معاشی اکائیوں یا معاشی ایجنٹ سے ہمارای مرادان افراد یا اداروں سے ہے جو معاشی فیصلے لیتے ہیں۔ یہ صارف ہوسکتے ہیں جو یہ فیصلے کرتے ہیں کہ کیا اور کتنا صرف کرنا ہے ۔یہ اشیا اور خدمات کے پیداکار بھی ہوسکتے ہیں جو یہ فیصلہ لیتے ہیں کہ کس کی اور کتنی پیداوارکرنی ہے۔حکومت، کار پوریشن، بینک جیسے ادارے ہوسکتے ہیں جو کئی طرح کے فیصلے لیتے ہیں ،جیسے کتنا خرچ کرنا ہے، قرض پر کتنا شرح سود لینا ہے ،کتنا ٹیکس لگانا ہے وغیرہ ۔

---

پہلا یہ کہ کلی معاشیات میں فیصلہ ساز (یاکھلاڑی) کون ہوتے ہیں ؟کلی معاشی پالیسیوں کی پابندی خود ریاست یا قانونی اداروں جیسے ریزروبینک آف انڈیا (RBI )سیکورٹیز اینڈ ایکسچنج بورڈ آف انڈیا (SEBI )یااسی طرح کے اداروں کے ذریعہ کی جاتی ہے۔مثال کے طورپر قانون یاخود ہندوستان کے آئین میں جیسا کہ تعریف کی گئی ہے کہ ایسے ہر ایک ادارے کوایک یا زیادہ کو عوامی ہدف کی تعمیل کرنی ہوگی یہ مقاصد ان انفرادی معاشی ایجنٹوں کے ہدف نہیں ہیں جو نجی فائدے یا بہبود کو زیادہ سے زیادہ کرنا چاہتے ہیں ،لہٰذا کلی معاشیات کے ایجنٹ (عوامی) بنیادی طور پرانفرادی فیصلہ سازوں سے مختلف ہوتے ہیں۔

دوسرایہ کہ کلی معاشیات کے فیصلہ ساز کیا کرنے کی کوشش کرتے ہیں ؟ ظاہر ہے انھیں اکثر معاشی مقاصد سے الگ جانا پڑتا ہے اور جن عوامی ضرورتوں کا ذکر ہم نے اوپر کیا ہے ان کے لیے معاشی وسائل کو بروئے کار لانے کا فیصلہ لینا ہوتا ہے اس طرح کی سرگرمیوں کا ہدف انفرادی مفادات کی تعمیل کرنا نہیں ہوتا ہے ان کی تعمیل پورے ملک اوراس کی عوام کی بہبود کے لیے ہوتی ہے ۔

کلی معاشیات کا ظہور معاشیات کی ایک  الگ شاخ کے طور پر برطانوی ماہر اقتصادیات جان مینارڈکینس کی مشہور کتاب ’دی جنرل تھیوری آف ایمپلائمنٹ ،انٹر یسٹ اینڈ منی کے 1936 میں شائع ہونے کے بعد ہوا ۔کینس سے پہلے معاشیات میں یہ فکر حاوی تھی کہ سارے مزدور جو کام کر نے کے خواہش مند ہیں انھیں کام ملے گا اورسارے کارخانے اپنی پوری صلاحیت کے ساتھ کام کرتے رہیں گے ۔ اس مکتب فکر کو کلاسیکی روایت کے طورپر جانا جاتا ہے ۔لیکن 1929 کی عظیم کسادبازاری اوراس کے بعد کے سالوں میں دیکھا گیا کہ یورپ اورشمالی امریکا جیسے ممالک میں برآمداور روزگار کی سطح میں کافی گراوٹ آئی اس کا اثر دنیا کے دیگر ملکوں پربھی پڑا ۔ بازارمیں اشیا کی مانگ کم تھی اورکئی کارخانے بے کار پڑے تھے ،مزدوروں کو کام سے نکال دیا گیا تھا ۔ریاست ہائے متحدہ امریکا میں 1929سے 1933 تک بے روزگاری کی شرح 3 فی صد سے بڑھ کر 25 فی صد (بے روزگاری کی شرح کی تعریف اس طرح کی جاسکتی ہے کہ لوگوں کی تعداد جو کام کی تلاش میں ہیں لیکن کام نہیں کررہے ہیں میں لوگوں کی کل تعداد جو کام کرنے کی خواہش مند ہے یا کام کررہی ہے سے تقسیم دے کرحاصل ہوتی ہے) اس مدت کے دوران ریاست ہائے متحدہ امریکا میں کل برآمد میں تقریبا 33 فی صد کی کمی آئی ۔ان واقعات نے ماہرین معاشیات کو نئے طریقے سے معیشت کے تفاعل کے بارے میں سوچنے کی ترغیب دی ۔ یہ حقیقت ہے کہ جس معیشت میں بے ر وزگار ی طویل مدت تک موجود رہے گی وہاں ایک نظر سے بازیابی اور اس کی توضیح کی ضرو رت ہوگی،کینس کی کتاب میں اس سمت میں کوشش کی گئی ہے ۔ اپنے پیش روؤں کے برعکس ان کا نظریہ معیشت کے کام کرنے والوں اور مختلف شعبوں کے باہمی انحصار کاجائز ہ لینا تھا۔ تب کلی معاشیات جیسے مضمون کا ظہور ہوا ۔

