غور کرنے کی بات:

سوالوں کے جواب لکھیے:

عملی کام:

• غزل کے اشعار میں شاعر نے جہاں جہاں اضافت کا استعمال کیاہے ان کی نشاندہی کیجیے۔
  
• غزل کے قافیوں کی فہرست بنائیے۔

• دوسرے شعر میں ’’دل لگے‘‘ اور ’’دل لگی‘‘نے شعر میں بیان کا حسن پیدا کردیا ہے۔
  
• کلام میں جب کسی تاریخی واقعے یا کسی شخصیت کا ذکر ہوتاہے تو اسے صنعتِ تلمیح کہتے ہیں۔یہاں حضرت خضرؑکا ذکر کیا گیا ہے ۔ حضرت خضر ؑ اپنی لمبی عمر کے لیے مشہور ہیں۔ کہا جاتا ہے کہ وہ قیامت تک زندہ رہیں گے اور بھولے بھٹکوں کو راستہ دکھاتے رہیں گے۔
  

• اس غزل کے کچھ شعر زبانی یاد کیجیے اور بلند آواز سے پڑھیے۔
  

غزل

مشق

لفظ و معنی:

غور کرنے کی بات:

سوالوں کے جواب لکھیے:

عملی کام:

فانیؔ بدایونی

(1941 -1879)

شوکت علی خاں نام، پہلے شوکت اور بعد میں فانیؔ تخلص اختیار کیا۔ اتر پردیش کے ضلع بدایوں میں پیدا ہوئے۔ اُن کے والدپولس کے محکمے میں انسپکٹرتھے۔فانیؔ نے1897 میں انٹرنس کا امتحان پاس کیا۔1901 میں بریلی کالج بریلی سے بی۔اے۔پاس کرنے کے بعد ملازمت اختیار کی۔ کچھ عرصے تک مدرس رہے، بعد میں ملازمت تر ک کردی اور 1908میں ایم۔اے۔ او کالج، علی گڑھ (موجودہ مسلم یونیورسٹی) سے ایل ایل۔بی۔ کی ڈگری حاصل کی۔ اِس کے بعد لکھنؤ، آگرہ، اٹاوہ، بریلی اور بدایوں میں وکالت کی، لیکن فانیؔ کو وکالت سے دل چسپی نہ تھی۔ اِس لیے ا ِس پیشے میں انھیں کامیابی نصیب نہ ہوئی۔1932 میں مہاراجہ کِشن پرشاد کی دعوت پر حیدر آباد پہنچے۔ مہاراجہ کے دربار سے وابستہ رہنے کے ساتھ ساتھ وہ حیدر آباد کے ایک سرکاری اسکول میں ہیڈ ماسٹر ہوگئے۔ فانیؔ کے آخری ایام تنگ دستی اور پریشانی میں گزرے۔ ان کا انتقال حیدرآباد میں ہوا۔ فانی ؔکا یہ مقطع اُن کی زندگی پر صادق آتا ہے:

فانی ہم تو جیتے جی وہ میت ہیں بے گورو کفن 

غربت جس کو راس نہ آئی اور وطن بھی چھوٹ گیا

فانیؔ نے پہلی غزل1890 میں یعنی گیارہ سال کی عمر میں کہی۔ ان کے والد شاعری کے خلاف تھے۔ اس لیے فانی چھپ کر شعر کہتے تھے۔ زیادہ تر کلام تلف ہوگیا، جو کچھ بچا وہ’’باقیاتِ فانی‘‘ (1926)کے نام سے شائع ہوا۔ بعد میں دیگراور مجموعے’’عرفانیات ِ فانی‘‘ (1939)  اور’’وجدانیاتِ فانی‘‘ (1940) کے نام سے منظرِ عام پر آئے۔

فانیؔ کا شمار اُردو کے ممتاز غزل گو شعرا میں ہوتا ہے۔شاعری میں درد و غم کے مضامین کی کثرت کے باعث فانیؔ کو یاسیات کا امام کہا گیا ہے۔

غزل

دنیا میری بلاجانے ، مہنگی ہے یا سستی ہے

موت ملے تو مفت نہ لوں، ہستی کی کیا ہستی ہے

آبادی بھی دیکھی ہے ویرانے بھی دیکھے ہیں

جو اجڑے اور پھر نہ بسے، دل وہ نرالی بستی ہے

جان سی شے بک جاتی ہے ایک نظر کے بدلے میں

آگے مرضی گاہک کی، ان داموں تو سستی ہے

جگ سونا ہے تیرے بغیر، آنکھوں کا کیا حال ہوا

جب بھی دنیا بستی تھی، اب بھی دنیا بستی ہے

آنسو  تھے سوخشک ہوئے جی ہے کہ امڈا آتا ہے

دل پہ گھٹا سی چھائی ہے، کھلتی ہے نہ برستی ہے

دل کا اجڑنا سہل سہی، بسنا سہل نہیں ظالم

بستی بسنا کھیل نہیں بستے بستے بستی ہے

فانی! جس میں آنسو کیا، دل کے لہو کا کال نہ تھا

ہائے وہ آنکھ اب پانی کی دو بوندوں کو ترستی ہے

---فانیؔ بدایونی

مشق

لفظ و معنی:

ہستی   : وجود، زندگی

کال : قحط، کمی

سہل : آسان

غور کرنے کی بات:

• حسرت ویاس فانیؔ کی شاعری کی بنیادی خصوصیات ہیں۔ 
  
• اس غزل میں فانیؔ نے بعض جگہ ایسے الفاظ استعمال کیے ہیں جو ایک دوسرے کی ضد ہیں۔ جیسے ’’مہنگی سستی‘‘،’’موت ہستی‘‘ وغیرہ ان متضاد الفاظ کے استعمال سے شعر کی معنویت میں اضافہ ہوا ہے۔ الفاظ کے اس استعما ل کو صنعت تضاد کہا جاتا ہے۔

سوالوں کے جواب لکھیے:

1 ۔    شاعر نے دل کو نرالی بستی کیوں کہا ہے؟

2 ۔     ’ہستی کی کیا ہستی ہے ‘ سے شاعر کی کیا مراد ہے؟

3 ۔    ’’بستی بسنا کھیل نہیں، بستے بستے بستی ہے‘‘، اس مصرعے میں پہلے لفظ بستی اور دوسرے لفظ بستی کے فرق کو واضح کیجیے۔

عملی کام:

• اس غزل کے قافیوں کی نشاندہی کیجیے۔
  
• ذیل کے الفاظ کوجملوں میں استعمال کیجیے۔
  

جگ  بستی گھٹا سہل لہو کال

• غزل کے مقطع میں یگانہ اپنے وجود کی اصلیت پر شک کرتے ہیں اور اس کے ساتھ خدا ہی جانے کہہ کر یہ واضح کردیتے ہیں کہ وہ جو بھی ہیں خدا جانتا ہے۔ اس طرح اپنے آپ پر شک کرنا اور خدا ہی جانے کہنا نئی بات ہے۔

• بلندی اور پستی متضاد الفاظ ہیں۔ اس غزل سے ایسے اور متضاد الفاظ تلاش کرکے لکھیے۔
  
• پہاڑ کاٹنا ایک محاورہ ہے جس کے معنی ہے، مشکل کام انجام دینا ۔آپ پانچ محاورے یاد کرکے لکھیے۔