19

آرٹ بیداری کے لیے مہم (CAMPAIGN FOR ART AWARENESS)

ایک موضوع منتخب کرکے اپنی مہم شروع کیجیے۔ آپ کسی ایسے فن کار کے ساتھ کام کر سکتے ہیں جو پینٹر، مجسمہ ساز، ڈیزائنر یا فوٹوگرافر بھی ہوسکتا ہے۔ آپ ایک ایسی برادری کا انتخاب بھی کر سکتے ہیں جو آرٹ اور کرافٹ کی روایت کو زندہ رکھتی ہے، جیسا کہ آپ نے پچھلے باب میں پڑھا ہے یا اسکول پروڈکشن یا یہاں تک کہ آپ اپنا کوئی پروجیکٹ بھی منتخب کر سکتے ہیں۔

4 سے 5 طلباکے چھوٹے چھوٹے گروپ بنایئے اور اپنی مہم کے لیے ایک ساتھ مل کر ایک موضوع کے بارے میں غور کیجیے۔ یہاں کچھ اشارے درج ہیں:

• کیا آپ اپنے علاقے کے کسی فن کار اور آرٹ کے طریقوں کے بارے میں جانتے ہیں؟
• کیا آپ کے علاقے میں کوئی میلہ ہونےوالا ہے یا مقامی دستکاری کا میلہ لگنے والا ہے جہاں آپ فن کاروں سے مل سکتے ہیں؟
• کیا آپ کے علاقے میں کوئی آرٹ اور ڈیزائن کےاسکول ہیں؟
• کیا آپ کے قریب کوئی آرٹ میوزیم یاآرٹ گیلری ہے؟ وہاں کس قسم کے آرٹ ورک کی نمائش ہوتی ہے؟

بہت سارے فن کار اور آرٹ کے طریقے ہیں جن کے بارے میں آپ شاید نہیں جانتے۔ جس آرٹ سے آپ کاتعلق ہوسکتا ہے اسے منتخب کیجیے اور اس کے بارے میں اپنے استاد سے تبادلۂ خیال کیجیے۔

درج ذیل طریقوں سے اپنے منتخب کردہ موضوع کے بارے میں معلومات جمع کیجیے۔

• اساتذہ، دوستوں اور اہل خانہ سے بات کیجیے۔
• لائبریری جائیے، مقامی اخبارات اور گزشتہ برسوں کی اپنی نصابی کتابوں سے رجوع کیجیے۔
• فن کاروں کے پاس اور ان کے اسٹوڈیوزیا کام کی جگہوں پر جائیے۔
• کسی گیلری، میوزیم، آرٹ میلے یا مقامی بازار کا دورہ کیجیے۔
• مزید معلومات حاصل کرنے کے لیے اپنے بڑوں کی نگرانی میں انٹرنیٹ استعمال کیجیے۔

آپ کو جو معلومات ملی ہیں ان کے نوٹس تیار کیجیے۔تصویریں اور متن جمع کیجیے اور درج ذیل معلومات کو تلاش کرنے اور دیکھنے کی کوشش کیجیے:

• اس فن کار یا آرٹ ورک نے معاشرے میں کیا تعاون دیا ہے؟
• فن کار اور آرٹ ورک کے پیچھے کیا کہانی ہے؟
• آپ کو اس کے بارے میں سب سے خاص کیا لگتا ہے، فن کار ،آرٹ ورک یا آرٹ
  کا طریقہ؟
• فن پارے کے پیچھے کیا ترغیبات ہیں؟
• کیا کوئی مخصوص مواد یا تکنیک استعمال ہوتی ہے؟
• انھیں کن سماجی، اقتصادی یا ماحولیاتی چیلنجز کا سامنا کرنا پڑا؟

� اپنی مہم کے دوران پیش کرنے والے اہم پیغام کے بارے میں سوچیے۔

• اپنی مہم کے لیے ایک دلکش عنوان بنائیے۔ عنوان 5 سے 7 الفاظ سے زیادہ نہیں ہونا چاہیے اور وہ آپ کے پیغام کو واضح طور پر ظاہر کرتا ہو۔
• اگر آپ اپنے رقص اور تھیٹر پرفارمنس کے لیے ایک مہم تیارکر رہے ہیں تو آپ کا عنوان اور مرکزی پیغام لوگوں کومتوجہ کرنے اور آپ کی پیش کش کو دیکھنے کی ترغیب دینے والا ہونا چاہیے۔

• آپ نے جو معلومات یکجا کی ہیں ان پر غور کیجیے۔
• معلومات کو مختلف سرخیوں کے تحت ترتیب دیجیے۔جیسے:
  • تعارف
  • طریقہ عمل
  • پس منظر کی معلومات
  • بصری گیلری

یہ آپ کے منتخب کردہ موضوع کی بنیاد پر مختلف ہو سکتے ہیں۔

آپ اپنی مہم کے لیے فن کار یا آرٹ کے طریقے سے متعلق ایک پوسٹر بنا سکتے ہیں یا ایک بروشر میں ان کو ترتیب دے سکتے ہیں۔آپ ایک چھوٹا سا فلائر بھی بنا سکتے ہیں جسے آپ دوپہر کے کھانے کے وقت تقسیم کر سکتے ہیں۔ اس پر غور کیجیے کہ آپ کی مہم کے لیے کیا بہتر کام ہوسکتا ہے۔

بروشر بنانے کے مراحل

� کاغذ کی ایک A4شیٹ کو تین حصوں میں برابر برابر موڑیے۔

• صفحات کے تسلسل اور معلومات کی ترسیل کے بارے میں فیصلہ کیجیے۔
• معلومات کے ایک حصے کو چھ اطراف میں تفویض کیجیے۔

• سرورق: اپنا عنوان اور مرکزی پیغام پہلے صفحے پر رکھیے۔

• تعارف: قاری کو چند الفاظ اورتصاویر کے ساتھ بتایئے کہ یہ بروشر کس سے متعلق ہے۔
• عمل: ایک آرٹ ورک کیسے تیار کیا جاتا ہے اس کےپس منظر کی معلومات کا اشتراک کیجیے یا کسی فن کار کے اہم کاموں کی ٹائم لائن بنائیے۔
• گیلری: تصاویر کی ایک گیلری بنائیے جس میں فن کار کی تصاویر اور ڈرائنگ، ان کے کام، مواد اورآلات شامل ہوں۔
• ذرائع: ان ذرائع کا ذکر کرنا نہ بھولیے جن سے آپ نے معلومات حاصل کی ہیں۔ ممکن ہے آپ کے قارئین مزید معلومات حاصل کرنا چاہیں!

کولاژ اور پرنٹ میکنگ جیسی تکنیکوں کے ساتھ تجربہ کیجیے۔ فن کار اور فن کے طریقے کے ذریعے استعمال ہونے والے مواد کو قریب سے دیکھیے۔ کیا آپ اس سے ترغیب لے سکتے ہیں؟