ہتھے کے نچلے حصے کو پکڑیں۔
- اپنی پہلی انگلی کی پکڑذرا اوپر کی طرف رکھیں۔
- ریکٹ کو زمین پر عمودی زاویے پر پکڑیں۔
- اپنے انگوٹھے کو آہستہ سے نچلے بائیں کنارے پر اس طرح پکڑیں کہ وہ درمیانی انگلی کو چھوئے۔
- ریکٹ کو ڈھیلا پکڑیں اور آرام دہ گرفت کے لیے اسے آہستہ سے دبائیں۔
- فور ہینڈ گرپسے کام لیتے ہوئے ریکٹ سے پلاسٹک شٹل کاک پر ضرب لگائیں اور جتنی دیر ممکن ہو سکے اسے ہوا میں رکھنے کی کوشش کریں۔
کھیل کو آگے لے جانے والی سرگرمی
- کھلاڑیوں کو جوڑوں میں بانٹیں۔
- کھلاڑیوں سے کہیں کہ صرف فور ہیند گرپ کی مدد سے شٹل کاک پر ہوا میں پانچ بار تھپکی لگائیں اور اسے گرائے بغیر اپنے ساتھی تک منتقل کریں۔
- اب ان کا ساتھی شٹل کاک پر پانچ بار تھپکی لگائے گا اور شٹل کاک کے گرنے تک یہ سلسلہ جاری رکھے گا۔
- جس جوڑے سے شٹل کاک سب سے کم بار گرے گی وہ فاتح ہوگا۔
- شٹل کاک گر ائے بغیر لگاتار تھپکیوں کی تعداد بڑھائیں۔
استاد کے لیے ہدایت
کھلاڑیوں کے مشق کر نے کے دوران استاد غیر درست گرفت یا وضع کی پہچان کر سکتا ہےاور اس کی اصلاح کے لیے کھلاڑیوں کی رہنمائی کر سکتاہے۔
حلقے کا وقت — فور ہینڈ گرپ کو سمجھیں۔
اس بارے میں بات کریں کہ آپ کو کتنی بار اپنی گرفت تبدیل کرنی پڑی اور آپ نے درست گرفت برقرار رکھنے کے لیے کیا کیا۔
بیک ہینڈ گرپ اور ہوا میں اچھالنا
(Backhand Grip and Air Toss)
|
وارم اَپ |
مہارت |
کول ڈاؤن |
حلقے کا وقت |
|
سِر کے اوپر بازو کو کھینچنا ، کمرکا گھماؤ/موڑنا/کھولنا، |
بیک ہینڈ گرپ |
کہنی کوکھینچنا |
گرفت پر توجہ دینا |
گرفت سے مراد آپ کے ریکٹ سنبھالنے کا طریقہ ہے جب کہ وضع مطلوبہ مہارت کی عمل آوری کے لیے آپ کی ابتدائی ساکت حالت ہے دونوں ہی بہتر طورپر بیڈ منٹن کھیلنے کیے لیے اہم مہارتیں ہیں۔
بیک ہینڈ گرپ
سیکھنے کے مراحل
- اپنے انگوٹھے کی اساس ہتھے کی پشت پر رکھیں۔
- سبھی انگلیوں سے ہتھے کے ارد گرد کی جگہ کو آرا م سے ڈھک لیں۔
- اپنے ریکٹ کو بہت سختی سے نہ پکڑیں اور گرفت بدلنے کے لیے اسے
آہستہ سے دبائیں۔ - بیک ہینڈ گرپ کو کام میں لاتے ہوئے ریکٹ سے شٹل کاک پر ضرب لگائیں اور جب تک ممکن ہوسکے شٹل کاک کو ہوا میں ہی رکھنے کی کوشش کریں۔
- ریکٹ کو زمین سے عمودی زاویے میں رکھا جائے۔
کھیل کو آگے لے جانے کی سر گرمی
- کھلاڑیوں کو جوڑوں میں بانٹیں۔
- کھلاڑیوں سے کہیں کہ صرف بیک ہینڈ گرپ کی مدد سے شٹل کاک پر ہوا میں پانچ بار تھپکی لگائیں اور اسے گرائے بغیر اپنے ساتھی تک
منتقل کریں۔ - اب ان کا ساتھی شٹل کاک پر تھپکی لگائے گا اور شٹل کاک کے گرنے تک یہ سلسلہ جاری رہے گا۔
- جس جوڑے سے شٹل کاک سب سے کم بار گرے گی وہ فاتح ہوگا۔
- شٹل کاک گرائے بغیر لگاتار تھپکیوں کی تعداد بڑھائیں۔
حلقے کا وقت — گرفت پر توجہ دیں
شٹل کاک پر ضرب لگاتے ہوئےفورہینڈ گرپ اوربیک ہینڈ گرپ کا موازنہ کریں اور اپنے تجربہ میں آنے والے فرق و اختلاف پر تبادلۂ خیال کریں۔
