الگی مختلف اشکال اور سائز میں پائے جاتے ہیں۔ بستیوں (Colonies) کے روپ میں جیسے والوکس (Volvox) اور دھاگا نما جیسے Ulothrix اور Spirogyra (شکل3.1)۔ بعض سمندری اشکال جیسے کیلپس(Kelps) بڑی ضخیم ساخت اختیار کر لیتے ہیں ۔

الگی میں عمل تولید نباتاتی (Vegetative)، غیر جنسی (Asexual) اور جنسی (Sexual) طریقے سے ہوتا ہے۔ نباتاتی تولید ٹوٹنے کے عمل سے ہوتی ہے۔ ہر ٹوٹا ہوا حصّہ Thallus میں تبدیل ہو جاتا ہے۔ غیرجنسی تولید کئی طرح کے بزروں (Spores) کے ذریعے ہوتی ہے اور عام طورپرسب سے زیادہ حیوان بذرے (Zoospores) کے ذریعے سے ہوتی ہے۔ یہ بذرے دم دار اور متحرک (Motile) ہوتے ہیں اور اگنے کے بعد ایک نئے پودے میں تبدیل ہوجاتے ہیں۔جاتی تولید دوجنسی تولیدی خلیوں ،جنھیں زواجے (Gametes) کہتے ہیں، کے ملنے سے ہوتے ہیں۔ یہ زواجے ہدے دار (Flagellated) اور شکل میں یکساں ہوتے ہیں( جیسے Ulothrix)یا ہدے دار نہیں ہوتے(غیر متحرک ہوتے ہیں) لیکن یکساں شکل ہوتے ہیں (جیسے Spirogyra)۔یہ عمل تولید غیر رواج (Isogamous) کہلاتا ہے۔ دو زواجے ،جو سائز میں غیر مماثل ہوں جیسے کچھ انواع ہیں، جب ملتے ہیں تو اس تولیدی عمل کو غیر نم رواجی (Anisogamous) کہتے ہیں۔ عمل تولید جس میں مادہ زواجہ ساکت غیر ہدے دار اور جسامت میں بڑے اور نرزواجے متحرک بدے دار اور چھوٹے ہوتے ہیں تو ان کے ملاپ کو بیض زواجی (Oogamous) کہتے ہیں۔ مثلاً والوکس، فیوکس۔

الگی انسان کے لیے کئی طرح سے فائدے مند ہیں۔ زمین پر کاربن ڈائی آکسائڈ کا نصف حصہ الگی کی شعاعی تالیف کے ذریعہ بنتا ہے۔ شعاعی تالیف کی اہلیت ہونے کی وجہ سے الگی اپنے آس پاس کے ماحول میں گھلی ہوئی آکسیجن کی مقدار میں اضافہ کرلیتے ہیں لہٰذا ان کی اہمیت بہت زیادہ بڑھ جاتی ہے۔ توانائی سے بھرپور مرکبات کےPrimary Producers ہونے کی وجہ سے وہ آبی جانوروں کے لیے غذائی تانے بانے (Food Cycles) کی بنیاد ڈالتے ہیں۔Porphyra، Laminaria اور Sargassum کے متعدد انواع کا شمار سمندری الگی کے ان 70 انواع میں ہوتا ہے جن کا استعمال خوراک کے لیے ہوتا ہے۔ کچھ بھورے اور لال الگی بڑی مقدار میں Hydrocolloids (پانی والے مرکبات) پیداکرتے ہیں، مثلاً Algin (بھورا الگی)اور Carrageen(لال الگی) کا کمرشیل استعمال ہوتا ہے۔Gelidium اور Gracilaria سے کمر شیل پروڈکٹ آگار (Agar)حاصل کیا جاتا ہے۔ اس کا استعمال Microbes کے فروغ اور آئس کریم اور جلیبی بنانے میں ہوتا ہے۔ Chlorella پروٹین سے بھرپور یک خلوی الگی ہیں جہیں خلا میں جانے والے اضافی غذا کے طور پر استعمال کرتے ہیں۔ الگی کی درجہ بندی تین بڑی کلاسوں Chlorophyceae، Phacophycea اور Rhodophyceae میں کی گئی ہے۔

