ساحرؔ لدھیانوی

(1980 – 1921)

ساحرؔ کا اصل نام عبد الحئی تھا وہ ساحر لدھانوی کے نام سے مشہور ہوئے۔ لدھیانہ (پنجاب) میں پیدا ہوئے ۔ زمانۂ طالب علمی ہی سے شعر کہنے لگے تھے۔ 1936 میں ترقی پسند تحریک شروع ہوئی۔ اس تحریک سے وابستہ ہونے والوں میں ساحرؔ بھی شامل تھے۔ 1947 میں تقسیم ملک کے بعد دہلی چلے آئے پھر تلاش معاش میں ممبئی پہنچے،جہاں انھوں نے فلموں کے لیے گیت لکھے۔ساحرؔ نے اپنی شاعری سے ہندوستانی فلموں میں گانوں کے معیار کو بہت بلند کیا۔ اپنے زمانے کے وہ سب سے مشہور گیت کار تھے۔ ان کے فلمی گیتوں میں بھی ان کی شاعری کی تمام خوبیاں موجود ہیں۔ عوام کے دکھ درد کا احساس او رماحول کی کشمکش کا اثر ان گیتوں میں نمایاں ہے۔ ’’تلخیاں‘‘ ان کی شاعری کا پہلا مجموعہ ہے۔ اس کے بہت سے ایڈیشن شائع ہوئے۔ ’’آؤ کہ کوئی خواب بُنیں‘‘ بھی ان کی شاعری کا معرو ف مجموعہ ہے۔ ’’گاتا جائے بنجارہ‘‘ میں ساحرؔ کے فلمی گیت یکجاکردیے گئے ہیں۔ ساحرؔ کی ’’پرچھائیاں‘‘ اردو کی طویل نظموں میں ایک خاص حیثیت رکھتی ہے۔

اے شریف انسانو!