• زمین دار ذمہ دار تھے۔
  
• کمپنی کو مال گذاری ادا کرنے کے لیے 
  
• گاؤں پر مالگذاری کا مطالبہ (جمع) کی حد بندی (تقسیم) کرنے کے لیے۔ 
  
• گاؤں کی ہر ایک چھوٹی بڑی رعیت زمین دار کو محصول ادا کرتی تھی۔
  
• جوت دار دیگر رعیتوں کو قرض دیتے اور اپنی پیداوار فروخت کرتے تھے
  
• رعیت کچھ زمین کی کاشت کرتی تھی اور باقی زمین ماتحت رعیت (شکمی رعیت)کو محصول پر دیتی تھی۔ 
  
• شکمی رعیت، رعیت کو محصول ادا کرتی تھی۔
  

جب استمراری بندوبست نافذ کیا گیا اس وقت تیج چند بردوان کا راجہ تھا۔ اس کے بعد مہتاب چند  کے تخت بردوان کی زمین داری کو کافی فروغ حاصل ہوا ۔ مہتاب چند نے سنتھال بغاوت اور 1857 کی بغاوت میں انگریزوں کی مدد کی۔

1.6  پانچویں رپورٹ(The Fifth Report)

2. بیلچہ اور ہل (THE HOE AND THE PLOUGH)

2.1 راج محل کی پہاڑیوں میں ( In the Hills of Rajmahal )

اوپر کی تصویر کو دیکھیے اور ان طریقوں کی شناخت کیجیے جن کے ذریعہ دلکش مناظر کی روایات کی نمائندگی کی گئی ہے۔

تصویر 10.8 اور 10.9 کو دیکھیے اور بتائیے کہ ان تصاویر میں قبائلی لوگ اور فطرت کے درمیان تعلقات کی نمائندگی کس طرح کی گئی ہے۔

شکل م10.10

سنتھال علاقے میں ایک پہاڑی گاؤں۔  

23 فروری 1856 میں السٹرٹیڈ لندن نیوز میں شائع تصویر۔

1850 کی ابتدائی دہائی میں والٹر شیرول کے ذریعہ بنائی گئی راج محل کی نچلی پہاڑیوں میں واقع ایک گاؤں کی تصویر۔یہ گاؤں پرسکون، پر امن اور دلکش ظاہر ہوتا ہے۔ اس کی زندگی باہر ی دنیا سے متاثر معلوم نہیں ہوتی۔

تصویر 10.12 کا اس سنتھال گاؤں کی تصویر کے ساتھ موازنہ کیجیے۔

شکل 10.11

سیدھو مانجھی، سنتھال بغاوت کا قائد

شکل 10.12 

سنتھال برطانوی راج کے سباھیوں سے جنگ کرتے ہوئے۔ 23 فروری 1856 کے السڑ ٹیڈ لندن نیوز میں شائع تصویر۔

اس بغاوت نے سنتھالوں کے تئیں برطانوی تصور کو تبدیل کر دیا۔ جو گاؤں پہلے پر سکون اور پر امن نظر آ تے تھے(تصویر 10.10) اب تشدد اور خوں ریزی کے مقامات بن گئے۔

تصور کیجیے کہ آپ انگلینڈ میں السڑٹیڈ لندن نیوز کے قاری ہیں۔ تصویر 10.12،10.13 اور 10.14 میں دکھائے گئےمناظر کے تئیں  آپ کیسے ردِ عمل ظاہر کریں گے؟ آپ کے ذہن میں یہ تصاویر سنتھالوں کی کیا شبیہ بناتی ہیں؟

شکل 10.13

جلتے ہوئے سنتھال گاؤں 23 فروری 1856 کے السٹر ٹیڈ لندن نیوز میں شائع تصویر 

بغاوت کچل دیے جانے کے بعد علاقے کی تلاشی لی گئی ۔ مشتبہ لوگوں کو پکڑا گیا اور گاؤں کو آگ لگا دی گئی۔ جلتے ہوئے گاؤں کی تصاویر انگلینڈ کی عوام کو دکھائی گئیں۔ ایک دفعہ پھر یہ مظاہرہ کرنے کے لیے برطانوی کتنے طاقتور ہیں اور ان میں بغاوت کو کچلنے اور نو آبادیاتی نظام کو نافذ کرنے کی صلاحیت ہے۔ 

شکل 10.14 

سنتھال قیدیوں کو لے جاتے ہوئے۔ 1856 کے السٹر ٹیڈ لندن نیوز میں شائع تصویر 

دھیان دیجیے کہ ایسی تصاویر کس طرح کے سیاسی پیغام کو ذہن نشین کراتی ہیں۔ آپ دیکھ سکتے ہیں کہ برطانوی افسران فاتحانہ انداز میں فخریہ انداز میں ہاتھی پر سوار ہیں۔ گھوڑے پر سوار ایک افسر حقہ پی رہا ہے۔ اس تصویر میں اس پر زور دیا گیا ہے کہ پریشانی کا وقت ختم ہو گیا اور بغاوت کچل دی گئی ہے۔ باغیوں کو زنجیروں میں باندھ کر کمپنی کے سپاہی انھیں حفاظت کے ساتھ گھیرے ہوئے جیل لے جا رہے ہیں۔ 

2.3 بکانن کی رواداد (The accounts of Buchanan )

ہم بکانن کی رواداد کی بنیاد پر یہاں خاکہ کھینچ رہے ہیں، لیکن اس کی رپورٹوں کو پڑھتے ہوئے ہم کو یہ نہیں بھولنا چاہیے کہ وہ برٹش ایسٹ انڈیا کمپنی کا ایک ملازم تھا۔ اس کے سفر صرف برّی مناظر اور نامعلوم کی دریافت کی خواہش سے ہی تحریک یافتہ نہیں تھے۔ وہ نقشہ نویسوں ، جائزہ کاروں، پالکی اٹھانے والوں، قلیوں وغیرہ لوگوں کی ایک بری فوج کے ہمراہ ہر جگہ کوچ کرتا تھا۔ اس کے سفر کا خرچ ایسٹ انڈیا کمپنی برداشت کرتی تھی کیونکہ اسے ان اطلاعات کی ضرورت تھی جن کو جمع کرنے کی امید بکانن سے تھی۔ کانن کو اس بارے میں خاص طور پر ہدایت دی گئی تھی کہ اسے کیا دیکھنا ہے اور تحریر کرنا ہے۔ وہ جب بھی اپنے لوگوں کی جوج کے ہمراہ کسی گاؤں میں پہنچتا تو اس کو فوراً ہی سرکار کے ایک ایجنٹ کی شکل میں ہی دیکھا جاتا تھا۔ 