Chlorophyceae کے ممبران کو عام زبان میں سبز الگی کہا جاتا ہے۔ ان کے غصنہ یک  خلوی، بستیوں والے یا دھاگے دار ہوتے ہیں۔ وہ پگمنٹز کلوروفِلa اور b کی وجہ سے ہری گھاس کی طرح سبز ہوتے ہیں۔ معینہ Chloroplasts کے اندرپگمنٹز ہوتے ہیں۔ مختلف انواع میں Cloroplasts تختی نما، پلیٹ نما، جالی نما، پیالہ نما، اسپرنگ نما یا ربن نما ہوسکتے ہیں۔ زیادہ تر ممبروں میں ایک یا زیادہ اسٹورکرنے کے اعضا ہوتے ہیں جنہیں Pyrenoids کہتے ہیں۔ Pyrenoids کلوروپلاسٹ (Chloroplast) میں ہوتے ہیں۔Pyrenoids میں نشاستے (Starch) کے علاوہ پروٹین بھی ہوتے ہیں۔ کچھ الگی غذا کو تیل یا روغن کے چھوٹے قطروں کی شکل میں جمع کرتے ہیں۔ سبز الگی کی خلوی دیواریں عام طور پر سخت ہوتی ہیں۔ اندر کی دیوار سیلیولوز (Cellulose) کی اور باہر کی پیکٹوز (Pectose) کی بنی ہوتی ہے۔

نباتاتی تولید (Vegetative Reproduction) عام طور پرمختلف بذروں  کے ٹوٹنے اور بننے سے ہوتی ہے۔ غیر جنسی تولید دم دار متحرک بذروں (Zoospores) کے ذریعے ہوتی ہے اور ان کی افزائش Zoosporangia میں ہوتی ہے۔ جاتی تولید کے طریقوں اور زواجے کے بننے میں وسیع پیمانے پرتفریق پائی جاتی ہے اور یہ Isogamous، Anisogamous یا Oogamous ہوسکتے ہیں۔ Chlamydomonas ، Volvox، Ulothrix، Spirogyraاور Chara سبز الگی کی کچھ مثالیں ہیں (شکل 3.1 a)۔

Phaeophyceae یا براؤن الگی کے ممبران بنیادی طور پر سمندر میں پائے جاتے ہیں۔ اس خاندان کے ممبران کی جسامت اور اشکال میں بہت تفریق پائی جاتی ہے۔ ان کے اجسام شاخ دار دھاگے نما (Ectocarpus) سے لے کر کثیر شاخی جیسی  کلپس(Kelps) جن کی لمبائی 100 میٹر تک پہنچ جاتی ہے، ہوتے ہیں۔ ان میں، Chlorophyll a c، Carotenoids اور Xanthophylls ہوتے ہیں۔ Xanthophyll Pigment یعنی Fucoxanthin مادے کی کم اور زیادہ مقدار میں موجودگی کی بناء پر ان کے رنگ زیتونی سبز سے لے کر بھورے رنگ تک کے ہوتے ہیں۔ غذا کا اجماع پیچیدہ کاربوہائیڈٹیس جیسے Laminarin یا Mannitol کی شکل میں ہوتا ہے۔ نباتاتی خلیے کی اندرونی دیوار Cellulose کی ہوتی ہے جس کے باہر جیلی نما مرکب (Algin) کی تہہ ہوتی ہے۔ خلیہ مایہ میں Plastids کے علاوہ بیج میں ایک ویکیول (خلا) اور مرکزہ ہوتا ہے۔ پودے کا جسم ڈنٹھل(Stipe) کے علاوہ Hold Fast کے ذریعے کسی سطح سے جڑا ہوتا ہے۔ جسم کا باقی پتی نما حصہ ہے جو Photosynthetic عضو ہوتا ہے جسے Frond کہتے ہیں۔ Fragmentation کے ذریعہ ان میں نباتی تولید ہوتی ہے۔ اجاتی تولید دو دم دار بذروں (Zoospores) کے ذریعہ ہوتی جو ناشپاتی نما ہوتے ہیں اور جن میں دو چھوٹے بڑے سوطے ہوتے ہیں۔