ہم جانتے ہیں کہ زیر مطالعہ مضمون کا ایک خصوصی تاریخی سیاق وسباق ہے ۔ ہم اس کتاب میں سرمایہ دار ملک کے کام کا جائزہ لیں گے۔ سرمایہ دار ملک میں پیدا واری سرگرمیاں بطور خاص جوسرمایہ دار کاروباری اداروں کے ذریعہ انجام دی جاتی ہیں ۔کسی مخصوص سرمایہ دار کاروباری ادارے کے ایک یا متعددایسے مہم جولوگ (جو بڑے فیصلوں پر کنٹرول کرتے ہیں اورفرم سے متعلق سب کچھ برداشت کرتے ہیں) ہوتے ہیں۔ وہ کاروباری ادارے کو چلانے کے لیے خود پونجی کی فراہمی کرتے ہیں یا وہ پونجی ادھار لیتے ہیں۔ کاروبار کو چلانے کے لیے انھیں قدرتی وسائل کی بھی ضر ورت پڑتی ہے ان میں سے کچھ وسائل (جیسے کچے مال) کا استعمال پیداوار کے عمل میں ہوتا ہے اورکچھ تو منتقل پونجی کی شکل میں رہتا ہے (جیسے قطعہ زمین)پیداوار کو انجام دینے کے لیے انھیں انسانی محنت کی نہایت اہم عنصر کے طورپر ضرورت ہوتی ہے ۔جس کا ہم محنت (Labour )کے طورپر حوالہ دیں گے ۔ان تین طرح کے عوامل پیداوار جیسے پونجی ،زمین ،محنت کی مدد سے برآمد کی پیدا وار کے بعد مہم جو تیار اشیا کو بازار میں فروخت کرتے ہیں ۔اس سے حاصل زر کو محاصل یاآمدنی کہا جاتا ہے۔ اس محاصل کا کچھ حصہ زمین کواس کے استعمال کے لیے کرائے کے طورپر ادا کیا جاتاہے اسی طرح کچھ حصہ پونجی پرسود کی شکل میں ا ور کچھ حصہ محنت کی مز دوری کی شکل میں فراہم کیا جاتا ہے باقی محاصل جو مہم جو کی کمائی ہے۔ اسے منافع کہاجاتا ہے۔ اس منافع کا استعمال پیدا کار آگے نئی مشین خریدنے یانئے کارخانے لگانے کے لیے کرتے ہیں تاکہ پیداوار کی وسعت ہو۔

پیداوار ی صلاحیت میں اضافہ کے لیے جو خرچ کیا جاتا ہے اسے سرمایہ کاری اخر اجات کہا جاتا ہے ۔مختصراً سرمایہ دارانہ معیشت کی تعریف یوں کی جاسکتی ہے کہ معیشت وہ ہے جس میں زیادہ تر معاشی سرگرمیوں کی درج ذیل خصوصیات ہوں (a) پیداوار ذرائع پر نجی ملکیت ہوتی ہے ۔ (b ) بازار میں برآمد کو فروخت کرنے کے لیے ہی پیداوار کی جاتی ہے ۔ (c ) مزدوری کی خدمات کی خریدوفروخت جس قیمت پر کی جاتی ہے اسے شرح مزدوری کہا جاتا ہے (محنت کی اجرت کے بدلہ خرید وفروخت کی جاتی ہے، اسے اجرتی مزدوری کہا جاتا ہے)

