17

مقامات پر لوگ (PEOPLE IN PLACES)

تناظر دو جہتی سطح پر سہ جہتی جگہ دکھانے کی تکنیک ہے۔ یہ فاصلے اور گہرائی کے تعلق سے وہم پیدا کرتا ہے جہاں قریب کی چیزیں بڑی دکھائی دیتی ہیں اور دور کی چیزوں کے مقابلے میں ان کی تفصیلات کہیں زیادہ ظاہر ہوتی ہیں۔ آپ اپنے سامنے کے مناظرکا گہری نظر سے مشاہدہ کرکے مشق کے ساتھ یہ جادو کر سکتے ہیں۔

یہ دیکھنے کے لیے کہ جب تناظر میں دیکھا جائے تو لکیریں کس طرح ظاہر ہوتی ہیں:

• اپنی آنکھ کی پتلی کو ایک دائرے کے طور پر تصور کیجیے اور اس کا مرکز معدوم نقطہ اتصال کے طور پر ہو۔
• آنکھ کے مرکز میں افقی لکیر کو افق لکیر کے طور پر تصور کیجیے۔
• دیگر لکیروں کا تصور کیجیے جو مرکز سے مختلف سمتوں سے نکلتی ہیں۔

تناظر میں دیکھنے کے لیے تین چیزیں ضروری ہیں:

1. منظر میں آنکھ کی سطح پر افق کی لکیر کی نشان دہی کرنا۔
2. غائب ہونے والے مقام کا تصور کرنا۔
3. لکیروں کے زاویے کا مشاہدہ کرنا جو غائب ہونے والے مقام پر آپس میں ملتے ہیں۔

تناظرآپ کو عمارتوں اور تعمیراتی یادگاروں کا مشاہدہ کرنے اور اس انداز سے دیکھنے میں مدد کر سکتا ہے جو دیکھنے میں حقیقی نظر آئے۔ 100 روپے کے نوٹ پر چھپی تصویر کی مثال لیجیے۔

دھیان دیجیے کہ اسٹیپ ویل کی اوپری اور نچلی منزلوں کی لکیریں غائب ہونے والے مقام پر آپس میں کیسے ملتی ہیں۔

اسی طرح عمارتوں کے اندرونی حصوں کی دوسری تصویروں میں بھی ان لکیروں کو دیکھیں جو معدوم نقطہ اتصال پر آ کر ملتی ہیں۔

جب ایک بار آپ تناظرکی ڈرائنگ کے اصول سیکھ لیں گے اور جان لیں گے تو آپ کو مختلف زاویوں سے سادہ چیزوں کو بنانا آسان لگے گا۔

مواد: غیر استعمال شدہ یا ردی آرپار نظر آنے والی شیٹ، اسکیل، بال پوائنٹ، قلم یا پرماننٹ مارکر اور قینچی۔

طریقہ کار:

• آرپار نظر آنے والی شیٹ کو اے4 سائز میں کاٹ لیں۔
• پیمائش والے اسکیل کا استعمال کیجیے اور تصویر میں دکھائی گئی جالی (گرڈ) بال پوائنٹ قلم یا پرماننٹ مارکر کا استعمال کرتے ہوئے نشان زد کر لیں ۔ یہ آپ کا دیکھنے کا جال ہوگا۔
• اپنے اردگرد کے مناظر کو اس جالی سے دیکھیے۔ اس دوران اسے سیدھا اور ساکت رکھیے۔
• جالی پر افق کی لکیرکو اپنی آنکھ کی سطح کے برابر
  میں لائیں۔
• جب آپ جالی کے ذریعے منظر کو دیکھیں تو ایسی لکیریں تلاش کیجیے جو افق کی لکیرکےبرابرمیں ہوں۔
• دیگر لکیروں اور اشیا کی شکلوں کو جالی کی لکیروں اور خانوں کے تناظرمیں دیکھیں۔
• قریبی اشیا کی لکیروں کے زاویوں کا موازنہ دور کی اشیا کی لکیروں کے زاویوں
  سے کیجیے۔


جالی کے ذریعے تصویر کو دیکھیں

• ایسا منظر منتخب کیجیے جسے آپ بنانا چاہتے ہیں۔

• آرپار نظر آنے والی شیٹ کے ذریعے جو کچھ آپ دیکھتے ہیں اسے اپنے ڈرائنگ پیپر پر نقل کیجیے۔

تناظر میں منظر کشی کو دکھانے کے لیے آپ اسی جال کا استعمال کر کے مختلف مناظر
بنا سکتے ہیں ۔مزید مشق کے ساتھ آپ بغیر جالی کے بھی ڈرائنگ بنانے کے قابل ہو جائیں گے۔

آرپار نظر آنے والی شیٹ کے ذریعے جو آپ دیکھتے ہیں اسے اپنے ڈرائنگ پیپر پر نقل کیجیے

مثال کے مطابق تصویر میں موجود تمام افراد کے لیے تناسب کی نشان دہی کیجیے۔

• سر کے سائز کو دو افقی لکیروں سے نشان زد کیجیے۔
• دونوں لکیروں کے درمیان کے فاصلے کی پیمائش کیجیے اور اسی پیمائش کو استعمال کرتے ہوئے جسم کی لمبائی کے ساتھ مزید افقی لکیریں بنائیں۔
• اس کی گنتی کیجیے کہ ہر انسانی جسم میں سر کو کتنی بار دہرایا گیا ہے۔
• سر کے مقابلے میں قد کا تناسب لکھیں۔
  مختلف عمر کے گروپوں اور جسمانی ساخت کی اقسام میں پائے جانے والے تناسب کے فرق پر تبادلۂ خیال کیجیے۔