پیروں کے استعمال کی مہارتیں
(Footwork Skills)
|
وارم اَپ |
مہارت |
کول ڈاؤن |
حلقے کا وقت |
|
اٹھک بیٹھک ،توازنی مشقیں اور سیڑھی والی مشقیں (ہائی نیز) |
پیروں کے استعمال کی مہارتیں |
بیٹھ کر آگے جھک کر پکڑنا، تتلی کی طرح کھنچاؤ |
پیروں کے استعمال کے مراحل کا تجزیہ اورپیروں کے استعمال کے ذریعے رد عمل کا وقت |
پیروں کے استعمال کی اچھی مشق شٹل کاک کورٹ میں فوراً پہنچانے میں آپ کی مددکرتی ہے۔ اس میں مختلف مراحل شامل ہیں جن سے کورٹ میں چلنے پھرنے اور توازن بنائے رکھنےکو آسانی بناتی ہے۔
پیروں کے استعمال کی مہارتیں
سیکھنے کے مراحل
- چیسےا سٹیپس(Chasse Steps) کا مطلب یہ ہے کہ ایک پیر دوسرے پیر کے بعد آتا ہے اسے پکڑے بغیر یا برابر آئے بغیر۔
- پچھلا پیر ایک زاویے پر تھوڑا سا اگلے پیر کےپیچھے رہتاہے۔
- بغل کی طرف ، ترچھے آگے کی طرف اورپیچھے سمت میں حرکت کےلیے Chasse مراحل کو استعمال میں لائیں۔
- چیسےا سٹیپس(Chasse Steps)مؤثر طور پرسکھانے کے لیے مختصر سے فاصلوں سے شروعات کریں۔
- Chasse حرکات کو کسی ساتھی کو شٹل کاک پھینکنے کے ساتھ ختم کریں۔
کھیل کو آگے لے جانے والی سرگرمی
- جیسا کہ شکل میں دکھا یا گیا ہے 6 بالٹیاں رکھیں۔
- کورٹ کے مرکز میں چھ شٹل کاک رکھیں۔
- ہدایت دیےجانے پر کھلاڑی ایک بار میں ایک شٹل کاک لے کر اسے پیر وں کا مناسب استعمال کرتے ہوئےکسی بالٹی کے اندر ڈال دے گا۔
- ایک ایک کرکے کھلاڑی تمام شٹل کاک تمام بالٹیوں میں ڈال دے گا۔
- سب سے کم وقت میں مشق مکمل کر لینے والا کھلاڑی فاتح ہوگا۔
حلقے کا وقت — پیروں کے استعمال کے ذریعے ردِ عمل کا وقت
اس پر تبادلۂ خیال کریں کہ پیروں کی حرکت کی مشق کرنے سے آپ کے کھیلنے کی صلاحیت میں کیسے اضافہ ہو سکتا ہے۔
بیک ہینڈ لو سرو
(Backhand Low Serve)
|
وارم اَپ |
مہارت |
کول ڈاؤن |
حلقے کا وقت |
|
سہ شاخی عضلے کوکھینچنا، اگلے بازو کو کھینچنا |
بیک ہینڈ لو سروس |
کھڑے ہوکر آگے جھکنا، سہ شاخی عضلات کو سر کے اوپر کھینچنا، |
ہاتھ، آنکھ کے درمیان ہم آہنگی، سروس کے ضابطے |
بیک ہینڈ لو سروس کےلیے شٹل کاک کو لازماً ایک سروس کورٹ سے ترچھی مخالف سروس کورٹ میں منتقل ہونی چاہیے اور سروس کے بقیہ ضابطوں پر عمل کیا جائے۔ بیک ہینڈ لو سروس نیٹ کے اوپر کے قریب سے گزرتا ہے اور ترچھے مخالف سروس علاقے کے سامنے سروس علاقے میں گرتا ہے۔
بیک ہینڈ لو سروس
سیکھنے کے مراحل
- بیک ہینڈ گرپ کا استعمال کریں۔
- نان ریکٹ بازو کی بڑی انگلی اور انگوٹھے کی مدد سے شٹل کاک کمر کی سطح تک پکڑیں۔
- ریکٹ کو جسم کے سامنے رکھیں، کہنی کو موڑیں، اسے ذرا سا نیچے کرکے
آگے کی طرف گھمائیں تاکہ ریکٹ کا رخ شٹل کاک کی طرف رہے۔ - ریکٹ کا شارٹ بیک سونگ لیں اور ریکٹ کا چہرہ ذرا اوپر کیے ہوئے پکڑیں۔
- شٹل کاک کو آگے کی طرف اس طرح سرکائیں کہ بس نیٹ کے اوپر سے گزر جائے۔
کھیل کو آگے لے جانے والی سرگرمی