اگر ہم درج بالہ چاروں کسوٹیوں کا اطلاق پر دنیا کے ممالک کریں توہم دیکھیں گے کہ سرمایہ دار ملک صرف پچھلے تین چارسو سالوں کے دوران وجود میں آئے ہیں، اس کے علاوہ صحیح معنی میں اس وقت بھی شمالی امریکا ،یورپ اورایشیا کے کچھ ہی ملک سرمایہ دارملکوں کے زمرے میں آئیں گے ۔کئی ترقی پذیر ممالک میں (خاص طورپر زراعت ) میں پیداواری عمل کسان خاندانوں کے ذریعہ انجام دیا جاتا ہے ۔ اجرتی مزدوری کا استعما ل کبھی کبھی ہوتا ہے اور زیادہ تر محنت خاندان کے افرادخود کرتے ہیں ۔ پیداوار صرف بازار کے لیے نہیں ہوتی ہے ۔ پیداوار کا ایک بڑا حصہ خاندان کے ذریعہ استعمال میں لایا جاتا ہے۔ اکثر کسانوں کی پونجی میں وقت کے ساتھ ساتھ کوئی خاص اضافہ نہیں ہوتا ۔ بہت سے قبائلی سماجوں میں زمین کی ملکیت نہیں ہوتی ہے ۔زمین کی ملکیت پورے قبیلے کی ہوتی ہے۔ اس کتاب میں ہم نے جو تجزیہ پیش کیا ہے وہ ایسے سماجوں پر قابل اطلاق نہیں ہوگا۔ لیکن یہ سچ ہے کہ کئی ترقی پذیر ممالک میں جو پیداوار کی اکائیاں موجود ہیں وہ سرمایہ دارانہ اصولوں کے مطابق ہیں ۔اس کتاب میں پیداوار ی اکائیوں کو فرم کہاگیا ہے۔ کسی فرم کے کاروبار کو چلانے کی ذمہ داری مہم جو کی ہوتی ہے ۔ مہم جو بھی بازار سے مزدوروں کو مزدوری پر رکھتا ہے ۔ وہ پونجی کی خدمات کے ساتھ ساتھ زمین کا ا ستعمال کرتا ہے ان در آمدیوں کو کرائے پر لانے کے بعد پیداوار کا عمل انجام دیتا ہے اشیااور خدمات کی پیداوار (جس کابرآمد کے طورپر حوالہ دیا جاتا ہے)کے لیے اس کا مقصد بازار میں ان کو فروخت کرنا اوراس سے فائدہ حاصل کرنا ہوتا ہے ۔ اس عمل میں اسے غیر یقینی کا سامنا کرنا پڑتا ہے ۔مثال کے طورپروہ جن اشیا کی پیداوار کرتا ہے وہ اونچی قیمت پر نہیں فروخت ہوپاتی ہیں ۔ اس سے مہم جوکے منافع میں کمی ہوتی ہے یہ غور کیا جاسکتا ہے کہ سرمایہ دارملکوں میں پیداوار کے عوامل اپنی آمدنی کی تخلیق پیداواری کے عمل اوراس سے حاصل برآمدسے کرتے ہیں۔ 

ترقی یافتہ اورتر قی پذیر دونوں طرح کے ملکوں میں نجی سرمایہ دارانہ شعبہ کے علاوہ ریاست کا ادارہ ہوتا ہے ۔ ریاست کا کردارقانون بنانے ، اسے نافذ کرنے او رانصاف دلانے میں ہوتا ہے ۔کئی ایسی مثالیں ہیں جہاں پیداوار کی ذمہ داری بھی اسی کی ہوتی ہے ۔ٹیکس لگانے اور عوامی بنیادی ساختوں کی تعمیر پر خرچ کے علاوہ ریاست کے ذریعہ اسکول ،کالج بھی چلائے جاتے ہیں اورطبی خدمات میں فراہم کی جاتی ہیں ۔جب ہم کسی ملک کی معیشت کا بیان کریں تو ریاست کے معاشی افعال کا ذکر کرنا ضروری ہوجاتاہے آسانی کے لیے ہم ریاست کے لیے اصطلاح’’ حکومت ‘‘کا استعمال کریں گے ۔

