اکائی II 

کبھی کبھی ایسا ہوتا ہے کہ بستیاںکئی ٹکڑوں میں منقسم ہوجا تی ہیں اور ایک دوسرے سے طبعی طور پرالگ کئی اکائیوں میں بٹ جاتی ہیں ۔لیکن ان سب کا نام ایک ہی رہتا ہے۔گاؤں کی ان اکائیوں کو ملک کے مختلف حصوں میں مقامی زبان میں الگ الگ نام سے جانا جاتا ہے، جیسے پنام،پارا ، پلیّ، نگلا،دھانڑی وغیرہ۔ کسی بڑے گاؤں کا ایساپھیلاؤعموماً سماجی اور نسلی عوامل کا نتیجہ ہوتا ہے۔ ایسے گاؤں گنگا کے وسطی اور نچلے میدانوں ، چھتیس گڑھ اور ہمالیہ کی نچلی گھاٹیوں میں کثرت سے پائے جاتے ہیں۔

ہندوستان میں منتشریا بکھری ہوئی بستیاں دور دراز کے جنگلوں میں یا چھوٹی پہاڑیوں کے ڈھالوں پر کھیتوں یا چراہ گاہوں میں الگ الگ جھوپڑیوں کی شکل میں پائی جاتی ہیں۔ ان بستیوں کا انتہائی بکھراؤ اکثر زمین اور قابل سکونت علاقوںکا قدرتی طور پر بہت زیادہ ٹکڑوں میں بٹے ہونے کی وجہ سے ہوتاہے۔ اس طرح کی بستیاں عام طور پر میگھالیہ، اتراکھنڈ، ہماچل پردیش اور کیرالہ کے کئی حصوں میں پائی جاتی ہیں۔

دیہی بستیوں کے برخلاف شہری بستیاں عام طور پر گھنی اور بڑی ہوتی ہیں ۔ یہ بستیاںمختلف اقسام کے غیر زرعی کاموں جیسے مالیاتی اور انتظامی امور میں مصروف ہیں۔ جیسا کہ پہلے تذکرہ کیا جاچکا ہے کہ شہر اپنے اطراف کے دیہی علاقوں سے تفاعلی طور پر جڑے ہوتے ہیں۔ اسی لیے سامان اور خدمات کی لین دین عموماً سیدھے طور پراور کئی بار منڈیوں ،قصبوں اور شہروں کے ایک سلسلے کے ذریعہ مکمل ہوتی ہے۔ اس طرح شہر دیہاتوں سے سیدھے طور پر یا بلاواسطہ طورپر جڑے ہوتے ہیں۔ وہ آپس میں بھی ایک دوسرے سے جڑے ہوتے ہیں۔ آپ ـــ’’ـــ انسانی جغرافیہ کے بنیادی اصول‘‘ کے باب 10میں شہروں کی تعریف کا مطالعہ کر سکتے ہیں۔

 ہندوستان میں شہروں کے نشوونما کی تاریخ زمانہ قدیم سے موجودہے۔دریائے سندھ کی تہذیب کے دور میں ہڑپا اور موہن جو داڑو جیسے شہر موجود تھے۔ اس کے بعد کا دور شہروں کے اِرتقا کا گواہ ہے۔ شہروں کے اِرتقا کا یہ دور زمانے کے اتار چڑھاؤ کے ساتھ یوروپیوں کے ہندوستان آنے تک جاری رہا۔ مختلف دور میں ارتقا کی بنیاد پر ہندوستان کے شہروں کوتین دھڑوں میں تقسیم کیا جاسکتا ہے۔

•   قدیمی شہر،   • عہدو سطی کے شہر اور  •    جدید شہر 

ہندوستان کے کئی شہر ایسے ہیں جن کی تاریخ 2000سال سے بھی زیادہ پرانی ہے۔ ان میں سے زیادہ تر کا وجود ایک مذہبی یا ثقافتی مرکز کے طور پر ہوا۔ وارانسی ان میں سے سب سے اہم شہر ہے۔ پر یاگ (الہ آباد) پاٹلی پتر (پٹنہ)مدورائی وغیرہ ملک کے قدیمی شہروں کی دیگر مثال ہیں۔

موجودہ دور کے تقریباً100شہروں کے ارتقا کی بنیادیں عہد وسطی سے جڑی ہیں ان میں سے زیادہ تر کا وجود رجواڑوں اور ریاستوں کے صدرمقام کے طور پر ہوا۔ یہ قلعہ بند شہر ہیں جن کی تعمیر قدیمی شہروں کے کھنڈروں پر ہوئی ہے۔ ایسے شہروں میں دلی، حیدرآباد ،جے پور، لکھنؤ، آگرہ، اور ناگپور، وغیرہ ہیں۔

