باب اول (مالیاتی حساب وکتاب،حصہ اول) کو ذہن میں لائیں تو آپ کو یا د آجائے گا کہ کسی کاروبار کا مقصد اس سے وابستہ تمام لوگوں یا حصہ داروں کو با معنیٰ معلومات بہم پہنچانا ہے تاکہ یہ لوگ صحیح فیصلے کر سکیں۔ حصہ دار یعنی (Stakeholder) کاروبار سے وابستہ کوئی بھی شخص ہو سکتاہے خواہ اس کی وابستگی مالی ہو یا غیر مالی۔ یہ وابستگی فعال (Active)بھی ہو سکتی ہے اور غیرفعال (Passive) بھی ۔یہ وابستگی بلاواسطہ بھی ہوسکتی ہےاور بالواسطہ (Indirect) بھی۔ کاروبار کے مالک اور کاروبار کو ادھار دینے والے لوگوں کی شرکت یا وابستگی مالی ہوتی ہے ۔دوسری طرف حکومت ،صارف اور محقق کی کاروبار میں شرکت غیرمالی ہوتی ہے یعنی ان کا کوئی پیسہ داؤ پر لگا نہیں ہوتا۔ حصہ داروں کو استعمال کنندہ بھی کہا جاتا ہے۔ جن کو دوزمروں میں تقسیم کیا جاتا ہے ، یعنی داخلی اور خارجی ۔اس کا انحصار اس پر ہوتا ہے کہ وہ کاروبار کے اندر ہیں یا اس سے باہر ہیں۔ کاروبار میں شامل ہونے کے معاملے میں تمام استعمال کنندگان کے مقاصد مختلف ہوتے ہیں جس کے نتیجے میں کاروبار سے متعلق ان کی معلوماتی ضرورتیں بھی الگ الگ ہوتی ہیں ۔مختصراً یہ کہ مختلف استعمال کنندگان کی کاروبار کی مالیات کے بارے میں معلوماتی ضرورتیں مختلف النوع ہوتی ہیں ۔

مثال کے طور پر ہم نے ذیل میں مقاصد اور ان مقاصد کے لحاظ سے ہی  ان کی معلوماتی ضروریات کی صراحت کرتے ہوئے استعمال کنندگان کو داخلی وخارجی زمروں میں درجہ بند کیا ہے ۔

شکل 9.1; حسابی معلومات کے مختلف کنندگان کاتجزیہ

حساب کتاب کے کام میں اصل اور آمدنی کے درمیان فرق کی بڑی اہمیت ہوتی ہے۔ ٹریڈنگ اور نفع ونقصان کا کھاتہ اور بیلنس شیٹ کے تیار کرنے میں اس امتیاز کے اہم مضمرات ہوتے ہیں ۔  آمدنی کی مدیں خرید و فروخت اور نفع ونقصان کے کھاتہ کا حصہ ہوتی ہیں۔ اصل پونجی کی مدیں بیلنس شیٹ تیار کرنے میں مددگار ہوتی ہیں۔

جب بھی کسی ادائیگی اور/ یا کسی چیز پر موجود واجبات کے تصفیہ کو چھوڑ کر کسی مقصد کے لئے کوئی خرچہ کیا جائے توا سے خرچ (Expenditure) کہا جاتا ہے ۔خرچ اس نقطۂ نظر سے کئے جاتے ہیں کہ ان سے کا روبار کو فائدہ ہوگا۔ کسی بھی خرچ یا صرفہ کا فائدہ ایک حسابی سال کے لیے بھی ہوسکتا ہے اور ایک سے زائد حسابی سالوں کے لیے بھی۔اگر کسی صرفہ یا خرچ کا فائدہ ایک حسابی سال کی مدت کے لئے ہوتا ہے تو اس کے لئے آمدنی کے خرچ کی اصطلاح استعمال کی جاتی ہے ۔ ایسے خرچ عام طور پر کاروبار کے روزمرہ کے کاموں پر کئے جاتے ہیں۔ اس کی ایک مثال تنخواہوں اور کرایہ وغیرہ کی ادائیگیاں ہو سکتی ہیں ۔جاری  مدت کے دوران ادا کی گئی تنخواہوں سے اگلے حسابی سال کی مدت میں کاروبار کو کوئی فائدہ نہیں پہنچے گا کیوں کہ مزدورموجودہ حسابی سال کے دوران ہی اپنا کام یا اپنی وہ ذمہ داری پوری طرح انجام دے لیں گے جس کی انھوں نے تنخواہ لی ہے ۔اگر ان سے اگلے سال بھی کام کرانا ہے تو انھیں اس کی تنخواہیں بھی دینی ہوں گی۔ اگر خرچ کا فائدہ ایک حسابی سال کے بعد بھی ہوتا ہے تو اسے ’’مصارف اصل‘‘ یا ’’مصارف سرمایہ ‘‘ (Capital Expenditure) کہتے ہیں ۔اس کی ایک مثال کاروبار کے استعمال کے لئے فرنیچر حاصل کرنا ہے ۔ رواں حسابی سال میں خریدا ہوا فرنیچر آنے والے کئی حسابی سالوں تک فائدہ پہنچاتا رہے گا ۔مستقل نوعیت کے اثاثے حاصل کرنے کے لئے ادائیگی یا قائم اثاثوں میں اضافہ توسیع، مصارف اصل کی سادہ مثالیں ہیں۔

مصارف اصل اور مصارف آمدنی کے درمیان امتیاز کرنے کے لئے مندرجہ ذیل نکات قابل غور ہیں :

    (a)  مصارف اصل کا روبار کی کمانے کی استعداد کو بڑھاتے ہیں ،جب کہ مصارف آمدنی کمانے کی استعداد کو بر قرار رکھنے کے لئے کئے جاتے ہیں ۔

    (b)  مصارف اصل کاروبار کے کاموں کو چلاتے رہنے کے مقصد سے مستقل نوعیت کے اثاثہ جات حاصل کرنے کے لئے کئے جاتے ہیں ،جب کہ مصارف آمدنی کاروبار کے روزمرہ کے کاموں کو چلانے کے لئے کئے جاتے ہیں ۔

    (c) صرفہ آمدنی عموماً ایک متواتر خرچ ہوتا ہے اور صرفۂ اصل اپنی نوعیت کے مطابق باربار نہ ہونے والا خرچ ہے ۔

    (d)  صرفۂ اصل ایک حسابی سال سے زیادہ عرصہ تک فائدہ پہنچاتا رہتا ہے ،جب کہ صرفۂ آمدنی (Revenue Expenditure) عام طور پر ایک حسابی سال تک ہی فائدہ مند ہوتا ہے ۔

    (e)  صرفۂ اصل بیلنس شیٹ میں (فرسودگی کی شرط کے ساتھ) ریکارڈ کیا جاتا ہے جب کہ صرفۂ آمدنی خرید وفروخت اور نفع ونقصان کے کھاتے میں (پیشگی اداشدہ اور بقایا رقوم کی تعدیل کی شرط پر)منتقل کر دیا جاتا ہے ۔

کبھی کبھی مصارف اصل  اور مصارف آمدنی کے درمیان خط امتیاز کھینچ کر انھیں دو الگ الگ زمروں میں بانٹنا مشکل ہو جاتا ہے۔ عام طور پر اشتہارات  پر ہونے والے خرچ کے لئے صرفۂ آمدنی کی اصطلاح استعمال کی جاتی ہے ۔کسی نئی چیزکے اشتہار وغیرہ پرکیا گیا بڑا خرچ کاروباری فرم کو ایک حسابی مدت سے زیادہ عرصہ تک فائدہ پہنچا سکتا ہے ۔آمدنی کے اس طرح کے خرچے جو ممکنہ طورپر ایک حسابی مدت سے زیادہ وقت تک فائدہ مند ہوسکتے ہیں آئندہ کے لئے ملتوی مصارف  آمدنی کہلاتے ہیں ۔

یہ بات اچھی طرح سمجھ لینی چاہئے کہ خرچ ایک وسیع تر اصطلاح ہے جس میں اخراجات کے ساتھ مصارف بھی شامل ہوتے ہیں۔مصارف (Expenditures) اور اخراجات (Expenses) کے درمیان بھی فرق ہے۔ ایک کاروباری فرم کی جانب سے خرچ کی گئی کوئی بھی رقم صرفہ ہے جب کہ وہ خرچے جن کے بارے میں یہ مان لیا جائے کہ وہ رواں سال کے دوران استعمال ہوئے وہ رواں سال کے اخراجات کہلاتے ہیں ۔

