1

الفاظ کو زندگی دینا – ڈرامے کی قرأت (BRINGING WORDS ALIVE PLAY READING)

یہ عمل گانے کی مشق کی طرح ہے۔دونوں آپ کی آواز کے تاروں، سُر، حجم اور اس کے پیدا کردہ جذبات پر کام کرتے ہیں!

ریڈیو ڈرامے، صوتی اداکاری اور ڈبنگ(Dubbing) ایک دوسرے سے ذرا مختلف ہیں ۔ دونوں کا تصور یکساں ہے لیکن اسے اسٹیج پر نہیں کیا جاتا۔

مکالمے میں صفائی کا تعین اس بات سے ہوتا ہے کہ لفظ کا تلفظ کتنا اچھا ہے، ادائیگی کے دوران الفاظ کتنے واضح ہیں۔ یہاں تک کہ بہترین مقررین بھی بعض اوقات ہکلاتے، گڑبڑاتے اور الفاظ کو ایک دوسرے پر چڑھا دیتے ہیں۔ اس سے بچنے کا بہترین راستہ مشکل الفاظ کی مشق کرنا ہے۔ جب آپ اس میں مہارت حاصل کر لیتے ہیں تو آپ کا مکالمہ خوش گوار ہوجاتاہے۔

زبان میں لڑکھڑاہٹ پیدا کرنے والے الفاظ کے مجموعوں کو ٹنگ ٹویسٹر (Tongue Twisters) کہتے ہیں۔ یہ ایسے جملے ہیں جن کی آوازیں ملتی جلتی ہیں جو ان کے تلفظ کو مشکل بناتی ہیں۔ جب آپ مشق کرتے ہیں تو یہ آسان ہو جاتے ہیں اور تلفظ بہتر ہو جاتا ہے۔

ٹھہر کر پڑھنا شروع کیجیے۔ پڑھنے کی رفتار کو اس وقت تک دھیرے دھیرے بڑھائیں جب تک کہ آپ بغیر کسی رکاوٹ کے ایسا کر سکیں۔ اگر آپ اٹکتے ہیں تو پھر سے شروع کریں اور کوشش جاری رکھیں۔

یہا ں کچھ مشکل ٹنگ ٹویسٹر دیے جا رہے ہیں:

• وہ سمندر کے ساحل پر سیپی فروخت کرتی ہے۔
• سرخ لاری، پیلی لاری
• پیٹر پائپر (Peter Piper)نے اچار کا ایک ٹکڑا اٹھایا۔
• پیٹر پائپر نے کالی مرچ یا اچار کا
  ایک ٹکڑا اٹھایا؛ اگر پیٹر پائپر نے اچار کا ایک ٹکڑا اٹھایا تو پیٹر پائپر نے اسے کہاں سے اٹھایا؟

اور اسی طرح...

اس قسم کے ٹنگ ٹویسٹر ہر زبان میں ہیں۔ کیا آپ اپنی مقامی زبان میں کوئی ٹنگ ٹویسٹر جانتے ہیں؟ انھیں اپنے دوستوں کو بتائیے اور مزیدسیکھیے!

اپنے اندازِ گفتگو کو بہتر بنانے کے لیے آپ آہستہ روی سے بول سکتے ہیں اور جملوں یا خیالات کے درمیان وقفہ دے سکتے ہیں۔ اس سے آپ اپنے الفاظ کو زیادہ صاف اور واضح طور پر ادا کرسکیں گے،کلیدی نکات کو اجاگر کرسکیں گے اور جس سے آپ کے ناظرین کوسمجھنے کا وقت بھی ملے گا۔ آپ اپنے مکالمے میں دل چسپی، تجسس یا جذبات پیدا کرنے کے لیے ان وقفوں کا استعمال کر سکتے ہیں۔

رفتار: وہ کون سی رفتار ہے جس پر آپ بول رہے ہیں؟ اور الفاظ جو آپ استعمال کر رہے ہیں ان کے درمیان وقفہ کی رفتار کیا ہے؟ مکالمہ کو کم رفتار میں ادا کرنے کی ضرورت ہے یا تیز رفتار میں؟ ٹنگ ٹویسٹر پڑھتے وقت مختلف رفتار کی دریافت، جذبات کی ترسیل اور اپنی آواز کےذریعے اظہار میں آپ کی مدد کر سکتے ہیں۔

