کیمیائی اور مادی خصوصیات کی بنا پر معدنیات کو دو خاص اقسام فلزی یا دھاتی (Metallic)اور غیرفلزی غیر دھاتی(Non-Metallic)میں بانٹاجاسکتا ہے۔ تفصیل مندرجہ ذیل چارٹ کی شکل میں دی گئی ہے۔

زیادہ تر فلزی معدنیات جزیرہ نما ہند کے بلوری چٹانی علاقوں میں پائی جاتی ہیں۔ ملک کے 97فی صد سے زیادہ ذخائر دامودر، سون ، مہاندی اور گوداوری کی وادیوں میں پائے جاتے ہیں۔ پیٹرولیم کے ذخائر آسام، گجرات کے طاسوں اور ممبئی ہائی یعنی عرب کے نزد یکی ساحلی علاقوں میں پائے جاتے ہیں۔ نئے ذخائر کرشنا -گوداوری اور کاویری طاسوں میں پائے گئے معدنیات کے زیادہ تر ذخائر منگلور سے کانپور کو جوڑنے والی لائن (موہوم) کے مشرق میں پائے جاتے ہیں۔

ہندوستان میں معدنی وسائل خصو صاًتین خِطوں میں محدود ہیں۔ اس کے علاوہ ملک کے کچھ دوسرے علاقوں میں بھی بکھرے ہوئے ہیں۔ یہ خطے اس طرح ہیں:

اس خطے میں چھوٹا ناگپور(جھارکھنڈ) ،اڑیسہ کے پٹھار، مغربی بنگال اور چھتیس گڑھ کے کچھ حصے شامل ہیں۔ کیا آپ نے کبھی غور کیا ہے کہ لوہے اور اسٹیل کے بڑے کارخانے اس خطے میں کیوں قائم کیے گئے ہیں؟ کیونکہ اس علاقے میں مختلف اقسام کی معدنیات دستیاب ہیں۔ مثلاً خام لوہا، کوئلہ، میگینز،باکسائیٹ، ابرق وغیرہ۔

اس علاقہ میں کرناٹک، گوا، تمل ناڈو کا کچھ حصہ اور کیرلہ کے اُونچائی والے حصے شامل ہیں۔ اس خطہ میں فولادی معدنیات اور باکسائیٹ کثرت سے پائے جاتے ہیں۔ اس کے علاوہ یہاں پر بہترین قسم کا خام لوہا ،مینگنیز اور چونے کے پتھر بھی دستیاب ہیں۔نیویلی لگنائٹ کو چھوڑکر اس خطے میں کوئلے کے ذخائرکی کمی ہے۔

اس خطے کے معدنی وسائل کے ذخائرمیں شمال مشرقی خطے کے مقابلے میں تنوع کم ہے۔ کیرالہ میں مونا زائیٹ، تھوریم اور باکسائٹ مٹی کے ذخائر ہیں لیکن گووامیں خام لوہا دستیاب ہے۔

یہ پٹی راجستھان میں اراولی اور گجرات کے کچھ حصوں میں پھیلی ہوئی ہے۔ ان علاقوں میں معدنیات دھارواڈ سلسلے کی چٹانوں میں پائی جاتی ہیں۔ تانبہ اور زنک وغیرہ اہم معدنیات ہیں۔ راجستھان میں ریتیلے پتھر، گرینائٹ، سنگِ مرمر ،جپسم اور عمارتی پتھر افراط میں پائے جاتے ہیں۔ ڈولومائٹ اور چونے کے پتھر، سیمنٹ کی صنعت کو خام مال فراہم کرتے ہیں۔اس کے علاوہ یہاں ملتا نی مٹی بھی کافی مقدار میں پائی جاتی ہے ۔ گجرات اپنے پیڑولیم ذخائر کے لیے جانا جاتا ہے۔ آپ جانتے ہوں گے کہ گجرات اور راجستھان دونوں ہی ریاستوں میں نمک کے بڑے ذخائر موجود ہیں۔ 