جوں ہی کمپنی نے اپنی طاقت مستحکم کی اور تجارت کی توسیع کی اس نے قدرتی وسائل کی طرف دیکھنا شروع کیا تاکہ ان پر کنٹرول کر کے ان کا استحصال کیا جا سکے ۔ ان نے برّی مناظر اور مال گزاری وسائل کا سروے کیا ، انکشاری مہمیں منظّم کیں اور اطلاعات جمع کرنے کے لیے ماہر ارضیات اور جغرافیہ داں نیز نباتات داں اور طبی ماہرین کو بھیجا ۔ بلا شبہ بکانن ایک غیر معمولی مشاہد تھا۔ وہ ایک ایسا شخص تھا ، جو جہاں کہیں بھی گیا وہاں اس نے پتھروں اور چٹانوں نیز وہاں کی زمین کی مختلف سطحوں اور پرتوں کا بغور پر مشاہدہ کیا۔ اس نے تجارتی نقطئہ نظر سے قیمتی معدنیات اور پتھروں کو تلاش کیا۔ اس نے خام لوہا، ابرق، گرینائٹ اور سالٹ پیڑ کی تمام علامات کو ریکارڈ کیا ۔ اس نے نمک بنانے اور کانوں سے خام لوہا نکالنے کے مقامی معمولات کا باریک بینی سے مشاہدہ کیا۔ 

کسی برّی منظر کے متعلق لکھتے ہوئے بکانن صرف یہ نہیں بیان کرتا کہ اس نے کیا دیکھا اور برّی منظر کیسا لگتا تھا وہ یہ بھی لکھتا کہ اس میں تغیر لا کر اسے زیادہ پیداواری کیسے بنایا جا سکتا ہے، کس طرح کی فصلوں کی زراعت ہو سکتی ہے، کون سے درخت کاٹے جا سکتے ہیں اور کون سے پیدا کیے جا سکتے ہیں اور ہم کو یہ بھی یاد رکھنا ہوگا کہ اس کی بصارت اور اس کی فوقیت مقامی باشندوں سے مختلف ہوتی تھی۔ کیا ضروری ہے، اس ضمن میں اس کا تخمینہ کمپنی کے تجارتی اغراض و مقاصد اور ترقی کے ضمن میں جدید مغربی تصور سے متعین ہوتا ہے۔ ناگزیر طور پر وہ جنگلاتی باشندوں کی طرزِ زندگی کا ناقد تھا اور یہ محسوس کرتا تھا کہ جنگلات کو زراعتی زمینوں میں تبدیل کرنا ہوگا۔ 

ماخذ 3

سنتھالوں پر بکانن کا بیان ( Buchanan on the Santhals)

بکانن لکھتا ہے:

نئی زمینیں صاف کرنے میں بہت ہوشیار ہیں۔ لیکن حقیرانہ انداز میں رہتے ہیں۔ ان کی جھونپڑیوں میں کوئی باڑھ نہیں ہوتی ہے اور دیواریں چھوٹی چھوٹی سیدھی کھڑی کی گئی جھڑوں سے جو کافی نزدیک ہوتی ہیں، بنائی جاتی ہیں، جن پر اندر کی جانب پلاسٹر کیا جاتا ہے۔ یہ چھوٹی اور بدسلیقہ ہوتی ہیں اور چھت سپاٹ ہوتی ہیں جس میں بہت کم محربی پن ہوتا ہے۔

ماخذ 4

کڈویا کے قریب کی چٹانیں (The rocks near Kaduya)

بکانن کا رساکہ مندرجہ ذیل جیسے مشاہدات سے بھرا ہوا ہے:

تقریباً ایک میل آگے چلنے کے بعد (میں)کسی سطح کی شہادت کے بغیر چٹانوں کے پہلو کے باہر نکلتے ہوئے کم اونچائی والے حصہ پر آ گیا ؛ یہ ایک چھوٹا دانے دار گرینائٹ ہے ساتھ ہی سرخ قلمی دھات (Feldspar) سنگ مروہ(Quaertz)اور سیاہ ابرق (Black Mica)...

یہاں سے آدھے میل کے فاصلے پر میں ایک دوسری چٹان پر آیا جو طبق در طبق نہیں تھی اور جو عمدہ دانے دار گرینائٹ ساتھ میں پیلی سی قلمی دھات ، سفید سنگِ مروہ اور سیاہ ابرق تھا۔

بحث کیجیے...........

بکانن کیا تذکرہ ارتقا کے متعلق اس کے خیالات کے بارے میں ہمیں کیا بتاتا ہے؟َاقتباس سے حوالہ دیتے ہوئے اپنے دلائل پیش کیجیے۔ اگر آپ ایک پہاڑی باشندے ہوئے تو ان خیالات کے متعلق کیا ردِعمل ہوتا؟

ماخذ 5

3۔ دیہات میں بغاوت(A REVOLT IN THE COUNTRYSIDE)

(بمبئی دکن)(THE BOMBAY DECCAN)

آپ پڑھ چکے ہیں کہ نو آبادیاتی بنگال کے کسانوں اور زمین داروں نیز راج محل کی پہاڑیوں کے پہاڑی اور سنتھالوں کی زندگی کس طرح تبدیل ہوئی۔ آئیے اب مغربی ہندوستان اور بعد کے عہد کی طرف رخ کرتے ہیں اور تحقیق کرتے ہیں کہ ممبئی دکن کے دیہی علاقوں میں کیا ہو رہا تھا۔

ایسی تبدیلیوں کی تحقیق کا ایک طریقہ یہ ہے کہ وہاں کے کسانوں کی بغاوت پر دھیان مرکوز کیا جائے۔ ایسے ماحولیاتی وقت میں باغی اپنا غصہ اور جوش جنون ظاہر کرتے ہیں۔ وہ جسے نا انصافی اور اپنی پریشانی کے اسباب سمجھتے ہیں اس کے خلاف آواز اٹھاتے ہیں۔ اگر ہم ان کی مزاحمت کو بطور تمہید سمجھنا چاہتے ہیں اور ان کے غصے کی تہوں کو ادھیڑنا ہے تو ہم کو ان کی زندگی اور تجربات کی جھلک دیکھنی ہوگی۔ بصورت دیگر یہ ہم سے پوشیدہ رہے گی۔ بغوتیں دستاویزات بھی پیش کرتی ہیں جن کا مؤرخین معائنہ کر سکتے ہیں۔ باغیوں کی حرکات و سکنات سے ہوشیار ہو کر اور نظم و نسق کو دوبارہ قائم کرنے کی خواہش سے ریاست کے عہدے داران صرف باغیوں کو دبانے کی کوشش نہیں کرتے بلکہ وہ اس کو سمجھنے کی کوشش کرتے ہیں، اس کے اسباب کی تحقیق کرتے ہیں تاکہ پالیسیوں کو تشکیل دیا جا سکے اور امن و امان قائم کیا جا سکے اس تلاش سے شہادتیں حاصل ہوتی ہیں جس کی مؤرخین تحقیق کر سکتے ہیں۔

انیسویں صدی کے دوران ہندوستان کے مختلف حصوں میں کسانوں نے مہاجنوں اور اناج کے تاجروں کے خلاف بگاوتیں کیں۔ اسی طرح کی ایک بغاوت 1875 میں دکن مین بھی واقع ہوئی۔ 

3.1 بہی کھاتوں کو جلا دینا (Account books are burnt)

یہ تحریک پونہ(موجودہ پونے) ضلع کے ایک بڑے گاؤں سوپا سے شروع ہوتی ہے۔ سوپا ایک بازار مراکز تھا جہاں بہت سے دکان دار اور مہاجن رہتے تھے۔ 12 مئی 1875 کو قرب و جوار کے دیہی علاقے کی رعیت (کسان) جمع ہو گئے اور دکان داروں پر ان کے بہی کھاتوں اور قرض معاہدوں کا مطالبہ کرتے ہوئے ان پر حملہ کر دیا۔ انھوں نے بہی کھاتوں کو جلایا ، اناج کی دکانوں کو لوٹ لیا اور ساہوکاروں کے گھروں کو بھی آگ لگا دی۔

