ایک یک دھاگی ڈی این اے یا آر این اے کو ریڈیو ایکٹو سالمے (پروب) سے ملا کر خلیے کے کلون کے کامپلمینٹری ڈی این اے سے ہابریڈائز کرایا جاتاہے اور اس کے بعد آٹوریڈیو گرافی کے ذریعے پتہ لگایا جاتاہے۔ جس کلون میں تبدیل شدہ جین ہوگا وہ فوٹو گرافک فلم میں نظر نہیں آئے گا، کیونکہ پروب میں اور میوٹیڈڈ جین میں باہم مطابقت نہیں ہوتی۔

ELISA یا الائی زا کی بنیاد اینٹی جن۔ اینٹی باڈی کے مابین عمل اصول پر منحصر ہے۔ پیتھوجن کے انفیکشن کو اینٹی جن پروٹینز، گلائکو پروٹینز وغیرہ کی موجودگی کی بناء پر معلوم کرتے ہیں یا پیتھوجن کے خلاف تالیفی اینٹی باڈیز کی موجودگی کا انکشاف کرکے کرتے ہیں۔

وہ جانور جن کا ڈی این اے اس طرح سے تبدیل کیاگیا ہو کہ وہ اضافی (بیرونی) جین رکھتے ہوں اور ان کا اظہار کرتے ہوں ٹرانسجینک جانور کہلاتے ہیں۔ ٹرانسجینک چوہے، خرگوش، سور، بھیڑ، گائے اور مچھلی بنائے جاچکے ہیں۔ گو کہ تمام ٹراسنجینک جانوروں میں چوہوں کی تعداد 95 فیصدی ہے۔ یہ جانور کیوں بنائے جارہے ہیں؟ اس طرح کی تبدیلیوں سے انسان کو کیا فوائد پہنچ سکتے ہیں؟ آئیے اب ذرا کوشش کریں اور کچھ عام وجوہات کو تلاش کریں:

(i) نارمل فعلیات اور نمو: ٹرانسجینک جانوروں کو مخصوص طریقے سے ڈیزائن کیا جاسکتا ہے تاکہ ہم مطالعہ کرسکیں کہ جین کی کس ضابطگی ہوتی ہے اور کس طرح وہ جسم کے عام کاموں اور نمو کو متاثر کرتے ہیں مثلاً پیچیدہ اسباب کا مطالعہ جن میں انسولین کی طرح کے گروتھ فیکٹر نمو میں ملوث ہیں۔ دوسری نوع کے جنیز کو داخل کرکے جو اس فیکٹر کے بننے میں تبدیلی لاتے ہیں اور اس کے نتیجے میں ظاہر ہونے والے بائیولاجیکل اثرات کا مطالعہ جس سے جسم میں اس فیکٹر کے حیاتیاتی کردار کے بارے میں معلومات حاصل ہوتی ہے۔

(ii) بیماری کا مطالعہ: کئی ٹرانسجینک جانور اس طرح ڈیزائن کیے جاتے ہیں جو ہماری اس معلومات میں اضافہ کرتے ہیں کہ یہ جین کس طرح بیماری کے نمو میں تعاون دیتے ہیں۔ یہ خاص طور پر بنائے جاتے ہیں تاکہ یہ انسانی بیماریوں کے لیے نمونہ بن سکیں اور بیماریوں کے نئے علاج کی تلاش ممکن بنائی جاسکے۔ آج کئی انسانی بیماریوں جیسے کینسر، سسٹک فائبروسس، رہیومٹیائیڈ آرتھرائیٹس اور انزہائیمر کے ٹرانسجینک نمونے موجود ہیں۔