مہاتما گاندھی نے ڈانڈی مارچ کب اور کیوں کیا تھا؟

ہمالیائی پٹی دوسری ایسی پٹی ہے جہاں تانبہ ،جستہ، کو بالٹ اور ٹنگسٹن پائے جاتے ہیں۔ یہ ہمالیہ کے مشرقی اور مغربی دونوں حصوں میں پائے جاتے ہیں۔ آسام گھاٹی میں معدنی تیل کے ذخیرے موجود ہیں۔اس کے علاوہ معدنی تیل کے وسائل ممبئی کے قریب ممبئی ہائی میں بھی پائے جاتے ہیں۔

خام لوہا،مینگنیز اور کرومائٹ وغیرہ آہنی معدنیات پر منحصر صنعتوں کی ترقی کے لیے ایک مضبوط بنیاد فراہم کرتے ہیں۔ فیرس معدنیات کے ذخائر اور پیدا وار کے معاملے میں ہمارے ملک کی حالت بہتر ہے۔

 ہندوستان میں خام لوہے کے خاصے ذخائر موجود ہیں ۔یہ ایشیاکے سب سے بڑے ذخائر ہیں۔ ہمارے ملک میں خام لوہے کی دو اقسام اہم ہیں: ہیماٹائٹ اورمیگنے ٹائٹ۔ ان کی عمدہ قسم کی وجہ سے تمام دنیا میں اس کی کافی مانگ ہے۔ خام لوہا کی کانیں ملک کے شمال مشرقی پٹھاری خطہ میں کوئلہ کی کانوں کے قریب موجود ہیں جو کہ اس کے لیے فائدہ مند ہے۔

                                                شکل7.2:ہندوستان۔فلزی معدنیات(فولادی)

ہمارے ملک میں 2004-05میں خام لوہا کے ذخائر کی مقدار تقریباً200کروڑٹن تھی۔ خام لوہے کے کل ذخائر کا تقریبا95فی صد حصہ اڑیسہ ،جھارکھنڈ، چھتیس گڑھ ،کرناٹک ،گوا،تلنگانہ،آندھرا پردیش اور تمل ناڈو میں پایا جاتا ہے۔ اڑیسہ میں خام لوہا سندرگڑھ، میور بھنج اور جھار کھنڈکے پہاڑی علاقوںمیں موجود ہے۔ گرو مہیسنی ،سُلیپت،بادام پہاڑ (میوربھنج) کِروبرو (کنجھور) اور بونائی (سندرگڑھ) وغیرہ اہم کانیں ہیں۔ جھارکھنڈ کی پہاڑیوں میں خام لوہے کی کچھ سب سے پرانی کانیں ہیں۔ زیادہ تر لوہا اور فولاد کے کارخانے ان کے آس پاس ہی قائم ہوئے۔ نوا منڈی اورگو ا (Gua)جیسی زیادہ ترکانیں پوربی اور پچھمی سنگھ بھومی اضلاع میں موجود ہیں۔یہ پٹی آگے درگ، دانتے واڑہ اور بیلاڈیلا تک پھیلی ہوئی ہیں۔ ڈلی اور درگ میں راجہراکی کانیں ملک میں خام لوہے کی اہم کانیں ہیں۔ کرناٹک میں خام لوہے کے ذخائر بلاری ضلع کے سندور ۔ ہوسپٹ خطے میں، چکمگلورضلع کی بابا بودن کی پہاڑیوں میں، شموگا ضلع کی کدیرمکھ کی پہاڑیوں میں اور تمکور ضلع کے کچھ حصوں میں پائے جاتے ہیں۔ مہاراشٹرا کے چندر پور، بھنڈارا اور رتنا گری اضلاع، تلنگانہ کے کریم نگر، وارنگل ، کرنول ، کڈّیہ اور اننت پور اضلاع اور تمل ناڈو کے سیلم اور نیل گری اضلاع خام لوہے کی کان کنی کی دیگر ریاستیں ہیں۔ گوا بھی خام لوہے کی ایک اہم ریاست کے طور پر ابھرا ہے۔

