2.1 آزادی کے مثالی نمونے  The ideal of Freedom

آزادی کی جدوجہد سے متعلق ایک اور مثال ہمارے سامنے ہے۔ ملک میانمارکی ’آنگ سان سو کی‘ ایک خاتون ، بابائے قوم مہاتما گاندھی کے فلسفہ عدم تشدد سے بے حد متاثر ہوئیں۔ آنگ سان سو کی کو اپنے وطن اور اپنے ہی گھر میں نظر بند کر کے رکھا گیا ۔ سوکی کو اپنے بچوں سے بھی جدا رکھا گیا ۔ یہاں تک کہ جب سو کی کے شوہرکینسر کے مرـض میں مبتلا ہو کر موت سے لڑ رہے تھے تب سوکی کو ڈر لاحق تھاکہ اگر وہ اپنے شوہر سے ملنے برطانیہ گئیں تو پھر میانمار واپس ا ٓنا ممکن نہ ہو گا۔ آنگ سان سوکی اپنی آزادی کو اپنے ملک کے لوگوں کی آزادی سے جوڑ کر دیکھتی تھیں، اپنی کتاب ’’فریڈم فرام فیئر‘‘ (خوف سے آزادی) نامی کتاب میں وہ کہتی ہیں،’’ میرے نزدیک حقیقی آزادی کا مطلب خوف سے آزادی ہے، خوف سے آزاد ہو ئے بغیر آپ باعزت زندگی نہیں گزار سکتے‘‘۔ یہ وہ اہم خیالات ہیں جو ہمیں ایک لمحہ کے لیے سوچنے پر مجبور کر دیتے ہیں۔ سوکی کا خیال تھا کہ ہم جو کچھ کرنا چاہتے ہیں اس کے لیے ہمیں نہ تو دوسرے لوگوں کے افکار و نظریات سے ڈرنے کی ـضرورت ہے اور نہ ہی حکمرانوں کی حکمرانی سے اور نہ ہی دوسرے لوگوں کے طعن و تشنیع سے اندر ہی اندر گھٹنے کی ضرورت ہے۔ ان سب کے باوجود اکثر ہم خوفزدہ نظر آتے ہیں۔ اس لیے سوکی کہتی تھیں کہ ’ایک باعزت اور با وقار زندگی ‘گزارنے کے لیے ضروری ہے کہ پہلے ہم خوف پر فتح پائیں۔

آزادی کیا ہے،اس سوال کا سیدھا اور آسان جواب ہے کہ پابندی کا نہ ہونا، آزادی کی اس تعریف کی روشنی میں اگر کسی شخص پر خارجی پابندیاں یا دباو نہ ہو اور وہ اپنے معاملات پر آزادانہ طور سے فیصلہ کر سکتا ہو اور ان معاملات میں وہ خود مختار ہو تو ایسے شخص کو آزاد تسلیم کیا جا سکتا ہے۔ لیکن خارجی پابندیوں اور دباو کا نہ ہونا آزادی کا صرف ایک پہلو ہے ۔ آزادی کا دوسرا پہلو فرد کو اپنی صلاحیتوں کو اجاگر کرنے اور اسکے اندر چھپے امکانات کو فروغ دینے کے مواقع کاہے۔ آزادی کے اس پس منظر میں آزادی ان پہلووں کا نام ہے جس میں لوگ اپنے اندر چھپی لیاقتوں و تخلیقی صلاحیتوں کو فروغ دے سکیں۔

آزادی کے یہ دونوں پہلو،یعنی باہری دباو یا حدبندیوں کا نہ ہونا دوسرے ایسی شرطوں یا پابندیوں کا ہونا جس میں لوگ اپنی صلاحیتوں کو فروغ دے سکیں بہت اہم سمجھے جاتے ہیں، ایک آزاد معاشرہ وہ ہے جس میں معاشرہ کا ہر فرد اپنی تمام تر صلاحیتوں کو بروئے کار لانے میں خود مختار ہو اور اس راہ میں کم سے کم سماجی پابندیاں اس پرعائد ہوں۔

