مدرس کے لیے ہدایت

آئیے ہندوستانی بازاروں میں چینی کھلونوں کی مثال کے ذریعے غیر ملکی تجارت کے اثرات دیکھیں

چینی مینوفیکچررس کو ہندوستان کو کھلونے برآمد کرنے کا ایک اچھا موقع دستیاب ہوا جہاں کھلونے اونچی قیمت پر فروخت کیے جاتے ہیں۔ انھوں نے ہندوستان کو پلاسٹک کے کھلونے برآمد کرنے شروع کیے۔ ہندوستان کے خریداروں کے لیے اب ہندوستانی اور چینی کھلونوں کے درمیان انتخاب کا اختیار ہے۔ سستی قیمتوں اور نئی ڈیزائنوں کی وجہ سے چینی کھلونے ہندوستانی بازاروں میں زیادہ مقبول ہوئے۔ ایک سال میں 70 تا 80 فی صد کھلونے کی دوکانوں میں ہندوستانی کھلونوں کی جگہ چینی کھلونے آگئے اب ہندوستانی بازاروں میں پہلے کے مقابلے زیادہ سستے کھلونے مل رہے ہیں۔ یہاں کیا واقع ہورہا ہے؟ تجارت کے نتیجے میں چینی کھلونے ہندوستانی بازاروں میں آگئے۔ ہندوستان اور چینی کھلونوں کے درمیان مسابقت میں چینی کھلونے زیادہ بہتر ثابت ہوئے۔ ہندوستانی خریداروں کے پاس اب کم قیمتوں پر کھلونوں کا انتخاب کرنے کا زیادہ اختیار ہے۔ چینی کھلونا بنانے والوں کے لیے ایک موقع فراہم ہوا کہ وہ اپنے کاروبار کو بڑھائیں۔ اس کے عین برعکس ہندوستانی کھلونے بنانے والوں کے بارے میں کہا جاسکتا ہے کہ انھیں نقصان کا سامنا کرنا پڑا کیونکہ ان کے کھلونے زیادہ کم قیمت پر فروخت ہورہے ہیں۔تجارت کے عام طور پر آزاد ہونے سے اشیا ایک بازار سے دوسرے بازار میں آنے جانے لگتی ہیں۔ بازاروں میں اشیا کا انتخاب وسیع ہوجاتا ہے۔ دوبازاروں میں ایک ہی اشیا کی قیمتوں کا رجحان یکساں ہوجاتاہے اور دو ملکوں کے درمیان پیداکار اب ایک دوسرے کے خلاف زیادہ گہرائی سے مسابقت کرتے ہیں بھلے ہی ہزاروں میل دوری پر ہوں! اس طرح غیر ملکی تجارت کا نتیجہ بازاروں کو جوڑنے یا مختلف ملکوں میں بازاروں کے ارتباط کی شکل میں نکلتا ہے۔

اشیا کو کنٹینر میں رکھا جاتا ہے جسے جہازوں، ریلوے، ہوائی جہازوں اور ٹرکوں میں ویسے کے ویسے لادا جاتا ہے۔ کنٹینر بندرگاہ کے اٹھانے رکھنے کی لاگتوں کو کافی کم کردیتے ہیں اور شرح رفتار بڑھا دیتے ہیں جس سے درآمدات بازاروں میں پہنچ سکتی ہیں۔ اسی طرح ہوائی نقل و حمل کی لاگت کو کم کردیتے ہیں۔ اس سے اشیا کی زیادہ سے زیادہ حجم کو ایئر لائنوں کے ذریعے باربرداری کی جاسکتی ہے۔

لندن کے پڑھنے والوں کے لیے ایک نیوز میگزین شائع ہوتی ہے جس کی ڈیزائن اور چھپائی دہلی میں کی جانی ہوتی ہے۔ میگزین کا متن دہلی آفس سے انٹر نیٹ کے ذریعہ بھیجا جاتا ہے۔ دہلی کے دفتر میں ڈیزائنر آرڈر حاصل کرتا ہے کہ کس طرح ٹیلی مواصلاتی سہولتوں کا استعمال کرتے ہوئے لندن میں آفس سے میگزین کا ڈیزائن کیا جائے۔

 ڈیزائننگ کمپیوٹر پر انجام دی جاتی ہے ۔میگزین کی چھپائی کے بعد اسے لندن ہوائی جہاز کے ذریعہ بھیجا جاتا ہے۔ ڈیزائننگ اور پرنٹنگ کے لیے رقم کی ادائیگی بھی لندن کے ایک بینک سے دہلی کے بینک کو انٹر نیٹ کے ذریعے (ای۔بینکنگ کے ذریعے )فوری طور پر انجام دی جاتی ہے!

