16

رنگ میں جامد زندگی (STILL LIFE IN COLOUR)

جامد زندگی میں بصری طور پر دل چسپ ترتیب کا ہونا بہت ضروری ہے۔ یہ ہماری آنکھ کو ہر شے کو دیکھنے اور اس کے خدوخال، شکل، رنگ اوربناوٹ کو محسوس کرنے اور اسے آس پاس رکھی دوسری اشیا سے ربط قائم کرنے کی طرف رہنمائی کرتا ہے۔

اس سرگرمی کو شروع کرنے سے پہلے اپنی یکساں دل چسپی کے مطابق چھوٹے گروپ بنایئے۔

مرحلہ 1: جامد زندگی کے لیے اشیا کا انتخاب

1. اپنی روزمرہ زندگی اور ثقافت سے ایسی اشیا منتخب کیجیے جو آپ کی شناخت اور تعلق کو ظاہر کرتی ہے۔ آپ کو اسے بنانے میں مزہ آئے گا کیوں کہ آپ اس کی باریک سے باریک تفصیل جانتے ہیں۔ مثال کے طور پر، ٹوکری، گھڑی، گیند، کھلونا، جوتے، ٹرافیاں، پھول، پھل وغیرہ۔
2. مقامی فن کاروں کی بنائی ہوئی نایاب یا غیر معمولی اشیا تلاش کیجیے اور ان کے ساتھ ایسی اشیا شامل کیجیے جو ان کا حسن بڑھائیں۔
3. تین سے چار اشیا منتخب کیجیے جن کے مواد، رنگ، بناوٹ، سائز اور جہتیں مختلف ہوں۔

مرحلہ 2: پس منظر کا انتخاب

پس منظر بنانے کے لیے ایک ہی رنگ کے کپڑوں کے ایک یا دو ٹکڑے منتخب کیجیے۔ کپڑے کا رنگ ایسا ہو کہ وہ اشیا سے توجہ نہ ہٹائے بلکہ ان کے حسن کو بڑھائے۔ اگر کپڑا نہ ہو تو کوئی اور سادہ پس منظر بنانے والا مواد استعمال کیا جا سکتا ہے تاکہ اشیا نمایاں ہوں۔

میری چند پسندیدہ چیزیں

مرحلہ 3: اشیا کو ترتیب دینا

1. کپڑے کو کچھ ایسی شکن کے ساتھ لپیٹیں جو قدرتی معلوم ہوں۔
2. اشیاکو اس انداز میں رکھیے کہ مختلف زاویوں سے دیکھنے پر وہ ایک دوسرے پر تھوڑی سی چڑھی ہوئی محسوس ہوں۔ اشیاکو ایک اکائی کے طور پر ترتیب
   دینا چاہیے۔
3. حتمی ترتیب سے پہلے مختلف دلچسپ طریقوں سے رکھ کر دیکھنا چاہیے۔ مثال کے طور پر کسی شے کو سیدھا یا اس کے پہلو کے بل یا کسی طرف جھکا کر یا اونچا رکھا
   جا سکتا ہے۔
4. روشنی اور سایہ: اشیا کو اس جگہ رکھنا چاہیے جہاں روشنی ایک طرف سے پڑے اور اس سے سائے اور مختلف ٹون پیدا ہوں۔ اس کے لیے آپ کلاس روم میں دروازے اور کھڑکیاں جزوی طور پر کھول یا بند رکھ سکتے ہیں یا روشنی کو ترتیب میں رکھنے یا فلٹر کرنے کے لیے اسکرین، پرانے بینر، پردے یا چادریں استعمال
   کر سکتے ہیں۔

ان میں سے ہر آرٹ ورک میں شناخت کیجیے کہ روشنی کس طرف سے پڑ رہی ہے۔

ہاتھ سے رنگی ہوئی مٹی کی اشیا بنانے کی روایت پورے ہندوستان میں دیکھی جاتی ہے۔ کچھ
فن کار مختلف سائز میں پھل اور سبزیاں بناتے ہیں جو بالکل اصلی معلوم ہوتے ہیں۔