پونہ سےیہ بغاوت احمد نگر تک پھیل گئی۔ پھیر آئندہ دو مہینوں میں یہ بغاوت مزید 6500 کلومیٹر کے رقبے میں بھیل گئی ۔30 سے بھی زیادہ گاؤں اس سے متاثر ہوئے۔ ہر جگہ بغاوت کا نمونہ ایک جیسا ہی تھا۔ ساہوکاروں پر حملہ کیا گیا، بہی کھاتوں کو جلایا گیا اور قرض معاہدوں کو تباہ کر دیا گیا۔ ساہوکار گاؤں چھوڑ کر بھاگ گئے۔ اکثر واقعات میں وہ اپنی ملکیت اور مال و اسباب بھی پیچھے چھوڑ گئے۔

جب بغاوت پھیلی تو برطانوی افسران کی آنکھوں کے سامنے 1857 (دیکھیے با ب 11) کے مناظر آ گئے۔ باغی کسانوں کو اطاعت قبول کرنے اور خوفزدہ کرنے کے واسطے گاؤں میں پولس چوکیاں قائم کی گئیں ، جدل ہی فوجوں کو بلایا گایا: 95 افراد کو گرفتار کیا گیا اور بہت سے لوگوں کو سزا دی گئی لیکن دیہی علاقوں کو اپنے کنٹرول میں کرنے میں کئی مہینے لگ گئے۔

ماخذ6

اس دن سوپا میں(On that day in supa)

16 مئی 1875 کو پونہ کے ضلع مجسٹریٹ نے پولس کمشنر کو لکھا:

بروز سنیچر ، 15 مئی کے دن سوپا میں آنے کے بعد میں اس ہنگامے سے آگا ہ ہوا۔ 

ایک مہاجن کا گھر جلا دیا گیا، تقریباً ایک درجن مکانوں کو بزورِ طاقت توڑ دیا گیا اور پوری طرح مال و اسباب کوبرباد کر دیا گیا۔حساب کتاب کے کاغذات ، معاہدے ، اناج، دیہاتی کپڑے سڑکوں پر لاکر جلا دیے گئے جہاں راکھ کے ڈھیر اب بھی دیکھے جا سکتے ہیں۔

چیف کانسٹیبل نے 50 لوگوں کو گرفتار کیا۔ چوری کی دو ہزار کی ملکیت کی باز یافت کی گئی تخمیناً 25,000 روپے سے زیادہ کا نقصان ہوا۔ مہاجنوں کا نقصان کا دعویٰ ایک لاکھ سے زیادہ کا ہے۔ 

دکن رائٹس کمیشن

ساہوکار ایک ایسا شخص ہوتا تھا جو مہاجن اور تاجر دونوں کے کردار ایک ساتھ ادا کرتا تھا۔

ماخذ 7

ایک اخبار کی رپورٹ( A news paper report)

رعیت اور مہاجن  کے عنوان سے مندرجہ ذیل رپورٹ  نیٹیو  اوپینین ( Native opinion ) 

 یہ (رعیت) پہلے اپنے گاؤں کی سرحد پر یہ دیکھنے کے لیے جاسوسی کرتے ہیں کہ اگر سرکاری افسران آ رہے ہیں تو ان کے آنے کی اطلاع مجرموں کو وقت پر ہی دے دیتے ہیں۔ پھر وہ ایک گروہ کی شکل میں جمع ہو کر اپنے قرض خواہ (ساہوکار) کے گھر جاتے ہیں اور ان سے ان کے اقرار نامے اور دیگر دستاویزات حوالے کرنے کا مطالبہ کرتے ہیں اور انکار کرنے پر قرض خواہوں پر حملہ کرنے اور لوٹ مار کرنے کی دھمکی دیتے ہیں۔اگر ایسے کسی حادثے کے وقت کوئی سرکاری افسر ان کے گاؤں کی طرف آتا ہوا نظر آتا ہے تو جاسوس مجرموں کو اس کی اطلاع دے دیتے ہیں اور بعد میں یہ مجرمین وقت رہتے غائب ہو جاتے ہیں۔

ایک مصنف کے ذریعہ مستعمل الفاظ اور اصطلاحات اکثر ہمیں اس کے میلان خاطر کے متعلق بتاتے ہیں۔ ماخذ 7 کو غور سے پڑھیے اور ان اصطلاحات کی انتخاب کیجئے جو مصنف کے کسی میلان خاطر کی طرف اشارہ کرتے ہیں۔ بحث کیجیےکہ اس علاقے کی رعیت ایسی حالت کا تذکرہ کس انداز میں کرتی ہوگی۔ 

کرایہ دہندہ کی اصطلاح کا استعمال ایسے لوگوں کی تخصیص کرنے کے لیے کیا جاتا ہے جو اپنی ملکیت سے کرایہ آمدنی پر زندگی گزارتے ہیں۔

ریکارڈو کے خیالات کے مطابق زمین مالکان کو اس وقت رواج پذیر  " اوسط لگان" کا ہی صرف دعویٰ کرنا چاہیے ۔ جب زمین سے " اوسط لگان"  سے زیادہ  پیدا ہونے لگے تو زمین مالکان کو زائد مقدار میں آمدنی ہوگی جس پر ریاست کو ٹیکس لگانے کی ضرورت ہے۔ اگر ٹیکس نہیں لگایا گیا تو کاشت کار کرایہ دہندگان میں بدل جائیں گے اور ان کی زائد مقدار آمدنی کا زمین کی اصلاح میں ازروئے پیدائش سرمایہ کاری نہیں ہوگی۔ ہندوستان میں بہت سے برطانوی افسران نے سونچا کہ بنگال کی تاریخ ریکارڈو کے نظریہ کی تصدیق کر دی ہے۔ وہاں کے زمین دار کرایہ دہندگان کے طہور پر تبدیل ہوتےنظر آئے کیونکہ انھوں نے اپنی زمینیں پٹے پر دے دیں اور کرائے کی آمدنی پر گزر بسر کرنے لگے۔ یہ ضروری تھا کہ برطانوی افسر ان بھی یہ محسوس کرنے لگیں کہ ایک مختلف نظام اپنایا جائے۔

جو مال گزاری نظام بمبئی دکن میں رئج کیا گیا وہ  " رعیت واری بندو بست" کے نام سے معروف ہے۔ بنگال میں نافذ نظام کے خلاف مال گزاری راست طور پر " رعیت"کے ساتھ طے کی جاتی تھی۔ مختلف طرح کی زمینوں سے ہونے والی اوسط آمدنی کا تخمینہ کر لیا جاتا تھا، رعیت کی مال گزاری ادا کرنے کی استعداد کی تخمینہ کر لیا جاتا تھا اور ریاست کے حصے کی شکل میں اس کی ایک مقدار طے کر دی جاتی تھی۔ ہر تیسویں سال میں زمینوں اک از سر نو سروے کیا جاتا تھا اور لگان کی شرح بڑھادی جاتی تھی۔ تاہم لگان کی مطالبہ زیادہ عرصہ تک مستقل نہیں تھا۔ 

3.3  مال گزاری مطالبہ اور کسان کا قرض (REVENUE DEMAND AND PEASANT DEBT)

