मूलरङ्गाः स्मृताः पञ्च श्वेतः पीतो विलोहितः

नीलः कृष्णश्च राजेन्द्र शतशोऽन्यतराः॥ १६ ॥

पूर्वरङ्गसमायोगाद् भावकल्पनया तथा

स्वबुद्ध्या कारयेद्रङ्गाच्चतशोऽथ सहस्त्रशः॥ १७ ॥

– अध्याय ४०, चित्रसूत्र, विष्णुधर्मोत्तरपुराणम्

بنیادی رنگ پانچ ہیں۔ سفید، پیلا، سرخ، نیلا اور کالا۔ لیکن اے بادشاہ سیکڑوں دوسرے رنگ بھی ہیں۔

کوئی بھی شخص بنیادی رنگوں کو ملا کر اپنے تخیل اور بصیرت کا استعمال کرتے ہوئے سیکڑوں بلکہ ہزاروں رنگ بنا سکتا ہے۔

— باب 04، چتر سوتر، وشنودھرموتّرا پران

1. نقطہ (Point) نقطہ ایک نشان ہے۔ یہ کسی بھی بصری تخلیق کا سب سے چھوٹا عنصر ہے۔

2. لکیر (Line) لکیر وہ نظر آنے والی راہ ہے جو کسی بھی دو نقطوں کو جوڑتی ہے۔ لکیریں افقی، عمودی، ترچھی،ٹیڑھی میڑھی، لہردار، زگ زیگ وغیرہ ہو سکتی ہیں۔ ان کی موٹائی بھی مختلف ہو سکتی ہے۔

3. شکل اور حجم (Shape and Form)

شکل (Shape) شکل ایک ہموار، دو جہتی (2D) علاقہ ہے جو کسی لکیر سے گھرا ہوا ہوتا ہے۔ یہ ہندسوی (Geometric) یا قدرتی/اعضا سے متعلق (Organic) ہو سکتی ہے۔

حجم(Form) ایک سہ جہتی (3D) شکل ہے۔ یہ جگہ گھیرتی ہے اور اس میں گہرائی ہوتی ہے۔ اسے کئی
دو جہتی (2D) شکل کو ترتیب دے کر یا جوڑ کر بھی بنایا جاسکتا ہے۔

تصویر میں شیر کی شکل پر غور کیجیے۔ آپ کون کون سی دیگر شکلیں دیکھ سکتے ہیں؟

4. بناوٹ بصری اور مادی ہو سکتی ہے۔ اسے چھو کر نرم، کھردری، دانے دار، ریشمی، خاردار یا کچھ اور محسوس کیا جا سکتا ہے۔ اسے لکیروں اور نقطوں کے پیٹرن سے بھی دیکھا جا سکتا ہے۔

5. رنگ اس وقت نظر آتا ہے جب روشنی منعکس ہو کر ہماری آنکھوں تک پہنچے۔ رنگ یا تو قدرت سے حاصل کیے جاتے ہیں یا رنگ و روغن کے لیے کیمیاوی طور پر تیار کیے جاتے ہیں۔

تصویر میں موجود رنگوں پر غور کیجیے۔ کیا آپ اندازہ لگا سکتے ہیں کہ اسے بنانے میں کون سے قدرتی مواد استعمال ہوئے ہیں؟

6. اہمیت یا ٹون (Value or Tone) رنگ کی روشنی یا گہرائی کو ظاہر کرتا ہے۔ کسی رنگ میں سفید شامل کرنے سے وہ ہلکا (Tins) ہو جاتا ہے جبکہ کالا شامل کرنے سے گہرا (Tins) ہو جاتا ہے۔ یہ رنگ کی تدریجی تبدیلیاں پیدا کرتے ہیں۔

مصوری میں رنگوں کے اندازکو غور سے دیکھیے۔

7. جگہ وہ مقام ہے جہاں مختلف عناصر کو منظم اور ترتیب دے کر فن پارہ بنایا جاتا ہے۔ جگہ کو مثبت اور منفی مقام میں تقسیم کیا جا سکتا ہے۔

مصوری میں پیش منظر اور پس منظرکی شناخت کیجیے۔

فن اور ڈیزائن کے عناصر ہمیں اپنے خیالات اور جذبات کو بصری طور پر ظاہر کرنے کی اجازت دیتے ہیں۔ غور سے دیکھیں، آپ اپنے آس پاس موجود بصری عناصر کو دریافت کر سکیں گے اور پہچان سکیں گے۔

اس صفحے پر موجودآرٹ ورک کا جائزہ لیجیے اور بصری عناصر کے بارے میں اپنے مشاہدات نوٹ کیجیے۔

اس جھونپڑی کی دیوار پر موجودماندنا(Maandana) میں بنائی گئی لکیروں اور شکلوں کو بیان کیجیے۔ آپ اس میں کون سے دیگر عناصر بھی دیکھ سکتے ہیں؟

تنجاور(Thanjavur) انداز میں تیار کیے گئے اس پلیٹ میں کس قسم کی لکیر اور بناوٹ نظر آتی ہے؟