- کھلاڑی سرونگ کی مشق کر سکتے ہیں اور شارٹ سروس لائن سے قریب ترین لاکر درست سروس کو پہنچا سکتے ہیں۔
- استاد نشانیوں کی مدد سے ٹی جوائنٹ اور شارٹ سروس لائن کے قریب ایک محراب بنا سکتا ہے اور کھلاڑیوں سے بیک ہینڈ لو سروس کی مدد سے محراب کے اندر شٹل گرانے کوکہہ سکتا ہے۔
- 10 مواقع دیے جائیں گے اور شٹل کاک کو سب سے زیادہ بار دائرے کے اندر گرانے والا کھلاڑی فاتح ہوگا۔
حلقے کا وقت — ہاتھ، آنکھ کا ہم آہنگی، سروس کے ضابطے
بیڈ منٹن میں سروس کے ضابطوں کے بارے میں بات کریں۔
بیک ہینڈ لِفٹ
(Backhand Lift)
|
وارم اَپ |
مہارت |
کول ڈاؤن |
حلقے کا وقت |
|
کندھے کوگھمانا، |
بیک ہینڈ لفٹ |
سست/جامدکھنچاؤ |
اغلاط کو پہچانیں |
اس ضرب میں طاقت پیدا کرنا زیادہ آسان ہے۔ یہ ضرب کورٹ کے مرکز میں پہنچنے کے لیے زیادہ ریکوری ٹائم فراہم کرے گی۔
بیک ہینڈ لفٹ
سیکھنے کے مراحل
- ریکٹ کو آرام سے پکڑنے کے لیے کوئی بیک ہینڈ گرپ استعمال کریں۔
- ریکٹ والے پیر کو ذرا سا آگے کرتے ہوئے اپنے جسم کو پہلو کی طرف رکھیں۔
- کنٹرول کے لیے اپنی کلائی کو استعمال کرتے ہوئے ہموار حرکت کے ساتھ ریکٹ کو اوپر کی طرف لہرائیں۔
- شٹل کاک کو نیٹ کے کنارے سے سٹائیں اور اسے کورٹ کے عقب کی طرف اونچا اٹھائیں۔
- کھلاڑی کورٹ کے آر پار بھی شٹل کاک پر ضرب لگا سکتے ہیں۔
- توازن اور ضبط قائم رکھنے کےلیے شارٹ کے بعد آہستہ سے فالو تھرو کریں۔
کھیل کو آگے لے جانے والی سرگرمی
- ایک فیڈر اور ایک لفٹر کی پہچان کریں۔ فیڈر کو 20 شٹل کاک مہیا کرائیں۔
- فیڈر شٹل کاک کو لفٹر کی طرف پھیکے گا اور لفٹردکھائی گئی شکل کے مطابق مخالف کورٹ میں بنے دائروں میں شٹل کاک پر ضرب لگانے کے لیے بیک ہینڈ لفٹ شاٹ کھیلے گا۔
- لفٹر کو مرکز میں شٹل گرانے کے 5 پوائنٹ ملیں گے اور کورٹ کے اندر کہیں گرانے کے لیے 1 پوائنٹ ملے گا۔
- آپ شٹل کاک گرائے بغیر جوڑوں کی شکل میں ریلی کھیل سکتے ہیں۔ اُن ہدفی مقامات کو نشان زد کریں۔ جہاں کھلاڑیوں کو
شٹل کاک پر ضرب لگانے کے لیے نشانہ لگانا ہے۔
استاد کے لیے ہدایت
- کھلاڑیوں کے کھیلنے کے دوران اساتذہ غلطیوں کی پہچان کر سکتے ہیں اور ان کی اصلاح کی کوشش کر سکتے ہیں۔
حلقے کا وقت — غلطیوں کی نشاندہی کریں
کھلاڑی صحیح طریقے اور سروس کے ضابطوں پر تبادلۂ خیال کریں گے۔
یہ طے کرنے کی کوشش کریں کہ ان میں سے کس کی کارکردگی بہتر تھی۔
فور ہینڈ لِفٹ
(Forehand Lift)
|
وارم اَپ |
مہارت |
کول ڈاؤن |
حلقے کا وقت |
|
کندھے کو گھمانا، دھڑ کو گھمانا، پنڈلی کو تاننا |
فور ہینڈ لفٹ |
آگے کی طرف جھکنا زمین کو چھونا |
صحیح طریقہ |
جب شٹل کاک نیچی ہو تو اسے اوپر اور دور تک اٹھانے کے لیے آپ اس شاٹ کا استعمال کر سکتے ہیں۔ اس سے آپ کو اگلے شاٹ کے لیے تیار ہونے کا اور زیادہ وقت ملتا ہے۔
فور ہینڈ لفٹ
- ریکٹ کو آرام سے پکڑنےکے لیے فور ہینڈ گرپ کا استعمال کریں۔
- اپنے جسم کو ترچھا رکھیں، اس طرح کہ آپ کا ریکٹ والا پیر تھوڑا سا آگے کی طرف رہے۔