ہم ایک ایسی دنیا میں نہیں رہ سکتے جہاں کوئی پابندی یا حدبندی نہ ہو۔ کچھ نہ کچھ پابندیوں کی ضرورت تو پڑتی ہی ہے۔ ورنہ سماج بدنظمی کا شکار ہو سکتا ہے۔ لوگوں کے درمیان ان کے مختلف افکار و نظریات کی وجہ سے ٹکراو بھی ہوسکتا ہے،ان کے مقاصد ایک دوسرے سے جدا بھی ہو سکتے ہیں۔ اور محدود وسائل کی وجہ سے ان میں مقابلہ آرائی بھی ہوسکتی ہے، سماج میں ناا تفاقیاں اور ٹکراو پیدا ہونے کی کئی مختلف وجوہات ہوتی ہیں جن کا اظہار بذات خودجھگڑے کی شکل میں ہوسکتا ہے۔ یہی وجہ ہے کہ ہم ہر جانب چھوٹے بڑے اختلافات پر لوگوں کو آپس میں جھگڑتے ہوئے دیکھتے ہیں۔ مثلاً سڑک پر گاڑی چلاتے وقت معمولی معمولی باتوں پر غصہ دکھانا، گاڑی کھڑی کرنے کے لیے جگہ نہ ملنے پر جھگڑا کرنا، زمین یا دکان کے لیے لڑائی کرنا، کسی خاص فلم کو نہ دکھائے جانے پر تشدد پر آمادہ ہو جانا، جیسے مختلف مسائل کا سامنا ہوتا رہتا ہے، پھر یہی جھگڑے اور تشدد آگے چل کر بڑے جھگڑے کی شکل اختیار کرلیتے ہیں جس کے نتیجے میں بڑی تعداد میں عوامی نقصانات ہوتے ہیں اور یہاں تک کہ لوگوں کی جانیں بھی چلی جاتی ہیں۔ اس لیے ہر سماج کو تشدد پر قابو پانے اور جھگڑوں کو ختم کرانے کے لیے کوئی نہ کوئی طریقۂ کار اپنانے کی ضرورت پڑتی ہے۔ ایسا اسی وقت ممکن ہوسکتاہے جب ہم ایک دوسرے کے جذبات و خیالات کا احترام کریں اور اپنے افکار و نظریات کو دوسروں پر زبردستی نہ تھوپیں، ہم اپنے حدود میں رہتے ہوئے آزادی کے ساتھ زندگی بسر کر سکتے ہیں۔ ایک مثالی اور آزاد معاشرہ وہی کہلاتا ہے جس میں ہرفرد اپنے افکار و نظریات پر قائم رہ سکے،زندگی گزارنے کے اپنے طریقوں کو فروغ دے سکے اور اپنی پسند و ناپسند پر عمل کرنے کے لیے وہ خود مختار ہو۔  

لیکن اس مثالی معاشرہ کی تشکیل کے لیے بھی کچھ حدود متعین کرنے کی ضرورت ہوتی ہے۔ کم سے کم حد یہی ہوگئی ہے کہ ہم تمام لوگوں کے جذبات و خیالات کا احترام کریں۔ ان کے مذہبی جذبات و ا عتقاد کا بھی احترام کریں۔ ان سب کے باوجود کبھی کبھی ہمارے اندر یہ احساس پیدا ہو سکتا ہے کہ ہم اپنے عزائم و مقاصد کی تکمیل میں ان تمام حدبندیوں کی مخالفت کر یں جو ہمارے مقاصد‘ عقیدے اور افکار و نظریات کی راہ میں حائل ہوں اور ہمیں دوسروں کے افکار و نظریات و طرز معاشرت ناپسند اور ناقابل قبول ہوں۔ اس صورت میں کچھ ایسے قوانین اور سیاسی پابندیوں کی ضرورت ہوتی ہے جس میں اس بات پر زور دیا جائے کہ اختلافات کو بات چیت سے ہی دور کیا جائے اور اس بات کو ملحوظ رکھا جائے کہ کوئی فرد یا گروہ دوسروں پر اپنی مرضی کو زبردستی نہ تھوپ سکے۔ لیکن حالات سازگار نہ ہونے کی صورت میں ہمیں کسی کے خیالات سے اتفاق کرنے اور اس پر متحد ہونے کے لیے تابع بھی بنایا جا سکتا ہے ۔ ایسی صورت میں ہمیں اپنی آزادی کو بچانے کے لیے قانونی مدد کی مزید ضرورت ہوتی ہے۔