جاتی تولید Isogamous ، Anisogamous یا Oogamous ہوسکتی ہے۔ دو صنفی زواج پانی میں یا Oogonium (Oogamousنوع)میں ہوسکتے ہے۔ زواجےPyriform( ناشپاتی کی شکل کے) ہوتے ہیں اور دومیں ہوتے ہیں  جو فلا جیلا سے جڑے ہوئے ہوتے ہیں۔ Ectocarpus، Dictyota، Laminaria، Sargassum اور Fucus اس کی کچھ عام شکلیں ہیں (شکل 3.1 b)۔

Rhodophyceae کے ممبروں میں ایک سرخ لون، جس کا نام r-Phycoerythrin ہے، پایا جاتا ہے۔ اس سرخ مادے کی موجودگی کی وجہ سے یہ سرخ الگی بھی کہلاتا ہے۔ زیادہ ترسرخ الگی سمندر میں، بالخصوص گرم علاقوں میں پایا جاتا ہے۔وہ سمندر کی سطح اور سمندر کی عمیق گہرائیوں میں بھی ملتے ہیں جہاں روشنی کا گزر مشکل سے ہی ہوتا ہے۔

زیادہ تر سرخ الگی کے سرخ غصنے کثیر خلوی ہوتے ہیں۔ کچھ غصنے کی پیچیدہ جسمانی تنظیم ہوتی۔ ان میں غذا فلوریڈین اسٹارچ کی شکل میں ہوتی ہے جو ساخت میں امائلو پکٹن اور گلائکوجن کی طرح ہوتی ہے۔

سرخ الگی عام طور پر نباتاتی تولید یعنی Fragmentation کے ذریعہ نمو پاتی ہے۔ اجاتی تولید غیر متحرک بذرے کے ذریعے اور جاتی تولید غیر متحرک زواجوں کے ذریعے ہوتی ہے۔ جاتی تولید اوگیمس (Oogamous) ہوتی ہے اور Fertilisation کے بعد Development بہت پیچیدہ ہوتا ہے۔ سرخ الگی کے کچھ عام افراد Polysiphonia ، Porphyra (شکلc 3.1)، Gracilariaاور Gelidium ہیں۔

برائیوفائٹس کے غصنے الگی کے مقابلے میں زیادہ متفرق (Differentiated) ہوتے ہیں۔یہ یا تو زمین پر لیٹے ہوئے ہوتے ہیں یا کھڑے ہوئے ہوتے ہیں۔ یہ یک خلوی یا کثیر خلوی ہدبے (Rhizoids) Substratum سے جڑے ہوئے ہوتے ہیں۔ ان میں اصلی جڑیں، تنے یا پتیاں نہیں ہوتیں گوکہ ان میں جڑ جیسے تنے جیسے یا پتیوں  جیسے حصے ہوتے ہیں۔ Bryophyte کا اصل جسم ہیپلائڈ ہوتا ہے۔یہ زواجے بناتا ہے اس لیے اس کو گیموٹوفائٹ

شکل 3.2 برائیوفائٹس: مارکینشیا - ایک لیوورٹ (a) مادہ تھیلس (b) نرتھیلس ماسز (c)فیونیریا، گیٹمیوفائٹ اور اسپوروفائٹ(d) اسفیگنم گیمیٹوفائٹ