- کنٹرول کے لیے اپنی کلائی اور اگلے بازو کی مدد سے ہموا ر حرکت کے ساتھ ریکٹ کو اوپر کی طرف لہرائیں۔
- شٹل کاک کو ٹیپ کے نیچے چھو ئیں اور اسے مخالف کے کورٹ کے عقب کی طرف اوپر اٹھائیں۔
- شاٹ کے بعد توازن اور کنٹرول کرنے کے لیے فطری طور پر فالو تھرو کریں۔
کھیل کو آگے لے جانے والی سرگرمی
- ایک فیڈر اور ایک لفٹر کی پہچان کریں۔ فیڈر کو 20 شٹل کاک فراہم کریں۔
- فیڈر شٹل کاک ایک ایک کرکے لفٹر کی طرف پھینکے گا اور لفٹر شکل میں دکھائے جانے کے مطابق مخالف کو رٹ میں کھینچے گئے دائروں میں شٹل کاک پر ضرب لگانے کے لیے
فور ہینڈ لفٹ شاٹ کھیلے گا ۔ - لفٹر کو دائرے میں شٹل کاک کو گرانے کےلیے پانچ پوائنٹ ملیں گے اور کورٹ کے اندر کہیں بھی گرانے کےلیے ایک پوائنٹ ملے گا۔
- آپ شٹل کاک گرائے بغیر بھی جوڑ وں میں ریلی کھیل سکتے ہیں۔ ان ہدفی مقامات کو نشان زد کریں جہاں کھلاڑیوں کو شٹل کاک پر ضرب لگانےکے لیے نشانہ لگانا ہے۔
استاد کے لیے ہدایت
- استاد غلطیوں کی نشاندہی کرے گا جب کہ کھلاڑی مشق کر کےانھیں درست کرنے کی کوشش کر سکتے ہیں۔
حلقے کا وقت — صحیح طریقہ
کھلاڑی صحیح طریقے کے بارے میں تبادلۂ خیال کریں گے اور یہ طے کرنے کی کوشش کریں گے کہ ان میں سے کس کی کارکردگی بہتر تھی۔
فور ہینڈ ہائی سرو
(Forehand High Serve)
|
وارم اَپ |
مہارت |
کول ڈاؤن |
حلقے کا وقت |
|
چھلانگ لگانا اور کودنا، داہنے ہاتھ سے بائیں پیر اور بائیں ہاتھ سے داہنے پیر کا انگوٹھا چھونا |
فورہینڈ ہائی سروس |
بیٹھنا اور آگے بڑھنا |
ضرب لگاتے ہوئے شٹل کاک کا راستہ |
یہ سرو شٹل کاک کواونچا،دور اور مخالف ٹیم کی کورٹ میں بھیجتا ہے۔کھیل شروع کرنے اور مخالف کو پیچھے دھکیلنے کا ایک بہتر طریقہ ہے۔
فورہینڈ ہائی سروس
سیکھنے کے مراحل
- فورہینڈ گرفت کو استعمال کریں اوراپنے بغیر ریکٹ والے پیر کو آگے کیے ہوئے کھڑے ہوں۔
- شٹل کاک کوپنکھوں کی طرف سے پکڑیں جیسا کہ شکل میں دکھایا گیا ہے۔
- ریکٹ کو قابو میں رکھتے ہوئے ہموار انداز میں اوپر کی طرف لے جائیں۔
- مخالف کورٹ میں شٹل کو اونچائی اور پیچھے کی طرف اُٹھانے کے لیے کمر کی سطح سے نیچے ضرب لگائیں۔
- توازن اور درستگی برقرار رکھنے کےلیے فطری طور پر
فالو تھرو کریں۔
# بغیر ریکٹ والے پیر سے مراد وہ پیر ہےجو ریکٹ پکڑنے والے ہاتھ کےالٹی طرف ہے۔
کھیل کو آگے لے جانے والی سرگرمی
جیسا کہ شکل میں دکھایا گیا ہے، نیٹ کو لگا کر مخالف کورٹ کے وسط میں دو کھلاڑیوں کو افقی شکل میں کھڑا کریں اس طرح کہ ان کے ہاتھوں میں ریکٹ ان کے سروں کے اوپر اٹھے ہوئے ہوں۔ بیک لکیر کے بالکل سامنے مخالف کورٹ میں ایک لکیر کھینچ دیں۔ ہر کھلاڑی کو سرو کرنے کے پانچ مواقع ملیں گے۔ مقصدیہ ہوگا کہ سرو کو کھلاڑی کے پیچھے کی طرف گرا دیا جائے۔ شٹل کاک کو مخالف ریکٹ کے اوپر سے گزرتے ہوئے جانا چاہیے۔
حلقے کا وقت — ضرب لگاتے وقت شٹل کاک کا راستہ