ممبئی دکن میں پہلا مال گزاری بندوبست 1820 کی دہائی میں کیا گیا ۔ مال گزاری کا مطالبہ اتنا زیادہ تھا کہ بہت سے مقامات پر کسان اپنے گاؤں کو چھوڑ کر نئے علاقوں میں ہجرت کر گئے۔ ان علاقوں میں زمین گھٹیا قسم کی تھی اور بارش بھی غیر مستقل تھی، خاص طور پر مسئلہ شدیدتھا۔ جب بارش نہیں ہوتی تو فصل کم مقدار میں ہوتی تھی لہٰذا کسان کے لیے لگان ادا کرنا ناممکن ہو جاتا تھا۔ تاہم لاگان جمع کرنے والے نگراں کلکٹراپنی کارکردگی کا مظاہرہ کرتے تھے اور اپنے اعلیٰ افسران کو خوش کرنے کے لیے کوشش کرتے تھے۔ اس لیے وہ انتہائی سخت گیری کے ساتھ رقم وصول کرنے کی جدوجہد کرتے تھے ۔ جب کوئی شخص لگان ادا کرنے میں ناکام رہتا تو اس کی فصلیں ضبط کر لی جاتی تھیں اور پورے گاؤں پر جرمانہ نافذ کردیا جاتا تھا۔

1830 کی دہائی تک مسئلہ مزید سخت ہو گیا ۔ 1832 کے بعد زرعی پیداوار کی قمیتوں میں تیزی سے گراوٹ آئی اور ڈیڑھ دہائی تک اس حالت میں کوئی بہتری نہیں ہوئی جس کا مطلب کسانوں کی آمدنی میں مزید گراوٹ تھا، اس زمانے میں 1832-34  کے سالوں میں دیہی علاقے قحط میں برباد ہو گئے۔ دکن کے ایک تہائی جانوور ہلاک ہو گئے اور نصف انسانی آبادی بھی فوت ہو گئی ۔ جو بچ گئے ان کے پاس بھی اس بحران سے نکلنے کے لیے زرعی ذخیرہ نہ تھا۔ لگان ادانہ کیا گیا تو بقایا میں اضافہ ہو تا گیا۔

ایسے میں کاشت کار کیسے زندہ رہے؟ انھوں نے لگان کیسے ادا کیا، اپنے ہل بیل کیسے خریدے یا بچوں کی شادیاں کیسے کیں؟

انھیں نا گزیر طور پر قرض لینا پڑا۔ مہاجنوں سے قرض لے کر ہی شاذونادر لگان ادا کیا جا سکتا تھا لیکن رعیت نے اگر ایک دفعہ قرض لے لیا تو اس کے لیے اسے واپس کرنا کافی مشکل تھا۔ قرض بڑھتا گیا اور قرض کی رقم غیر ادا شدہ بنی رہی تو کسانوں کا انحصار مہاجنوں پر بڑھ گیا۔حتیٰ کہ روز مرہ کی ضرورتوں کی اشیا خریدنے اور اپنے پیداواری اخراجات کو پورا کرنے کے لیے انھیں مزید اب قرض لینے کی ضرورت پڑ گئی۔ 1840 کی دہائی تک افسران کو بھی ہر جگہ کسانوں کے قرض کے بوجھ کی خطرناک سطح کے شواہد ملنے لگے۔

1840 کی دہائی کے وسط تک معاشی بحالی کی علامات نظر آنے لگیں۔ بیشتر برطانوی افسران نے یہ سمجھنا شروع کر دیا کہ 1820 کی دہائی میں کیے گئے بندوبست بے رحمانہ تھے۔ مطالبہ کیا گیا کہ لگان بہت زیادہ تھا، نظام سخت گیر تھا اور کسانوں کی معیشت گرنے کے قریب تھی۔ اس لیے کھیتی کی توسیع کرنے کے لیے کسانوں کی حوصلہ افزائی کی خاطر لگان مطالبہ کو معتدل کیا گیا ۔ 1845 کے بعد زرعی قیمتوں کی بحالی مستحکم ہوئی ۔ کاشت کار اب اپنے زرعی رقبے میں توسیع کرنے لگے اور نئے علاقوں میں حکرت پذیر ہونے لگے تھے نیز چراگاہی زمینوں کو کاشت شدہ کھیتوں میں تبدیل کرنے لگے۔ لیکن کسانوں کو اپنی کاشت کاری میں توسیع کرنے کے لیے زیادہ ہلوں اور مویشیوں کی اور زمین و بیج کی خریدنے کے لیے رقم کی ضرورت تھی۔ ان سب کاموں کے لیے ایک بار پھیر نہیں مہاجنوں سے قرض لینے کے لیے جانا پڑا۔

شکل 10.15

کپاس کی گرم بازاری

اس گراف کی لائن کپاس کی قیمتوں میں ہونے والے اضافہ اور کمی کو ظاہر کر رہی ہے۔

3.4 کپاس میں پھر گرم بازاری آئی( THEN CAME THE COTTON BOOM)

1860 کی دہائی سے قبل برطانیہ میں درآمد کی جانے والی خام کپاس کا تین چوتھائی حصہ امریکہ سے آتا تھا۔ برطانوی سوتی کپڑے کے صنعت کار طویل عرصے سے امریکی کپاس سپلائی پراپنے انحصار کی وجہ سے پریشان تھے۔ اگر یہ ذریعہ بند ہو گیا تو کیا ہوگا؟ اس سوال سے پریشان ہو کر مشتاقانہ انداز میں کپاس کی سپلائی کے لیے متبادل ذریعہ تلاش کر رہے تھے۔ 

1857 میں برطانیہ میں کاٹن سپلائی ایسوسی ایشن قائم کی گئی اور 1859 میں منچسٹر کاٹن کمپنی تشکیل دی گئی جس کا مقصد دنیا کے ہر حصے میں کپاس کی پیداوار کی حوصلہ افزائی کرنا تھا جو ان کی نشو ونما کے لیے موزوں ہو۔ انھوں نے ہندوستان کو ایک ایسے ملک کے طور پردیکھا جو امریکہ سے کپاس کی سپلائی بند ہو جانے کی صورت میں لنکا شائر کو کپاس کی فراہمی کر سکتا تھا۔ کپاس کی کاشت کے لیے ہندوستان میں موافق زمین اور آب و ہوا کے ساتھ سستی مزدوری بھی تھی۔

شکل 10.16

کپاس کی نقل و حمل کے لیے گاڑیاں ایک برگد کے نیچے کھڑی ہوئی ہیں۔

السٹریٹڈلندن نیوز، 13 دسمبر 1862

1861 میں جب امریکی خانہ جنگی چھڑ گئی تو برطانیہ میں پورے کپاس حلقوں میں خوف کی لہر پھیل گئی ۔ امریکہ سے درآمد خام کپاس کی سپلائی میں گراوٹ آئی۔ یہ حسب معمول مقدار کی تین فیصد سے کم تھی۔ 1861 میں جہاں بیس لاکھ گانٹھیں (ہر گانٹھ 400 رلس کی) آئی تھیں وہیں 1862 میں صرف 35 ہزار گانٹھیں درآمد ہوئیں۔ مضطربانہ انداز میں ہندوستان اور دیگر ملکوں کو یہ پیغامات بھیجے گئے کہ برطانیہ کو کپاس کی درآمد میں اضافہ کریں۔ بمبئی میں کپاس کے تاجروں نے اس کی سپلائی کا تخمینہ کرنے اور زراعت کی حوصلہ افزائی کرنے کے لیے کپاس پیدا کرنے والے ضلعوں کا دورہ کیا۔ کپاس کی قیمتیں بلند ہوئیں۔( تصویر 10.15دیکھیے) 