کہتے ہیں۔ Bryophtesکے جنسی اعضاکثیر خلوی ہوتے ہیں۔ نرجنسی عضو انتھریڈیم(Antheridium)کہلاتا ہے جو دو دم والے انتھیروزوائڈ (Antherozoids)بناتا ہے۔ مادہ جنسی عضو آرکیگونیم(Archegonium) کہلاتا ہے جس کی ساخت صراحی نما ہوتی ہے اور اس میں صرف ایک بیضہ ہوتا ہے۔ انتیھروزوائڈ پانی میں آنے کے بعد آرکیگونیم سے اتصال کرتے ہیں اور بیضے سے مل کر ذائی گوٹ بناتے ہیں۔ ذائی گوٹ فوراً ہی تخفیفی تقسیم نہیں کرتا بلکہ ایک کثیر خلوی جسم بناتا ہے جسے اسپوروفائٹ(Sporophyte)کہتے ہیں۔ یہ اسپوروفائٹ خود مختار نہیں ہوتا بلکہphotosynthetic gametophyte سے جڑا ہواہے اور اس سے غذا حاصل کرتا ہے۔ اسپوروفائٹ کے کچھ خلیے تخفیفی تقسیم کرکے(Meiosis) ہیپلائڈ بذرے بناتے ہیں۔یہ بذرے پھوٹ کر گیمیٹوفائٹ کو پیدا کرتے ہیں۔

عام طور پربرائیوفائٹ کی معمولی  معاشی حیثیت ہوتی ہے لیکن کچھ موس سبزی خور میملز،چڑیوں اور دیگر جانوروںکو غذا فراہم کرتے ہیں۔ اسفیگنم کی نوع ایک ایسا موس ہے ایسا مادہ (Peat) فراہم کرتا ہے جس کا ایک زمانے سے ایندھن کے طور پر استعمال ہوتا رہا ہے۔ اور بہت دنوں تک نم رہنے کی خاصیت کی بناء پر پیکنگ میں بھی استعمال ہوتا ہے۔ ماس اور لائکن وہ پہلے عضویے ہیں جو پتھروں اور چٹانوں پر اگتے ہیں لہٰذا ان کی اکولا جیکل اہمیت بہت زیادہ ہے۔ یہ چٹانوں کی سطح کو ریت اور مٹی میں تبدیل کرکے بڑے پودوں کی افزائش کے لیے راہ ہموار کرتے ہیں۔ چونکہ ماس زمین پر ایک کثیف قالین کی شکل میں اگتے ہیں اس لیے زمین کی مٹی کو تیز رفتار بارش کی دھار سے روکتے ہیں۔ برائیوفائٹس کو دو حصوں لیورورٹس اور ماس میں تقسیم کیا جاتا ہے۔

لیورورٹس زیادہ تر نم اور سایہ دار محلوں جیس آبشاروں  کے کنارے جھاڑیوںوالے میدان، نم مٹی، درختوں کی چھالوں اور جنگلوں میں اگتے ہیں۔ ان کا جسم تختی نما ہوتا ہے جیسے مارکینشیا۔ ان غصنہ ڈارسی وینٹرل ہوتا ہے اور زمین سے مضبوطی سے جڑا رہتا ہے۔ پتیوں والے لیورورٹس میں تنے جیسی چیز پر دو قطاروں میں پتی جیسے ابھار ہوتے ہیں۔

لیورورٹس میں اجاتی تولید غصنے کے ٹوٹنے اور بکھرنے سے ہوتی ہے یا ایک خاص طرح کے عضو کے بننے سے ہوتی ہے جسے Gemmae کہتے ہیں۔(واحد Gemma)-Gammae اصل میں سبز رنگ کے کثیر خلوی اجاتی کلیاں ہوتے ہیں جو ایک پیالے نما جسم میں غصنے کے اوپری سطح پر اگتے ہیں۔ ان پیالوں کوGammae Cups کہتے ہیں۔ Gemmae