مصارف کو رواں سال کا خرچ سمجھا جاتا ہے اور ان کو خرید وفروخت اور نفع ونقصان کے کھاتے میں دکھایا جاتا ہے۔ لہٰذا کاروباری فرم نے جو تنخواہیں ادا کی ہیں انھیں سال رواں کے اخراجات سمجھا جائے گا۔مصارف اصل بھی بالآخر آمدنی کے گوشوارے  میں شامل کئے جاتے ہیں اور انھیں ایک حسابی مدت سے زیادہ مدت پر پھیلا دیا جاتا ہے ۔اس لئے 50,000 روپے کی قیمت کا فرنیچر اگر پانچ سال استعمال ہونے کی امید ہے تو اسے 10,000 روپے فی سال کی شرح سے اخراجات میں شمار کیا جائے گا۔ اخراجات (Expenditure) کو تخفیف یا فرسودگی (Deprication) کا نام دیا گیا ہے۔آئندہ کے لئے ملتوی صرفۂ آمدنی صرفۂ اصل ہی ہے۔ان کے متوقع فائدوں کی مدت گزر جانے پر انھیں رد کر دیا جاتا ہے ۔

کاروبار کی وصولیابیوں کو بھی خرچ ہی کی طرح دیکھا جاتا ہے ۔اگر وصولیابیوں کا مطلب یہ ہے کہ پیسہ واپس کرنا واجب ہے تویہ وصولیاں اصل (Capital) کی وصولیاں مانی جائیں گی ۔اس کی مثال اس طرح دی جا سکتی ہے کہ مان لیجئے فرم کے مالک نے اضافی سرمایہ لگایا ہے یا بینک سے قرض لیا گیا ہے ۔یہ دونوں وصولیاں دوواجبات کی نشاندہی کرتی ہیں ۔پہلی تو مالک کی جسے اکوئٹی (Equity)کہا جاتا ہے اور دوسری باہر کے لوگوں کی (جنھیں دین داریاں یا واجبات) کہا جاتا ہے ۔اصل کی وصولیابی کی ایک دوسری مثال مستقل یا قائم اثاثے کی ہو سکتی ہے ،جیسے پرانی مشینری یا فرنیچر تا ہم اگر کوئی وصولیابی پیسہ لوٹانے کا بوجھ یا ذمہ داری نہیں ڈالتی ہے یا وہ کسی قائم اثاثے کی فروخت کی شکل میں نہیں ہے تو اسے آمدنی کی وصولیابی (Revenue Receipt) کا نام دیا جاتا ہے ۔فرم کی جانب سے کی گئی فروخت اور فرم کی سرمایہ کاری کا سود جو اسے ملا ہے ایسی آمدنی کی وصولیابی کی مثالیں ہیں ۔ 

جیسا کہ پہلے بتایا جا چکا ہے کہ خرید فروخت اور نفع ونقصان کا حساب اور بیلنس شیٹ کے تیار کرنے میں اصل اور محاصل (آمدنیوں) کی مدات میں فرق وامتیاز کی بڑی اہمیت ہوتی ہے ،کیوں کہ محاصل کی مالیت کی تمام مدات کو ٹریڈنگ اور نفع ونقصان کے حساب میں اور اصل (Capital) کی مدوں کو بیلنس شیٹ (گوشوارہ آمد وخرچ) میں دکھا یا جاتا ہے ۔اگر کسی مدکی غلط درجہ بندی کی گئی یعنی محاصل کی کسی مد کو اصل کی مد میں شمار کر لیا گیا یا پھر اس کے بر عکس کیا گیا تو نفع ونقصان کا حساب غلط ہو جائے گا ۔مثال کے طور پر کسی ایک حسابی مدت میں مجموعی آمدنی 10لاکھ روپے ہے اور دکھائے گئے اخراجات  8لاکھ روپے ہیں تو نفع کی رقم 2 لاکھ روپے ہو گی ۔ تفصیلات کی چھان بین کرنے پر پتہ چلتا ہے کہ محاصل (آمدنی) کی 20,000 روپے کی ایک مد (مشینوں کی مرمت پر کئے گئے  اخراجات) کو صرفۂ اصل کے طور پر شما رکیا گیا ہے (مشینری کی قیمت میں شامل کر کے مشینری کے حساب میں سے منہا کیا گیا ہے نہ کہ مرمت کے حساب میں سے) اس لیے یہ متعلقہ مدت کے اخراجات  کا حصہ نہیں بنے گا ۔ اس کا مطلب یہ ہوا کہ اس مدت کے اصل کے اخراجات  8,20,000 (آٹھ لاکھ بیس ہزار ) ہوں گے نہ کہ 8 لاکھ روپے ۔گویا صحیح منافع 1,80,000ہزار روپے ہے نہ کہ دو لاکھ روپے۔ بہ الفاظ دیگر منافع کو بڑھا کر دکھا یا گیا ہے۔ اسی طرح اگر صرفۂ اصل کو غلط طور پر صرفۂ محاصل کی صورت میں دکھایا گیا ہے (مثلاً فرنیچر کی خرید کو خرید اریوں کی مد میں رکھ کر ظاہر کیاگیا ہے تو اس کا نتیجہ ہوگا کہ منافع جات اور اثاثہ جات کم کرکے دکھائے جائیں گے اور اس طرح مالی گوشواروں سے کاروبار کے معاملات کی صحیح اور سچی تصویر ظاہر نہیں ہوگی ۔ لہٰذا ضروری ہے کہ ہر مد کی صحیح نوعیت کی شناخت کی جائے اور کھاتے میں اسی کے مطابق اسے پیش کیا جائے ۔ یہ ٹیکس کے نقطۂ نظر سے بھی اہم ہے کیوں کہ اصل کے منافع پر محاصل کے منافع سے مختلف ٹیکس عائد کیا جاتا ہے ۔

یہ بات زور دے کر کہی جا چکی ہے کی فرم کے حصہ داروں یا استعمال کنندگان کی معلوماتی ضرورتیں مختلف قسم کی ہوتی ہیں ۔مخصوص استعمال کنندگان کے لئے خاص طور پر کار آمد معلومات تیار کرنے کے بجائے کاروبا ری فرم مالی تفصیلا ت کے گوشواروں کا ایک مجموعہ تیار کرتی ہے جو عمومی طور پر استعمال کنندگان کی معلومات کی تسلی کے لئے کافی ہوتا ہے ۔

(a) کاروبار یعنی بزنس کی مالی کار گزاری کی صحیح اورسچی تصویر پیش کرنا ۔

(b) کاروبار کی مالی حالت  کی صحیح اور سچی تصویر پیش کرنا 

اس مقصد کے حصول کے لئے فرم مندرجہ ذیل مالی گوشوارے تیار کرتی ہے  :

1. خریدو فروخت اور نفع ونقصان کا کھاتہ 

2. آمد وخرچ کا گوشوارہ یابیلنس شیٹ

ٹریڈنگ اور نفع ونقصان کا حساب جسے آمدنی کا گوشوارہ بھی کہا جاتا ہے ،حاصل شدہ منافع یا نقصان کی شکل میں کاروبار کی کار گزاری کو ظاہر کرتا ہے ۔بیلنس شیٹ، فرم کی مالی حالت کو اثاثوں ،واجبات اور سرمایہ کی صورت میں دکھاتی ہے ۔یہ تمام گوشوارے اور حسابات ٹرائل بیلنس اور دیگر اضافی معلومات (اگر کوئی ہے) کی بنیاد پر تیار کئے جاتے ہیں ۔

انکت کے مندرجہ ذیلٹرائل بیلنس کوبغور دیکھئے اورحسابات کے مختلف عناصر کی صحیح توجیہ کیجئے۔ آپ دیکھیں گے کہ واجب الادا کے باقیات (Balances) یا تو اثاثوںکو یاپھر اخراجات ؍نقصانات کو ظاہر کرتے ہیں اور واجب الوصول باقیات اکوئٹی ؍ واجبات یا محاصلات اورمنافع جات کو دکھاتے ہیں ۔

انکت کا یہ ٹر ائل بیلنس پورے باب میں مالی گوشوارے تیا رکرنے کے طریق عمل کو سمجھنے کے لئے استعمال کیا جائے گا ۔