کیا آپ
جانتے ہیں؟

اشیا

A4 سائز کا کاغذ یا 1/4 چارٹ پیپر، پنسلیں، کٹر، ربڑ، اپنی پسند کا رنگ بھرنے کا سامان

مرحلہ 1: اپنے زاویے سے جامد زندگی کا مشاہدہ کیجیے

پانچ مختلف طلبا کے ذریعے بنائی گئی ذیل کی مثالوں کو دیکھیے۔ ہر طالب علم نے اس جامد زندگی کو ایک الگ زاویے سے دیکھا ہوگا۔

ان کا فرق تلاش کیجیے اور درج ذیل نکات کو دیکھ کر تجزیہ کیجیے:

1. نیلے اور سبز پس منظر کے حصے کتنی جگہ گھیر رہے ہیں۔
2. اشیا کے ایک دوسرے کے اوپر چڑھے ہوئے حصے اور ان کے بیچ کے فاصلے۔
3. اشیا پر بننے والے سائے اور نمایاں حصے۔
4. دونوں برتنوں کے دہانے ۔

مرحلہ 2: پانچ منٹ کا مشاہدہ

اپنی ترتیب دی ہوئی جامد زندگی کو غور سے دیکھیے اور فیصلہ کیجیے کہ آپ کی ڈرائنگ عمودی یا افقی انداز میں بہتر فٹ ہوگی۔ ڈرائنگ کے لیے اپنے کاغذ کا زیادہ سے زیادہ حصہ استعمال کیجیے۔

اب اِن نکات پرغورکیجیے:

• ہر شے کا سائز اور باقی اشیا کے مقابلے میں اس کا تناسب۔
• ہر شے کی لکیریں اور خدوخال۔
• مختلف بنیادی شکلیں جو مل کر ہر شے کی شکل بناتی ہیں۔

• تناسب اور عدم تناسب۔

• اشیاکے ایک دوسرے پر چڑھے ہونے والے حصے (وہ حصے جو آپ کے زاویے سے نظر نہیں آ رہے)۔
• اشیاکے درمیان فاصلہ اور ان کے بیچ کے خالی حصوں کی شکلیں۔
• روشنی اور سائے کا زاویہ (جو اشیا، کپڑے اور سطح پر پڑ رہے ہیں)۔

مرحلہ 3: ہلکی لکیروں سے خط و خال بنانا

• کاغذ کے کناروں کے قریب آنے والی مختلف اشیا کے نکات کی نشان دہی کیجیے۔ اس سے یہ یقینی ہوگا کہ تمام اشیا فریم کے اندر رہیں۔
• اشیاکے تناسب اور مقدارکو نشان زد کیجیے۔ بڑی اشیا کے مقابلے میں چھوٹی اشیا کے تناسب کی پیمائش کے لیے پنسل کا استعمال کیجیے۔

اہم: درست تناسب حاصل کرنے کے لیے مقدار کو نوٹ کیجیے۔ اشیا کا اصل سائز نہ بنایئے۔

• ہر شے کی چھپی ہوئی بنیادی شکلیں بنایئے اور انھیں اپنے بنائے گئے نشانات میں
  فٹ کیجیے۔

• ہلکی لکیروں سے خد و خال مکمل کیجیے اور تفصیلات شامل کیجیے۔

مرحلہ 4: جامد زندگی میں رنگ بھرنا

اپنے پسندیدہ میڈیم کا استعمال کیجیے اور رنگوں کے شیڈز اور ٹونز دکھانے کے لیے مختلف تکنیک آزمایئے۔ رنگ ملانے میں تخلیقی صلاحیت کا مظاہرہ کیجیے اور مختلف سائز اور رنگوں کے نقطے، لکیریں، اسٹروکس اور دھبوں کے ساتھ تجربہ کیجیے۔