(iii) حیاتیاتی ماحصل: کچھ انسانی بیماریوں کا علاج کرنے والی دواؤں میں حیاتیاتی ماحصل موجود ہوسکتا ہے، لیکن ایسے ماحصل کو بنانا بہت مہنگا ہوتا ہے۔ مفید حیاتیاتی ماحصل بنانے والے ٹراسنجینک جانوروں کو، ڈی این اے کے ایک حصے (یا جنیز کو) کو داخل کرکے، بنایا جاسکتا ہے جو ایک خاص ماحصل کو پیدا کریں جیسے انسانی پروٹین (µ1 اینٹی ٹرپسن) جو ایمفی سیما کا علاج کرتاہے۔ فینائل کیٹونیوریا (پی کے یو) اور سیسٹک فائیروسیس کے علاج کے لیے بھی اسی طرح کی کاوشیں جاری ہیں۔ 1997 میں، پہلی ٹرانسجینک گائے، روزی، بنائی گئی جو انسانی پروٹین (204 گرام فی لیٹر) سے بھرپور دودھ دیتی ہے۔ اس دودھ میں انسانی الفا۔ لیکٹالبیومن موجود ہوتاہے جو غذائیت کے اعتبار سے انسان کے بچوں کے لیے قدرتی گائے کے دودھ کے مقابلے زیادہ متوازن دودھ ہے۔

(iv) ٹیکے کا تحفظ : انسانوں پر استعمال ہونے سے پہلے ویکسین کی افادیت کی جانچ کے لیے ٹرانسجینک چوہے بنائے جارہے ہیں۔ پولیوویکسین کے محفوظ استعمال کی جانچ پہلے ٹراسنجینک چوہوں پر کی گئی ہے۔ اگر کامیاب اور معتبر ثابت ہوجائے تو یہ جانچ بندروں کے بجائے چوہوں پر کی جاسکتی ہے پر کی جاتی ہے۔

(v) محفوظ کیمیا کی جانچ: اس کو ٹاکسیسیٹی/ سفیٹی جانچ کہتے ہیں۔ اس کا طریقہ وہی ہے جو دوائوں کی ٹاکسیسیٹی کی جانچ کا ہوتا ہے۔ ٹرانسجینک جانوروں میں وہ جنیز داخل کئے جاتے ہیں جو انھیں زہریلے مادوں کے لیے نان۔ ٹرانسجینک جانوروں کے مقابلے میں زیادہ حساس بنا دیتے ہیں ان میں زہریلے مادے داخل کیے جاتے ہیں اور ان کے اثرات کا مطالعہ کیا جاتا ہے۔ ایسے جانوروں میں ٹاکسیسیٹی کی جانچ کے نتائج جلد حاصل کیے جاسکتے ہیں۔

انسانوں کے ذریعے زندہ عضویوں میں تبدیلیاں، بغیر کسی ضابطے کے مہین کی جاسکتیں۔ انسانی حرکات، جو کسی عضویے کو فائدہ یا نقصان پہنچا سکتی ہیں، کی اخلاقیات کا اندازہ لگانے کے لیے کچھ اخلاقی پیمانے کا ہونا ضروری ہیں۔

ان مسائل کی اخلاقیات کے علاوہ، ان چیزوں کی حیاتی اہمیت بھی ہے۔ جینی طور پر تبدیل شدہ عضویوں کو جب ایکوسسٹم میں داخل کیا جائے گا تو کچھ ناگہانی نتائج بھی سامنے آسکتے ہیں۔

لہٰذا حکومتِ ہندنے ایک آرگنائزیشن جی ای اے سی (جنیٹک انجینئرنگ اپروول کمیٹی) کا قیام کیا ہے، جو جی ایم تحقیق کی معقولیت اور عوام کی خدمت کے لیے جی ایم عضویوں کو استعمال کرنے تحفظ کے بارے میں فیصلہ کیا کرے گی۔

عوام کی خدمت (جیسے غذا اور دواؤں کے ذرائع کے طور پر) کے لیے عضویوں تبدیلی نے ان کے پٹینٹ (جملہ حقوق) کے بارے میں بھی مشکلات پیدا کردی ہیں ۔

عوام کے عضے کی ایک وجہ یہ ہے کہ کچھ کمپنیوں کو ایسے پروڈکٹس اور تکنیکوں کے مکمل حقوق دے دییے گئے ہیں جن کی شناخت بہت پہلے ہوچکی ہے اور جس کا مقامی لوگ اور کسان کو عرصۂ دراز سے استعمال کررہے ہیں۔