کھاتہ کا نام	لیجر فولیو	ڈیبٹ رقم روپے	کریڈٹ رقم روپے
نقد اصل (Capital) بینک فروخت اُجرتیں قرض خواہان(Creditors) تنخواہیں 10%ککاطویل مدتی قرض جو یکم اپریل 2016کولیا گیا فرنیچر وصول شدہ کمیشن کرایہ عمارت قرض داران (Debitors) ناقابل وصول قرضے خریداریاں		1,000 5,000 8,000 25,000 15,000 13,000 15,500 4,500 75,000 1,62,000	12,000 1,25,000 15,000 5,000 5,000 1,62,000

ٹریڈنگ اور نفع ونقصان کا کھاتہ حسابی مدت کے دوران کاروبار کو حاصل شدہ منافع اور اٹھائے گئے نقصانات کو ٹھیک ٹھیک طور پر معلوم کرنے کے لئے تیا ر کیا جاتا ہے ۔ بنیادی طور پر یہ کاروبارکے محاصل اور اخراجات کا خلاصہ ہوتا ہے اور اس سے خالص نفع (Net profit) اور خالص نقصان کی رقمیں معلوم کرلی جاتی ہیں۔ آمدنی یا محاصل میں سے خرچ  نکالنے کے بعد بقیہ رقم منافع ہوتا ہے اگر خرچ  آمدنیوں سے زیادہ ہیں تو یہ نقصان کہلائے گا۔ ٹریڈنگ اور نفع ونقصان کا کھاتہ ایک حسابی مدت کی کارکردگی کا خلاصہ ہوتا ہے ۔محاصل اور خرچوں کے بقایاجات ٹرائل بیلنس سے ٹریڈنگ اور نفع ونقصان کھاتے میں منتقل کرکے یہ حسابی سال کی کار کردگی معلوم ہوجاتی ہے۔ ٹریڈنگ  اور نفع و نقصان کا کھاتہ بھی ایسا کھاتہ ہوتا ہے جس میں کریڈٹ اور ڈیبٹ دونوں ہوتے ہیں ۔ یہ دیکھا جا سکتا ہے کہ خرچ کے باقیات (جو خرچوں  کو ظاہر کرتے ہیں ) اور نقصانات کو ٹریڈنگ  اور نفع ونقصان کی ڈیبٹ جانب منتقل کر دیا جاتا ہے ۔ اور آمدنی کے بیلنس کو (جو محاصلات ؍ منافع جات) کو ظاہر کرتا ہے ،آمد (Credit) کی جانب منتقل کر دیا جاتا ہے ۔

تجارت اور نفع و نقصان کے کھاتے میں دکھائی جانے والی مدوں کی ذیل میں وضاحت کی گئی ہے  :

(i) ابتدائی اسٹاک :  یہ وہ اسٹاک ہے جو حسابی سال کے شروع میں موجود ہوتا ہے ۔ مال کایہ اسٹاک گزرے ہوئے سال کے مال کا ہی نیا اندراج ہوتاہے اور سال کے دوران اس میں کوئی ردو بدل نہیں کیا جا تا ۔خرید و فروخت کے حساب کھاتے میں اسے واجب الادا (Debit) کی طرف ڈالتے ہیں ،کیونکہ یہ اس مال لاگت کاحصہ ہوتا ہے جو سال رواں میں فروخت کیا گیاہے ۔

(ii)  محاصل کو منہا کرنے کے بعد خریداریاں :یہ وہ مال ہے جو دوبارہ فروخت کے لیے خریدا گیا ہے اور خرید وفروخت  (تجارت) کے کھاتے میں ڈیبٹ یا واجب  الادا (Debit Side)مد میں دکھایا جاتا ہے،اس میں نقد اور ادھار دونوںطرح کا خریدا ہوا مال شامل کر دیا جاتا ہے جو مال سپلائی کرنے والے  کو واپس کردیا جاتا ہے اس کے لئے خریداریوں کی واپسی (Purchases Return) کی اصطلاح استعمال کی جاتی ہے ۔اسے خریداریوں میں سے نکا ل کر کھاتے میں دکھایا جاتا ہے اور حساب کے بعد جو رقم بنتی ہے اسے خالص خریداریاں کہا جاتا ہے ۔

(iii)  اجرتیں :  اجرتوں سے مراد وہ معاوضہ ہے جو ان مزدوروں کو ادا کیا جاتا ہے جو کارخانے میں براہ راست سامان تیار کرنے میں اور مال کو چڑھانے اتارنے کے کاموں میں لگے ہوتے ہیں ۔ یہ اجرتیں ٹریڈنگ کھاتے میں ڈیبٹ کی جاتی ہیں۔

(iv)  مال کی اندر کی جانب نقل وحمل اور کرایہ بار برداری : یہ ٹرانسپورٹ کی مدوں کے اخراجات ہیں جو مال کو کاروباری مقام تک لانے پر کئے جاتے ہیں ۔ان کی ادائیگی دور ان سال کی جانے والی خریداریوں کے لئے کی جاتی ہے اور انھیں تجارتی کھاتے کے خرچ (ڈیبٹ) حصہ میں ڈال دیا جاتا ہے ۔

(v)  ایندھن؍ پانی؍ بجلی؍گیس : ان مدوں کا استعمال پیداوار کے عمل کے دوران کیا جاتا ہے اور اسی لئے یہ خرچ کا حصہ ہوتی ہیں۔

(vi)  پیکیج بنانے کا مٹیریل اور پیکنگ چارجز (Packaging material and Packing charges: مال پیک کرنے کے سامان پیکیج بنانے کے کام میں آنے والے مٹیریل پر آنے والی لاگت براہِ راست خرچ ہے کیوں کہ اس سے مراد چھوٹے ڈبے ہوتے ہیں جو فروخت کئے جانے والے  مال کا حصہ ہوتے ہیں ۔بہر حال پیکنگ کا مطلب بڑے بکس ہیں ،جن کو پیک کئے ہوئے مال کی نقل وحمل کے لئے استعمال کیا جاتا ہے۔ اسے با لواسطہ خرچ مانا جاتا ہے جسے نفع ونقصان کے حساب سے وضع (Debit) کیا جاتا ہے۔

(vii)  تنخواہیں  :  ا ن میں وہ تنخواہیں شامل ہیں جو انتظامی عملہ اور گودام کے اسٹاف کو ان کی ان خدمات کے لئے ادا کی جاتی ہیں جو وہ کاروبار کو چلانے کے سلسلے میں انجام دیتے ہیں ۔اگر ملازمین کو تنخواہیں کچھ سہولیات مہیا کر کے جنس (Kind)  کی شکل میں دی جاتی ہیں ، جیسے مفت مکان ،کھانا ،وردیاں ،طبی سہولتیں وغیرہ تو انھیں بھی تنخواہیں سمجھا جاتا ہے اور انھیں نفع ونقصان کے کھاتے میں خرچ کے طور پر دکھایا جاتا ہے ۔

(viii)  ادا کردہ کرایہ جات  :  ان میں دفتر اور گودام کے کرائے اور میونسپل ٹیکس نیز فیکٹری کا کرایہ اور ٹیکس وغیرہ شامل ہیں۔ کرایہ جات کی ادا شدہ رقومات کو نفع ونقصان کے کھاتے میں خرچ (Debit)کی جانب  ڈال دیا جاتا ہے ۔

(ix)  ادا کردہ سود :  قرضوں ،بینک اور ڈرافٹ (Overdraft)، مبادلہ  کے بلوں کی تجدید وغیرہ ایک خرچ ہیں اور انھیں نفع ونقصان کے کھاتے میں ڈل دیا جاتا ہے ۔

(x)  ادا کردہ کمیشن :  ایجنٹوں کی معرفت کئے گئے سودوں پر دیا گیا یاقابل ادائیگی کمیشن ایک خرچ ہے اور اسے بھی نفع ونقصان کے کھاتے میں وضع کیا جاتا ہے ۔

(xi) مرمتیں :  پلانٹ،مشینری ،فرنیچر اور دیگر نصب کردہ سازو سامان کی  مرمتیں اور چھوٹے چھوٹے تجدید نو کے کام یا پرانی چیزوں کو ہٹا کر نئی چیزیں لگانے کا کام تاکہ یہ سب اچھی اور قابل استعمال حالت میں رہیں یہ سب اس مد میں شامل کی جاتی ہیں۔ ایسے خرچ کو بھی نفع ونقصان کے کھاتے میں وضع کیا جاتاہے ۔

