ایشیا اینڈ پیسیفک کے کلیدی اشارے، 2016، ایشین ڈیولپمنٹ بینک ، فلپائن؛ ورلڈ ڈیولپمنٹ انڈیکیٹرس، 2018

جبکہ بہت سے ترقی یافتہ ممالک 5 فی صد کی شرح نمو کو برقرار رکھنا بھی مشکل پاتے ہیں وہیں چین تو دو دہوں سے زیادہ عرصے سے تقریباً دو عددی نمو برقرار رکھنے کا اہل تھا جیسا کہ جدول 10.2 سے دیکھا جاسکتا ہے۔ یہ بھی غور کرنے کی بات ہے کہ 1980 کے دہے میں پاکستان ہندوستان سے آگے تھا؛ چین کا نمود وعددی تھا اور ہندوستان نچلی سطح پر تھا۔ 17-2015 کے دہے میں پاکستان اور چین کے شرح نمو میں حاشیائی کمی پیدا ہوئی جبکہ ہندوستان میں غیر معمولی ترقی دیکھی گئی۔ کچھ دانشورپاکستان میں  شروع کیے اصلاحی عمل اور سیاسی عدم استحکام کو اس رجحان کی وجہ گردانتے ہیں۔ ہم بعد کے سیکشن میں اس رجحان کے بارے میں مزید مطالعہ کریں گے کہ ان ممالک میں اس رجحان میں کون سے سیکٹر نے اشتراک کیاہے۔

کار تیار شدہ گاڑی سیمنٹ، الیکٹرانکس ، انجیرنگ درلت، فوڈ پروسسنگ

تیل اور گیس، کپڑوں کی صنعت لوہا اور اسٹیل

ایسے سوالات پر بات چیت کرنے  یا ان پر رائے قائم کرنے میں بہرحال حتمی رائے کے ساتھ اوپر دیئے گئے انسانی ترقیاتی اظہاریوں کے استعمال کرنے پر بھی غور کرنا چاہیے۔ ایسا اس لیے ضروری ہے کیونکہ یہ نہایت اہم اظہار یے ہیں لیکن یہ کافی نہیں ہیں۔ ان کے علاوہ ہمیں ضرورت ایسے اظہاریوں کی ہے ہم جنھیں  آزادی کے اظہاریئے کہہ سکتے ہیں۔ ایساایک اظہاریہ ہے۔ دراصل سماجی اور سیاسی فیصلہ سازی میں جمہوری شرکت کی حد کی پیمائش کے طور پر دراصل شامل کر لیا گیا ہے۔ لیکن اسے کو ئی زائد وزن نہیں دیا گیا ہے۔ ابھی تک آزادی کے واضح اظہاریوں کو جیسے شہریوں کے حقوق کی آئینی حد یا عدلیہ کی خود مختاری اور قانون کی بالا دستی کے آئینی تحفظ کی حد شامل نہیں کیئے گئے ہیں۔ ان کواور کچھ دیگر فہرست میں  نمایاں طور پر شامل کئے بغیر مقدم اہمیت دیے انسانی ترقیاتی اشاریہ کو ادھورا کہا جاسکتا ہے اور اس کی افادیت محدود ہوگی ۔

کسی ملک کی ترقیاتی حکمت عملیوں کو دوسروں کے لیے نمونے کے طور پر اورخود اپنی رہ نمائی اور ترقی کے لیے سمجھنا ایک عام بات ہے۔ دنیا کے مختلف حصوں میں اصلاحی عمل کے شروع کیے جانے کے بعد یہ خاص طور پر ظاہر ہے۔ ہمارے پڑوسی ملکوں کی معاشی کارکردگی کو دیکھنے کے سلسلے میں یہ ضروری ہے کہ ان کی کامیابیوں اور ناکامیوں کی بنیادوں کو سمجھا جائے۔ یہ بھی ضروری ہے ان کی حکمت عملیوں کے درمیان فرق اور تضاد کو بھی سمجھا جائے۔ اگرچہ مختلف ممالک اپنے ترقیاتی مراحل مختلف طور پر انجام دیتے ہیں لیکن ہم اصلاحات کی ابتدا کو حوالے کے نکتے کے طور پر لے سکتے ہیں۔ ہم جانتے ہیں کہ چین میں 1978 میں، پاکستان میں 1988 اور ہندوستان میں 1991 میں اصلاحات کی شروعات کی گئی تھیں۔ آئیے اب اصلاحات سے پہلے اور بعد کے دور میں ان کی کامیابیوں اور ناکامیامیوں کا مختصر جائزہ لیں۔