چاول ایک اہم فصل ہے جس کی موجودگی کے آثار ایشاء کی ذراعتی تاریخ میں ہزاروںسال پہلے سے ملتے ہیں۔ صرف ہندوستان میں چاول کی 200,000سے زائد ورائٹیز ملتی ہیں۔ دنیا میں چاول کی ڈائیورسٹی سب سے زیادہ ہندوستان میں پائی جاتی ہے۔ باسمتی چاول اپنے خوشبو اور ضائقے کے لیے مشہور ہے اور اسکی 27 دستاویزیورائٹیز ہندوستان میں اگائی جاتی ہیں۔ باسمتی کے حوالے پرانی کتابوں، لوک کہانیوں اور شاعری میںملتے ہیں یہ سیکڑوں سالوں سے اگایا جارہا ہے۔ 1997میں یوایس پٹینٹ او رٹریڈمارک آفس کے ذریعے ایک امریکن کمپنی نے باسمتی چاول کے یو ایس اور باہر کے حقوق حاصل کر لئے۔ باسمتی کی یہ ’نئی‘ ورائیٹی دراصل ہندوستانی کسان کی ورائٹی سے حاصل کی گئی تھی۔ ہندوستانی باسمتی کو نیم بونی ورائیٹی سے کراس کرکے اسکو ایک ایجاد یا انوکھے ہونے کا دعوا کیا۔ چونکہ پیٹنٹ عملیاتی مساویوں functional equivalents)پر بھی لاگو ہوتا ہے ، اس کا مطلب یہ ہوا کہ اس ٹینٹ کے ذریعے دوسرے لوگ باسمتی چاول نہیں بیچ سکتے۔ ہندوستان کے روائیتی جڑی بوٹیوں سے تیار شدہ دوائیں مثلاً ہلدی، نیم کے استعمال ، کو بھی ٹینٹ کرانے کی کئی کوششیں ہوچکی ہیں۔ اگر ہم ہوشیار نہیں رہیں اور ان پٹینٹس کی درخواستوں پر جوابی کاروائی نہ کریں تو دوسرے ممالک یا افراد ہماری اس قیمتی وراثت کا غلط فائدہ اٹھا سکتے ہیں اور ہم اس بارے میں کچھ بھی نہ کرسکیں گے۔

 یہ اصطلاح ہے جو جس میں بین الاقوامی کمپنیاں اور دیگر آرگنائیز یشنز‘ متعلقہ عوام یاممالک کو بغیر انکی اجازت کے اور بغیر معاوضہ دیے انکی حیاتی مسائل کا استعمال کرتے ہیں۔

ترقی یافتہ ممالک کی اکثریت روپے پیسوں سے بہت امیر ہے لیکن بائیوڈائیوسٹی اور روایتی معلومات کے لحاظ سے بہت غریب ہیں۔ اس کے برعکس ترقی پذیر اورزیر ترقی دینا بائیوڈائیورسٹی اور حیاتی وسائل کے متعلق روائیتی معلومات میں بہت امیر ہیں۔ حیاتی وسائیل سے متعلق روائیتی معلومات کو جدید افادیت کے لیے استعمال کیاجاسکتا ہے او ر ان کو تجارتی پیمانے تک لانے کے لیے وقت کوشش اور خرچ کی بچت کے لیے بھی استعمال کرسکتے ہیں۔

ترقی یافتہ اور ترقی پذیر ممالک کے درمیان نا انصافی،نامناسب معاوضے اور فائدے میںشرکت کے بارے میں احساس قوی ہوتا جارہا ہے۔ لہٰذا کچھ ممالک اپنے حیاتی وسائل اور روائیتی معلومات کے غیر قانونی استعمال کو روکنے کے لیے قوانین اخذ کررہے ہیں۔

ہندوستانی پارلمنٹ نے حال ہی میں انڈین ٹینٹ ایکٹ میں دوسری ترمیم کو پاس کیا ہے جو پیٹنٹ شرائط کے ہنگامی نکات اور تحقیق ترقیاتی اقدامات جیسے مسائل کو اپنے دائرے میں لیتی ہے۔

ریکامبنیٹ ڈی این اے ٹکنالوجی کے عملیات نے محفوظ اور زیادہ موثر معالجاتی دوائوں کو کثیر مقدار پیدا کرکے تحفظ صحت کے میدان میں بڑا اثر ڈالا ہے۔ چونکہ ریکامنینٹ ادویہ انسانی پروٹنیز کے مشابہہ ہوتے ہیں، وہ غیر ضروری، مدافعتی رد عمل نہیں پیدا کرتے اور ایسے انفکیشن کے خطرے سے بھی سبرا ہیں جنکا مشاہدہ غیر انسانی ذرائع سے علاحدہ کئے گئے مدحصل میں ہوتا ہے۔ انسانی انسولین بیکٹر یا میں بنائی جاتی ہے پھر بھی اسکی ساخت بالکل قدرتی سالمے سے مشابہہ ہوتی ہے۔