(xii)  متفرق خرچ  :  حالاں کہ خرچوں  کو درجہ بند اور کھاتوں میں مختلف مدوں کے تحت درج کیا جاتا ہے ،پھر بھی کچھ معمولی نوعیت کے خرچوں کو یک جا کردیا جاتا ہے اورا نھیں متفرق خرچوں  کانام دیا جاتا ہے ۔عام زبان میں انھیں متفرق یا تجارتی خرچی کہا جاتا ہے ۔

(I)  واپس شدہ  مال نکالنے کے بعد کی فروخت :  ٹرائل بیلنس میں سال بھر میں ہوئی فروخت کا حساب مجموعی فروخت کو ظاہر کرتا ہے (نقد اور ادھار فروخت دونوں کو)۔ اسے تجارتی کھاتے میں جمع (کریڈٹ) کی طرف دکھایا جاتا ہے ۔گاہک جو مال واپس کرتے ہیں اسے اندر کی جانب واپسی (Return Inwards) کہا جاتا ہے اور اسے کل فروخت میں سے مُجراکردیا جاتا ہے اور باقی شمار کی ہوئی رقم، خالص فروخت کہلاتی ہے ۔

تجارت اور نفع ونقصان کا کھاتہ تیار کرنے کے لئے ضروری ہے کہ تمام متعلقہ مدات کے کھاتوں کے بیلنس مرتب کرنے کے لئے اس کھاتے میں منتقل کر دیے جائیں ۔

• ابتدائی اسٹاک کے کھاتہ ،خریداروں کے کھاتہ ،اجرتوں کے کھاتہ ،سامان لانے (Carriage inwards) کے کھاتہ اور راست مصارف  کھاتہ کو تجارت اور نفع ونقصان کی ڈیبٹ جانب منتقل کر کے بند کر دیا جاتا ہے ۔

یہ کا م مندرجہ ذیل اندراج کو ریکارڈ کر کے کیا جاتا ہے  :

تجارتی کھاتہ  (Trading A/C) خرچ(Dr) 

ابتدائی اسٹاک کے کھاتے کو 

خریداروں کے کھاتے کو 

اجرتوں کے کھاتے کو 

سامان لانے کی بار برداری کے کھاتے کو 

دیگر تمام راست مصارف کے کھاتے کو 

•  خرید کردہ مال کی اندرونی واپسی (Purchase return inwards) اور بیرونی واپسی (Purchase return outwards) کو ان کا بیلنس خریداری کھاتے میں منتقل کرکے بند کردیا جاتا ہے ۔ اس مقصد کے لئے مندرجہ ذیل اندراج کو ریکارڈ کیا جاتا ہے  : 

خریداریوں کی واپسی کا کھاتہ خرچ  (Dr.) 

خریداری کے کھاتے کو

•   اسی طرح فروخت شدہ مال کی واپسی یا اندرونی  واپسی کا کھاتہ اس کے بقایا کو فروخت کے کھاتے میں منتقل کر کے بند کر دیا جاتا ہے۔

 فروخت کا کھاتہ  خرچ  (Dr.)

 فروخت کی واپسی کے کھاتے کو 

فروخت کے کھاتہ کو اس کے بقایا جات کریڈٹ کے خانے میں منتقل کرکے بند کیا جاتا ہے اور درج ذیل اندراجات کئے جاتے ہیں  :

فروخت کا کھاتہ     آمد  (.Cr)

تجارتی کھاتے کو 

مصارف اور نقصانات کی مدوں کو مندرجہ ذیل اندراجات کے ساتھ بند کیا جاتا ہے  :

نفع ونقصان کا کھاتہ 

مصارف  (فرداً فرداً)  کے کھاتے کو 

نقصانات  (فرداً فرداً )  کے کھاتے کو 

آمدنیوں اور دیگر وصولیابیو ں اور منافع وغیرہ کی مدوں کو درج ذیل اندراج کے ساتھ بند کیا جاتا ہے  :

آمدنی کے کھاتے کو (فرداً فرداً ) واجب الادا .Dr

دیگر وصولیابیوں (فرداً فرداً) کے کھاتے کو واجب الادا 

نفع ونقصان کے کھاتہ کو واجب الادا .Dr

آمد وخرچ کے ساتوں کھاتوںکو بند کرنے کے لئے جیسا کہ ٹرائل بیلنس میں دکھایا گیا ہے ،(دیکھئے مثال 1) مندرجہ ذیل طریقے پر اندراج کیے جاتے ہیں :

(i)   خرچ کے کھاتے کو بند کرنے کے لئے 

خرید وفروخت کا (تجارتی )کھاتہ   واجب الادا .Dr

 83,000        

خریداریوں کے کھاتے کو             75,000          

اجرتوں کے کھاتے کو         8,000       

(ii)  نفع ونقصان کا کھاتہ                           .   43,500Dr. 

تنخواہوں کے کھاتے میں 25,000

کرایہ عمارت کے کھاتے میں 13,000  

نا قابل وصول قرضوں کے کھاتے میں    4,500

(i)   محاصل (Revenues)کے کھاتے بند کرنے کے لئے 

فروخت کا کھاتہ (ڈیبٹ)

.Dr

  1,25,000 

تجارتی کھاتے کو           0 1,25,00

(ii) وصول شدہ کمیشن کا کھاتہ

.Dr

   5,000 

نفع ونقصان کے کھاتے کو           5,000

لیجر میں کیا گیا اندراج مندرجہ ذیل طریقے سے کیا جائے گا  : 

خریداریوں کا کھاتہ

ڈیبٹ کریڈٹ

تاریخ	تفصیلات	بہی کھاتہ	ر قم  روپے	تاریخ	تفصیلات	بہی کھاتہ	رقم  روپے
	بقایا میزان		75,000		خریدوفروخت (تجارت)		75,000
			75,000				75,000

تنخواہوں کا کھاتہ

ناقابل وصول قرضوں کا کھاتہ

ڈیبٹ کریڈٹ

تاریخ	تفصیلات	بہی کھاتہ	ر قم  روپے	تاریخ	تفصیلات	بہی کھاتہ	رقم  روپے
	بقایا میزان		1,25,000		تجارت		1,25,000
			1,25,000				1,25,000

ڈیبٹ کریڈٹ

تاریخ	تفصیلات	بہی کھاتہ	ر قم  روپے	تاریخ	تفصیلات	بہی کھاتہ	رقم  روپے
	نفع ونقصان		5,000		بقایا میزان		5,000
			5,000				5,000

31مارچ 2017 کو ختم ہونے والے سال کے لئے

مصارف ؍ نقصانات	رقم  روپے	محاصل ؍ منافع جات وغیرہ	رقم  روپے
ابتدائی اسٹاک	۔۔۔۔۔	فروخت	۔۔۔۔۔
خریداریاں	۔۔۔۔۔
اجرتیں	۔۔۔۔۔
مال منگانے کا کرایہ بار برداری	۔۔۔۔۔
جہاز کا مال بھاڑا ؍ لدان
خام(Gross) منافع بقایا نیچے لے جایا گیا c/d
خام نقصان بقایا نیچے لے جایا گیاb/d
کرایہ ،مقامی محصول، ٹیکس	۔۔۔۔۔	خام یا مجموعی نقصان c /d1	۔۔۔۔۔
تنخواہیں	۔۔۔۔۔	خام منافع b/d	۔۔۔۔۔
مرمتیں ، تجدید کا کام	۔۔۔۔۔	وصول کردہ سود	۔۔۔۔۔
ڈوبے قرضہ جات	۔۔۔۔۔		۔۔۔۔۔
خالص منافع 2		خالص نقصان 2.
اصل کے کھاتے میں منتقل کیا گیا
	xxx		xxx

شکل. 9.2  :   تجارت اور نفع ونقصان کے کھاتہ کا ایک خاکہ 

تجارتی اور نفع ونقصان کے کھاتے کو دوکھاتوں کا امتزاج یا میل سمجھنا چاہئے یعنی ایک ٹریڈنگ کا کھاتہ اور دوسرے نفع ونقصان کا کھاتہ ۔تجارت کا کھاتہ یعنی پہلا حصہ مجموعی یا خام منافع (Gross Profit) کی ٹھیک ٹھیک معلومات فراہم کرتا ہے جب کہ نفع ونقصان کا کھاتہ یعنی دوسرا حصہ خالص نفع (Net Profit) ونقصان بناتا ہے۔