ہر شخص کے جسمانی تناسب میں معمولی فرق ہوتا ہے جس کی وجہ سے وہ دوسروں سے مختلف نظر آتاہے۔ کوئی ایک ایسا دقیانوسی تناسب نہیں ہے جس میں ہر کوئی فٹ ہو سکے۔
اپنے ہم سروں اور ہم جماعتوں کے جسمانی تناسب کا مشاہدہ کیجیے اور ان سے ڈرائنگ بنائیں۔ بار بار کھڑے ہونے کی پوزیشن میں تبدیلی کیجیے تاکہ آپ پورے جسم کا مشاہدہ اور ڈرائنگ بنا سکیں۔

مرحلہ 1: سر سے شروع کیجیے اور تناسب نوٹ کیجیے: آپ پہلے ہی جامد اشیا بناتے وقت پنسل کو پیمائش کے اوزار کے طور پر استعمال کرنا سیکھ چکے ہیں۔ اسی طرح پنسل سے سر کے سائزکی پیمائش کیجیے اور اس بات کو نوٹ کیجیے کہ وہ جسم میں کتنی بار دہرایا جاتا ہے۔

مرحلہ 2: جو تناسب آپ نے ناپا ہےاس کی بنیاد پر ابتدائی نشانات لگائیں تاکہ آپ پورے جسم کی ڈرائنگ کاغذ پر آسانی سے اتار سکیں۔

مرحلہ 3: ہر حصہ بناتے وقت پیمائش اور تناسب کی تصدیق جاری رکھیں۔ اس بات پر توجہ دیں کہ جو تناسب آپ دیکھ رہے ہیں وہی کاغذ پر اُترے۔

مرحلہ 4: اپنی ڈرائنگ مکمل کیجیے اور اسے دوستوں کو دکھائیے۔ اپنے استاد سے رائے لیجیےکہ آپ کی ڈرائنگ کے کون سے حصے مناسب ہیں اور کہاں بہتری کی گنجائش ہے۔

جیسا کہ آپ تناظر اور انسانی جسم کے تناسب کے بارے میں سیکھ چکے ہیں تو اب وقت ہے کہ آپ اپنی ایسی ساخت بنائیں جن میں اندرونی یا بیرونی مناظر میں لوگ دکھائی دیں۔

مرحلہ 1: اپنی ساخت کو ترتیب دینے کے لیے چند ابتدائی خاکے بنائیے

• اپنے پچھلے بنائے گئے خاکوں کو استعمال کرتے ہوئے پیش منظر،درمیانی منظراور پس منظرکے اجزا کی منصوبہ بندی کیجیے۔
• افق کی لکیر اور اس کا معدوم نقطہ اتصال نشان زد کیجیے۔
• شروع میں تین انسانی پیکر مختلف فاصلے پر بنائیں — ایک قریب ہو سکتا ہے اور دوسرا کچھ فاصلے پر۔
• تناسب اور تناظر کے اپنے علم کو استعمال کرتے ہوئے دیگر اجزا بنائیں جیسے فرنیچر، اشیا، درخت، سڑکیں، گاڑیاں، عمارتیں وغیرہ۔

نوٹ: انسانی پیکر پیش منظر یا اندرونی منظر جس میں انھیں رکھا گیا ہے، ان کے تناسب میں ہونے چاہیے۔

مرحلہ 2: ایک ساخت (Layout) منتخب کیجیے

اپنے ابتدائی خاکے استاد کو دکھائیں، ان کی تجاویز سنیں اور اپنے حتمی آرٹ ورک کے لیے انتخاب پر بات کیجیے۔

مرحلہ 3: حتمی آرٹ ورک شروع کیجیے

• لائن ڈرائنگ: اپنے ابتدائی خاکوں کے حوالے کا استعمال کرتے ہوئے ڈرائنگ شروع کیجیے۔
• ترمیمات اور تبدیلیاں: ڈرائنگ کرتے وقت اپنی ترکیب میں چھوٹی موٹی تبدیلیاں یا اضافہ کیجیے۔

مرحلہ 4: رنگ بھرنے کا عمل

• اپنے آرٹ ورک میں رنگ بھرنے کے لیے کوئی بھی ذریعہ منتخب کیجیے (پنسل کلر، پیسٹل، مومی کلر، واٹر کلر، پوسٹر کلر، ایکریلک کلر، نیچرل کلر وغیرہ)۔
• موسم، دن کے اوقات، موڈ وغیرہ کی بنیاد پر اپنےرنگوں کا تھیم منتخب کیجیے۔
• اپنے ابتدائی خاکوں پر مختلف امتزاج آزما کر دیکھیں۔
• اب آپ اپنے حتمی آرٹ ورک کو مکمل کرنے کے لیے
  تیار ہیں۔

مرحلہ 5: اپنے آرٹ ورک کو عنوان دیجیے

• اپنے آرٹ ورک کے بارے میں چند خیالات نوٹ کیجیے (آپ کے خیالات، ترغیبات، یادیں اور ذاتی تعلقات)۔
• ان خیالات کی بنیاد پر ایک مختصر جملہ لکھیے جو آپ کے آرٹ ورکس کا عنوان بن سکے۔

نوٹ: استاد ہر طالب علم کا کام کودکھا سکتا اور کلاس میں گفتگو
کرا سکتا ہے۔