چین نے ساختی اصلاحات 1978 میں کیوں شروع کیں؟ چین کی عالمی بنک اور بین الاقوامی مالیاتی فنڈ (IMF) کے حکم پراصلاحات لانے کے لیے کوئی مجبوری نہیں تھی جیسا کہ ہندوستان اور پاکستان کے ساتھ تھا۔ چین میں اس وقت نئی قیادت ماؤ کی حکمرانی کے تحت شرح نمو کی دھیمی رفتار اور جدیدکاری کی کمی کے سبب خوش نہیں تھی۔ انھوں نے محسوس کیا معاشی ترقی کے لیے لا مرکزیت، خود کفالت اور غیر ملکی ٹکنالوجی، اشیاء اور پونجی سے متعلق ماؤ کا نظریہ ناکام ہواہے (آگے کی طرف عظیم جست) (The Leep Forward) وسیع زمینی اصلاحات، اور دیگر اقدامات کے باوجود 1978 میں فی کس اناج کی پیداوار وہی تھی جو کہ 1950 کے دہے کے وسط میں تھی۔

 یہ پایا گیا کہ صحت اور تعلیم کے میدانوں میں بنیادی ڈھانچوں کو قائم کرنے میں زمینی اصلاحات لامرکزی منصوبہ بندی کی طویل مدتی موجودگی اور چھوٹے کاروباری اداروں کی موجودگی مابعد اصلاحات کی مدت میں سماجی اور آمدنی کے اشاریوں کو بہتر بنانے میں مددگار ثابت ہوئی۔ اصلاحات کی شروعات سے قبل دیہی علاقوں میں بنیادی طبی خدمات کی بڑے پیمانے پر توسیع پہلے ہی کرلی گئی تھی۔ کمیون نظام کے ذریعہ اناجوں کی تقسیم زیادہ منصفانہ تھی۔ ماہرین یہ بھی بتاتے ہیں کہ ہر اصلاحی قدم پہلے چھوٹے پیمانے پر لاگو کیا گیا ااور اس کے بعد بڑے پیمانے پر اس کی توسیع کی گئی۔ حکومت میں غیر مرکوزیت کے تحت تجربے کے عمل کے ذریعہ کامیابی یا ناکامی کی معاشی، سماجی اور سیاسی قیمت کا جائزہ لینے میں حکومت اہل ہوئی۔ مثال کے لیے جب زراعت میں اصلاحات عمل میں لائی گئیں، جیسا کہ پہلے بتایاجاچکا ہے، قطعہ آراضی کو کاشتکاری کے لیے افراد کو سونپ دیا گیا تھا اس سے غریب لوگوں کی بڑی تعداد خوشحال ہوئی۔ اس سے آگے چل کر دیہی صنعتوں میں مظہری نمو اور مزید اصلاحات کے لیے مضبوط معاون بنیاد تیار کرنے کا سازگار ماحول تیار ہوا۔ دانشور ایسی  بہت سی مثالوں کا حوالہ دیتے ہیں کہ اصلاحات  کے سبب چین میں  کس طرح تیز رفتار فروغ ہوا۔

ماہرین دلیل دیتے ہیں کہ پاکستان میں اصلاحی عمل سے تمام معاشی اشاریوں میں ابتری پیدا ہوئی۔ ہم نے پہلے کے ایک سیکشن میں دیکھا کہ 1980 کے دہے کے مقابل GDP کی شرح نمو میں اب تک کوئی اصلاح نہیں ہوئی ہے

اگرچہ پاکستان کے لیے بین الاقوامی خط غربت کا ڈیٹا کافی صحت مند رہا ہے لیکن ماہرین پاکستان کے سرکاری اعداد وشمار کو استعمال کرتے ہوئے وہاں  بڑھتی ہوئی غربت کی طرف اشارہ کرتے ہیں۔ 1960 کے دہے میں غریبوں کا تناسب 40فی صدی تھا جو 1980کے عشرے میں گھٹ کر 25فی صدی ہوگیا تھا لیکن 1990کے عشرے میں پھر بڑھنا شروع ہوا ۔ پاکستانی معیشت کی نمو میں گراوٹ اور غریبی کے از سرنو ابھرنے کے لیے ماہرین درج ذیل اسباب دیتے  ہیں۔ (i) زراعتی اور غذا کی رسد کی صورتحال تکنیکی تبدیلی کے ادارہ جاتی عمل پر مبنینہ ہوکر اچھی فصل پر تھی۔ جب فصل اچھی ہوتی تب معیشت اچھی حالت میں ہوتی جب نہیں تب معاشی اظہاریے جمود یا منفی رجحان دکھاتے تھے۔ (ii) آپ کو یاد ہوگا کہ ہندوستان کو IMF اور عالمی بینک سے اپنی ادائیگیوں کے بحران سے نکلنے کے لیے قرض لینا پڑاتھا؛ کسی ملک کے لیے زرمبادلہ ایک اہم جز ہے اور یہ جاننا اہم ہے کہ یہ کس طرح کمایا جاسکتا ہے۔ اگر کوئی ملک مصنوعاتی اشیاء کی پائیدار برآمد کے ذریعہ اپنے غیر ملکی زرمبادلہ بڑھانے کا اہل ہے تب فکر کی ضرورت نہیں ہے۔ پاکستان میں زیادہ تر زرمبادلہ مشرق وسطیٰ میں پاکستانی ورکرس کے ذریعہ بھیجی گئی رقم اور نہایت ناپائے دار زراعتی اشیاء کی برآمدات سے حاصل ہوتی تھی۔ جہاں ایک طرف غیر ملکی قرضوں پر بھی انحصار بڑھ رہا تھا وہیں دوسروں کو قرض واپس ادا کرنے کی  پریشانی بھی بڑھ رہی تھی۔