تجارتی کھاتہ (Trading Account)

یہ کھاتہ کاروبار کی بنیادی اور عملی  سرگرمیوں سے حاصل نتیجے کے ساتھ ظاہر کرتا ہے۔ بنیادی عملی سرگرمیوں کا تعلق سامان کی مینوفیکچرنگ اور اس کی خریدوفروخت  سے ہوتا ہے ۔ یہ حساب اس لیے تیار کیا جا تا ہے کہ پختہ طور پر معلوم ہو سکے کہ آیا گاہکوں کو مال کی فروخت اور ؍یا خدمات کی انجام دہی کاروبار کے لئے منافع بخش ثابت ہوئی یا نہیں ۔کسی کاروبار میں خریداریاں مصارف کے اہم عناصر میں سے ایک ہیں ۔خریداریوں کے علاوہ باقی مصارف  کو دو زمروں میں منقسم کیا جاتا ہے یعنی بلا واسطہ  مصارف  اور با اواسطہ اخراجات ۔

بلا واسطہ مصارف سے  وہ تمام مصارف مرادہیں جن کا تعلق مال تیار کرنے ،مال خریدنے اور اسے فروخت کے مرحلے تک لانے سے ہے ۔ بلا واسطہ مصارف (Expenxes) میں آنے والے مال کی نقل وحمل ،مال بھاڑا ،اجرتیں ۔ کارخانے کی روشنی، کوئلہ ، پانی اور ایندھن اور پیداوار پر رائلٹی وغیرہ شامل ہوتی ہیں ۔ مثال نمبر 1میں خرید اریوں کے علاوہ مصارف کی چار اور مدیں درج فہرست کی گئی ہیں ۔یہ ہیں : اجرتیں ،تنخواہیں، عمارت کا کرایہ اور ناقابل وصول قرضے ان مدوں میں سے اجرتوں کو بلا واسطہ مصارف میں شمار کیا جاتا ہے جبکہ باقی تین با لواسطہ مصارف میں آتی ہیں ۔

اسی طرح کا روبار کی آمدنی میں سب سے بڑی اور اہم مدفروخت ہے۔ خریداری اور بلاواسطہ مصارف سے زائد کی فروخت سے حاصل ہونے کو  خام یا کل منافع کہا جاتا ہے اگر خریداریوں کی رقم بلا واسطہ مصارف  کو شامل کر کے فروخت سے حاصل آمدنی سے زیادہ ہو تو اس طرح حاصل رقم کو مجموعی نقصان (Gross Loss) کہا جائے گا۔ خام یا مجموعی منافع کا حساب درج ذیل مساوات کے ذریعے دکھایا جا سکتا ہے  :

خام منافع  =  فروخت  –  (خریداریاں  +  بلا واسطہ مصارف )

خام منافع یا خام نقصان کو نفع ونقصان کے کھاتے میں منتقل کر دیا جاتا ہے ۔

با لواسطہ مصارف دوسرے حصے یعنی نفع ونقصان کے واجب الادا خانے (Dr.) میں منتقل کر دیا جاتا ہے ۔فروخت کے علاوہ تمام محاصل اور وصولیابیوں کو  نفع ونقصان کھاتے کی کریڈٹ جانب  منتقل کر دیا جاتا ہے ۔ اگر نفع ونقصان کے کھاتے میں جمع (کریڈٹ) رقموں کا مجموعہ خرچ (ڈیبٹ ) رقوم سے زیادہ ہے تو یہ فرق اس مدت کا منافع ہے جس مدت کے لئے حساب تیار کیا جا رہا ہے ۔ دوسری جانب اگر خرچ (ڈیبٹ) رقومات جمع (کریڈٹ) سے زیادہ ہیں تو ان کا فرق کاروبار کو ہونے والا خالص نقصان ہے۔مساوات (Equation) کی شکل میں اسے مندرجہ ذیل طریقہ سے دکھایا جاتا ہے ۔

خالص منافع  =  خام منافع  +  دیگر وصولیاں  –  با لواسطہ مصارف

اس طرح حساب لگانے کے بعد خالص منافع یا خالص نقصان کو بیلنس شیٹ کے اصل کے کھاتے میں مندرجہ ذیل اندراج کے ساتھ منتقل کردیا جاتا ہے :

(i)  خالص منافع کی منتقلی کے لئے

نفع ونقصان کے کھاتے سے (خرچ)  Dr

اصل کے کھاتے کو          (خرچ)  Dr

(ii)  خالص نقصان کو منتقلی کرنے کے لئے 

اصل کھاتہ(Capital A/C) سے

 نفع ونقصان کے کھاتے کو

اب ہم نفع ونقصان کے حسابات کو انکت کے 31مارچ 2017کو ختم ہونے والے سال کے لئے خام منافع اور خالص منافع دکھانے کے لئے دوبارہ بناتے ہیں ۔ٹریڈنگ اور نفع ونقصان کا کھاتہ شکل 9.3میں دکھائے گئے کھاتے جیسا ہی ہوگا ۔

 

ڈیبٹ  کریڈٹ

مصارف ؍ نقصانات	رقم  روپے	محاصل ؍ دیگرمنافع جات وغیرہ	رقم  روپے
خریداریاں	75,000	فروخت	1,25,000
اجرتیں	8,000
خام منافع بقایا نیچے لے جایا گیا	42,000
	1,25,000		1,25,000
تنخواہیں	25,000	خام منافع  بی ؍ ڈی	42,000
کرایہ عمارت	13,000	وصول کردہ کمیشن	5,000
ناقابل وصول قرضے	4,500
خالص منافع (اصل کھاتے میں منتقل کر دیا گیا )	45,000
	47,000		47,000

شکل.  : 9.3 انکت کے خام منافع اور خالص منافع کا لگایا ہوا حساب 

خام منافع جس سے کاروبار کی کارکردگی کا پتہ چلتا ہے  42,000 روپے بنتا ہے ۔خام منافع کو لین دین (تجارت) کے کھاتے سے نفع ونقصان کے کھاتے میں منتقل کر دیا گیا ہے۔ خام منافع کے علاوہ کاروبار کو کمیشن کی صورت میں 5,000روپے کی آمد نی ہوتی ہے اور اس نے 42,500 روپے 4,500) روپے 13,000+روپے+ 25,000روپے (مصارف  ؍ نقصانات کے ضمن میں خرچ کئے ہیں جن میں تنخواہیں ،عمارت کا کرایہ اور ڈوبے قرضہ جات شامل ہیں ۔ لہٰذا حساب لگانے کے بعد خالص منافع 4,500 روپے بنتا ہے ۔

مثال 1 

مندرجہ ذیل تفصیلات کی بنیاد پر 31مارچ 2017 کو ختم شدہ سال کے لئے تجارتی کھاتہ تیار کیجئے :

روپے 

ابتدائی اسٹاک 37,500

خریدار 1,05,000

فروخت 2,70,000

اجرتیں 30,000

حل

31مارچ 2017 کوختم شدہ سال کے لئے 

تجارتی حساب  

مثال  2

میسر زپرائم پروڈکٹس کا تجارتی (لین دین) کھاتہ 2016-17کے لیے دی گئی درج ذیل تفصیلات کی مدد سے تیار کیجئے :

روپے 

ابتدائی اسٹاک 50,000

خریداریاں 1,10,000

اندرونی واپسیاں (فروخت کردہ مال کی واپسی 5,000

فروخت 3,00,000

بیرونی واپسیاں (خریداریوں کی واپسی) 7,000

فیکٹری کا کرایہ 30,000

اجرتیں 40,000

حل 

پرائم پروڈکٹس کے کھاتے 

تجارتی کھاتہ 

 مثال 3

 2016-17 کی بابت درج ذیل معلومات کی بنیاد پر میسرز انجلی کا تجارتی کھاتہ تیار کیجئے ۔