ٹوٹ کر بکھر جاتے ہیں اور اگ کر نئے پودوں کو جنم دیتے ہیں۔ جاتی تولید کے دوران نر اور مادہ جنسی عضو یا توایک ہی عضنے پر یا الگ الگ عضنوں پر بنتے ہیں۔ اسپوروفائٹکے ذریعہ پیر، سیٹا اورکیپسول میں بٹتے ہیں تخفیفی تقسیم کے بعد کیپسول کے اندر اسپورز بنتے ہیں ۔ یہ اسپورز اگنے کے بعد ایک نئے گیمیٹوفائٹ کو جنم دیتے ہیں۔

ماس کی زندگی کے دور (Life Cycle) کا زیادہ حصہ گیمیٹوفائٹ ہوتا ہے جو دو حصوں میں بٹا ہوا ہوتا ہے ۔پہلا حصہ پروٹونیمہ(Protonema) کہلاتا ہے جو سیدھااسپوز کے ذریعہ وجود میں آتا ہے۔ یہ اس کے زمین پر پھیلنے ، سبز، دھاگے دار اور کئی شاخوں میں بٹے ہونے کا دور ہوتا ہے۔ دوسرا دور پتیوں والا (Leafy Stage)کہلاتا ہے جو دوسرے پرونیمہ سے ایک لیٹرل پتی (Lateral bud) بناتا ہے۔ یہ حصہ نازک، سیدھا تنے دار ہوتا ہے جس پر پتیاں ایک اسپائرل کی شکل میں مرتب ہوتی ہیں۔ یہ کثیر خلوی اور شاخ دار Rhizoids کے ذریعے زمین سے جڑارہتا ہے۔ یہ اسٹیج جنسی عضو بناتاہے۔

نباتی تولید عضنے کے ٹوٹنے اور دوسرے پروٹونیمہ کی کمیوں کی وجہ سے عمل میں آتی ہے۔ جاتی تولید کے دوران پتی دار کونپل کی نوک میں جنسی انتھریڈیا اور Archegonia بنتے ہیں۔ ملاپ کے بعد ذائی گوٹ اسپوروفائٹ میں تبدل ہوجاتا ہے جو پیر، سیٹا اور کیپسول پر مشتمل ہوتا ہے۔ ماس میں اسپوروفائٹ لیورورٹس کے مقابلے زیادہ پھیلا ہوا ہوتا ہے۔ کیپسول اسپوز پر مشتمل ہوتے ہیں۔کیپسول میں تخفیفی تقسیم (Meiosis)کے بعد اسپورزبنتے ہیں۔ ماس میں بذروں (Sporesکے بکھرنے کا خاص اہتمام ہوتا ہیملس کی عام مثالیں فیونیریا، پالی ٹرائی کم، اسفیگنم (شکل 3.2) وغیرہ ہیں۔

ٹیریڈوفائٹس میں ہارس ٹیل اور فرن شامل ہیں۔ ٹیریڈوفائٹس کا استعمال ادویات میں اور زمین کو مضبوطی رہنے میں ہوتا ہے۔ وہ اکثر باغبانی کے لیے بھی اگائے جاتے ہیں۔ قانون ارتقاء کے مطابق یہ بری پودوں کا پہلا گروہ ہے جن میں s Vascular Tissue ، زائلم اور فلوئم موجود ہوتے ہیں۔ان کے بارے میں تفصیل سے باب چھ میں بحث ہوگی۔ ٹیریڈوفائٹس ٹھنڈی کے لیے سایہ دار اور نم جگہوں پر پائے جاتے ہیں۔ جبکہ کچھ ریتیلی زمین پر بھی نمو پاتے ہیں۔