البتہ پچھلے چند برسوں میں پاکستان نے اپنی اقتصادی نمو کو بحال کیا ہے اور اسے برقرار رکھا ہے۔18-2017 میں سالانہ منصوبہ 20-2019 میں رپورٹ پیش کی گئی ہے کہ GDP میں 4.7 فی صد کی شرح نمو درج کی گئی جو پچھلے آٹھ برسوں کے مقابلے سب سے زیادہ ہے۔ اگرچہ زراعت کے شعبے میں نمو اطمینان بخش سطح سے بہت کم رہی لیکن صنعت اور خدمات کے شعبوں میں بالترتیب 4.9  فی صد اور5.7 فی صد کی ترقی ہوئی۔ دیگر کئی میکرواکنامک اشاریوں سے بھی مستحکم اور مثبت رجحان کا اظہار ہوتا ہے۔

ہم اپنے پڑوسیوں کے ترقیاتی تجربات سے کیا سیکھ رہے ہیں؟ ہندوستان، چین اور پاکستان نے مختلف نتائج کے ساتھ پچھلے پانچ دہوں سے زیادہ عرصے کی ترقی کی راہ طے کی ہے۔ 1970 کے دہے کے آخر تک یہ سبھی کم یکساں طور پر  ترقی کی سطح پر تھے۔ پچھلے تین دہوںمیں یہ تینوں ملک مختلف سطحوں پر پہنچ گئے ہیں۔ جمہوری اداروں کی موجودگی میں ہندوستان نے معتدل کارکردگی انجام دی ہے لیکن اس کی آبادی کی اکثریت اب بھی زراعت پر منحصر ہے۔ ملک کے بہت سے حصوں میں بنیادی ڈھانچوں کا فقدان ہے۔ اسے ا بھی اپنی آبادی کے ایک چوتھائی لوگوں سے زیادہ کے معیار زندگی کو بڑھانا ہے جو کہ خط غریبی کے نیچے رہتے ہیں۔ دانشوروں کی رائے ہے کہ سیاسی عدم استحکام، زراعتی سیکٹر کی ناپائیدار کارکردگی کے ساتھ ترسیل رقم اور غیر ملکی امداد پر ضرورت سے زیادہ انحصار، پاکستانی معیشت کی سست رفتاری کی وجہ ہے۔ پھر بھی ماضی قریب میں GDP نمو کی اونچی شرح کو قائم رکھنے کے ذریعہ صورتحال میں بہتری کی امید ہے۔ البتہ پچھلے تین برسوں کے دوران کئی میکرو اکنامک اشاریوں سے مثبت اور اونچی شرح نمو کا اظہار ہوتا ہے جس سے پتہ چلتا ہے کہ مثبت بحال ہو رہی ہے۔ چین میں سیاسی آزادی کا فقدان اور انسانی حقوق پراس کے اثرات ایک بڑا معاملہ ہے۔ تاہم پچھلے دہوں میں چین سیاسی وعدوں سے محروم ہوئے بغیر، مارکیٹ سسٹم یعنی کھلی منڈی کی معیشت کا استعمال کرتا رہا اور انسداد غریبی کے ساتھ ساتھ شرح نمو کے اضافے میں کامیاب رہا ہے۔ آپ غور کریں گے کہ ہندوستان اور پاکستان کے برعکس جو کہ اپنے پبلک سیکٹر انٹرپرائزز کی نجی کاری کی کوشش کررہے ہیں چین نے اضافی سماجی اور معاشی مواقع کی تخلیق کرنے میں بازار کی میکانیت کا استعمال کیا ہے۔ زمین کی اجتماعی ملکیت کو برقراری اور قابل کاشت زمینوں کی انفرادی کاشت کی منظوری کے ذریعہ چین نے دیہی علاقوں میں سماجی تحفظ کو یقینی بنایا ہے۔ اصلاح سے قبل بھی سماجی بنیادی ڈھانچہ فراہم کرنے میں سرکاری مداخلت سے چین میں انسانی ترقی کے مثبت نتائج رونما ہوئے ہیں۔

مشقیں

مجوزہ اضافی سرگرمیاں

---

کتابیں

مضامین

حکومتی رپورٹیں

 ویب سائٹیں