روپے 

ابتدائی اسٹاک 60,000

خریداریاں 3,00,000

فروخت 705,000

خریداریوں کی واپسی 18,000

فروخت کی واپسی 30,000

خریداریوں کی بار برداری 12,000

فروخت کی بار برداری 15,000

کرایہ فیکٹری 18,000

کرایہ دفتر 18,000

گودی اورمال باہر نکالنے کا خرچ 48,000

جہاز  کا مال بھاڑا اور چنگی 6,500

کوئلہ گیس اور پانی 10,000

مارچ 2017 کو ختم شدہ سال کے لئے 

31مارچ 2017 کو ختم ہونے والے سال کے لئے

ڈیبٹ کریڈٹ

مصارف ؍ نقصانات	رقم  روپے	محاصل ؍ دیگرمنافع	رقم  روپے
ابتدائی اسٹاک	60,000	فروخت               7,50,000
خریداریاں                     3,00,000		نفی :فروخت کی واپسی (30,000)	7,20,000
نفی :خرید کردہ مال کی واپسی       (18,000)	2,82,000
خریداریوں کی مال برداری	12,000
کرایہ فیکٹری	18,000
گودی اور مال نکالنے کے اخراجات	48,000
جہاز کا مال بھاڑ ااور چنگی	6,500
کوئلہ ،گیس اور پانی	10,000
خام منافع	283,500
	7,20,000		7,20,000

مثال  4

مندرجہ ذیل معلومات سے 31مارچ 2017 کو ختم ہوئے سال کے لئے نفع ونقصان کا کھاتہ تیا رکیجئے ۔

روپے

خام منافع 60,000

کرایہ عمارت 5,000

تنخواہیں 15,000

ادا کردہ کمیشن 7,000

قرض پر ادا کردہ کمیشن 5,000

اشتہارات 4,000

وصول کردہ کٹوتی (Discount)

3,000

طباعت اور اسٹیشنری 2,000

قانونی اخراجات 5,000

ناقابل وصول قرضے 1,000

فرسودگی 2,000

وصول کردہ سود 4,000

آگ سے نقصان 3,000

 

حل

31مارچ 2017 کوختم شدہ سال کے لئے 

نفع ونقصان کا کھاتہ

ڈیبٹ کریڈٹ

مصارف ؍ نقصان	رقم  روپے	محاصل ؍ منافع جات وغیرہ	رقم  روپے
کرایہ مکان	5,000	ٰخام منافع	60,000
تنخواہ	15,000	وصول کردہ چھوٹ	3,000
کمیشن	7,000	وصول کردہ سود	4,000
قرض پرادا کردہ سود	5,000
اشتہارات	4,000
طباعت اور اسٹیشنری	2,000
قانونی چارہ جوئی کے اخراجات	5,000
ناقابل وصولی قرضے	1,000
ٹوٹ پھوٹ ،فرسودگی	2,000
آگ سے نقصان	3,000
خالص منافع
اصل کے کھاتے میں منتقل	18,000
	67,000		67,000

  I بتائیے صحیح ہے یا غلط 

(i) خام منافع کل آمدنی ہوتا ہے ۔

(ii) تجارت اور نفع ونقصان کے کھاتے میں ابتدائی اسٹاک خرچ (Dr.)کی طرف اس لئے دکھایا جاتا ہے کیوں کہ یہ حسابی سال رواں کی فروخت کی قیمت کا ایک حصہ ہوتا ہے ۔

(iii) کرایہ مکان ،مقامی محصولات اور ٹیکس بلا واسطہ مصارف ہیں ۔

(iv)  اگر نفع ونقصان کے کھاتے  میں جمع (Cr.)کی طرف کا مجموعہ، خرچ (Dr.)کی طرف کے مجموعے سے زیادہ ہو تو ان دونوں کے درمیان کا فرق خالص منافع ہوگا ۔

'A'  IIکے تحت دی گئی مدوں کا 'B'کی مدوں کے ساتھ صحیح میل اور جوڑ بٹھایئے

'B'   'A'

(i) اختتامی اسٹاک کو ۔۔۔۔۔میں  جمع کی طرف دکھایا جاتا ہے ۔  (a)    ٹرائل بیلنس

(ii) کھاتے کی صحت  کو ۔۔۔۔۔۔۔۔۔آزمایا جاتا ہے ۔ (b) تجارتی حساب 

(iii) فروخت کنندہ گان کو مال واپس کرنے  پر خریدا ر ۔۔۔۔۔۔بھیجتا ہے ۔(c)     کریڈٹ نوٹ 

(iv) مالی حالت کا تعین ۔۔۔۔سے ہوتا ہے ۔ (d)    بیلنس شیٹ   

(v) خریدار کا واپس بھیجا ہوا مال موصول ہونے پر فروخت کنندہ۔۔بھیجتا ہے۔(e) ڈیبٹ نوٹ 

9.4.4  فروخت شدہ مال کی لاگت قیمت اورا ختتامی اسٹاک  –  تجارتی کھاتہ کا اعادہ 

شکل 9.3 میں تیا رکیا گیا تجارت اور نفع ونقصان کاکھاتہ  کاروبار کے بنیادی کاموں کو انجام دینے کے نتیجے میں حاصل ہونے والی نفع خیزی (Profitability) کے بارے ممیں مفید معلومات بہم پہنچاتا ہے ۔اب ہم اسے مزید مطالعہ اور ملاحظہ کے لئے دوبارہ پیش کر رہے ہیں ۔

انکت کا تجارتی کھاتہ

31مارچ 2017 کوختم شدہ سال کے لئے 

ڈیبٹ کریڈٹ

مصارف ؍ نقصانات	رقم  روپے	محاصل ؍ دیگرمنافع جات وغیرہ	رقم  روپے
خریداریاں	75,000	ٰفروخت	1,25,000
اجرتیں	8,000
خام (Gross)  منافع	42,000
	1,25,000		1,25,000

 شکل  : 9.4. انکت کے تجارتی کھاتے کا ایک تمثیلی خاکہ 

 اگر کوئی ابتدائی یا اختتامی اسٹاک نہیں ہے تو خریداریوں اور بلا واسطہ مصارف کے مجموعے کوفروخت شدہ مال مانا جاتا ہے ۔ آپ غور کریں ہماری دی ہوئی مثال میں خریداریاں 75,000روپے کی ہیں اور اجرتیں 8000 روپے کی،اس لئے فروخت شدہ مال کی قیمت نکالنے کے لئے درج ذیل فارمولہ استعمال کیا جائے گا ۔

فروخت شدہ مال کی قیمت  =  خریداریاں  +  بلا واسطہ مصارف

=  75,000  روپے +  8,000  روپے 

=  83,000  روپے

چونکہ کوئی غیر فروخت شدہ اسٹاک نہیں ہے تو یہ فرض کرلیا جاتا ہے کہ خریداہوا تمام مال بیچا جا چکا ہے ۔لیکن عملی طور پر حسابی مدت کے آخر میں کچھ غیر فروخت شدہ مال بچ جاتا ہے ۔

اپنی مثال کو سامنے رکھ کر آیئے فر ض کریں کہ سال رواں میں 75,000 روپے میں خریدے ہوئے مال میں سے انکت صرف 60,000 روپے کا مال بیچ پاتا ہے ۔ایسی صورت میں کاروبار کے پا س15,000روپے کا بغیر بکا ہو امال رہ جائے گا۔ اسے اختتامی اسٹاک بھی کہا جاتا ہے ۔فروخت شدہ مال کی قیمت کی رقم کا حساب مندرجہ ذیل مساوات کے مطابق نکالا جائے گا  :

فروخت شدہ مال کی قیمت  =  خریداریاں  +  بلا واسطہ مصارف ۔ اختتامی اسٹاک

   =  75.000   روپے   +  8,000  روپے   –  15,000   روپے  

نتیجے کے طور پر خام منافع کی رقم بھی کاروبار میں اختتامی اسٹاک کی موجودگی کے ساتھ 42,000 روپے سے (جیسا کہ شکل 9.4میں حساب لگایا گیا ہے ) 57,000 میں تبدیل ہو جائے گی(دیکھئے شکل 9.5)۔

انکت کا تجارتی کھاتہ

31مارچ 2017 کوختم شدہ سال کے لئے 

ڈیبٹ کریڈٹ

مصارف ؍ نقصانات	رقم  روپے	محاصل (آمدنی) دیگرمنافع جات وغیرہ	رقم  روپے
خریداریاں	75,000	فروخت	1,25,000
اجرتیں	8,000	اختتامی اسٹاک	15,000
خام منافع	57,000
	1,40,000
تنخواہیں	25,000	خام منافع b/d	57,000
کرایہ عمارت	13,000	وصول شدہ کمیشن	5,000
ناقابل وصول قرضے	4,500
خالص منافع	19,500
(اصل کھاتے میں منتقل )
	62,000		62,000