خام لوہے کو پگھلانے کے لیے مینگینزایک اہم خام مال ہے اور اس کا استعمال فولاد کی معدنی آمیزش میں کیا جاتا ہے۔اگرچہ مینگینز دھارواڑ سلسلہ سے متعلق ہے۔ مگر اس کے ذخائر تقریباً سبھی طرح کی ارضیاتی ساخت میں پائے جاتے ہیں۔

اڑیسہ  مینگینزپیدا کرنے والی ایک اہم ریاست ہے۔ اڑیسہ کی کانیں ہندوستان کی خام لوہے کی پٹی کے وسطی حصوں میں خاص کر بونائی، کیندوجھار ، سُندرگڑھ ، گنگپور، کوراپٹ ، کالا ہانڈی اور بولن گیر میں پائی جاتی ہیں۔

 کرناٹک بھی  مینگینزپیدا کرنے والی ایک اہم ریاست ہے۔ یہاں کی کانیں دھار واڑ، بلاری،بیلگام ، شمالی کنارا، چکمگلور، شموگا،چترارگ ، اورتمُکور میں موجود ہیں۔ مہاراشٹرا بھی  مینگینز پیدا کرنے کے لیے جانا جاتا ہے۔ یہاں اس کی کان کنی ناگپور،بھنڈارا اور رتناگری اضلاع میں ہوتی ہے۔ ان کانوں کی کمزوری یہ ہے کہ اسپات کارخانوں سے کافی دور ہیں۔ مدھیہ پردیش میں  مینگینزبالا گھاٹ، چھندواڑہ، نمار، مانڈلہ پٹی اور چھبوُا اضلاع میں پھیلی ہوئی ہیں۔

تلنگانہ ،گووا اور جھارکھنڈ  مینگینزپیدا کرنے والی دیگرلیکن غیر اہم ریاستیں ہیں۔

ہندوستان میں باکسائٹ کے علاوہ دیگر سبھی غیر فولادی معدنیات کی کمی ہے۔

باکسائٹ ایک کچ دھات ہے جس کا استعمال ایلمونیم تیار کرنے کے لیے کیا جاتا ہے۔ یہ زیادہ ترٹیرشیری دور لیٹیرائٹ (Laterite)چٹانوں سے تعلق رکھتا ہے۔ یہ جزیرہ نما ہندوستان کے پٹھاری یا پہاڑی علاقوں کے ساتھ ساتھ دکن کے ساحلی علاقوں میں دستیاب ہے۔

باکسائٹ کی پیداوارمیں اڑیسہ کوپہلا مقام حاصل ہے۔کالا ہانڈی اور سنبھل پور اہم علاقے ہیں۔ اس کے علاوہ بولن گیر اور کوراپٹ بھی اپنی پیداوار بڑ ھانے کے لیے کوشاں ہیں۔ جھار کھنڈ میں لوہا رڈاگاضلع میں اس کے ذخائر موجود ہیں ۔گجرات،چھتیس گڑھ، مدھیہ پردیش اور مہاراشٹرا دیگر اہم ریاستیں ہیں۔ گجرات کے بھاؤ نگر اور جام نگر میں، چھتیس گڑھ میں امرکنٹک کے پٹھار اور مدھیہ پردیش میں کٹنی، جبل پور اور بالاگھاٹ میں باکسائٹ کے بڑے ذخائر موجود ہیں ۔ مہاراشٹرا میں کولابار،تھانے ، رتناگری، ستارا ،پونا اور کولہا پور باکسائٹ پیدا کرنے والے علاقے ہیں۔ 

---

                      شکل7.3:ہندوستان۔معدنیات( غیر فولادی)