کسی معیشت میں فرم اورحکومت کے علاو ہ دوسرا جو بڑاشعبہ ہوتا ہے اسے گھریلو یا اہل خانہ شعبہ کہتے ہیں ۔یہاں اہل خانہ سے ہماری مراد ایک اکیلے فرد سے ہے جو اپنے صرف سے متعلق فیصلہ کرتا ہے یاکئی افرادکے گروپ سے ہے جن کے لیے صرف سے متعلق فیصلہ متحدہ طورپر لیا جاتا ہے ۔ اہل خانہ بچت بھی کرتے ہیں اورٹیکس بھی اداکرتے ہیں ۔ انھیں ان سرگرمیوں کے لیے رقم کیسے ملتی ہے؟ ہم جانتے ہیں کہ اہل خاندان میں کئی لوگ ہوتے ہیں یہ لوگ فرموں میں مزدوروں کے طورپر کام کرتے ہیں اورمزدوری حاصل کرتے ہیں۔ وہ سرکاری محکموں میں کام کرتے ہیں اورتنخوہ حاصل کرتے ہیں یاوہ فرموں کے مالک بھی ہوسکتے ہیں جو منافع کماتے ہیں۔ فرموں کی مصنوعات کی جس بازار میں فروخت ہوتی ہے وہ واقعی اہل خانہ کی مانگ کے بغیر کام کرہی نہیں سکتا ہے ۔

ابھی تک ہم نے گھریلومعیشت میں اہم عوامل کا ذکر کیا ہے لیکن دنیا کے سارے ممالک بیرونی تجارت بھی کرتے ہیں ۔ بیرونی ِشعبہ ہمارے مطالعے میں چوتھا اہم شعبہ ہے ۔ بیرونی شعبہ سے تجارت دو طرح سے ہوسکتی ہے ۔

1۔ جب کوئی ملک اپنی گھریلواشیا کودنیا کے دیگرملکوں میں فروخت کرتے ہیں تواسے برآمد ات کیا جاتا ہے ۔

2۔ معیشت دنیا کے باقی حصوں سے اشیا خرید بھی سکتی ہے انھیں درآمدات کہا جاتا ہے ۔برآمدات اوردرآمدات کے علاوہ دوسری طرح سے دنیا کے دیگر ممالک کسی ملک کی معیشت پر اثر انداز ہوسکتے ہیں ۔

3 ۔ کسی ملک کی معیشت میں غیر ملکی سرمائے کا بھی بہاو ہوسکتا ہے یاکوئی ملک غیر ممالک میں بھی پونجی کی برآمد کرسکتا ہے ۔

---

کلی معاشیات میں کسی معیشت کے مجموعی معاشی تغیرات پر غور کیا جاتا ہے اس میں مختلف باہم مربوط سلسلوں پر بھی غور کیا جاتا ہے جو معیشت کے مختلف شعبوں میں موجود رہتے ہیں یہی و  جہ ہے کہ یہ جزوی معاشیات سے مختلف ہوتا ہے اس میں اکثر کسی معیشت کے مخصوص شعبوں کے افعال کا جائزہ لیا جاتا ہے اورمعیشت کے دیگرشعبوں کو یکساں مان لیا جاتا ہے ۔کلی معاشیات کا ظہور ایک الگ مضمون کے طورپر 1930 میں کینس کے سبب ہوا عظیم کساد بازاری میں ترقی یافتہ ممالک پر کافی ضرب بڑی اورکینس کو اپنی کتاب لکھنے کی تحریک ملی ۔ اس کتاب میں ہم اکثر سرمایہ دارنہ معیشت کے طریقۂ کار کا ہی مطالعہ کریں گے ۔لہٰذا اس میں ترقی پزیر ملکوں کے افعال کو شامل کرنا ممکن نہیں ہوتا ۔لہٰذا اس میں ترقی پزیر ملکوںاور افعال کو شامل کرنا ممکن نہیں ہو گا کلی معاشیات میں معیشت کو خاندان فرم ،حکومت اوربیرونی شعبوں کے اجتماع کی طورپر دیکھا جاتا ہے۔

---

---

مشقیں 

مجوزہ مطالعات