شکل.  : 9.5 انکت کا تجارتی کھاتہ 

یہاں یہ بات قابل توجہ ہے کہ عام طور پر اختتامی اسٹاک ٹرائل بیلنس  کا حصہ نہیں ہوتا اور اسے روزنامچے (Journal) میں مندرجہ ذیل اندراج کی مدد سے کھاتوں میں چڑھایا جاتا ہے ۔

اختتامی اسٹاکھاتہ کو .Dr

تجارتی کھاتے کو 

اس اندراج سے اثاثوں کاایک نیا کھاتہ کھل جاتا ہے ،یعنی اختتامی اسٹاک 15,000روپے جسے بیلنس شیٹ میں  منتقل کر دیا جاتا ہے۔ اختتامی اسٹاک آنے والے سال کا ابتدائی اسٹاک ہوگا اور سال کے دوران اسے فروخت کرنا ہوگا اس طرح اب کاروباری افتتاحی اور اختتامی دونوں اسٹاک ہوں گے اور فروخت شدہ مال کی لاگت  کا حساب مندرجہ ذیل مساوات کے مطابق کرنا ہوگا  :

فروخت شدہ مال کی لاگت   =ابتدائی اسٹاک   +خریداریاں و بلا واسطہ مصارف   –اختتامی اسٹاک 

مثال 5پر نظر ڈالئے اور دیکھئے کہ اس کا حساب کیسے لگایا گیا ہے ۔

مثال  5

سال 2017 کے لئے فروخت شدہ مال کی لاگت  کا حساب مندرجہ ذیل معلومات کی مدد سے لگایئے اور تجارتی کھاتہ تیار کیجئے ۔

روپے 

فروخت 20,00,000 

خریداریاں 15,00,000

اجرتیں 1,00,000 

اسٹاک (یکم اپریل 2004) 3,00,000

اسٹاک ( 31مارچ 2005) 4,00,000

آنے والے مال کا جہازی مال بھاڑا 1,00,000

تفصیلات رقم روپے

 ابتدائی اسٹاک 3,00,000

جمع خریداریاں 15,00,000

         بلا واسطہ مصارف :

         مال کے آنے کا جہازی مال بھاڑا 1,00,000

         اجرتیں 1,00,000

نفی ،اختتامی اسٹاک 20,00,000

فروخت شدہ مال کی لاگت (4,00,000)

16,00,000

مثال  6

مسٹر ایچ ۔بالا رام کے چند کھاتوں سے حاصل شدہ مندرجہ ذیل بقایا جات (Balance) سے تجارتی اور نفع ونقصان کا کھاتہ تیار کیجئے ۔

	روپے		روپے
یکم اپریل 2016کو موجود اسٹاک	8,000	ناقابل وصولی قرضہ جات	1,200
سال بھر کی خریداریاں	22,000	کرایہ	1,200
مال کی فروخت	42,000	دی گئی چھوٹ	600
خریداریوں پر مصارف	2,500	اداکردہ کمیشن	1,100
تنخواہیں اور اجرتیں	3500	فروخت پر آنے والے مصارف	600
اشتہارات	1,000	مرمتیں	600

مصارف؍ نقصان	رقم روپے	محاصل  ؍  دیگر منافع جات وغیرہ	رقم روپے
ابتدائی اسٹاک	8,000	فروخت	42,000
خریداریاں	22,000	اختتامی اسٹاک	4.500
خریداریوں پر خرچ	2,500
خام منافع نیچے لایا گیا  (C/d)	14,000
	46,500		46,500
تنخواہیں اور اجرتیں	3,500
کرایہ کا مکان	1,200	خام (مجموعی )منافع	14,000
اشتہارات	1,000
کمیشن	1,100
دی گئی چھوٹ	600
ڈوبے قرضے	1,200
فروخت پر آنے والے مصارف	600
مرمتیں	600
خالص منافع (اصل کے کھاتے میں منتقل )	4,200
	14,000		14,000

یہ وہ منافع ہے جو کاروبار کے معمول کی  سرگرمیوں کے ذریعہ کمایا جاتا ہے ۔تشفیلی منافع، تشفیلی مصارف  کے بعد فاضل تشفیلی آمدنی ہے۔تشفیلی منافع کا حساب لگاتے وقت ایسی آمدنیاں اور ایسے مصارف، جو خالصتا ً مالی قسم کے ہوں،شمار نہیں کئے جاتے۔ اس طرح تشفیلی منافع سود اور ٹیکس وغیرہ اداکرنے سے پہلے کامنافع ہوتا ہے ۔ اسی طرح غیر معمولی مدات جیسے آگ وغیرہ سے ہونے والا نقصان بھی شمار نہیں کیا جاتا ۔ اس کا حساب لگانے کے لئے مندرجہ ذیل طریقہ استعمال کیا جاتا ہے  : 

تشفیلی منافع  =  خالص منافع  +  غیرتشفیلی مصارف –غیر تشفیلی آمدنیاں 

مثال 1میں انکت کے ٹرائل  بیلنس پر نظر ڈالیں ،آپ پائیں گے کہ یہ ایک ایسی مد کو دکھاتا ہے جس کا تعلق یکم اپریل 2017 کو لیے گئے طویل مدتی قرض پر  %10  کی درپر سود سے ہے ، سود کی رقم 500 روپے بنتی ہے(500x10/100روپے)جسے تجارت اور نفع ونقصان کے کھاتہ میں ڈیبٹ کی جانب دکھایا گیا ہے  (شکل 9.6)۔

مصارف؍ نقصانات	رقم روپے	محاصل (آمدنیاں) ؍  دیگر منافع جات وغیرہ	رقم روپے
خریداریاں	75,000	فروخت	1,25,000
اجرتیں	8,000	اختتامی اسٹاک	15,000
خام منافع بقایا نیچے لے جایا گیا	57,000
	1,40,000		1,40,000
تنخواہیں	25,000	خام منافع  b/d	57,000
کرایہ عمارت	13,000	وصول شدہ کمیشن	5,000
ڈوبے ہوئے قرضے	4,500
سود	500
خالص منافع (اصل کھاتے میں منتقل )	19,000
	62,000		62,000

شکل.  : 9.6منافع پر سود کو دکھانے کا طریقہ 

مثال  7

مندرجہ ذیل بقایا (بیلنس ) ایک تا جر کے کھاتوں سے نکالا گیا ہے ۔31مارچ 2017 کو ختم شدہ سا ل کے لئے اس کے خام منافع، تشفیلی منافع اور خالص منافع کا تعین کیجیے ۔

تفصیلات رقم روپے 

فروخت 75,250

خریداریاں 32,250

ابتدائی اسٹاک 7.600

فروخت شدہ مال کی واپسی 1,250

خریدکردہ مال کی واپسی 250

کرایہ 300

طباعت اور اسٹیشنری 250

تنخواہیں 3,000

متفرق اخراجات 200

اخراجات سفر 500

اشتہارات 1,800

ادا کردہ کمیشن 150

دفتری اخراجات 1,600

اجرتیں 2.600

سرمایہ کاری کی فروخت کا منافع 500

فرسودگی 800

سرمایہ کاری کا منافع 2.500

پرانے فرنیچر کو فروخت کرنے پر نقصان 300

 (31مارچ 2017) کو اختتامی اسٹاک کی مالیت 8,000 روپے 

ڈیبٹ کریڈٹ

بیلنس شیٹ ایک گوشوارہ ہوتا ہے جس میں کسی کا روبار کی مالی پوزیشن کو دکھا یا جاتا ہے اور جس میں کسی دی گئی تاریخ کو اثاثوں اور واجبات کا خلاصہ پیش کیا جاتا ہے ۔ اثاثے واجب الادا میزانوں (Debit Balances) کو ظاہر کرتے ہیں جب کہ واجبات (بشمول اصل سرمایہ) ، واجب الوصول میزانوں (Credit Balances)کو ظاہر کرتے ہیں۔ بیلنس شیٹ کو  حسابی مدت کے آخر میں تجارت اور نفع ونقصان کا کھاتہ تیار کرنے کے بعد تیار کیا جاتا ہے ۔اسے بیلنس شیٹ اس لئے کہا جاتاہے کہ یہ بہی کھاتوں کے ان حسابات کے بقایا جات کا گوشوارہ ہے جو تجارت اور نفع ونقصان کے کھاتے میں منتقل نہیں کئے گئے ہیں او ر جنھیں اگلے برس اس ابتدائی اندراج کی مدد سے آگے لے جائے گا جس کو آئندہ سال کے شروع میں روزنامچے میں درج کیا جاناہے۔