ویسے ہی بمبئی میں کپاس برآمد کرنے والے تاجروں نے برطانیہ کے مطالبہ کو پورا کرنے کے لیے ہر ممکن طریقے سے زیادہ سے زیادہ کپاس خریدنے کو یقینی بنایا۔ اس لیے انھوں نے شہری ساہوکاروں کو پیشگی رقم دی جو ان دیہی مہاجنوں کو دیں تاکہ وہ خطیر رقم ادھار دیں، جنھوں نے پیداوار کو یقینی بنانے کا وعدہ کیا تھا۔ جب گرم بازاری آتی ہے تو قرض آسانی سے زیادہ تعداد میں لیا دیا جاتا ہے، کیوں کہ جو قرض دیتے ہیں وہ اپنی رقم کی وصولیابی کے بارے میں بے فکری محسوس کرتے ہیں۔

شکل 10.17کے تین پینل ہیں، کپاس کی نقل و حمل کے محتلف طریقے دکھائے گئے ہیں۔ تصویر میں کپاس کے وزن سے گرتے بیلوں ، سڑک پر پڑے گول مول بٹے اور کشتی پر لدی گانٹھوں کے ڈھیر پر دھیان دیجیے ، فنکار ان تصاویر کے ذریعہ کیا سمجھانا چاہتا ہے؟

شکل 10.17

ریلوے کے دور سے قبل کپاس کی نقل و حمل ، السٹریٹڈ لندن نیوز، 20 اپریل 1861

امریکی خانہ جنگی کے دوران جب امریکہ سے کپاس کی سپلائی بند ہو گئی تب برطانیہ پر امید ہو گیا کہ ہندوستان برطانوی صنعتوں کے لیے کپاس کی تمام ضرورتوں کے لحاظ سے سپلائی کردے گا، اس لیے سپلائی کا تخمینہ کیا جانے لگا، کپاس کی خوبی کی جانچ کی جانے لگی اور پیداوار کی خریدو فروخت کرنے کے طریقوں کا مطالعہ ہونے لگا۔ السڑ ٹیڈ لندن نیوز کے صفحات میں ان کی یہ دل چسپی منعکس ہوتی ہے۔

شکل 10.18

کشتیوں کا ایک بیڑا مرزاپور سے گنگا کے راستے کپاس کی گانٹھیں لے جاتے ہوئے۔

السٹریٹڈ لندن نیوز ، 13 دسمبر 1862۔

ریلوے کا دور شروع ہونے سے قبل مرزاپور کا قصبہ دکن سے آنے والی کپاس کا ذخیرہ مرکز تھا۔

اس ارتقا کا دکن کے دیہی علاقوں پر گہرا ثر پڑا۔ دکن کے گاؤں کی رعیت نے اچانک دیکھا کہ ان کی رسائی بظاہر غیر محدود قرض تک ہو گئی ہے۔ انھیں کپاس اگائے جانے والی فی ایکڑ زمین کے لیے سوروپئے کی رقم پیشگی دی جانے لگی۔ ساہوکار بھی سویع طور پر طویل مدتی شرائط کے قرض دینے کے لیے رضا مند تھے۔

جب امریکی بحران جاری تھا تو اس زمانے میں بمبئی دکن میں کپاس کی پیدوار وسیع ہو گئی تھی۔ 1860 اور 1864 کے درمیان کپاس پیداوار کا رقبہ دوگنا ہو گیا۔ 1862 تک 90 فیصد سے زائد کپاس برطانیہ میں ہندوستان سے آتی تھی۔

گرم بازاری کے یہ سال بھی تمام کپاس تاجروں میں خوشحالی کا باعث نہیں بنے۔ کچھ مال دار کسانوں کو فائدہ ہوا، لیکن کپاس کے کاروبار کی وسعت کا مطلب یہ ہوا کہ اکثریت قرض کے بوجھ سے دب گئی۔

شکل 10.19

 گریٹ انڈین پین سولا ریلوے کے ٹرمنس پر  کپاس کی گانٹھیں لندن کے لیے جہاز پر چڑھانے کے لیے پڑی ہیں۔ السٹریٹڈ لندن نیوز، 23 اگست 1862۔ 

ایک دفعہ ریلوے شروع ہو گئی تو کپاس کی سپلائی صرف بیل گاڑیوں اور کشتیوں پر ہی موقوف نہیں رہی بلکہ ریلوے سے بھی ہونے لگی۔ ندیوں سے آمدورفت وقت کے ساتھ کم ہو گئی لیکن نقل و حمل کے پرانے طریقے پوری طرح بر طرف نہیں ہوئے۔ تصویر کے پیش منظر میں دائیں طرف لدکی ہوئی بیل گاڑی ریلوے اسٹیشن سے بندرگاہ تک کپاس کی گانٹھیں لے جانے کے انتظار میں کھڑی ہے۔

3.5 قرض کے منبع کا خشک ہو جانا( Credit dries up )

جس طرح کپاس میں گرم بازاری تھی ، ہندوستان کے کپاس کے تاجر امریکہ کو مستقل طور پر بر طرف کر کے خام کپاس کے عالمی بازار پر قبضہ کرنے کے خواب دیکھ رہے تھے۔ 1861 میں  ـبامبے گزٹ کے مدیر نے سوال کیا غلام ریاستوں 

(ریاست ہائے متحدہ امریکہ ) کو ہٹا کر ہندوستان کو لنکا شائر کا سامان بہم پہنچانے والا بننے سے کون روک سکتا ہے؟ 1865 تک یہ خواب بھی بند ہو گئے۔ جب امریکہ میں خانہ جنگی ختم ہو گئی تو کپاس کی پیدوار کو پھر سے رواج دیا گیا اور ہندوستانی کپاس کی برطانیہ میں درآمد باقاعدہ طور پر زوال پذیر ہو گئی۔ 

مہاراشٹرا میں برآمد تاجر اور ساہوکار اب وسیع پیمانے پر طویل مدتی قرض دینے کے لیے زیادہ پر جوش نہ تھے۔ وہ یہ دیکھ سکتے تھے کہ ہندوستانی کپاس کے لیے مطالبہ زوال پذیر ہے اور کپاس کی قیمتوں میں بھی کمی آ رہی ہے اس لیے انھوں نے اپنے دائرہ عمل بند کرنے ، کسانوں کو پیشگی رقم محدود کرنے اور بقایا قرض کی ادائیگی کے مطالبہ کا فیصلہ کیا۔