بہرکیف اہم سوال یہ ہے کہ آزادی پر کون سی پابندی ضروری اور مناسب ہے اور کون سی نہیں؟ کون سی حکومت یقین کے ساتھ یہ کہہ سکتی ہے کہ کیا کیا جا سکتا ہے اور کیا نہیں؟ کیا ہماری زندگی کے کچھ ایسے پہلو ہیں جنھیں تمام خارجی پابندیوں سے آزاد چھوڑ دیا جانا چاہیے۔

2.4  ناقابل عمل اصول HARM PRINCIPLE 

’’اصول یہ ہے کہ کسی کام کو انفرادی یا اجتماعی طور سے کرنے کی آزادی میں مداخلت کا واحد مقصد خود کو محفوظ رکھنا ہے‘ مہذب سماج میں فرد کی مرضی کے خلاف طاقت کے استعمال کا مقصد کسی دوسرے کو نقصان پہنچانے سے روکنا ہے۔

لوگوں کو انسانی زندگی گزارنے کے مختلف طریقوں،افکار و نظریات،مفادات اور دلچسپیوں کو تب تک برداشت کرنا چاہیے جب تک وہ دوسروں کو نقصان نہ پہنچائیں اور دوسروں کی آزادی میں مخل نہ ہوں۔ لیکن اپنے صبر و تحمل اور قوت برداشت کو اس حد تک نہ بڑھنے دیں جس سے دوسروں کی آزادی کو خطرہ پیدا ہو جائے اور معاشرہ میں نفرت و عداوت کا ماحول پنپنے لگے۔

نفرت پھیلانے سے باز رکھنے کی مہم میں زیادہ نقصان دہ کاموں پر پابندیاں عائد کی جا سکتی ہیں لیکن ہمیں یہاں اس بات کا خیال رکھنا ہوگا کہ یہ پابندیاں اتنی سخت نہ ہوں کہ آزادی کا مطلب ہی فوت ہو جائے۔ مثال کے طور پر اگر کسی نے کسی کے خلاف نفرت پھیلائی ہے تو ہمیں ایسے شخص کے خلاف عمر قید کی سزا کا مطالبہ نہیں کرناچاہیے، اگر حکومت کی جانب سے متنبہ کئے جانے کے باوجود غیرسماجی کاموںیا نفرت پھیلانے سے باز نہیں آتا ہے تو اس کے حرکات و سکنات اور اس کے دیگر معمولات پر کچھ پابندیاں ضرور لگائی جا سکتی ہیں یا عوامی جلسہ جلوس میں اس کی شرکت پر کچھ پابندی لگائی جا سکتی ہے۔

ہندوستان کی آئینی بحثوں میں اس قسم کی پابندیوں کے لیے ’مناسب پابندیوں ‘کی اصطلاح کا استعمال کیا گیا ہے ۔اس کا مطلب یہ ہے کہ پابندی توہو ،لیکن معقول ہو، اس میں زیادتی نہ ہو کیوںکہ یہ معاشرہ میں آزادی کی عام فضاسے متصادم ہو سکتی ہے۔ ہمیں پابندی لگائے جانے کے رجحان کو زیادہ بڑھاوا نہیں دینا چاہیے کیوں کہ اس قسم کے رجحان آزادی کے تصور کے لیے مضر ہیں۔

2.5  مثبت اور منفی آزادی

انسان کو اپنی صلاحیتوں کو فروغ دینے کے لیے مادی، سیاسی اور سماجی وسائل سے مثبت انداز میں خاطر خواہ فائدہ اٹھانا چاہیے تاکہ وہ غربت اور بے روزگاری سے بچ سکے۔ اپنی خواہشات اور اپنی ضرورتوں کو پورا کرنے کے لیے اس کے پاس مادی وسائل کا ہونا بھی ضروری ہے۔ فیصلہ سازی کے عمل میں ان کو بھی شرکت کا موقع دیا جائے تاکہ قانون سازی کے وقت اس کی پسند و ناپسند اور ضرورتوں کی بھی ملحوظ خاطر رکھا جا سکے۔ ان سب سے بالا تر،انسان کی تعلیم و ذہنی نشو و نما کی غرض سے افراد کی پہنچ ان مواقع تک ہونی چاہیے جس کے ذریعہ وہ ایک معقول زندگی بسر کر سکیں۔

اظہار خیال کی آزادی

مشقیں (Exercise)