انسانی بیماریوں جیسے کینسر سیٹک فائیروسیس‘ رہیومٹیائیڈ آرتھرائٹیس اور الزا ئمیرز کا نمونہ بنا کر ٹراسجنک جانوروں کا استعمال یہ معلوم کرنے کے لیے بھی کرتے ہیں کہ جنیز کس طرح بیماری کی نمومیں شامل ہوتے ہیں۔

جین تھیراپی کسی فرد کے خلیے یابافت میں نپی جنیز کو منسلک کرنے کو کہتے ہیں ‘ یہ طریقہ خاص طور پر موروئی بیماریوں کے علاج کے لیے اپنا یا جاتاہے۔ یہ ایسا غلط سیوٹنیٹ الیل کو ایک فعال الیل سے بدل کرکیا جاتا ہے یا جین کو ہدف بنا کر ان میں  جین فراوانی (Gene amplification)شامل ہے۔وہ دائرس جو میزبان شدہ پر حملہ کرتے ہیں اور اپنا جنٹک میٹریل ان میں اس طرح ڈال دیتے ہیں کہ وہ ان کے ریپلیکیشن سائیکل ان کو کسی خلیہ میں ویکٹر کے طور پر مکمل صحتمند جین یا اس کا ایک حصہ لے جانے کے لیے استعمال کیا جاتا ہے۔ 

مائکروبس، پودوں، اور جانوروں میں تبدیلی کی موجودہ دلچسپی نے کئی تشویشن ناک اخلاقی سوالات کھردرے کر دیے ہیں۔

1۔ کچھ بیکڑیا کے ذریعے پیدا کئے گئے بی ٹی ٹاکسن کرسٹل بیکٹریا کو نہیں ختم کرتے کیونکہ:۔

(a) بیکٹریا ٹاکسن کی مزاحمت کرتے ہیں

(b)       ٹاکس غیر پختہ ہوتاہے

(c) ٹاکس غیر فعال ہوتاہے

   (d)    بیکٹریا ٹاکس کو ایک مخصوص غلاف میں رکھتا ہے

2۔ ٹرانسجینک بیکٹریا کیا ہیں؟ ایک مثال کو لیکر سمجھائیے۔ 

3۔ جینی طور پر تبدیل شدہ فصل کو بنانے کے فوائد اور نقصانات کا موازنہ اور تفریق کیجیے۔

4۔  کرائی ہر وٹنیز کیا ہیں؟ اس عضویہ کا نام بتائیے جو ان کو بناتا ہے۔ انسان نے اپنے فائدے کے لیے اس پروٹین کو کیسے استعمال کیا؟

5۔ جین تھیراپی کیا ہے؟ ایڈینوسین ڈیمینیز (اے ڈی اے) کی کمی کی مثال دیکر سمجھائیے۔

6۔ انسانی جین( مثلاً گروتھ ہارمون کا جین) کی ای کو لائی بیکٹریم میں کلوننگ اور اس کے اظہار کے تجرباتی اقدامات کو تصویر ی خاکے کے ذریعے دکھائیں

7۔  ریکامننیٹ ڈی این اے ٹکنالوجی اور تیل کی کمیسٹری کی اپنی معلومات کی بنیاد پر کیا آپ بیچ سے تیل (ہائیڈو کاربن) کو نکالنے کا طریقہ پیش کرسکتے ہیں؟

8۔ انٹرنٹ سے معلوم کیجیے کہ گولڈن رائس کیا ہے؟

9۔  کیا ہمارے خون میں پروٹنیرز اور نیوکلینیرز ہیں؟

10۔ انٹرنیٹ کے ذریعے معلوم کیجیے کہ منہ سے کھائی جانے والی فعال پروٹینی دوا کیسے بناسکیں گے اور ان میں کون سی اہم مشکلات درپیش ہونگی ؟