اگر چہ قرض کا منقطع خشک ہو گیا تھا لیکن مال گزاری کے مطالبہ میں اضافہ کر دیا گیا ۔ جیسا کہ ہم نے دیکھا کہ پہلا مال گزاری بندوبست 1820 اور 1830 کی دہائی میں کیا گیا ۔ اب دوسرا بندوبست کرنے کا وقت تھا اور اس نئے بندوبست میں مطالبہ کو ڈرامائی طور پر 50 سے 100 تک بڑھا دیا گیا ۔ رعیت ایسے وقت پر جب قیمتیں گر رہی تھیں اور کپاس کے کھیت غائب ہو رہے تھے بڑھتی ہوئی مقدار میں مطابلہ کی ادائیگی کیسے کر سکتی تھی تاہم انھیں ایک بار پھر مہاجنوں کی طرف رخ کرنا پڑا لیکن انھوں نے اب قرض دینے سے انکار کر دیا۔ انھیں رعیت کی قرض ادائیگی کی صلاحیت پر اب زیادہ یقین نہیں رہا تھا۔ 

رعیت کی ایک عرضداشت

(A ryot petitions)

یہ ایک عرصداشت کی مثال ہے جو کر جات تعلقہ کے میراج گاؤں کی ایک رعیت کی طرف سے کلکٹر احمد نگر، دکن رائٹس کمیشن کو دی گئی تھی:

ساہوکار کافی عرصے سے ہم پر ظلم کرتے ہیں۔ چونکہ ہم اپنے گھر کے اخراجات پورے کرنے سے زیادہ نہیں کما پاتے ، ہم حقیقت میں ان سے پیسے ، کپڑے اور اناج کے لیے بھیک مانگنے پر کجبور ہیں جو ہم ان سے سخت مشکل سے حاصل کرتے ہیں۔ اس کے  لیے ہمیں ان کے ساتھ سخت شرائط پر معاہدہ کرنے کے لیے مجبور ہونا پڑتا ہے۔ اس کے علاوہ ضروری کپرے اور اناج بھی ہمیں نقد شرح پر نہیں بیچتے ۔ ہم سے جو قیمتیں طلب کی جاتی ہیں وہ نقد رقم ادائیگی کرنے والے گاہکوں کے مقابلے عام طور پر پچیس یا پچاس فیصد زائد ہوتی ہیں...ہمارے کھیتوں کی پیداوار بھی ساہوکار لے جاتے ہیں جس کو اٹھاتے وقت وہ ہمیں یقین دلاتے ہیں کہ اس کی قیمت ہمارے کھاتے میں کر دی جائے گی۔ وہ جب ہماری پیداوار لے جاتے ہیں تو ہمیں اس کی رسید دینے سے بھی انکار کر دیتے ہیں۔

3.6 ناانصافی کا تجربہ (The experience of injustice )

مہاجنوں کے ذریعہ قرض دینے سے انکار کرنے پر رعیت غضبناک ہوگی۔ اس کا سبب صرف یہ نہ تھا کہ وہ قرض میں ڈوبے جا رہے ہیں یا اپنی بقائے زندگی کے لیے مہاجنوں پرپوری طرح سے منحصر ہو گئے ہیں بلکہ ان کی اس حالت پر مہاجن پوری طرح بے حس ہو گئے ہیں۔ مہاجن حضرات بھی دیہات کے رواجی معیارات کی خلاف ورزی کر رہے تھے۔ 

وضاحت کیجیے کہ رعیت اپنی عرجدشت میں کیا شکایت کر رہی ہے۔ مہاجنوں کے ذریعہ کسان سے لی گئی فصل اس کے کھاتے میں کیوں نہیں رقم کی جاتی تھی؟ کسانوں کو کسی قسم کی کوئی رسید کیوں نہیں دی جاتی تھی؟ اگر اپ مہاجن ہوتے تو ان معمولات کے لیے کیا وجایات پیش کرتے؟

سود پر قرض دینے کا کاروبار یقینی طور پر نو آبادیاتی حکومت سے قبل ہی کافی پھیل چکا تھا اور مہاجن اکثر طاقتور افراد ہوتے تھے۔ مختلف نوعکے رواجی معیار مہاجن اور رعیت کے درمیان رشتوں کو ضبط میں لاتے تھے۔ ایک عام معیار یہ تھا کہ سود کے دام بنیادی سرمایہ سے زیادہ نہیں لیے جا سکتے۔ اس کا مطلب مہاجن کے ذریعہ جبراً وصولیابی کو محدود کرنا اور یہ واضح کرنا تھا کہ " معقول سود" میں کیا شمار کیا جاسکتا تھا۔ نو آبادیاتی حکومت کے تحت ییہ معیار ختم ہو گئے ۔ دکن رائٹس کمیشن کے ذریعہ تحقیق کیے گئے بہت سے معاملوں میں سے ایک میں مہاجن نے 100روپئے قرض پر 2,000روپئے سے بھی زیادہ سود کی شرح لگارکھی بھی۔ یکے بعد دیگر کے عرضداشت میں رعیت نے اس طرح کی جبراً وصولیابی اور رواج کی خلاف ورزی کے متعلق ناانصافی کی شکایت کی تھی۔

کرایہ کی دستاویز (کرایہ نامہ) (Deeds of hire)

جب کسان پر قرض کا بوجھ زیادہ بڑھ گیا تو وہ مہاجن کو قرض کی ادائیگی کرنے سے معذور ہو گیا۔ اس کے پاس مہاجن کے پاس اپنی تمام ملکیت --زمین ، بیل گاڑیاں اور مویشی دینے کے علاوہ کوئی متبادل نہ تھا لیکن مویشی کے بغیر وہ زراعت جاری کیسے رکھ سکتا تھا۔ اس لیے اس نے زمین اور مویشی کرائے پر لے لیے ، اب اسے ان مویشیوں کے لیے جو بنیادی طور پر اس کے ہی مال و اسباب تھے ، رقم ادا کرنا پڑتی تھی۔ اسے ایک کرایہ ناکہ لکھنا پڑتا تھا جس میں واضح طور پر تحیری ہوتا تھا کہ یہ مویشی اور بیل گاڑیاں اس کی ملکیت نہیں ہیں۔ تصادم کی صورت میں یہ دستاویز عدالت کے ذریعہ نافز کرائی جا سکتی تھی۔ 

ذیل میں ایک دستاویز کا متن دکن فساد کمیشن کے ریکارڈ سے پیش کیا جا رہا ہے جس پر رنومبر 1873 میں ایک کسان نے دستخط کیے تھے:

میں نے اپ کو واجب الادا قرض کے کھاتے میں اپنی باربرداری کی لوہے کی دھروں والی دو گاریاں ، ان کے سازوسامانن اور چار بیلوں کے ساتھ فروخت کی ہیں...میں نے اس دستاویز کے تحت ان ہی دوگاریوں اور چار بیلوں کو آپ سے کرایہ پر لیا ہے۔ میں ہر ماہآپ کو دارروپئے فی ماہ کے حساب سے ان کا کرایہ دوںگا اور آپ سے اپ کی دستی تحریر شدہ رسید حاصل کروں گا۔ رسید کی عدم موجودگی میں یہ بحث نہیں کروں گا کہ کرایہ ادا کر دیا گیا ہے۔

ان سبھی وعدوں (پابندیوں) کی فہرست تیار کیجیے جو کسان اس دستاویز میں دے رہا ہے۔ اس طرح کی کرایہ دستاویز کسان اور مہاجن کے درمیان رشتوں کے متعلق ہمیں کیا بتاتی ہے؟ اس سے کسان اور بیلوں (جو سابقہ دنوں میں خود اس کے تھے) کے درمیان رشتوں میں کیا تبدیلی آئے گی؟