لہجہ: ہم مکالمے کی اہمیت بڑھانے کے لیے جن مخصوص الفاظ کا استعمال کرتے ہیں، ہمارا لہجہ ان پر زور ڈالتا ہے۔ ہم عام طور پر ان الفاظ پر زور دیتے ہیں جن کو ہم اہم پاتے ہیں۔ آپ دوہراتے وقت ٹنگ ٹویسٹرکے مختلف الفاظ مشق میں لا سکتے ہیں اور دیکھیے کہ ان سے کیسے معنی بدل جاتے ہیں۔

لفظ کی اثر پذیری!

گرامر کے حساب سے کوئی آسان جملہ لیجیے اور ہر لفظ پر مختلف انداز میں زور دیتے ہوئے اس کی ادائیگی کیجیے۔ اس پر گفتگو کیجیے کہ اس سے جملے کا مفہوم کیسے تبدیل ہوتا ہے!

مثال: ’میں آج اسکول نہیں گیا‘۔

آپ اپنے دوستوں کے ساتھ جلی الفاظ پر زور دیجیے اور اس پر بات کیجیے کہ جملے کا معنی کیا ہوں گے۔

میں آج اسکول نہیں گیا۔ (...لیکن میرے دوست گئے)

میں آج اسکول نہیں گیا۔ (...اس لیے میں کھیل سے محروم رہا)

میں آج اسکول نہیں گیا۔ (...لیکن مجھے تمام اسباق مل گئے)

میں آج اسکول نہیں گیا۔ (...لیکن میلے کے راستے میں ادھر سے گزرا)

میں آج اسکول نہیں گیا۔ (...اس کے بجائے پارک گیا)

میں آج اسکول نہیں گیا۔ (...لیکن کل جاؤں گا)

یہاں آپ ایسا جانور بن سکتے ہیں، جو کہ انسانی جذبات دکھاتا ہے۔ حجم اور پچ کے استعمال سے جانور کی آواز کو جذبات سے ملائیے ۔ آپ میں سے کوئی ایک آگے آسکتا ہے اور کسی جانور کی آواز نکال سکتا ہے۔ لیکن اسے رازداری سے جذبات کو (خوش، خوف زدہ، غصہ، دکھی یا دیگر جذبات) اپنانا ہے اور اپنی آواز کو اس کے مطابق پیش کرنا ہے۔ کلاس کے باقی لوگ جانور کے بارے میں اور حجم (تیز / نرم) اور پچ (اونچی / نیچی) کی بنیاد پر جذبات کا اندازہ لگائیں۔

آپ جانوروں اور جذبات کی مختلف آمیزشوں کو آزما سکتے ہیں۔ مثال کے طور پر ایک خوش شیر نرمی سے غرائے، جب کہ ایک خوف زدہ چوہا سہمی ہوئی آواز نکال سکتا ہے۔ آپ خوش یا ناراض کتے کو یا تھکی ہوئی بکری کو آزما سکتے ہیں۔

یاد رکھیے: تاثرات یا جسمانی حرکات و سکنات کا استعمال نہ کیجیے جس سے جذبات کا اظہار ہو۔ اس سرگرمی میں صرف آپ کی آواز کی ضرورت ہے۔

خود کو ایک اداکار تصور کیجیے اورمان لیجیے آپ اسکرپٹ پڑھ رہے ہیں۔ یہ کچھ سطریں ہیں جنھیں آپ کو اسٹیج پر بولنا ہے۔ اگر آپ ایک اداکار ہیں تو صحیح پچ اور حجم کو جو آپ استعمال کریں گے، بھریے...

’’مجھے آپ کو ایک راز بتانا ہے...

وہ اچھا محسوس نہیں کر رہا ہے...‘‘۔

حجم

پچ

’’اے بہادر سپاہی! آئیے اپنے ملک کے لیے لڑیئے...جے ہند‘‘۔

حجم

پچ

میں بہت کمزور اور تھکی ہوئی محسوس کرتی ہوں...اور زخم تکلیف دہ ہے۔ آہ!

حجم

پچ

زبان کے بغیر بولنا !