- اس بارے میں بات چیت کریں کہ آپ کو شٹل کاک پرضرب کیسے لگانی چاہیے تاکہ وہ مخالف کھلاڑی کے ریکٹ کے اوپر سے جائے لیکن بہت دور نہیں۔
- شٹل کاک کی اڑان اور سمت کے بارے میں بات چیت کریں۔
فورہینڈ لو سرو
(Forehand Low Serve)
|
وارم اَپ |
مہارت |
کول ڈاؤن |
حلقے کا وقت |
|
اپنی جگہ پر دوڑنا ، |
فورہینڈ لو سرو |
سر سے پیر کی انگلیوں تک (پورے)جسم کوکھینچنا |
درستگی کے ساتھ سروس کی جگہ کا تعین |
فور ہینڈ سروس کی دو قسمیں ہیں – اونچی سرو اور نیچی سرو۔ ہم اس سبق میں نیچی سرو سیکھیں گے۔
فورہینڈ لو سرو
سیکھنے کے مراحل
- فور ہینڈ گرفت کے ساتھ سروس باکس میں ایک طرف کھڑے ہوں، ریکٹ اور شٹل کاک کو اونچا رکھیں اور اپنا وزن پچھلی ٹانگ پر رکھیں۔
- اپنا وزن آگے منتقل کریں، شٹل کاک کو تھوڑا سا سامنے کی طرف یا کنارے کی طرف گرائیں، اور اپنی کلائی کو موڑتے ہوئے ریکٹ کو نیچے کریں۔
- جھکی ہوئی کلائی کو برقرار رکھتے ہوئے اور ہلکی حرکت کا استعمال کرتے ہوئے ریکٹ کو آگے کی طرف لے جائیں۔
- شٹل کاک کو کنٹرول کرنےکے لیے
آگے کی طرف یا کنارے پر ماریں۔ - ریکٹ کوتیار حالت پر واپس لا کر
شاٹ مکمل کریں۔
کھیل کو آگے لے جانے والی سرگرمی
دو بالٹیاں سروس لائن کے قریب رکھیں جیسا کہ شکل میں دکھایا گیا ہے۔ کھلاڑی باری باری سے سرو کریں گے تاکہ شٹل کاک بالٹی میں گرے۔ شٹل کاک کو بالٹی میں ڈالنے پر ایک پوائنٹ ملے گا۔
حلقے کا وقت — درستگی کے ساتھ سروس کی جگہ کا تعین
اس بات پر تبادلہ خیال کریں کہ آپ مدمقابل کی حالت اور نقل و حرکت کی بنیاد پر یہ فیصلہ کیسے کریں گے کہ کہاں سرو کرنا ہے۔
فور ہینڈ ڈرائیو
(Forehand Drive)
|
وارم اَپ |
مہارت |
کول ڈاؤن |
حلقے کا وقت |
|
دو شاخی اور سہ شاخی عضلات کو کھینچنا، |
فورہینڈ ڈرائیو |
جسم کے اوپری حصے پر خصوصی توجہ کے ساتھ کول ڈاؤن |
صحیح طریقہ |
فورہینڈ ڈرائیو ایک جارحانہ سپاٹ شاٹ ہے جو عام طور پر نیٹ کے اوپرسےکھیلا جاتا ہے۔ اس کا مقصد مد مقابل کے ردعمل کا وقت کم کرکے اس پر دباؤ ڈالنا ہے۔
فور ہینڈ ڈرائیو
سیکھنے کے مراحل
- اپنے ریکٹ کو فور ہینڈ گرفت کے ساتھ تیار کریں اور شٹل کاک کو ہلکی سی جھکی ہوئی کہنیوں سے مارنے کے لیے باہر نکلیں۔
- کلائی کو آرام دیتے ہوئے کہنی کو بڑھائیں اور اپنے جسم کے سامنے شٹل کاک کو ماریں۔
- پھر شٹل کاک کو مدمقابل کے کورٹ کی طرف سپاٹ اور سیدھا ماریں۔
- شٹل کاک کو مارنےکے بعد، جسم کا وزن بغیر ریکٹ والے پاؤں پر منتقل ہونا چاہیے اور ریکٹ شٹل کاک کے راستے پر جائے گا۔
کھیل کو آگے لے جانے والی سرگرمی
نیٹ کے اس پار کھڑا فیڈر، کھلاڑی کو متوازی طور پر فور ہینڈ سائیڈ پر فیڈ کرائے گا جب کہ کھلاڑی کو فورہینڈ ڈرائیو کا استعمال کرتے ہوئے شٹل کاک واپس کرنا ہوگا۔
حلقے کا وقت — صحیح طریقہ
- اس بات پر تبادلہ خیال کریں کہ مدمقابل کے کورٹ کی طرف جانے کے لیے آپ کو کتنی تیزی سے شٹل کاک کو مارنا چاہیے۔