انگریزوں اور دوسرے یوروپیوں نے ہندوستان میں کئی شہر قائم کیے۔ ساحلی علاقوں میں اپنے پیر جماتے ہوئے انھوں نے سب سے پہلے سورت ،دمن، گوا، پانڈییچیری وغیرہ جیسی تجارتی بندرگاہیں قائم کیں۔ انگریزوں نے بعد میں تین اہم مراکز ، ممبئی(بمبئی) چینئ (مدراس) اور کولکاتہ (کلکتہ) پر اپنی پکڑ مضبوط کی اور ان کی انگریزی طرز پر تعمیر کی۔انگریزوں نے اپنی سلطنت کی بلاواسطہ طور پر یا رجواڑے اور نوابی ریاستوں کے ذریعہ توسیع کی۔ انہوں نے انتظامی مراکز اور پہاڑی علاقوں میں موسم گرما کے لیے تفریح گاہ (Summer Resorts) قائم کیے اور ان میں نئے شہری انتظامی اور فوجی علاقوں کوبھی شامل کیے ۔ 1850کے بعد جدید صنعتوں پر مشتمل شہروں کا وجود عمل میں آیا  ۔ جمشیدپور اس کی ایک مثال ہے۔

آزادی کے بعد کئی انتظامی صدر مراکز جیسے چنڈی گڑھ، بھونیشور، گاندھی نگر، دیس پور وغیرہ اور کئی صنعتی شہر جیسے درگاپور، بھلائی، سندری، برونی ، وغیرہ وجود میں آئے۔ کچھ پرانے شہروں کے اطراف میں ذیلی شہر کے طور پر ابھرے مثال کے طور پر دلّی کے اطراف میں غازی آباد، روہتک اور گڑگاؤں۔ دیہی علاقوں میں بڑھتی ہوئی سرمایہ کاری کی بنیاد پر پورے ملک میں کثیر تعداد میں چھوٹے بڑے شہروں کی نشونما ہوئی ۔

شہر کاری کی سطح کا تعین کرنے کا پیمانہ کل آبادی میں شہری آبادی کے فیصد کے طور پر کیا جاتا ہے۔ 2011 میں ہندوستان کی سطح مدنیت کاری 31.16فی صد تھی جو کہ ترقی یا فتہ ممالک کے مقابلہ میں بہت کم ہے۔ بیسوی صدی عیسوی کے دوران شہری آبادی میں11گنا اضافہ ہوا ہے۔شہروں کی توسیع نواورنئے شہروں کے بننے سے ملک کی شہری آبادی میں اضافہ ہوا ہے جس نے شہرکاری میں اہم کردار ادا کیا ہے۔(جدول 4.1) ،لیکن پچھلی دو دہائیوں میں شہر کاری کے بڑھتے ہوئے رجحان میں کمی آئی ہے۔

جدول4.1:ہندوستان۔مدنیت کاری کا رجحان2011-1901

 ہندوستانی مردم شماری شہروں کی چھ اقسام میںدرجہ بندی کرتی ہے۔ جیسا کہ جدول4.2میں دکھایا گیا ہے۔

ایک لاکھ سے زائد شہری آبادی والے مراکز کو شہر یا درجہ اوّل کا قصبہ کہا جاتا ہے۔10لاکھ سے 50لاکھ کی آبادی والے شہروں کو میٹروپولیٹن شہر اور 50لاکھ سے زائد آبادی والے شہروں کوشہرستان (Mega Cities) کہتے ہیں۔ بیشتر شہرستان اور بلدِ اعظم شہر ی گُچھّے (Urban Agglomeration) ہوتے ہیں۔  ایک شہری گچھے میں مندرجہ ذیل تین میں سے کوئی ایک ترکیب ہوتی ہے۔  (i)ایک قصبہ اور اس سے متصل شہری پھیلاؤ  (ii) دو یا دو سے زیادہ متصل قصبہ معہ شہری پھیلاؤ یا اس کے بغیر (iii) ایک شہر اور اس سے متصّل ایک یا زیادہ قصبے معہ پھیلاؤ کے جو ایک متواتر وسعت بناتے ہوں۔ 

اپنی مرکزی حیثیت اورکردار کے علاوہ کئی شہر مخصوص خدمات کی فراہمی میں ایک اہم رول ادا کرتے ہیں۔ کچھ شہر یا قصبے مخصوص کاموں میں مہارت رکھتے ہیں اور یہ خاص افعال، تیار شدہ مال اور خدمات کے لیے جانے جاتے ہیں۔حالانکہ ہر شہر مختلف طرح کے کام انجام دیتاہے۔ پھر بھی نمایاں اور امتیازی افعال کی بنیاد پر ہندوستانی شہروں اور قصبوں کو موٹے طور پر مندرجہ ذیل اقسام میں تقسیم کیا جاسکتا ہے۔