کیا آپ نے کبھی سوچا ہے کہ ہم جو بھی لفظ بولتے ہیں وہ اپنے آپ میں با معنیٰ ہے؟ اگر ہم
بے معنی الفاظ ادھر ادھر سے لے کر بولتے ہیں تو کیا ہم دوسروں کو کچھ بتا پائیں گے؟

ترسیل کا انحصار صرف اس پر نہیں ہے کہ ہم کیا کہتے ہیں بلکہ اس پر بھی ہے کہ ہم کوئی بات کیسے کہتے ہیں۔ در حقیقت ایسا بھی ہوتا ہے کہ ہم وہ زبان نہیں سمجھتے جو کوئی شخص ہم سے بول رہا ہے لیکن وہ جو کچھ کہہ رہا ہے ہم اس کا خلاصہ سمجھ لیتے ہیں۔ یہ کیسے ممکن ہے؟ اس لیے کہ انسانی دماغ سیکھی ہوئی زبان کے بغیر بھی مفہوم کو سمجھ سکتا ہے۔ دماغ آواز کے لہجے، حرکات و سکنات اور جس تناظر میں بولا جا رہا ہے، اس سے معلومات حاصل کرتا ہے۔

آئیے ایک ایسا تجربہ کریں اور یہ تصور کر لیں کہ آپ میں سے ہر شخص الگ الگ سیارے سے آتا ہے اور ایک ایسی انوکھی زبان بولتا ہے جو کوئی دوسرا نہیں سمجھتا۔ آپ کو بے معنی آوازوں کے ساتھ جملے بنانے ہیں۔ اس قسم کی گفتگو کوبے معنی( Gibberish) گفتگو کہا جاتا ہے۔

بنیاد

جب آپ ایک ساتھ بے معنی آوازیں نکالتے ہیں تو اس کا امکان کم ہے کہ کوئی سمجھ لے۔ اب اسے مخصوص جذبات کے ساتھ بولنے کی کوشش کیجیے۔ آپ اپنے دوست سے، جس سے آپ ناراض ہیں کیوں کہ وہ آپ کو پریشان کر رہا ہے اورپڑھنے نہیں دے رہا ہے، وہی
بے معنی جملہ کہیں۔ اس کے لیے اپنی آواز، حرکات اور تاثرات کا استعمال کیجیے۔ اب آپ کے بیش تر دوست سمجھ سکتے ہیں کہ آپ کیا کہہ رہے ہیں۔ بہتر رابطے کے لیے اس میں حجم اور پچ کا استعمال کیجیے۔

اب آپ مختلف جذبات اور حالات کے ساتھ وہی کوشش کیجیے۔ کلاس میں دیگر طلبا کو اندازہ لگانے دیجیے کہ آپ کیا کہنے کی کوشش کر رہے ہیں۔ سب کوبے معنی( Gibberish)
انداز میں بولنے کا موقع ملے۔ ایسے میں کتنوں کو آپ سمجھ سکتے ہیں۔

پیش قدمی

اگلا مرحلہ آسان بے معنی گفتگو کرنے کی کوشش کا ہوگا۔ کسی دوست کے ساتھ بیٹھیے اور جذبے کے ساتھ ایک جملہ بولیے۔ اسے اپنا ردعمل ظاہر کرنے دیجیے۔ اسے چار پانچ بار دہرائیے۔ اب روک دیجیے اور بتائیے کہ آپ کا واقعی کیا مطلب ہے۔

آپ بات چیت کے لیے خو دکو مختلف حالات میں رکھ سکتے ہیں۔ جیسے کہ گاؤں کا میلہ، کوئی دفتر، اسکول، کھیل کا میدان وغیرہ۔

قرأت کے لیے ڈراموں کی سفارش

آپ درج ذیل میں سے ایک منظر اٹھا سکتے ہیں اور اسے گروپ میں پڑھ سکتے ہیں۔ اگر آپ سمجھتے ہیں کہ آپ اچھا کر رہے ہیں تو آپ اپنی کلاس میں ان میں سے کسی بھی ایک منظر کو پڑھ سکتے ہیں۔ آپ اس نصابی کتاب کے باب تین میں ڈرامے کی اسکرپٹ کا استعمال کر سکتے ہیں۔

انگریزی

سنسکرت (اسکرپٹ کیو آر کوڈ میں دستیاب ہے)