1۔ درج بالا مثال میں پیداوار میں ٹکنالوجی کا استعمال بیان کرتے ہوئے الفاظ کو نمایاں کیجیے۔

2۔ انفارمیشن ٹکنالوجی گلوبلائزیشن کے ساتھ کس طرح جڑی ہوئی ہے؟ کیا انفارمیشن ٹکنالوجی (IT) کے پھیلاؤ کے بغیر گلوبلائزیشن ممکن ہوسکتا ؟

آپ نے باب 2 میں دیکھا کہ زرعی سیکٹر کافی روزگار اور ہندوستان میں کل گھریلو پیداوار کا ایک نمایاں حصہ فراہم کرتا ہے۔ اس کا موازنہ ترقی یافتہ ملکوں جیسے ریاست ہائے متحدہ کے% 1فیصد پر کل گھریلو پیداوار میں زرعی حصے اور کل روزگار میں %0.5 کے معمولی حصے میں اس کی شرکت کے ساتھ کیجیے اور پھر بھی لوگوں کا یہ نہایت مختصر فی صد جو ریاست ہائے متحدہ امریکا میں زراعت میں مشغول ہے پیداوار کے لیے اور دیگر ملکوں کو درآمدات کے لیے یو۔ایس حکومت سے زرکا زبردست میزان حاصل کرتا ہے۔ اس بھاری بھرکم رقم سے جو وہ حاصل کرتے ہیں، امریکا کے کسان اپنی اشیا کو غیر معمولی کم قیمتوں پر فروخت کرسکتے ہیں۔ زائد زرعی اشیا دیگر ملک کے بازاروں میں کم قیمتوں پر فروخت کی جس سے ان ممالک کے کسانوں پر بہت خراب اثر پڑتا ہے۔

لہٰذا، ترقی پذیر ملکوں کا ترقی یافتہ ملکوں کی حکومتوں سے کہنا ہے، ’’ہم نے ڈبلو۔ٹی۔او۔ کے ضوابط کے مطابق تجارتی بندشوں کو کم کردیا ہے لیکن آپ لوگوں نے ڈبلو۔ٹی۔او۔ کے ضوابط کو نظر انداز کیاہے اور اپنے کسانوں کو بھاری بھرکم رقم ادا کررہے ہیں جب کہ ہماری حکومتوں سے اپنے کسانوں کو مالی رعایت روکنے کے لیے کہا جارہا ہے اور آپ خود ایسا کررہے ہیں کیا یہ آزاد اور جائز تجارت ہے؟

ریاست ہائے متحدہ امریکا میں ایک مثالی کاشت فارم جو ہزاروں ایکڑپر مشتمل ہے اور اس کی ملکیت ایک بڑے کارپوریشن کی ہے جو کم سے کم قیمتوں پر بیرون ممالک کپاس فروخت کرے گا۔

حالیہ سالوں میں ہندوستان میں مرکزی اور ریاستی حکومتیں ہندوستان میں سرمایہ کاری کے لیے غیر ملکی کمپنیوں کو راغب کرنے کے خصوصی اقدامات کررہی ہیں۔ صنعتی زون جنھیں خصوصی معاشی زون (Special Economic Zones; SEZs) کہا جاتا ہے ، قائم کیے جارہے ہیں SEZ میں عالمی معیار کی سہولتیں : بجلی، پانی، سڑکیں، ٹرانسپورٹ، اسٹوریج، تفریحی اور تعلیمی سہولتیں مہیا کی جاتی ہیں۔ وہ کمپنیاں جو SEZs میں پیداواری اکائیاں لگاتی ہیں، پانچ سال تک کی ابتدائی مدت کے لیے ٹیکس نہیں ادا کرتیں۔

حکومت غیر ملکی سرمایہ کاری کو راغب کرنے کے لیے قوانین محنت میں لچک کی بھی گنجائش رکھتی ہے۔ آپ نے باب 2 میں دیکھا کہ منظم سیکٹر میں کمپنیوں میں ان کچھ اصولوں کی تعمیل کرنی پڑتی ہے جس کا مقصد ورکرس کے تحفظ کے حقوق سے ہے۔ حالیہ سالوں میں حکومت نے کمپنیوں کے لیے ان میں سے بہت سی باتوں کو نظر انداز کرنے کی گنجائش رکھی ہے۔ کمپنیاں باضابطہ بنیاد پر کامگاروں کو رکھنے کے بجائے مختصر مدت کے لیے رکھنے کی لچک سے اس وقت استفادہ کرتی ہیں جب کام کا دباؤ زبردست طریقے سے بڑھ جاتاہے۔ اس سے کمپنی کے لیے محنت کی لاگت کم ہوجاتی ہے تاہم غیر ملکی کمپنیاں اب بھی مطمئن نہیں ہیں اور قوانین محنت میں مزید لچک کی مانگ کررہی ہیں۔