آپ اس کے ساتھ کون سا دوسراعنصر منسلک کر سکتے ہیں؟

زردوزی کے کام والے اس پردےپر کون سے نمایاں بصری عناصرنظر آتے ہیں؟

فن کار اپنے آرٹ ورک تخلیق کرتے وقت بصری عناصرکے ساتھ مسلسل تجربہ کرتے رہتے ہیں۔

آئیے تین جدید ہندوستانی فن کاروں کے کاموں میں یہ عناصر دریافت کیجیے جو ہندوستانی آرٹ کی روایت سے متاثر ہوئے تھے۔

عنوان: ماں اور بچہ

فن کار: جیمنی رائے (1887 – 1972)

میڈیم: کینوس پر روغن

ترغیب: مشرقی ایشیائی خطاطی، ٹیرراکوٹا مندر کے فریز، دیہی آرٹ اور دست کاری

اس آرٹ ورک میں بصری عناصر:

استاد کے لیے نوٹ: ہرآرٹ ورکس کے لیےبتائے گئے میڈیم کے بارے میں تفصیل سے معلومات حاصل کیجیے اور طلبا کو اس سے متعلق تکنیک اور عمل سکھایئے۔

عنوان: روزمرہ کے کام کا جذبہ

فن کار: میرا مکھرجی

میڈیم: کانسہ

ترغیب: ڈھوکرا دھات کا کام

اس آرٹ ورک میں بصری عناصر:

بلا عنوان

فن کار: سید حیدر رضا

میڈیم: تانبے پر کھدائی کا طریقہ (Aquatint)

ترغیب: بھارتی جنگلاتی مناظر اور ہندوستانی فلسفہ سے ’بِندو‘ (نقطہ یا نشان) کا تصور

اس آرٹ ورک میں بصری عناصر:

ایک اسکیچ بُک میں اپنے ارد گرد موجود اشیا، پودوں، کپڑوں اور فنِ تعمیر کی تفصیلات کی ڈرائنگ بنایئے۔ان بصری عناصرکوپہچانیے اور اپنے مشاہدات کو نوٹ کیجیے اور ایک ہفتے تک روزانہ اپنی کاپی کے صفحات کو ان سے بھرتے رہیے۔

انھیں اپنے دوستوں کو بتایئے اور اپنے استاد کے ساتھ اپنےمشاہدات پر تبادلۂ خیال کیجیے۔

روپ بھید، پرمان، بھوَ، لاونیا یوجنم |

سادرشیم ورنی کبھنگم اتی چترم شدانگکم ||

1. روپ بھید —

ساختوں میں فرق

2. پرامانانی —

پیمائش اور ساخت

3. بھاو —

اظہار اور جذبہ

4. لاونیا یوجنم —

آرٹ میں جمالیاتی ترکیب اور دل کشی

5. سادرشیم —

مشابہت اور مماثلت

6. ورنکا بھنگم —

آلات اور رنگوں کا استعمال

یہاں دی گئی تصویروں کے فن اور ڈیزائن کے اصولوں کی بنیاد پر تجزیہ کیجیے۔ ذیل میں دی گئی مثال کو پڑھیے اور ہر آرٹ ورک کے لیے بصری ڈیزائن کے دو اصولوں کے بارے میں لکھیے۔ آپ کے مشاہدات آپ کے دوستوں سے مختلف
ہو سکتے ہیں اور سبھی درست بھی ہوسکتے ہیں۔

1. گنگاکا مجسمہ، پانچویں صدی، ٹیرراکوٹا مجسمہ

مثال: تال اور حرکت — اسے پیروں کی پوزیشن اور کپڑے پر بنے ہوئے پیٹرن کی مدد سے تیار کیا گیا ہے جس سے پانی کی لہر جیسی کیفیت پیدا ہوتی ہے۔

2. ’دیوی‘، جیوَتی بھٹ، کندہ کاری

مثال: پیشانی پر لگی ہوئی سرخ بندی سے زور پیدا کیا گیا ہے۔

بصری اصولوں سے متعلق اپنی فہم کو استعمال کیجیے اور ایک ایسا نشان یا تصورتیار کیجیے جو آپ کی نمائندگی کرے۔

قدرت، اردگرد کی اشیا، حروف سے تحریک حاصل کیجیے یا صرف نقطے، لکیریں اور شکلیں استعمال کرکے اپنا نیا ڈیزائن بنایئے۔

اپنے ڈیزائن کو سادہ رکھیے۔

کئی خاکے (Iterations) تیار کیجیے

• ذیل میں دی گئی تجاویز پر عمل کیجیے اور دیکھیے کہ بصری اصول آپ کے ڈیزائن کو کس طرح بدلتے ہیں۔
• توازن پیدا کرنے کے لیے ہم آہنگی یا غیر ہم آہنگی کا استعمال کیجیے۔
• کسی ایک عنصر کو دہرایئے تاکہ پیٹرن یا حرکت پیدا ہو۔
• چھوٹے حصوں کے تناسب کو پورے تصور (Motif)کے ساتھ نوٹ کیجیے۔
• کسی ایک حصے کو نمایاں کیجیے۔
• حفظ مراتب کے مطابق سائز، کثافت، رنگ اور روشنی یا تاریکی میں تبدیلی کر کے ان کی اہمیت کے اعتبار سے درجہ بندی کیجیے۔
• سب کو ایک ساتھ جوڑ کر ہم آہنگی پیدا کیجیے۔