- اس کے علاوہ، مدمقابل کے کورٹ کی طرف شٹل کاک کو مارنے کے لیے ہاتھ پاؤں کی نقل و حرکت پر بھی بات کریں۔
بیک ہینڈ ڈرائیو
(Backhand Drive)
|
وارم اَپ |
مہارت |
کول ڈاؤن |
حلقے کا وقت |
|
چھلانگ لگانا اور کودنا، داہنے ہاتھ سے بائیں پیر اور بائیں ہاتھ سے داہنے پیر کا انگوٹھا چھونا |
بیک ہینڈ ڈرائیو |
آہستہ/ جامد کھنچاؤ |
صحیح طریقہ |
بیک ہینڈ ڈرائیو ایک جارحانہ سپاٹ شاٹ ہے جو عام طور پر نیٹ کے اوپر سے کھیلا جاتا ہے۔ اس کا مقصد حریف کے ردعمل کا وقت کم کرکے اس پر دباؤ ڈالنا ہے۔
بیک ہینڈ ڈرائیو
سیکھنے کے مراحل
- اپنے آپ کو بیک ہینڈ گرفت کے ساتھ پوزیشن میں رکھیں، اپنے غیر ریکٹ کندھے کو شٹل کی طرف موڑیں، اور ریکٹ کو اپنے غیر ریکٹ کندھے کے قریب واپس لائیں۔
اپنے جسم کے سامنے شٹل کاک سے رابطہ کرتے ہوئے کلائی کی تصویر کے ساتھ آگے کی طرف جھکیں، پھر تھوڑا سا آگے بڑھیں اور تیار پوزیشن پر واپس جائیں۔
- بازو کو اوپر رکھیں، شٹل کاک کو سامنے یا کنارے پر ماریں، آگے پہنچیں اور اپنی کہنی کو سیدھاکریں۔
- شٹل کاک کو اپنے جسم کے سامنے یا پہلو میں ممکنہ طور پر بلند ترین مقام پر ماریں۔
- ریکٹ کو تیار رکھتے ہوئے جال کی طرف
واپس مڑیں۔
کھیل کو آگے لے جانے والی سرگرمی
جال کے اس پار کھڑا فیڈر، کھلاڑی کو متوازی طور پر فور ہینڈ سائیڈ پر فیڈ کرے گا جبکہ کھلاڑی کو بیک ہینڈ ڈرائیو کا استعمال کرتے ہوئے شٹل کاک واپس کرنا ہوگا۔
حلقے کا وقت — صحیح طریقہ
- بحث کریں کہ آپ کو کتنی تیزی سے شٹل کاک کو مارنا چاہیے تاکہ یہ زمین کے متوازی آگے جائے ۔
- اس کے علاوہ، شٹل کاک کو زمین کے متوازی مارنے کے لیے ہاتھ اور پاؤں کی نقل و حرکت پر بھی تبادلہ خیال کریں۔
فور ہینڈ کلیئر
(Forehand Clear)
|
وارم اَپ |
مہارت |
کول ڈاؤن |
حلقے کا وقت |
|
ہاتھ کو سر کے اوپر کھینچنا، |
فور ہینڈ کلیئر |
سر سے گھٹنے تک کھینچنا |
ہاتھ- آنکھ کی ہم آہنگی |
یہ شٹل کاک کو دوسری ٹیم کے کورٹ کے پچھلے سرے پر بھیجنے کے لیے ایک ضروری بیڈمنٹن اسٹروک ہے۔ کھیل کے حالات پر منحصر ہوتے ہوئے، یہ شاٹ دفاعی یا جارحانہ انداز میں کھیلا جا سکتا ہے۔
فور ہینڈ کلیئر
سیکھنے کے مراحل
- ایک فور ہینڈ گرفت کا استعمال کریں اور اپنے غیر ریکٹ کندھے کوجال کی طرف رکھتے ہوئے ایک طرف کھڑے ہوں۔
- اپنا وزن اپنے پچھلے پاؤں پر منتقل کریں وقت اور توازن کے لیے اپنا بغیر ریکٹ والا ہاتھ اٹھائیں۔
- اپنی کہنی کو موڑیں، اپنی کلائی کو مقفل کریں، اور آگے جھولنے کی تیاری کریں۔
- شٹل کاک سے اونچے اور اپنے جسم کے سامنے ایک مضبوط پھینکنے والے عمل کے ساتھ رابطہ کریں، اپنی کہنی کو سیدھا کریں اور اپنی کلائی کو کھولیں۔
- اپنے ریکٹ کے ساتھ فالوتھروکریں ، اپنا وزن اپنے اگلے پاؤں پر منتقل کریں، اور اپنی بنیادی حالت پر واپس جائیں۔
کھیل کو آگے لے جانے والی سرگرمی