اثاثہ جات ،واجبات اور اصل سرمایہ کے تمام حسابات کو بیلنس شیٹ میں دکھا یا جاتا ہے اصل سرمایہ اور مالی واجبات کے حسابات کو انگریزی اور ہندی میں بائیں جانب دکھایا جاتا ہے جسے مالی واجبات کہا جاتا ہے ۔اثاثوں اور دیگر واجبات کے دوسرے میزان دائیں جانب دکھائے جاتے ہیں، جنھیں کریڈٹ یا واجب الوصول کہا جاتا ہے۔ ایک فردی ملکیت اور شرکتی فرموں کے لئے بیلنس شیٹ کی کوئی طے شدہ یا مقررکردہ شکل نہیں ہوتی۔ تاہم کمپنی ایکٹ 2013کے جدول III حصہ 1 میں ایک خاکہ مقرر کیا گیا ہے اور وہ ترتیب بھی بتائی گئی ہے جس کے مطابق کمپنی کے اثاثہ جات اور واجبات کو دکھایا جانا چاہئے۔ بیلنس شیٹ تیار کرنے کے لئے عموماً استعمال کیا جانے والا ایک عام خاکہ شکل 9.7 میں دکھایا گیا ہے ۔

واجبات	رقم روپے	اثاثہ جات	رقم روپے
اصل سرمایہ                     .....		فرنیچر	.....
جمع منافع                         .....	.....	نقدی	.....
طویل مدتی قرضہ جات	.....	بینک	.....
قلیل مدتی قرضہ جات		ساکھ	.....
متفرق قرض خواہان(Creditors)	.....	متفرق قرض داران (Debitors)	.....
واجب الادا بل		اختتامی اسٹاک	82,000
بینک اوورڈرافٹ		زمین اور عمارتیں	39,800
	XXXX		XXXX

شکل  ; 9.7.بیلنس شیٹ کا ایک خاکہ

ہماری مثال 1کی طرف رجوع کیجئے ،آپ دیکھیں گے کہ انکت کا ٹرائل  بیلنس 14کھاتوں کا ایک خاکہ  ہے ،جن میں سے 7 حسابات تجارت اور نفع ونقصان کے کھاتے میں منتقل ہو چکے ہیں (دیکھئے شکل 9.3)۔         یہ محاصل اور خرچوں کے کھاتے  ہیں۔ شکل 9.3 کے تجزیئے سے ظاہر ہوتا ہے کہ کاروبار نے کل 1,25,500خرچ کئے ہیں اور آمدنیاں 1,30,000 روپے کی ہیں جس کے مطابق 4,500 روپے کا نفع ہوا ہے ۔ٹرائل بیلنس کی باقی ماندہ چھ مدیں اصل سرمایہ،اثاثہ جات اور واجبات کو دکھاتی ہیں ،یہاں ہم ایک بار پھرٹرائل  بیلنس (مثال 1) یہ دکھانے کے لئے  دوبارہ پیش کر رہے ہیں کہ انکت کے اثاثوں اور واجبات کے حسابات کو بیلنس شیٹ میں کس طرح دکھایا جائے گا ۔

31 مارچ 2017 کو انکت کا ٹرائل بیلنس

کھاتے کا نام	لیجرفولیو	(Credit)خرچ  رقم روپے	آمد(Debit) رقم روپے
نقد		1,000
اصل سرمایہ			12,000
بینک		5,000
فروخت			1,25,000
اجرتیں		8,000
قرض خواہان			15,000
تنخواہیں		25,000
10%طویل مدتی قرض (جو یکم اپریل 2013کو لیا گیا )			5,000
فرنیچر		15,000
وصول شدہ کمیشن			5,000
عمارت کا کرایہ		13,000
قرض داران		15,500
ڈوبے قرض		4,500
خریداریاں		75,000
		1,62,000	1,62,000

شکل.  ; 9.8 انکت کے ٹرائل بیلنس میں اثاثوں اور واجبات کے حسابات

6

 

واجبات	رقم روپے	اثاثہ جات	رقم روپے
اصل سرمایہ                 12,000		فرنیچر	15,000
جمع منافع                   4,500	16,500	نقد	1,000
10%پر طویل مدتی قرض	5,000	بینک	5,000
	15,000	قرض خواہ	15,500
	36,500		36,500

شکل.  ; 9.8 انکت کےآزمائشی بیلنس میں اثاثہ جات اور واجبات کے کھاتوں کو دکھایا گیاہے

9.6.2  بیلنس شیٹ کی متعلقہ مدیں

9.6.3   اثاثوں اور واجبات کی زمرہ بندی اور ترتیب

اثاثوں اور واجبات کو مرتب کرنے کا کام 

انکت کے بیلنس میں آپ دیکھیں گے کہ فرنیچر سب سے زیادہ اور پائیدار (Permanent) اثاثہ ہے ۔قرض داروں ،بینک اور نقدی میں سے نقد میں تبدیلی کے لیے سب سے زیادہ وقت قرض داروں کو لگتا ہے ۔      اسی طرح واجبات میں اصل سرمایہ ،جو مالیات مہیا کرنے کا سب سے اہم ذریعہ ہے ،طویل مدتی قرض کے مقابلے کاروبار میں زیادہ دن ٹکا رہے گا ۔قرض خواہوں سے جو ایک سیال دین داری (Liquid Liability) ہیں مستقبل قریب میں نجات مل جائے گی۔انکت کی بیلنس شیٹ پائیداری کے اعتبار سے شکل 9.10 (a) میں دکھایا گیا ہے ۔

31مارچ 2017 کی انکت کی بیلنس شیٹ (پائیداری کے اعتبار سے ) 

اثاثوں اور واجبات کی زمرہ بندی  

خود کیجئے 

مندرجہ ذیل مدوں کو پائیداری اور سیالیت(Liquidity) کے اعتبار سے ترتیب دیجئے ۔ان کی درجہ بندی منطقی مدوں کے تحت بھی کیجئے

کھاتہ کا نام	رقم روپے	کھاتہ کا نام		رقم روپے
مال بھاڑا یا بار برداری	8,000	نقدی در دست		2,500
خریداریاں		بینک اوور ڈرافٹ		30,000
فروخت شدہ مال کی بار برداری	3,500	موٹر کار		60,000
مینو فیکچرنگ مصارف	42,000	نکالے ہوئے پیسے		8,000
اشتہارات	7,000	آڈٹ فیس		2,700
آب کاری محصول	6,000	پلانٹ		1,53,900
کارخانے کی روشنی	4,400	پلانٹ کی مرمت		2,200
قرض دار	80,000	آخری اسٹاک		76,000
قرض خواہ	61,000	خریداریاں ،واپسی کو ہٹا کر		1,60,000
گودی اور سامان نکالنے کا خرچ	5,200	خریداریوں پر کمیشن		2,000
ڈاک وتا ر	800	اتفاقی تجارتی خرچے		3,200
آگ کے بیمہ کی قسط (پریمیم)	3,600	سرمایہ کاری		30,000
پیٹنٹ	12,000	سرمایہ کاری پر سود		4,500
انکم ٹیکس	24,000	اصل سرمایہ		1,00,000
دفتری اخراجات	7,200	فروخت واپسی ہٹا کر		5,20,000
		اداکردہ سیلز ٹیکس		12,000
		دی گئی چھوٹ		2,700
		خریداریوں پر چھوٹ		3,400

9.7  ابتدائی اندراج 

اس باب میں متعارف کی گئی کلیدی اصطلاحات 

 سیکھنے کے مقاصد کے حوالے سے باب کا خلاصہ

مشقی سوالات 

طویل جوابات 

اعدادی سوالات 

کھاتہ کا نام	ڈیبٹ رقم	کریڈٹ  رقم
ابتدائی اسٹاک	2,00,000
خریداریاں	8,10,000
فروخت
	10,10.000	10,10.000

’’اپنی سمجھ کی جانچ کیجیے‘‘