سنگرینی میں کان کنوں کے بچاؤ کے واسطے چڑیا

ماخذ:دکن کرانکل ،26.08.2006

جب زمین کے اندرونی حصے سے میگما (Magma)نکلتا ہے تو کافی مقدار میں حرارت نکلتی ہے۔اس حرارت کو توانائی میں تبدیل کر کے استعمال میں لایا جاسکتا ہے۔اس کے علاوہ گرم پانی کے چشموں سے نکلنے والی حرارت کو بھی بجلی میں تبدیل کیا جاسکتا ۔اس طرح سے حاصل کی گئی توانائی کو ارضی حرارتی توانائی کہتے ہیں۔اس طرح کی توانائی کو اب ایک اہم توانائی وسیلہ مانا جارہا ہے۔جسے ایک اختیاری وسیلے کے طورپر دیکھا جارہا ہے۔عہدوسطیٰ سے ہی گرم پانی کے جھرنوں سے حاصل توانائی کا استعمال ہوتا رہا ہے۔ہندوستان میں ارضی حرارتی  توانائی کا پلانٹ ہماچل پردیش کے منی کرن میں شروع ہوگیا ہے۔

---

حیاتی توانائی حیاتی اشیا سے حاصل کی جاتی ہے اس میں کھیتی سے حاصل فضلہ، نگرپالیکا اور صنعتوں سے حاصل حیاتی فضلہ شامل ہیں۔حیاتی توانائی کو بجلی اور کھانا پکانے کے لیے استعمال کرنے کی کافی گنجائش ہے۔اس طریقۂ کار سے نہ کی صرف کوڑے کچرے کو صاف کرنے میں مدد ملے گی بلکہ توانائی سے مقامی ضرورت کو کچھ حد تک پورا کیا جاسکتا ہے۔یہ ترقی پذیر ممالک کے دیہی علاقوں کی معاشی حالت کو بہتر بنائے گا اور ماحول کی آلودگی کو کم کرنے کے ساتھ ساتھ خود کفالتی کو بڑھاوا دے گا۔

پا ئدار ترقی کے لیے ضروری ہے کہ معاشی ترقی اور بہتر ماحولیاتی نظام کے مابین ایک تعلق قائم رہے۔وسائل کو روایتی انداز میں استعمال کرنے کی وجہ سے کافی مقدار میں کچرا پیداہوتا ہے اور دیگر ماحولیاتی دشواریاں پیدا ہوتی ہیں۔لہٰذا پا ئدار ترقی کے لیے ضروری ہے کہ مستقبل کی نسلوں کے لیے وسائل کا تحفظ کیا جائے۔ وسائل کے تحفظ کی فوری طورپر اشد ضرورت ہے۔توانائی کے متبادل ذرائع مثلاً شمسی، بادی، موجی، حرارت ارضی وغیرہ توانائی کے متبادل کبھی نہ ختم ہونے والے وسائل ہیں جنھیں فروغ دیا جانا چاہیے۔ توانائی اور ناقابل تجدید وسائل کی جگہ ان کے استعمال کو فوقیت دی جائے۔ فلزی معدنیات کے استعمال کی جگہ اگر دھاتوں کی چھیلن اور پرانے ٹکڑوں کو دوبارہ قابل استعمال بنایا جائے تو بہتر ہوگا۔اس طرح کا عمل تانبہ، شیشہ اور جستہ جیسی دھاتوں کے معاملہ میں زیادہ مفید ثابت ہوسکتا ہے کیونکہ ہندوستان میں یہ ذخائر کمیاب ہیں۔دوبارہ قابل استعمال بنانے کے علاوہ اگر ان کم یاب دھاتوں کی جگہ ان کی متبادل دھاتوں کو استعمال کیا جائے تو ان کم یاب دھاتوں کے استعمال کے دبائو میں خاطر خواہ کمی لائی جاسکتی ہے۔ان دھاتوں کی بیرونی تجارت پر بھی پابندی لگنی چاہیے جس سے کہ ان دھاتوں کے موجودہ ذخائر کو طویل عرصہ تک استعمال کیا جاسکے۔