یہ نہ تھی ہماری قسمت کہ وصالِ یار ہوتا

اگر اور جیتے رہتے، یہی انتظار ہوتا

ترے وعدے پہ جیے ہم، تو یہ جان، جھُوٹ جانا

کہ خوشی سے مر نہ جاتے، اگر اعتبار ہوتا

کوئی میرے دل سے پُوچھے ترے تیرِ نیم کش کو

یہ خلش کہاں سے ہوتی، جو جگر کے پار ہوتا

یہ کہاں کی دوستی ہے کہ بنے ہیں دوست، ناصح

کوئی چارہ ساز ہوتا، کوئی غم گُسار ہوتا

ہوئے مر کے ہم جو رُسوا، ہوئے کیوں نہ غرقِ دریا

نہ کبھی جنازہ اٹھتا، نہ کہیں مزار ہوتا

ہم اپنے آس پاس کی دنیا سے ادبی تحریر کے موضوعات کا انتخاب کرتے ہیں۔ اس کے لیے ہمیں انسانوں، انسانی سماج،ماحولیات اور انسانی زندگی کے مسائل کے تئیں حساس ہونا لازمی ہے۔ ایک اچھا قلم کار بننے کے لیے ہمیں اچھا قاری بھی ہونا چاہیے کیوں کہ ایک اچھا قاری دوسروں کی تخلیقات کا مطالعہ اور تجزیہ کرکے ان پر ردّ عمل کا  اظہار کرتا ہے اور یہیں سے تخلیقی سفر کا آغاز ہوتا ہے۔ وہی قلم کار اچھا ہوتاہے جو مشاہدے کے بعد غور وفکر کرتا ہے، ردّ عمل ظاہرکرتا ہے، خیالات بُنتاہے اور صحیح موقع پر صحیح لفظ لکھتا ہے۔

واقعات و حادثات، خیالات وتجربات، تصورات ونظریات، علوم وفنون اور تفریح و معلومات سے متعلق تصدیق شدہ تحریر کو ’’ترسیلی تحریر‘‘ یا ’’میڈیا تحریر‘‘ کہتے ہیں۔ کچھ عرصے پہلے تک ترسیل کی دنیا اخبارات تک ہی محدود تھی۔ لیکن آج کے دور میں ترسیلی نظام پر الیکٹرانک میڈیا (Electronic Media)کا راج ہے۔ برقی مواصلات کا سفر ریڈیو سے شروع ہو کر ٹیلی ویژن، موبائل اور انٹرنیٹ تک پہنچ گیاہے۔

◊   انتظامی امور سے متعلق خبر

آج انفارمیشن ٹیکنالوجی کے دور میں دنیا نے ایک چھوٹے سے گاؤں کی شکل اختیار کرلی ہے۔ دنیا بھر کے لوگ انٹرنیٹ کے ذریعے ایک دوسرے سے براہِ راست رابطے میں ہیں۔مختلف ممالک میں ہزاروں زبانیں بولی جاتی ہیں۔ لوگ ایک دوسرے کی زبان سیکھنے اور معلومات کا تبادلہ کرنے میں دلچسپی لیتے ہیں۔ حقیقت یہ ہے کہ ایک دوسرے کی زبانیں سیکھے بغیر ہم ایک دوسرے کے خیالات، تہذیب وتمدن اور علم وادب سے واقف نہیں ہوسکتے۔ یہ بھی ممکن نہیں کہ ایک انسان دنیا کی تمام زبانیں سیکھ لے۔ اس لیے مختلف زبانیں بولنے والوں کے درمیان رابطے اور میل جول کے لیے ترجمے کا سہارا لینا ناگزیر ہوجاتا ہے۔ ترجمہ ہماری ترسیلی صلاحیتوں کو علاقائی یا قومی سطح سے اوپر اٹھاکرعالمی یا بین الاقوامی معیار کا بنادیتا ہے۔ ہم اپنی معلومات پوری دنیا تک پہنچاسکتے ہیں۔ اسی طرح دوسروں کے تجربات سے بھی فائدہ اٹھایا جا سکتا ہے۔ معلومات کا ذخیرہ روز بروز بڑھتا ہی جارہا ہے۔ ترجمے کا فن اس ذخیرے میں مزیدربط و تسلسل اور وسعت پیدا کردیتا ہے۔ دنیا کے ایک گوشے میں ہونے والی ایجاد ، تخلیق اورتحقیق پر دوسرے گوشے کے لوگ اپنی رائے دیتے ہیں اور اسے مزید آگے لے جاتے ہیں۔ اس پورے عمل میں ’’ترجمہ ‘‘ رابطہ کار کے فرائض انجام دیتا ہے۔ اگر جرمنی میں ہونے والی ایجاد سے متعلق معلومات یا ہندوستان میں تخلیق ہونے والے اردو ادب کا انگریزی میں ترجمہ نہیں کیا جائے تو اسے امریکہ اور برطانیہ کے لوگ نہیں سمجھ سکیں گے۔ مختصر یہ کہ انسان کے باہمی ربط ضبط اور ارتقا میں ترجمہ نہایت اہم کردار ادا کرتا ہے۔ آئندہ ابواب میں ہم تفصیل کے ساتھ ان کے بارے میں پڑھیں گے۔

سچن تندولکر کو ہمیشہ اعلیٰ توصیفی کلمات کے ساتھ یاد کیا جاتا رہا ہے اور ایک قومی آئیڈیل کا ہالہ اُن کے ارد گرد پھوٹتا نظر آتا ہے۔ اُن کی شخصیت اس امر کی درخشاں مثال رہی ہے کہ ذہن کی یکسوئی کن کامیابیوں کی ضمانت ہو سکتی ہے۔ بلاشبہ وہ باصلاحیت ہیں، لیکن انھوں نے ان صلاحیتوں کو خود نکھارا ہے اور اُن کے تئیں قومی ستائش اس لیے ہے کیونکہ انھوں نے اولوالعزمی کے ساتھ یہ راستہ دکھایا ہے۔

ایک اعلیٰ درجہ کے پیشہ ور کھلاڑی کے طور پر بیس برس گزارنا ہی اپنے آپ میں ایک بڑی کامیابی ہے اور انھیں ایک بار بھی ہندوستانی ٹیم سے نہیں نکالا گیا سوائے اس کے کہ چوٹ لگنے کے باعث اُنھوں نے خود ٹیم سے الگ رہنا پسند کیا ہو۔ یہ اُن کی باکمال مستقل مزاجی ہے جو اُن کے لاکھوں شائقین کو اُن کا گرویدہ بناتی ہے۔ ماہر موسیقار سچن دیو برمن کے نام پر رکھے گئے اُن کے نام سچن نے بلاشبہہ جاوداں ستائش کی قومی نغمگی کو چھیڑا ہے۔