اب ہم سرمایہ کاری کے لیے تیار ہیں

چھوٹے پیداکاروں اور کاشتکاروں کی ایک بڑی تعداد کو گلوبلائزیشن نے ایک بہت بڑا چیلنج پیش کیاہے۔

روی کو یہ امید نہیں تھی کہ ایک صنعت کار کے طور پر اپنی زندگی کی اتنی قلیل مدت میں ایک بحران کا سامنا کرنا پڑے گا۔ روی نے بینک سے 1992 میں ایک قرض لیا تاکہ وہ ہوسور، (تمل ناڈ میں ایک صنعتی شہر) میں کیپسٹر (آلہ تکثیف) بنانے والی اپنی کمپنی کی شروعات کرسکے۔ کیپسٹر کا استعمال بہت سے گھریلو بجلی کے سازو سامان بشمول ٹیوب لائٹ ، ٹیلی ویژن وغیرہ میں کیا جاتا ہے۔ تین سال کے اندر وہ اپنی پیداوار بڑھانے میں کامیاب ہوا اور اپنے ماتحت کام کرنے والے 20 ورکرس رکھ لیے۔

کمپنی چلانے میں اس کی جدوجہد جاری رہی جب حکومت نے کیپسٹر کی درآمدات پر پابندی ہٹالی (2001 میں ڈبلو عالمی تجارتی تنظیم کے ساتھ اس کے معاہدے کے مطابق) اس کے بڑے گاہک، ٹیلی ویژن کمپنیاں تھیں جو ٹیلی ویژن سٹ بنانے والوں کے لیے تھوک میں مختلف اجزا بشمول کیپسٹر خریدا کرتی تھیں۔ تاہم کثیر قومی کمپنیوں کے برانڈوں کے ساتھ مسابقت سے ہندوستانی کمپنیاں اس بات پر مجبور ہوئیں کہ وہ کثیر قومی کمپنیوں کے لیے پرزے جوڑنے کا کام شروع کریں۔ حتیٰ کہ بعض جو اس سے کیپسٹر خریدتی بھی تھیں انھوں نے اب درآمد کرنے پر ترجیح دی کیونکہ درآمد شدہ مد کی قیمت روی جیسے لوگوں کے ذریعے لگائی گئی قیمت کی نصف پڑتی تھی۔

روی اب سال 2000 میں اپنے تیار کیے گئے کیپسٹر کی نسبت آدھے سے بھی کم تیار کرتا ہے اور اب اس کے پاس کام کرنے والے صرف سات ورکر ہیں۔ حیدرآباد اور چنئی میں اسی کاروبار سے  لگے روی کے بہت سے دوستوں نے اپنی اپنی اکائیاں بند کردی ہیں۔

بیٹریاں ، کیپسٹرس ، پلاسٹک، کھلونے ، ٹائر، ڈیری اشیا اور خوردنی تیل صنعتوں کی کچھ مثالیں ہیں جہاں چھوٹے مینو فیکچرر پر مسابقت کی وجہ سے کافی ضرب پڑی ہے۔ متعدد اکائیاں بند ہوچکی ہیں جس سے بہت سے مزدور بے کار ہوچکے ہیں۔ ہندوستان میں چھوٹی صنعتیں ملک کے ورکرس کی بڑی تعداد (20ملین)کو ملازمت پر رکھتی ہیں جو زراعت کے بعد دوسرے نمبر پر ہے۔

1۔ وہ کون سے طریقے ہیں جن میں روی کی چھوٹی پیداوار اکائیوں پر بڑھتی مسابقت کا اثر پڑا ہے؟

2۔ کیا روی جیسے پیداکاروں کو پیداوار اس لیے بند کردینی چاہیے کہ ان کی لاگت پیداوار دیگر ملکوں میں پیداکاروں کی لاگت کے مقابلے بہت زیادہ ہے؟ آپ کا کیا خیال ہے؟

3۔ حالیہ مطالعات سے پتہ چلتا ہے کہ چھوٹے پیداکاروں کو بازار میں بہتر طور پر مسابقت کے لیے ہندوستان میں تین چیزوں کی ضرورت ہے۔

a ) بہتر سڑکیں، بجلی، پانی، کچا مال، مارکیٹنگ اور انفارمیشن نٹ ورک b)ٹکنالوجی کی بہتری اور جدید کاریc) معقول شرح سود پر قرض کی وقت پر دستیابی۔

� کیا آپ وضاحت کرسکتے ہیں کہ یہ تینوں چیزیں ہندوستانی پیداکاروں کی کس طرح مدد کریں گی؟

