(1846-1921)

سید اکبر حسین رضوی نام، اکبر تخلص تھا۔ بارہ ، ضلع الہ آباد میں پیدا ہوئے۔ ابتدائی تعلیم گھر پر اپنے والد سے حاصل کی ۔ پہلے مکتب اور پھر جمنامشن اسکول میں داخل ہوئے ۔ ملازمت کی ابتدا عرضی نویسی کی حیثیت سے کی ۔ 1837میں ہائی کورٹ کی وکالت کا امتحان پاس کرکے وکالت کا پیشہ اختیار کیا۔ اس کے بعد سب جج اور سیشن جج مقرر ہوئے۔ 

اکبر کو شاعری کا شوق بچپن سے تھا۔ شاعری کی ابتدا غزل گوئی سے کی۔ ان کی انفرادیت طنزیہ ومزاحیہ شاعری میں نظرآتی ہے۔ یہی ان کی شہرت کا سبب بنی۔ انھوں نے شاعری کو اصلاحِ قوم کے ایک موثر ہتھیار کے طور پر استعمال کرتے ہوئے انگریزی تعلیم کے منفی اثرات اور انگریزی تہذیب کی اندھی تقلید پر بھر پور وار کیے۔ وہ مشرقی تہذیب کے دل دادہ تھے۔ اسی لیے مذہبی اورتہذیبی روایات سے نئی نسل کی بے گانگی ، نوجوانوں کی بے راہ روی ، عورتوں کی بے جا آزادی خاص طور پر اکبرکے طنزکا نشانہ بنی۔ اکبر تعلیم ِ نسواں کے حامی تھے۔ انھوں نے عام بول چال کے لفظوں کو نہایت دل آویزی اورفن کارانہ انداز میں استعمال کیا ہے ۔ انگریزی الفاظ سے بھی کاخاطر خواہ فائدہ اٹھایا ۔ اکبر کا کلام ’کلیات اکبر ‘ کے نام سے چار حصوں میں شائع ہوچکا ہے۔ شاعری میں طنز ومزاح کی روایت کے پس منظر میں اکبر کانام سب سے زیادہ نمایاں اور ممتاز ہے۔ ان کی شاعرانہ عظمت کا اعتراف سب نے کیا ہے ۔ 

سر میں شوق کا سودا دیکھا

دہلی کو ہم نے بھی جا دیکھا 

جو کچھ دیکھا اچھا دیکھا

کیابتلائیں کیا کیا دیکھا

                                       ( اکبر الہ آبادی )

                  مشق 

سوالات