- کھلاڑی جوڑے میں مشق کر سکتے ہیں اور کورٹ کے آخر میں شٹل کاک کو مارنے کی کوشش کر سکتے ہیں۔ مقصد شٹل کاک کو پچھلی گیلری میں پہنچانا ہے۔ یہ مشق کورٹ کے دور کے کونے پر کھڑے دو مخالفین کو شٹل کاک پھینک کر بھی کی جا سکتی ہے جیسا کہ شکل میں دکھایا گیا ہے۔درستگی پیدا کرنے کے لیے مدمقابلA اور B کو ایک ساکن پوزیشن میں رکھیں۔
- آپ شٹل کاک کو گرائے بغیر جوڑے میں اجتماعی طور پربھی کھیل سکتے ہیں۔ ہدف کے علاقوں کو نشان زد کریں جہاں کھلاڑیوں کا مقصد شٹل کاک کو مارنا ہے۔
حلقے کا وقت — ہاتھ -آنکھ کی ہم آہنگی
اس بات پر تبادلہ خیال کریں کہ آپ اپنے کلیئر کے لیے رابطہ پوائنٹ کا تعین کرنے کے لیے شٹل کاک کے راستے کی درست پیشین گوئی کیسے کرتے ہیں۔
# بغیر ریکٹ والے کندھے یا ہاتھ سے مراد ریکٹ پکڑے ہوئے ہاتھ کے مخالف طرف کا کندھا یا ہاتھ ہے۔
فور ہینڈ ڈراپ
(Forehand Drop)
|
وارم اَپ |
مہارت |
کول ڈاؤن |
حلقے کا وقت |
|
ہاتھ کو سر کے اوپر تاننا |
فور ہینڈ ڈراپ |
سر سے گھٹنے تک تاننا |
نئی چیزیں تلاش کرنا |
فور ہینڈ ڈراپ شاٹ ایک ہلکی مار ہے جو دوسری طرف جال کے قریب آتا ہے۔ اپنے مد مقابل کونیٹ کے قریب لانے اور فائدہ اٹھانے کا یہ ایک چالاکی بھرا طریقہ ہے۔
فور ہینڈ ڈراپ
سیکھنے کے مراحل
- فور ہینڈ گرفت کا استعمال کریں اور اپنے بغیر ریکٹ والے کندھے کو نیٹ کی طرف رکھتے ہوئے ایک طرف کھڑے ہوں۔
- اپنا وزن اپنے پچھلے پاؤں پر منتقل کریں اور وقت و توازن کے لیے اپنا بغیر ریکٹ والا ہاتھ اٹھائیں۔
- اپنی کہنی کو موڑیں، اپنی کلائی کو مقفل کریں، اور آگے جھولنےکی تیار ی کریں ۔
- اپنے جسم کے سامنے شٹل کاک کو اوپر سے رابطہ میں لیں ، اور شاٹ کو کنٹرول کرنے کے لیے شٹل کاک کو آہستہ سے ماریں۔
- فالوتھروکے لیے اپنا وزن اپنے اگلے پاؤں پر منتقل کریں اور اپنی بنیادی حالت پر واپس جائیں۔
- شٹل کاک کو جال اور شارٹ سروس لکیر کے درمیان گرانے کی کوشش کریں۔
کھیل کو آگے لے جانے والی سرگرمی
نیٹ کے اُس پار کھڑا آپ کا فیڈر، آپ کو مسلسل ہائی سروس کرے گا جب کہ آپ کو نیٹ کے قریب ڈراپ کو واپس کرنا ہوگا اور کورٹ کے درمیان واپس آنا ہوگا۔ ہر کھلاڑی کو 01 مواقع ملیں گے۔
حلقے کا وقت — نئی چیزیں تلاش کرنا
شٹل کاک کو مارنے کے مختلف طریقوں پر تبادلہ خیال کریں جن میں عمل میں زیادہ تبدیلی کے بغیر شٹل کاک پر زور نمایاں طور پر کم ہوجاتا ہے۔
بیڈمنٹن میچ
(Badminton Match)
|
وارم اَپ |
مہارت |
کول ڈاؤن |
حلقے کا وقت |
|
پورے جسم کو کھینچنا، ایک جگہ پر ہلکی دوڑ |
بیڈمنٹن میچ |
پورے جسم کو کھینچنے کی ورزش |
لطف اندوزی اور توجہ مرکوز کرنا |
کیسے کھیلیں؟
- جو کھلاڑی پانچ پوائنٹس پہلے اسکور کرتا ہے وہ اس کھیل میں جیتے گا۔
- جو کھلاڑی ریلی جیتتا ہے وہ ہر بار ایک پوائنٹ حاصل کرتا ہے۔
• اس صورت حال میں جہاں کھلاڑی A سرو کرتا ہے اور ریلی جیتتا ہے، کھلاڑی 1-0A کی برتری کے ساتھ آگے بڑھتا ہے۔