وہ شہر جہاں پر اعلیٰ سرکاری دفاتر موجود ہیں انھیں انتظامی شہر کہا جاتا ہے جیسے کہ چنڈی گڑھ، نئی دہلی، بھوپال، شیلانگ، گوہاٹی،اِمپھال ، سری نگر، گاندھی نگر، جے پور، اور چنئی وغیرہ۔

ممبئی، سیلم، کوئمبٹور، مودی نگر، جمشیدپور، ہگلی، بھلائی وغیرہ کی ترقی میں کارخانوں نے ایک اہم کردار ادا کیا ہے۔

یہ وہ شہر ہیں جہاں بندرگاہ ہیں اور جو درآمد اور برآمد کے کاموں میں لگے رہتے ہیں جیسے کانڈلہ، کوچّی،کالی کٹ،وشاکھا پٹنم وغیرہ یا اندرونِ ملک نقل وحمل کے لیے جیسے آگرہ ، دھولیہ، مغل سرائے، اٹارسی، کٹنی وغیرہ۔ اسی زمرہ کے شہر ہیں۔ 

کان کنی والے شہر   (Mining towns)

چھاؤنی شہر  (Garrisson Cantonment towns)ان شہروں کا وجود چھاؤنی کے طور پر ہوا جیسے امبالہ ، جالندھر، مہو،  ببینا، اودھم پور وغیرہ۔

درجہ	شہر/شہری گچھے کا نام	آبادی(کروڑ میں)
1 2 3 4 5 6 7 8 9 10 11 12 1 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53	سری نگر یو اے لدھیانہ امرت سر یو اے چنڈی گڑھ یو اے فرید آبادی  دہلی یو اے جے پور  جودھ پور یو اے کوٹہ  کانپور یو اے لکھنئو یو اے غازی آباد یو اے آگرہ یو اے وارانسی یو اے میرٹھ یو اے الہ آباد یو اے پٹنہ یو اے کولکاتہ یو اے  آسنسول یو اے جمشید پور یو اے دھنباد یو اے رانچی یو اے رائے پور یو اے درگ۔بھلائی نگر یو اے اندور یو اے بھوپال یو اے جبل پور یو اے گرالیر یو اے احمد آباد یو اے سورت یو اے  وڈودرا یو اے راج کوٹ یو اے گریٹر ممبئی یو اے پونے یو اے ناگپور یو اے ناسک یو اے وسل و ہارسٹی اورنگ آباد یو اے حیدرآباد یو اے جی وی ایم سی(ایم سی) وجے واڑہ یو اے بنگلور یو اے کوچّی یو اے کوجھی کوڈ یو اے تھری سور یو اے ملاپورم یو اے تری آنند پورم یو اے کنّور یو اے کولم یو اے  چنّئی یو اے کوئمبٹور یو اے مدوورائے یو اے تروچیراپالی	1,273,312 1,613,878 1,183,705 1,025,682 1,404,653 16,314,838 3,07,350 1,137,815 1,001,365 2,920,067 2,901,474 2,358,525 1,746,467 1,435,113 1,424,908 1,216,719 2,046,652 14,112,536 1,243,008 1,337,131 1,195,298 1,126,741 1,122,555 1,064,007 2,167,447 1,883,381 1,267,564 1,101,981 6,352,254 4,585,367 1,817,191 1,390,933 18,414,288 5,049,968 2,497,777 1,562,769 1,221,233 1,189,376 7,749,334 1,730,320 1,491,202 8,499,399 2,117,990 2,030,519 1,854,783 1,698,645 1,687,406 1,642,892 1,110,005 8,696,010 2,151,466 1,462,420 1,021,717

---

اسمارٹ شہرمشن

اسمارٹ شہرمشن کا مقصد ایسے شہروں کافروغ ہے جن میں بنیادی ڈھانچے، صاف اور پائدار ماحول ہو اورشہریوں کواعلیٰ معیار کی زندگی میسرہو۔اسمارٹ شہرمشن کی ایک خصوصیت یہ ہے کہ ان شہروں کو بہتر بنانے کے لیے ڈھانچہ اورخدمات سے متعلق اسمارٹ طورطریقے ہی اپنائے جاتے ہیں۔مثال کے طورپر آفات سے حفاظت کے لیے، کم سے کم وسائل کا استعمال اورسستی خدمات کی فراہمی۔ سارازورپائدار اوراشتمالی ترقی پررہتا ہے اورنظریہ ہے کہ چھوٹے پیمانے پر جامع علاقوں کونظرمیں رکھ کرقابل تجدید نمونہ کی تخلیق کی جائے جس کی حیثیت دیگرشہروں کے ایک روشن مینار کی ہو، جن کو اسمارٹ شہربنناہے۔

صوبوں کے اعتبار سے شہری مجموعوں کی ایک فہرست تیار کیجیے، ان شہروں کے مدارج کے اعتبار سے صوبوں کی وار آبادی معلوم کیجیے ۔