9

میری موسیقی کی دنیا (MY WORLD OF MUSIC)

آپ کی زندگی سے موسیقی کس طرح جڑی ہوئی ہے؟ آج موسیقی روایتی گانوں میں نئی تبدیلیوں سے لے کر تازہ ترین اشتہارات یا ترانے تک مختلف سیاق و سباق اور حالات میں ہرجگہ موجود ہے۔ آئیے موسیقی کے ان مختلف سیاق و سباق میں سے کچھ تلاش کیجیے۔ کیوں نہ ہم کچھ مشہور گانے گاکر شروع کیجیے؟

مقبول ثقافت (پاپولر کلچر) میں روایتی موسیقی

روایتی موسیقی لوک اور مذہبی گیت، دونوں کی بہت ساری مثالیں مقبول کلچر میں نظر آئیں گی جنھیں فلم یا پاپ موسیقی میں پیش کیا گیا ہے۔ اس سے موسیقی کو نئے سامعین تک پہنچانے میں مدد ملتی ہے جو اس سے لطف اندوز بھی ہو سکتے ہیں۔

روایتی نوعیت کے دومقبول عام گانوں کی دو مثالیں اگلے صفحے پر دی گئی ہیں۔

سرگرمی 9.1

مفہوم

کشمیری گیت ’رند پوش مال‘ کشمیر کی خوب صورت جھیلوں، جنگلوں، درختوں، پھولوں اور پہاڑ وں وغیرہ کے مناظر کو بیان کرتا ہے۔زمینی منظر کی خوب صورتی کو اس لیے بیان کیا گیا ہے کہ ہر کوئی اس کی تعریف کرے اور اسے جان سکے۔

موسیقی کا اطلاق

موسیقی کو اشتہارات، کھیلوں کی تقریبات اور دیگر چیزوں میں ایک اہم مقام حاصل ہے۔

کیا آپ نے مصنوعات کے بارے میں لکھے ہوئے گانے اشتہارات میں سنے ہیں؟ یہ جِنگلز کے نام سے جانے جاتے ہیں اور لوگوں کو برانڈز اور مصنوعات کو یاد رکھنے کے لیے
دل چسپ و دل کش معلوم ہوتے ہیں۔

کچھ مشہور جِنگلز کے نام بتائیں جو آپ کو یاد ہیں۔

کھیلوں کے بڑے مقابلے جیسے ’کھیلو انڈیا‘‘اور‘’اولمپکس‘کی اپنی مخصوص دھنیں اور تھیم گیت ہوتے ہیں۔ یہ دھنیں اور گیت مقابلے میں شریک ہونے والے لوگوں میں ایک کمیونٹی کا احساس پیدا کرنے میں مددگار ہوتے ہیں ۔ ایسے کچھ کھیلوں کے مقابلوں کی فہرست بنائیں جن کے تھیم گیت اور دھنیں آپ کو یاد ہوں۔ آپ کسی قومی اہمیت کے معاملے یا مہم کو بھی منتخب کر سکتے ہیں۔

فلموں میں پس منظر کی موسیقی اور گانوں کے علاوہ کبھی کبھی آپ ایک خاص دھن سنتے ہیں جو اس وقت بجائی جاتی ہے جب کوئی مخصوص کردار نظر آتا ہے۔ یہ دھن فلم میں اس کردار کے اعمال یا اس کی موجودگی کو نمایاں کرنے کے لیے استعمال کی جاتی ہے۔

سرگرمی 9.2 : ایک جِنگل(Jingle) تیار کیجیے

موسیقی اور ماحولیاتی تبدیلی

آج کل ماحولیاتی تبدیلی اور عالمی درجہ حرارت میں اضافہ سے انسانوں اور کرۂ ارض کو ناقابلِ تلافی نقصان پہنچنے کا خطرہ ہے۔ ہمیں انفرادی اور اجتماعی سطح پر اپنے اپنے طریقے سے ایسے اقدامات کرنے چاہیے تاکہ ماحولیات کو مزید نقصان سے بچا یا جاسکے۔ پودوں، جانوروں اور پرندوں کی فطری دنیا کی اہمیت کے بارے میں زیادہ سے زیادہ آگاہی پیدا کرنے کا ایک طریقہ موسیقی ہے۔

’کلین گنگا‘ مہم حکومت ہند کا ایک منصوبہ ہے جس کا مقصد دریائے گنگا کا تحفظ اور بہتری ہے۔ اس مہم کا ایک تھیم گیت ’نمامی گنگے‘ ہے جو آن لائن دست یاب ہے۔ آپ اسے تلاش کرکے سن سکتے ہیں۔

سرگرمی 9.3 : تبدیلی کے لیے گیت لکھیں

ہم نے موسیقی کے کئی پہلوؤں اور ان کی تخلیق کے طریقوں کو جان لیا ہے۔ آپ میں سے کچھ لوگ موسیقی سے لطف اندوز ہوتے ہوں گے۔ اگر ایسا ہے تو کیا آپ نے کبھی سوچا ہے کہ آپ موسیقی کو بہ طور پیشہ کس طرح اختیار کرسکتے ہیں؟ آپ یہ جان کر حیران ہوں گے کہ گلوکار یا سازندہ بننے کے علاوہ بھی موسیقی میں بہت سے مواقع موجود ہیں۔ ان میں سے کچھ ذیل میں بیان کیے گئے ہیں۔

موسیقی میں کرئیر یا موسیقی کو اپنی زندگی کا حصہ بنانے کے مواقع

1. ساؤنڈ انجینئر

ساؤنڈ انجینئر جسے آڈیو انجینئر بھی کہا جاتا ہےلائیو پیش کش اور ریکارڈنگ کے لیے آواز کو ریکارڈ کرنے، مکس کرنے اور دوبارہ پیش کرنے کا کام کرتاہے۔ وہ آواز کو بہتر بنانے کے لیے مائیکروفون، اسپیکر اور مکسنگ کنسول جیسے آڈیو آلات استعمال کرتا ہے۔