رعیت مہاجنوں کو پیچ دار اور مکار و رفریبی کے طور پر دیکھنے لگے۔ وہ مہاجنوں کو قانون کو توڑنے اور کھاتوں میں جعل سازی کی شکایت کرتے تھے۔ 1859 میں انگریزوں نے ایک خد بندی قانون (Limitaiton Law)پاس کیا جس میں کہا گیا کہ مہاجن اور ریعت کے درمیان دستخط شدہ معاہدہ صرف تین سالوں کے لیے ہی جائز ہوگا۔ اس قانون کا مقصد طویل عرصے تک سود کو جمع ہونے سے روکنا تھا تاہم مہاجنوں نے اس قانون کو اپنی طرف کر لیا اور رعیت کو مجبور کیا کہ وہ ہر  تیسرے سال ایک معاہدہ پر دستخط کریں۔ جب ایک نئے معاہدہ پر دستخط ہو جاتے تو ادانہ کی گئی بقایا رقم یعنی اسل قرض اور اس پر بننے والا سود بنیادی رقم کی شکل میں درج ہوتا اور اس پر نئے سود کی شرح سے حساب لگایا جاتا۔ دکن رائٹس کمیشن کو وصول شدہ دستاویزوں میں رعیت نے یہ بیان کیا کہ یہ طریق عمل کیسے کام کر رہا تھا(دیکھیے ماخذ 10) اور کس طرح مہاجن رعیت کو جعلسازی (کم واپس کی گئی رقم)کے لیے مختلف قسم کے دیگر ذرائع استعمال کر رہے تھے۔ جب قرض  کی دوبارہ ادائیگی ہوتی تو وہ رسید دینے سے انکار کر دیتے تھے۔ معاہدوں میں فرضی اعداد و شمار داخل کردیتے، کسانوں سے کم داموں میں فصل کر لیتے اور آخر کار کسانوں کی ملکیت پر قبضہ کر لیتے تھے۔ 

دستاویزات اور معاہدے نئے استحصالی نظام کے مظہر کے طور پر سامنے آئے۔ ماضی میں اس طرح کے دستاویزات کم ہوا کرتے تھے۔ تاہم انگریز غیر رسمی افہام و تفہیم کی بنیاد پر جیسا کہ ماضی میں عام تھا، ایسے لین دین کو شک کی نگاہ سے دیکھتے تھے۔ ان کے خیال میں لین دین کی شرائط اقرار ناموں، معاہدوں اور دستاویزوں میں صریح طور پر اور غیر مشروط اندوز میں مقرر ہونے چاہئیں ۔ جب تک کوئی دستاویز یا اقرارنامہ قانونی طور پر قابل نفاذ نہیں ہوگا تب تک اس کی کوئی اہمیت نہیں ہوگی۔

وقت گزرنے کے ساتھ ساتھ کسانوں کی زندگی کی بدبختی و پریشانی معاہدوں اور دستایزوں کے نئے نظام کے ساتھ آئی۔ وہ دستاویزوں پر دستخط کرتے اور انگوٹھے کا نشان لگاتے تھے لیکن یہ نہیں جانتے تھے کہ وہ حقیقتاً کس پر دستخط کر رہے ہیں۔ انھیں ان شرائط کے بارے میں کچھ پتہ نہیں تھا جو مہاجن ان معاہدوں میں داخل کر دیتے تھے۔ وہ تحریر شدہ الفاظ سے ڈرتے تھے لیکن ان کے پاس کوئی دوسری صورت بھی نہ تھی کیو نکہ انھیں بقائے زندگی کے لیے قرض کی ضرورت تھی اور مہاجن قانونی معاہدوں کے بغیر قرض دینے کے لیے راضی نہ تھے۔ 

ماخذ 10

قرض میں اضافہ کیسے ہوا؟(HOW DEBTS MOUNTED)

دکن رائٹس کمیشن کو پیش ایک عرضداشت میں ایک رعیت کی وضاحت درج ہے کہ قرضوں کا نظام کس طرح کام کرتا تھا:

ایک ساہوکار اپنے قرض دار کو ایک معاہسے کے تحت 100روپئے کی رقم 2-3 آنہ فیصد کی ماہانہ شرح پر قرض دیتا ہے ۔ قرض لینے والا اس رقم کو معاہدہ پاس ہونے کی تاریخ سے آٹھ دن کے اندر ادائیگی پر راضی ہو جاتا ہے۔ رقم کی واپسی ادائیگی کے طے شدہ وقت کے تین سال بعد ساہوکار اپنے قرضدار سے بنیادی رقم اور سود ملا کر ایک اور معاہدہ اسی شرح سود سے کرتا ہے اور اسے قرض بے باق کرنے کے لیے 125 دن کی مہلت دیتا ہے۔ تین سال اور 15 دن گزر جانے ے بعد قرض دار کے ذریعہ ایک تیسرا معاہدہ پاس کیا جاتا ہے ...( یہ عمل بار بار دوہرایا جاتا ہے).... 12 سال کے اختتام پر ... ایک ہزارروپئے کی رقم پر کل میزان 2028روپئے 10 آنہ اور تین پیسے ہو جاتا ہے۔ 

سود کی شرح کا حساب لگائیے جو رعیت ان سالوں میں ادا کر رہی تھی۔ 

4۔ دکن رائٹس کمیشن (THE DECCAN RIOTS COMMISSION )

جب دکن میں بغاوت پھیل گئی تو بمبئی کی گورنمنٹ بنیادی طور پر اسے سنجیدگی سے لینے کو رضا مندنہ تھی، لیکن ہندوستان کی حکومت نے جو 857 کی یادوں سے پریشان تھی بمبئی کی حکومت پر دباؤڈالا کہ وہ فسادات کے اسباب کی تحقیق کرنے کے لیے ایک جانچ کمیشن قائم کرے۔ کمیشن نے ایک رپورٹ تیا ر کی جو برطاروی پارلیمنٹ میں 1878 میںپیش کی گئی۔

یہ رپورٹ جسے دکنی فساد رپورٹ کے نام سے منسوب کیا جاتا ہے، مؤرخین کو فساد کا مطالعہ کرنے کے لیے مختلف ماخذ فراہم کرتی ہے۔ کمیشن نے ان اضلاع میں جانچ کرائی جہاں فسادات پھیلے ہوئے تھے۔ رعیت، ساہوکاروں اور چشم دید گواہوں کے بیانات قلم بند کیے۔ مختلف علاقوں میں کال گزاری کی شرح قمیت اور شرح سود کے اعداد و شمار جمع کیے اور ضلع مجسٹریٹوں کے زریعہ بھیجی گئی رپورٹوں کا موازنہ کیا ۔ 

اس طرح کے ماخذوں کو دیکھتے ہوئے ہمیں یہ یاد  رکھنا ہوگا کہ وہ سرکاری ماخز ہیں اور واقعات کی ترجمانی کے متعلق سرکاری تشویش کو منعکس کرتے ہیں۔ مثال کے طور پر دکن رائٹس کمیشن سے خاص طور پر یہ رائے ظاہر کرنے کے لیے کہا گیا کہ سرکاری مال گزاری کے مطالبہ کی سطح بغاوت کا سبب تھی۔ تمام شہادتیں پیش کرنے کے بعد کمیشن نے یہ رپورٹ دی کہ سرکاری مطالبہ کسانوں کے غصہ کا سبب نہیں تھا۔ یہ مہاجن ہی تھے جو ناراضگی کا سبب بنے تھے۔ یہ دلیل تو آبادیاتی ریکارڈوں میں اکثر ملتی ہے۔ جس سے ظاہر ہوتا ہے کہ نوآبادیاتی سرکار یہ ماننے کو قطعی تیار نہ تھی کہ عوامی بے اطمینانی سرکاری کا روائی کا سبب تھی۔

