چوں کہ دنیا 24 وقتی منطقات میں منقسم ہے، اس لیے ایک ایسی جگہ ہونی چاہیے جہاں دنوں میں فرق کیا جاسکے،کوئی ایسی جگہ جہاں زمین پردن حقیقت میں’’شروع‘‘ہوتا ہے۔ 180o طول البلد کا خط تقریباً وہ جگہ ہے جہاں سے بین الاقوامی خط تاریخ گزرتی ہے۔اس طول البلد پر وقت 0o طول البلد سے ٹھیک 12 گھنٹے کے فرق پر ہوتا ہے،اس بات کا خیال کیے بغیر کہ کوئی اولین دائرہ نصف النہار سے مغرب کی طرف جاتا ہے یا مشرق کی طرف۔ہم جانتے ہیں کہ اولین دائرہ نصف النہار سے مشرق کی طرف وقت زیادہ ہوتا ہے اور مغرب کی طرف کم ہو تا ہے۔اس طرح اس شخص کے لیے جو اولین دائرہ نصف النہار سے مشر ق کی طرف چلتا ہے تو 0o طول البلد کے وقت کی بہ نسبت 12 گھنٹے کم ہوگا۔اور دوسرے شخص کے لیے جو مغرب کی طرف جاتا ہواولین دائرہ نصف النہار سے وقت 12 گھنٹے زیادہ ہوگا۔مثال کے طورپر جو شخص منگل کے دن مشرق کی طرف چل رہا ہے بین الاقوامی خط تاریخ کو پارکرنے پر بدھ شمار کرے گا اور دوسرا شخص جو اپنا سفر اسی دن شروع کررہا ہے لیکن مغرب کی طرف جارہا ہے تو بین الاقوامی خط تاریخ کو پار کرنے پرپیر شمار کر ے گا۔

1۔ درج ذیل سوالوں کے جواب تقریباً 30 الفاظ میں دیں:

(i) زمین پر حوالہ کے لیے دوقدرتی نقطے کون سے ہیں؟

(ii) دائرہ عظیم کیا ہے؟

(iii)  محدد کیا ہیں؟

(iv)  سورج مشرق سے مغرب کی طر ف چلتا ہوا کیوں نظرآتا ہے؟

(v)  مقامی وقت سے کیا مراد ہے؟

2۔ عرض البلد اور طول البلد میں فرق واضح کیجیے:

عملی کام  

1۔  اٹلس کی مدد سے مندرجہ ذیل مقامات کا محل وقوع معلوم کیجیے اور ان کا عرض البلد اور طول البلد لکھیے:

مقام عرض البلد طول البلد

(i) ممبئی

(ii)  ولادی ووستوک

(iii) قاہرہ

(iv)  نیویارک

(v) اوٹاوہ

(vi) جنیوا