آپ کو یاد ہوگا کہ برائیوفائٹس کے دورِ حیات میں زواجی نسل نمایاں  اور خود پرور ہوتی ہے۔ لیکن ٹیریڈوفائٹس میں نمایاں نسل بذری پودا ہوتا ہے جس کی تفریق، تنے اور پتے پر مشتمل ہوتی ہے (شکل 3.3)۔ ان اعضاء میں منظم رگوں کا نظام (Vascular System) موجود ہوتا ہے۔ٹیریڈوفائٹا میں دو قسم کے پتے پائے جاتے ہیں۔۔۔چھوٹے کو چک برگی (Microphylls) کہتے ہیں جسے سلاجنیلایا بڑے کلاں برگ (Macrophylls) جیسے فرن میں ہوتے ہیں۔ بذری پودے پر اسپورینجیم ہوتا ہے۔ اس کے ٹھیک نیچے ایک چھوٹا سا پتہ ہوتا ہے جسے اسپوروفل کہتے ہیں۔ کچھ قسموں میں یہ اسپوروفل بہت قریب قریب مل کر ایک عضو بناتے ہیں جنھیں Strobili یا کون (Cones) کہا جاتا ہے (سلاجنیلا،اکوئی سیٹم)Sporangiaتخفیفی تقسیم(Meiosis) کے ذریعہ اسپور مادر خلیے (Spore Mother Cells) میں بذرے بناتا ہے۔ یہ بذرے اگنے کے بعد ایک پروتھیلس (Prothallus) بناتا ہے جو چھوٹا، مگر کثیر خلوی اورغیر نمایاں ہوتا ہے۔ اس کا جسم چپٹا فقیہ نما ہوتا ہے۔ یہ زواجی نسل معنی گیمیٹو فائٹ نسل ہوتی ہے اور سبز مایہ کی موجودگی کے باعث غذائی مادے خود تیار کرتا ہے۔ یہ زواجی نسل سایہ دار خنک جگہوں پر نمو پاتے ہیں۔ ان کی اس خاص ضروریات کی وجہ سے ٹیریڈوفائٹس کا پھیلاؤ جغرافیائی طور پر بہت محدود ہوتا ہے۔ زواجی نسل کے پودے پر نر اور مادہ تولیدی اعضا نمو پاتے ہیں۔نرتولیدی عضو کو انتھیریڈیا(Antheridia) اور مادہ تولیدی عضو کو آرکیگونیا(Archegonia) کہا جاتا ہے۔ انتھروزوائڈ کو آرکیگونیم میں موجود بیضے تک پہنچنے کے لیے پانی درکار ہوتا ہے۔ بیضے کی باروری سے ذائی گوٹ بنتا ہے جو خلوی تقسیم کے بعد کثیر خلوی اور واضح اسپوروفائٹ بناتا ہے جو کہ ٹیریڈوفائٹس کی نمایاں بذری نسل کہلاتی ہے۔ ٹیریڈوفائٹس کے زیادہ پودوں میں ایک ہی طرح کے بذرے پائے جاتے ہیں لہٰذا ایسے پودوں کو ہومواسپورس(Homosporous) کہا جاتا ہے۔ سلا جنیلا اور سالونیا جیسے انواع میں دو قسم کے بذرے میکرو(لمبا)اورمائکرو(چھوٹے)اسپورس ہوتے ہیں  اس لیے ایسے انواع کی ہیٹرواسپورس کے نام سے جانا جاتا ہے۔ میکرو اور مائکرو اسپورس اگنے کے بعد بالترتیب مادہ اور نر زواجی سیلس پیدا کرتے ہیں۔ مادہ زواجی نسل ان پودوں میں کچھ عرصے کے لیے پرکھے پودے پر رہتی ہے۔ ذائی گوٹ خلوی تقسیم کے بعد ایمبریو (Embryo) میں تبدیل ہوجاتا ہے۔ پودے کی افزائش کا یہ حصہ ارتقائی طور پر بہت اہمیت کا حامل ہے جس کے متعلق یہ قیاس کیا جاتا ہے کہ اس طرح سے تخم یا بیج کی ابتدا ہوئی ہوگی۔

ٹیریڈوفائٹس کو مزید چار کلاسوں میں تقسیم کیا گیا ہے۔ سائلوپسیڈا (سائلوٹم) لائکو پسیڈا (سلاجنیلا، لائکوپوڈیم)، Sphenopsida (Equisetum) اور Pteropsida (ڈرائیوٹیرس، ٹیرس اور اڈیانٹم)۔