سرکاری رپورٹیں تاریخ کو از سر نو تحریر کرنے میں قیمتی ماخذ ہوتی ہیں۔ لیکن انھیں ہمیشہ احتیاط سے پڑھنا چاہیے اور اخبارات، گیر سرکاری رودادوں ، قانونی دستاویزات اور ممکنہ زبانی ماخذوں کی منتخب شہادت و ثبوت کے ساتھ ملا کر پڑھنا (ان کی سچائی کی جانچ کرنا) چاہیے

بحث کیجیے۔۔۔۔۔

آج کل آپ جس علاقے میں رہتے ہیں وہاں پر لی جانے والی شرح سود کی جانچ پڑتال کیجیے اور معلوم کیجیے کہ شرح سود گزشتہ 50 سالوں میں تبدیل ہوئی یا نہیں۔ مختلف گروپوں ے افراد کے ذریعہ ادا کی گئی شرح سود میں کیا کوئی اختلاف ہے؟ ان  اختلافات کے کیا اسباب ہیں؟

ٹائم لائن

1765 انگریز ایسٹ انڈیا کمپنی نے بنگال کی دیوانی حاصل کی 

1773 ایسٹ انڈیا کمپنی کی سرگرمیوں کو منضبط کرنے کے لیے برطانوی پارلیمنٹ ے ذریعہ ریگولیٹنگ ایکٹ پاس کیا گیا

1793 بنگال میں استمراری بندوبست کا نفاذ

1800 سنتھال راج محل کی پہاڑیوں کی طرف آنے لگے اور یہاں آباد ہونے لگے۔

1818 بمبئی میں پہلے مال گزاری بندوبست کا آغاز

1820 زرعی قیمتوں میں کمی کی شروعات

1840-50 بمبئی دکن میں زرعی توسیع کا سست عمل

1855-56 سنتھال بغاوت

1861 کپاس میں گرم بازاری کی شروعات

1875 دکن کے گاؤ میں رعیت کی بغاوت

شکل 10.20

ایک دیہی منظر ولیم پر نسیپ کے ذریعہ بنائی گئی تصویر ، 1820

100 سے 150 لفظوں میں جواب دیجیے 

1۔ دیہی بنگال کے بہت سے علاقوں میں جوت دار  ایک طاقتور شخصیت کیوں تھے؟

2۔زمین دار افراد اپنی زمین داریوں میں کس طرح کنٹرول بنائے رکھتے تھے؟

3۔ پہاڑی لوگوں نے باہری لوگوں کے آنے پر کس طرح کا ردِعمل ظاہر کیا؟

4۔ سنتھا ل نے برطانوی حکومت کے خلاف بغاوت کیوں کی ؟

5۔ دکن کی رعیت کے مہاجنوں کے خلاف غصہ کی وجوہات کیا ہیں۔

مندرجہ ذیل پر ایک مختصر مضمون (تقریباً 250 سے 300 الفاظ پر مشتمل ) لکھیے:

6۔ استمراری بندوبست کے بعد بہت سی زمین ساریاں کیوں نیلام کر دی گئیں ؟

7۔ کن معنوں میں پہاڑی لوگوں کاذریعہ معاش سنتھالوں سے مختلف تھا؟

8۔ مریکی خانہ جنگی نے کس طرح ہندوستان میں رعیت کی زندگی کو متاثر کیا؟

9۔ کسانوں کی تاریخ لکھنے کے تعلق سے سرکاری ماخذ کے استعمال میں کیا شکایات آتی ہیں؟

نقشہ کا کام

10۔ بر صغیر کے نقشے کے خاکے پر اس باب میں مذکورہ علاقوں کی نشاندہی کیجئے اور پتہ لگائیے کہ کیا ایسے بھی دیگر علاقے تھے جہاں استمراری بندوبست اور رعیت داری نظام رائج تھا۔ ایسے علاقے کو بھی نقشوں پر دکھائیے۔ 

پروجیکٹ (کوئی ایک)

11۔ فرانسس بکانن نے مشرقی ہندوستان کے بہت سے اضلاع کے متعلق رپورٹیں شائع کی تھیں۔ ان میں سے کوئی رپورٹ پڑھیے اور اس باب میں زیرِ بحث موضوع پر توجہ مرکوز کرتے ہوئے دیہی سماج کے متعلق دستیاب اطلاعات کو جمع کیجیے۔ ایسے متون کا ستعمال مؤرخین کس طرح کر سکتے ہیں ان طریقوں پر روشنی ڈالیے۔ 

12۔ آپ جس علاقے میں رہتے ہیں وہاں کی دیہی کمیونٹی کے اندر موجود بزرگوں سے بات کیجیے اور ان کھیتوں پر جائیے جن کو وہ جوتتے ہیں۔ معلوم کیجیے کہ وہ کیا پیدا کرتے ہیں ۔ وہ اپنی معاش کس طرح کماتے ہیں، ان کے والدین کیا کرتے ہیں، ان کی اولاد اب کیا کرتی ہیں اور گزشتہ 75 سالوں میں ان کی زندگی میں کیا تبدیلیاں واقع ہوئیں۔ اپنی تحقیقات کی بنیاد پر ایک رپورٹ لکھیے۔ 

مزید معلومات کے لیے ان کتابوں کا مطالعہ کیجیے:

سکاتابوس 1986 اگریرین بنگال ، کیمبرج یونیورسٹی پریس، کیمبرج

فرانس بکانن، 1930، جنرل آف دی فرانس بکانن کیپٹ ڈیورنگ دی سروے آف دی ڈسٹرکٹ آف بھاگل پورسپرٹنڈنٹ، گورنمنٹ پرنٹنگ ، بہار اور اڑیسہ ، پٹنہ

 رام چندر گوہا، 1989 دی ان کوئٹ وڈس: ایکولوجیکل چینج اینڈ پیزنٹ ریسسٹنز دی ہمالیاز، آکسفورڈ یونیورسٹی پریس، نئی دہلی

سمیت گوہا 1985 دی اگریرین اکنامی آف دی بومبے دکن 1818-1941 ،  آکسفورڈ یونیورسٹی پریس، نئی دہلی

دویندر کمار، 1968 ویسٹرن انڈیا ان دی نائنٹینتھ سنچری: اے اسٹڈی ان دی سوشل ھسٹری آف مہاراشٹرا، رولیٹج اینڈ کیگان پال ، لندن

رتنا لیکھا رائے، 1979 چینج ان بنگال اگریرین سووائیٹی ، اپروکس 1760-1850 منوہر ، نئی دہلی

کمار سریش سنگھ، 1966، ڈسٹ-اسٹروم اینڈ دی ھینگنگ مسٹ: اےاسٹڈی آف ہرسا منڈا اینڈ ھزمومنٹ ان چھوٹا ناگپور، (1874-1901) فرماکے ۔ ایل۔ مکھوبادہیائے، کولکاتہ