8

ترغیب اور تخیل (INSPIRATION AND IMAGINATION)

• کیا آپ اپنی برادری، علاقے یا ریاست میں کسی ایسے فن کار کے بارے میں جانتے ہیں جس نے کسی معذوری کے باوجود اپنے شوق کو پورا کرنے کے لیے رکاوٹیں توڑی ہوں؟
  • گھاٹم سریش ویدیہ ناتھن اور پُتّا راج گوئی جیسے فن کاروں کے بارے میں معلومات
    حاصل کیجیے۔
  • فن کارکے بارے میں مزید معلومات حاصل کریں بشمول —
    • ان کا تعلق کہاں سے ہے؟
  • وہ کس فن کی مشق کرتے ہیں؟
  • اپنے فن کوانھوں نے کیسے سیکھا یا اس کو آگے بڑھایا؟
  • انھیں کن ناگزیر دشواریوں پر قابو پانا پڑا؟
  • ان کی موسیقی سنیے اور ان کے مظاہرے یا انٹرویو کے ویڈیودیکھیے۔

اس بات پر غور کیجیے کہ آپ ان کی زندگیوں سے کیا سیکھ سکتےہیں اور اسے اپنے ہم جماعتوں کو بتاسکتے ہیں۔

• کیا آپ کسی مقامی موسیقی کے اسکول یا مقام کو جانتے ہیں؟ اگر نہیں تو آن لائن تلاش کرنے کی کوشش کیجیے یا اہل خانہ اور دوستوں سے معلوم کیجیے۔
• یہ بھی معلوم کریں کہ یہ ادارہ کیا کرتا ہے؟ کیا وہاں موسیقی کی کلاسیں ہوتی ہیں؟ کیا وہ پروگرام کا اہتمام کرتے ہیں؟ اس ادارے میں دیگر کون سی سرگرمیاں ہوتی ہیں؟
• ممکن ہو توآپ وہاں اور ان کی سرگرمیوں کے بارے میں مزیدجاننے کی کوشش کیجیے۔
• آپ اپنے والدین سے شخصی طور پر یا آن لائن موسیقی کلاس میں شامل ہونے کے لیے بھی بات کر سکتے ہیں۔

میسور کے ایک میوزک اسکول میں لڑکیوں کے ایک گروپ کی شرکت، بھارت (1895)

اب سے بیس سال بعد اپنے بارے میں اخبار کے لیے ایک مضمون کسی دوسرے شخص کے نقطہ نظر سے لکھنے سے پہلے درج ذیل نکات پر غور کریں اور نوٹ کریں:

آپ نے جس کیریئرکا انتخاب کیا ہے:

• آپ کے چندبڑے کارنامے کیا ہیں؟
• آپ کی ذاتی زندگی پر موسیقی یا کسی دوسرے فن کے اثرات۔
• سنگ میل جیسا کوئی اہم واقعہ ہے جسے آپ رپورٹ میں شامل کرنا چاہیں گے؟
• آپ تب کیا کرنا پسند کریں گے؟
• آپ کی ذاتی زندگی کے بارے میں کچھ اور دل چسپ تفصیلات۔
• آپ کے مستقبل کے خواب۔

اگر آپ کو کسی ترغیب کی ضرورت ہے تو ان لوگوں کی سوانح حیات اور کارنامے دیکھیں جنھیں آپ پسند کرتے ہیں۔ یاد رکھیں، آپ کے پاس دنیا کو ایک بہتر جگہ بنانے کی طاقت ہے۔

ان نکات کا استعمال کرتے ہوئے ایک مسودہ تیاررکھیں اور پھر ایک دل کش سرخی بھی سوچ لیں۔ 400-500 الفاظ میں ایک مضمون لکھیں اور اسے اپنے کلاس روم کے نوٹس بورڈ پرچسپا ں کریں۔

توسیعی سرگرمی : اس بات پر بھی غور کریں کہ مستقبل میں میڈیا اور خبر نگاری کی کیا صورت ہوگی؟
اگر آپ کسی اخبارکے لیے مضمون پوڈ کاسٹ، مختصر ویڈیو یا بلاگ کوپسند کرتے ہیں تو ان میں سے کسی ایک کو آزمائیں۔

موسیقانہ خودنوشت کسی کی زندگی کی کہانی سنانے کے لیے موسیقی کا استعمال کرتی ہے۔ اس سرگرمی کو کرنے کے لیےان مراحل پر عمل کریں:

اپنی اب تک کی زندگی کے بارے میں غور کریں اور کچھ اہم تفصیلات جو آپ دنیا کو بتانا چاہتے ہیں جیسے آپ کی جائے پیدائش، آپ کے خاندان سے متعلق معلومات، کچھ دل چسپ چیزیں جو آپ نے کی ہیں ، آپ کے شوق اور کوئی خاص چیز، انھیں نوٹ کریں۔ ان تفصیلات میں سے ہر ایک کے بارے میں موسیقی کا کوئی ٹکڑا تلاش کریں جو آپ کے عندیے کو ظاہر کرتا ہو۔اس امر پر بھی چند جملے لکھیں کہ یہ گانا آپ کی سوانح عمری سے کیسے تعلق رکھتا ہے۔ کلاس میں ان گانوں اور تفصیلات کو بتائیں۔

ڈرمر بننے کی راہ پر

توسیعی سرگرمی : اپنی ذاتی زندگی سے واقعات اخذ کریں اور اپنی موسیقانہ خودنوشت کے لیے اس پر مبنی ایک گیت(لَے) لکھیں۔ بول، راگ اور اس کی پیش کش کے بارے میں غور کریں کہ وہ کہانی سے کس طرح سے وابستہ ہیں۔

آرکیسٹرا اور کوائر کا جوڑملانا