گیت ہندی شاعری کی ایک صنف ہے جو اردو میں بھی بہت مقبول ہے۔گیت کی زبان سادہ اور عام فہم ہوتی ہے۔ عام طور پر گیت میں مقامی زندگی کو موضوع بنایا جاتا ہے۔ گیتوں کا تعلق موسموں،فصلوں اور مختلف رسموں سے ہے۔شادی بیاہ کے گیت بہت مقبول ہیں۔ زبان اور آہنگ کے اعتبار سے گیت میں دل کے تاروں کو چھو لینے والی کیفیت ہوتی ہے۔ گیت صرف لکھے اور پڑھے ہی نہیں جاتے رہے ہیں بلکہ وہ سینہ بہ سینہ ایک نسل سے دوسری نسل کو منتقل بھی ہوتے رہے ہیں۔گیت کی فضا رومانی ہوتی ہے۔موسموں کے رنگ،پیارکی ترنگ، زندگی کی چھوٹی چھوٹی خوشیاں، الجھنیں اور معاشرے کے مختلف روپ، یہ تمام چیزیں مل کر گیت کی ست رنگی دھنک بناتے ہیں۔

اُردو میں ایسے بے شمار گیت ہیں جو ہر جگہ گائے جاتے ہیں۔ اُردو کے گیت نگاروں میں عظمت اللہ خاں،اختر شیرانی، حفیظ جالندھری، آرزو لکھنوی، شاد عارفی، میرا جی ، مخدوم ،سلام مچھلی شہری ،راجہ مہدی علی خاں ، قتیل شفائی،جمیل الدین عالی،   ندا فاضلی اور زبیر رضوی وغیرہ کے نام قابلِ ذکر ہیں۔

حفیظؔ جالندھری

(1900-1982)