� کیا آپ کے خیال میں کثیر قومی کمپنیاں ان میں سرمایہ کاری کرنے میں دلچسپی لیں گی؟ کیوں؟

� کیا آپ کے خیال میں ان سہولتوں کو دستیاب بنانے میں حکومت کا رول ہوتا ہے؟ کیوں؟

� کیا آپ کوئی ایسا دوسرا قدم بھی سوچ سکتے ہیں جو حکومت کو اٹھانا چاہیے۔ بحث کیجیے۔

فیکٹری کے کامگار برآمدات کے لیے ملبوسات کو تہہ کررہے ہیں۔ اگرچہ گلوبلائزیشن نے عورتوں کے لیے تنخواہ یافتہ یا اداشدہ کام کے لیے مواقع پیدا کیے ہیں لیکن روزگار کے حالات سے پتہ لگتا ہے کہ فوائد میں عورتوں کو ان کا جائزحصہ نہیں دیا جاتا۔

35 سال کی سوشیلا نے دہلی میں گارمنٹ کی برآمد صنعت میں ورکر کے طور پر بہت سال گزارے ۔جب 1990 کے دہے کے آخر میں سوشیلا کی فیکٹری بند ہوئی تھی تب اس کو ایک مستقل ملازم کی حیثیت سے روزگار ملا تھا اور ہیلتھ انشورنس، پراویڈنٹ فنڈ ، دوگنی شرح پر اوورٹائم کا استحقاق حاصل تھا۔ چھ مہینے کام کی تلاش کے بعد آخر کار اس نے اپنے گھر سے 30 کلومیٹر دور ایک ملازمت حاصل کی۔ کئی سالوں تک اس فیکٹری میں کام کرنے کے بعد بھی وہ ایک عارضی ورکر ہے اور پہلے کے مقابلے آدھے سے کم ہی کماپاتی ہے۔ سوشیلا پورے ہفتے اپنے گھر سے صبح 7.30 بجے روانہ ہوتی ہے اور 10بجے رات تک واپس ہوتی ہے۔ اگر کسی دن کی چھٹی ہو تو اس کی مزدوری نہیں ملتی۔ اسے کوئی ایسا فائدہ نہیں حاصل ہے جو اسے پہلے ملا کرتا تھا۔ اس کے گھر کے قریب کی فیکٹریوں میں آرڈر میں بڑے پیمانے پر اتار چڑھاؤ آتا رہتا ہے اس لیے وہ اس سے بھی کم ادائیگی کرتے ہیں۔

یوروپ اور امریکا میں گارمنٹ صنعت میں بڑی کثیر قومی کمپنیاں اپنے پروڈکٹ کا آرڈر ہندوستانی برآمد کنندگان کودیتی ہیں۔ یہ بڑی ملٹی نیشنل کمپنیاں عالمگیر نٹ ورک کے ساتھ اپنے منافع کو زیادہ سے زیادہ کرنے کے سلسلے میں سستی اشیا تلاش کرتی ہیں۔ ان بڑے آرڈروں کو حاصل کرنے کے لیے ہندوستانی گارمنٹ برآمد کنندگان اپنی خود کی لاگتوں کو کم کرنے کی زبردست کوشش کرتے ہیں۔ چونکہ کچے مال کی لاگت کو کم نہیں کیا جاسکتا۔ برآمد کنندگان مزدوری کی لاگتوں کو کم کرنے کی کوشش کرتے ہیں۔ جہاں ایک فیکٹری مستقل بنیاد پر ورکرس کو ملازمت پر رکھا کرتی تھی، اب وہ عارضی بنیاد پر ورکرس کو ملازمت پر رکھتی ہے تاکہ اسے پورے سال کے لیے ورکرس کو معاوضہ ادا نہ کرنا پڑے ۔ ورکرس کے کام کرنے کے گھنٹے بھی بہت طویل رکھے جاتے ہیں اور کام کے بہت زیادہ بڑھ جانے کے موسم میں رات کی شفٹ باقاعدہ بنیاد پر کام لیتے ہیں۔ مزدوریاں کم ہیں اور ورکرس کو دونوں مقاصد کو پورا کرنے کے لیے اوورٹائم کے لئے کام پر مجبور کیا جاتا ہے۔

جب کہ گارمنٹ برآمد کنندگان کے درمیان اس مسابقت سے ملٹی نیشنل کمپنیوں کے لیے زیادہ منافع کمانے کی گنجائش پیدا ہوئی ہے وہیں کامگاروں کو گلوبلائزیشن سے پیدا ہونے والے منافع کا جائز حصہ دینے سے منع کردیا جاتا ہے۔