2. میوزک پروڈیوسر

میوزک پروڈیوسر گانے، البم یا پروجیکٹ کو ریکارڈ کر نے میں فن کاروں کی مدد کرتا ہے ۔ میوزک پروڈیوسر فن کار کے تصور کو زندگی بخشتا ہے۔ میوزک پروڈیوسر کا کام یہ یقینی بنانا ہوتا ہے کہ تیار شدہ پروڈکٹ معیاری ہو اور فن کا منصوبہ کامیابی سے مکمل ہوا ہو۔

3. ایونٹ منیجر

ایونٹ کیوریٹر یا منیجر ایک لائیو پروگرام کے ایک یا ایک سے زائد پہلوؤں کو منظم کرتا ہے جن میں فن کاروں سے رابطہ اور ان کا انتخاب، ایونٹ کی تشہیر، ٹکٹوں کی فروخت اور اسپانسرشپ کے ذریعے آمدنی پیدا کرنا جیسی چیزیں شامل ہیں۔ وہ پروگرام کی تمام ضروریات جیسے پروگرام کا مقام، آواز کا سسٹم، روشنی وغیرہ کا بھی انتظام کرتا ہے۔

4. میوزک تھیراپسٹ

میوزک تھیراپسٹ وہ پیشہ ور ماہر ہوتے ہیں جو موسیقی کو بہ طورعلاج استعمال کرتے ہیں۔ مریضوں کو موسیقی درد کے علاج، ذہنی تناؤ سے نجات اور ذہنی صحت کی بحالی میں مدد کے لیے استعمال کرتے ہیں۔علاج کی ضرورت کے مطابق میوزک تھیراپسٹ کو موسیقی ترتیب دینی پڑتی ہے یا موزوں گانے یا راگ منتخب کر کے سنانے ہوتے ہیں، ساتھ ہی انھیں اپنے مریضوں کو موسیقی کو توجہ سے سننے اور اس پر ردعمل ظاہر کرنے کی طرف مائل کرنا ہوتا ہے۔ میوزک تھیراپی ایک ترقی پذیر شعبہ ہے جس میں کئی تحقیقی تجربات کیے جا رہے ہیں۔ یہ طریقہ علاج موسیقی، سائنس اور ادویات کا سنگم ہے۔

5. معلم موسیقی

معلم ِموسیقی اسکولوں، جامعات، میوزک کنزرویٹریز میں یا آن لائن طلبا کو موسیقی سکھاتے ہیں ۔ بعض اساتذہ اسکول میں طلبا کے گروپ یا گانے والے دستے (کوائر) کو موسیقی سکھا سکتے ہیں جبکہ بعض منتخب طلبا کو انفرادی طور پرسکھا سکتے ہیں۔کبھی کبھار معلمِ موسیقی ریاضی اور سائنس کے تصورات سکھانے کے لیے بھی گانوں کا استعمال کرتے ہیں۔ معلم موسیقی یا استاد بننے کے لیے آپ کو موسیقی کی اچھی معلومات اور تربیت کے علاوہ لوگوں کے ساتھ
میل جول کا شوق بھی ہونا چاہیے۔

والدین اور اساتذہ کے لیے ایک موسیقی کی کلاس

سرگرمی 9.4 : موسیقی میں تحقیق کیریئر

سرگرمی 9.5 : پردے کے پیچھے

سرگرمی 9.6 : ایونٹ پروموشن

جائزہ

باب 9 : میری موسیقی کی دنیا
سی جی	سی	آموزشی ماحصل	استاد	خود
2	2.1	موسیقی کی اصناف کے باہمی تعلق کی قدرکرتا ہے۔
2	2.2	موسیقی کے اطلاق کو سمجھتا ہے اور ایک جِنگل تیار کرنے کی صلاحیت رکھتا ہے۔
3	3.2	موسیقی سے وابستہ کسی پیشہ ور کے کام پر اپنے خیالات کا اظہار کرتا ہے۔
4	4.2	موسیقی میں پیشے کے مختلف مواقع سے واقفیت رکھتا ہے اور اس پر ایک پریزنٹیشن تیار کرنے کی صلاحیت رکھتا ہے۔

استاد کے تاثرات اور طالب علم کے مشاہدات

تکمیلی جائزہ

موسیقی	تکمیلی جائزے کی مثالیں	تکمیلی جائزہ کا معیار
انفرادی	طلبا سے کہا جا سکتا ہے کہ دیے گئے موضوع پر ایک گانے کا انتخاب کیجیے اور اسے پیش کیجیے۔ طلبا سے کہا جائے کہ وہ فن کار، موسیقی کی یادگاروں یا موسیقی کے اداروں پر ایک پیش کش تیار کیجیے۔ طلبا سے کہا جا سکتا ہے کہ دھن کو برقرار رکھتے ہوئے آروہن اور اوروہن کے ساتھ ایک سادہ کلاسیکی کمپوزیشن پیش کیجیے۔	مناسب پچ اور تال میں روانی کےساتھ گانے کی اہلیت۔ تحقیق، پیش کش اور ترسیل کی صلاحیت۔ مناسب راگ تال کو برقرار رکھتے ہوئے گانے کی صلاحیت۔
گروپ	پوری کلاس ایسی پرفارمنس پیش کرتی ہے جس سے مل کر کام کرنے اور کردار اور ذمہ داریوں کی تقسیم کی اس کی اہلیت کا مظاہرہ ہوتا ہے۔	تخلیقی خیالات، رابطہ کاری، ٹیم ورک اور جوش و جذبہ۔