(1773-1838)

ناسخؔ لکھنؤ میں پیدا ہوئے۔ ناسخؔ کو علم وادب کے علاوہ سِپاہیانہ فنون سے بھی دل چسپی تھی، لیکن وہ ان چیزوں سے زیادہ اپنی استادی کے لیے مشہورئے۔ ایسا خیال کیاجاتا ہے کہ ناسخؔ نے زبان اور فن میں بہت سی اصطلاحیں رائج کیں۔ ناسخؔ کو زمانے کے حالات سے مجبور ہوکر لکھنؤ سے کئی بار نکلنا پڑا۔ لیکن آخری ایام میں بڑی عزّت اور شہر ت سے گزرے ۔ 

ناسخؔ کو لکھنوی رنگِ سخن کا اُستاد تسلیم کیا گیا ہے، خیال بندی او رمضمون آفرینی ان کے کلام کی اہم خصوصیات ہیں ۔ ان کے کلام میں مختلف صنعتوں ، خاص طور پر رعایت لفظی کا استعمال زیادہ ہے۔ 

ناسخ ؔ کی شاعری کو عارم طو ر پر بے رنگ اور بے اثر کہا گیا ہے ۔ یہ بات ایک حد تک صحیح ہے لیکن اس کی وجہ دراصل یہ ہے کہ انھوں نے شاعری کا وہ انداز اپنایا جسے ’’ خیال بندی ‘‘ اور ’’ مضمون آفرینی‘‘ کہتے ہیں۔ ناسخؔ کا یہ انداز ان کے زمانے میں مقبول ہوا۔ ممکن ہے کہ غالب نے بھی ناسخ کا تھوڑا بہت اثر قبول کیا ہو، لیکن چوں کہ ناسخ نئی اور بھونڈی بات میں فرق نہ کرسکتے تھے اس لیے ان کا زیادہ تر کلام بے مزہ معلوم ہوتا ہے ، پھر بھی ایسا نہیں ہے کہ ناسخ کو نظر انداز کرنا ممکن ہو ۔ ان کی بہترین شاعری اردو ادب کے سرمائے کا قیمتی حصّہ ہے ۔ 

جُنوں پسند مجھے چھاؤں ہے ببولوں کی 

عجب بہار ہے ان زرد زرد پھولوں کی 

اگرچہ آئی ہے برسات پھول پھولے ہیں 

                                                                   ( شیخ امام بخش ناسخؔ لکھنوی)

                            مشق 

سوالات