- اگر کھلاڑی B بعد میں ریلی جیتتا ہے، کھلاڑی Bکو سرو ملتا ہے اور اسکور ایک-ایک سے برابر ہو جاتا ہے۔ کھلاڑی پورے کھیل میں اس وقت تک سرو کرتے اور ریلی کرتے رہتے ہیں جب تک کہ ایک کھلاڑی پانچ پوائنٹس تک نہ پہنچ جائے۔
حلقے کا وقت — لطف اندوزی اور توجہ مرکوز کرنا
- اس سے قطع نظر کہ کس نے پوائنٹس حاصل کیے ہیں ان کھیلوں میں ریلیوں، شاٹس اورنقل و حرکات کی نشاندہی کریں جن سے آپ نے سب سے زیادہ لطف اٹھایا۔
- جب آپ پوائنٹس میں پیچھے ہونے لگے تو آپ نے دوبارہ توجہ کیسے حاصل کی؟
درج ذیل کام کو مکمل کریں
- نیچے دی گئی تصویر میں نقطوں کو جوڑ کر کورٹ کو نشان زد کریں۔
- سنگل اور ڈبلز کے لیے کورٹ کے طول و عرض کا پتہ لگائیں اور اس پرنشان لگائیں۔
- بیڈمنٹن کے بنیادی اصول معلوم کریں اور اپنے ساتھیوں سے ان پر تبادلہ خیال کریں۔
استاد – جائزہ
سرو (بیک ہینڈ لو سرو، فور ہینڈ ہائی سرو اور فور ہینڈ لو سرو)
|
1 |
2 |
3 |
4 |
5 |
|
سرو کرتے وقت طالب علم ریکٹ اور شٹل کو کنٹرول کرنے کا طریقہ سیکھ رہا ہے۔ |
طالب علم سادہ سروز انجام دے رہا ہے اور درستگی و استحکام کے ساتھ کام |
معتدل درستگی کے ساتھ |
طالب علم ضرورت کے مطابق اپنی تکنیک تبدیل کر سکتا ہے اور اچھی جگہ بندی کے ساتھ مستقل سرو کر سکتا ہے۔ |
طالب علم درستگی، توازن اور |
لِفٹ (بیک ہینڈ لِفٹ اور فور ہینڈ لِفٹ)
|
1 |
2 |
3 |
4 |
5 |
|
طالب علم نیٹ کے اوپر سےشٹل کو بھیجنے کے لیے لِفٹ کو کیسے قابو میں کرےاس طریقے کو سیکھ رہا ہے۔ |
طالب علم کو لِفٹ کی استقامت، اونچائی اور دوری میں پریشانی ہوتی ہے۔ |
طالب علم توازن کے ساتھ |
طالب علم شٹل کو مسلسل اور درست طریقے سے بیک کورٹ تک پہنچاتاہے۔ |
طالب علم ریلیوں میں اسٹریٹجک پوزیشن والی لِفٹ کا استعمال کرتا ہے اور انہیں درستگی کے ساتھ عمل درآمد کرتا ہے۔ |
ڈرائیو (فور ہینڈ اور بیک ہینڈ)
|
1 |
2 |
3 |
4 |
5 |
|
طالب علم درست وقت اور کنٹرول میں بہتری کے ساتھ ڈرائیو کرنے کے قابل ہوتاہے۔ |
طالب علم ڈرائیو کرسکتا ہے، لیکن اس میں استحکام، رفتار اور سمت کا فقدان ہے۔ |
کنٹرول میں بہتری آچکی ہے کیونکہ طالب علم صحیح رفتار اور درستگی کے ساتھ ڈرائیوز کرتا ہے۔ |
تیز اور کنٹرول ڈرائیوز انجام دے کر مدمقابل کو دباؤ میں رکھ سکتا ہے۔ |
اعتماد کے ساتھ مضبوط، درست ڈرائیوز کو انجام دیتا ہے اور انہیں تمام ریلیوں میں دانش مندی سے استعمال کرتا ہے۔ |
بد معاشی سمجھنا
|
1 |
2 |
3 |
4 |
5 |
|
طالب علم کو جذبات کی شناخت کرنے میں دشواری ہوتی ہے اور وہ شاید ہی کبھی اپنے مسئلے کو تسلیم کرتا ہے۔ |
کبھی کبھارذہنی تکلیف سے آگاہ ہو جاتا ہے لیکن اس کی وجہ بتانا مشکل ہو جاتا ہے۔ |
اگرچہ خود پر قابو پانے میں دشواری کا سامنا کرنا پڑتا ہے، طالب علم ذہنی تکلیف اور اس کی وجوہات سے واقف ہے۔ |
اپنی ذہنی تکلیف کو اچھی طرح سمجھتا ہے اور کسی حد تک جذبات پر قابو پا سکتا ہے۔ |
کامیابی کے ساتھ جذبات پر قابو پاتا ہے اور ذہنی تکلیف کے پیچھے کی وجوہات کو پوری طرح سمجھتا ہے۔ |