جمنو اسپرم(بیج:Sperma و برہنہ:gymnos) یا برہنہ تخم وہ پودے ہیں جن میں بیض دان (Ovules) کے چاروں طرف کوئی دیوار نہیں ہوتی اور زواجوں کے ملاپ سے پہلے یا بعد میں بھی برہنہ رہتے ہیں۔ جمنواسپرم میں درمیانہ قدیا طویل درخت اور جھاڑیاں آتی ہیں (شکل 3.4)۔ ان میں سے ایک جس کا نام سیکویا(Sequoia) ہے، ان میں جڑ حقیقی ہوتی ہے۔ کچھ انواع میں جڑیں فنجائی (Fungi) کے ساتھ مل کر مائکورائذا (Mycorrhiza) بناتی ہیں جیسے پائنس میں، کچھ اور میں جڑیں سبز نیلگوں الگی کے ساتھ مل کر ہوا میں موجود نائٹروجن کے ساتھ مل کر مرکب بناتی ہیں جیسے سائکس(Cycas) جمنوسی میں۔ تنے چوبی اور سخت ہوتے ہیں اور شاخ دار یا غیر شاخ دار ہوتے ہیں۔ پتے سادہ یا مرکب ہوتے ہیں۔ سائکس کی مرکب پتی کئی سالوں تک تنے سے جڑی رہتی ہے۔ جمنو اسپرم کی پتیاں ہر قسم کے موسم کو برداشت کرنے کی قوت رکھتی ہیں۔ کونیفرس(Conifers) درختوں کی پتیاں سوئی دار ہوتی ہیں تاکہ سطحی رقبہ کم سے کم تر ہو جائے اور ڈوبے ہوئے اسٹوماٹا اور کیوٹکل کی موٹی تہہ پانی کے نقصان کو کم کرنے میں مددگار ہوتی ہیں۔

جمنواسپرم ہیٹرواسپورس ہیں یعنی یہ دو طرح کے اسپورس بناتے ہیں۔مائیکرو اسپورس(Microspores) اور میگا اسپورس(Megaspores)۔ دونوں بذرے اسپورینجیا میں بنتے ہیں جو اسپوروفل پر ہوتے ہیں۔ یہ اسپوروفل ایک محور پر اسپائرل انداز میں مرتب ہوتے ہیں اور ایک مخروط (Cone) یا Strobiliبناتے ہیں۔ اس میں موجود مائیکرو اسپوروفل اور مائیکروا سپورینجیا کو مائیکرواسپورینجیسئٹ کہتے ہیں یا نر مخروط کہتے ہیں۔مائیکرواسپورس پھوٹنے کے بعد نرزواجی نسل کا آغاز کرتے ہیں۔ یہ بہت محدود اور خورد ہوتا ہے اور چند خلیوں پر مشتمل ہوتا ہے۔ اس خورد زواجی نسل کو پولین گرین کہتے ہیں۔یہ مائیکرواسپورینجیا میں ارتقا پذیر ہوتا ہے۔ مخروط جن میں میگااسپوروفل بیض دان (Ovule) کے ہمراہ ہوتے ہیں ان کو میگااسپورینجیسئٹ یا مادہ اسٹروبلی کہتے ہیں۔ یہ نر اور مادہ مخروط ایک درخت (پائنس) پر یا دو الگ الگ درختوں (سائکس)پر ہوسکتے ہیں۔ بیض دان میں موجود نیوسیلس میں میگا اسپورمدر خلیہ تخفیص ہوتا ہے۔ نیوسیلس کے چاروں طرف ایک علام اس کی حفاظت کرتا ہے اور اس پورے جسم کو بیض دان (Ovaule)کہتے ہیں۔ یہ بیض دان میگا اسپوروفل پر نمو پاتا ہے اور کئی میگا اسپوروفل مل کر مادہ مخروط (Cone) بناتے ہیں۔

3.5 انجیواسپرم (Angiosperms)